داستر 2012

[pppay]

"stonecoldmido5"

جزاك الله خيراً ، ردود موفية ، استفدت حقاً بها

[stonecoldmido5]

ليا الشرف شكرا لحضرتك

[mokh21]

أستاذي ممكن اعرف اشتريتها من فين علشان روحت التوكيل قالوا تحجز وتوصلك بعد شهرين ثلاثه حضرتك جبتها من التوكيل ولا من بعيد عن التوكيل الكلام ده من شهر تقريبا وانا ان شاء الله ناوي على اعلى فئة بس ياريت اعرف اقصي سرعه مشيت بيها على الطريق كانت كام وثباتها في السرعه دي كان ازاي واقصي وقت مشيت بيه بالسيارة كان كام ساعه وعلى الحراره لم تتأثر بطول مدة القياده علشان بصراحه محتاج للسيارة للسفر باستمرار بين المنيا واسكندريه يعني بصفة اسبوعيه تقريبا وآسف جداً للاطاله ومشكور مقدما ومبروك عليك السيارة ويعطيك خيرها ويكفيك شرها

[stonecoldmido5]

أستاذي ممكن اعرف اشتريتها من فين علشان روحت التوكيل قالوا تحجز وتوصلك بعد شهرين ثلاثه حضرتك جبتها من التوكيل ولا من بعيد عن التوكيل الكلام ده من شهر تقريبا وانا ان شاء الله ناوي على اعلى فئة بس ياريت اعرف اقصي سرعه مشيت بيها على الطريق كانت كام وثباتها في السرعه دي كان ازاي واقصي وقت مشيت بيه بالسيارة كان كام ساعه وعلى الحراره لم تتأثر بطول مدة القياده علشان بصراحه محتاج للسيارة للسفر باستمرار بين المنيا واسكندريه يعني بصفة اسبوعيه تقريبا وآسف جداً للاطاله ومشكور مقدما ومبروك عليك السيارة ويعطيك خيرها ويكفيك شرها

مساء الخير ع حضرتك :
اولا : انا اشتريت العربية من المصرية وهي لو متوفرة في اي فرع في الجمهورية هيوفروها لسيادتك , وهي متوفرة برضه عند الطارق .
ثانيا اعلي سرعة جبتها 140 وبصراحة انا سرحت و محسيتش اني ماشي 140 الا لما بصيت ع العداد من كتر الثبات و الهدوء و الله حضرتك مش مبالغة كأني ماشي علي 60 ومفيش اي مشكلة في الملفات لان العربية مش عالية اوي زي التيريوس مثلا .
ثالثا : اقصي مدة مشيت بيها 4 ساعات متواصلة و التكييف شغال ومفيش ي مشاكل و حضرتك متقلقش من نقطة السفر دي لانها اصلا معمولة للمرمطة و البهدلة .
رابعا موضوع الحرارة ده العداد ثابت ولا بينزل ولا بيطلع و نظام عزل الكابينة ممتاز بحيث انه ميدخلش اي هوا سخن داخل كابينة القيادة او تحس باي سخونية من الماتور فمفيش اي قلق من النقطة دي .
و ببساطة اقدر اقول لحضرتك انها احسن عربية ركبتها في حياتي بدون مبالغة .

[mokh21]

ما شاء الله ربنا يحرسك ويحميك ويطمنك زي ما طمنتني أنا نفسي اشتريها من سنه وان شاء الله هشتريها قريب قوي طبعا اللي مع سعادتك ٢٠١٢ مش كده بردوا ومشكور مرة تانيه على اهتمامك

[stonecoldmido5]

ما شاء الله ربنا يحرسك ويحميك ويطمنك زي ما طمنتني أنا نفسي اشتريها من سنه وان شاء الله هشتريها قريب قوي طبعا اللي مع سعادتك ٢٠١٢ مش كده بردوا ومشكور مرة تانيه على اهتمامك

فعلا 2012 و مبروك لحضرتك مقدما , وبالمناسبة طبعا حضرتك عارف ان ترجمة اسم العربية يعني منفضة التراب ده كفاية اسمها

[bakar77]

هوه فيه فرق بين موديلات 2011 و 2012؟
فيه اخت فاضلة هنا بتقول انها سمعت انه فيه زنة فى الموتور بعد الثالث هل حضرتك لاحظت الموضوع ده؟

[stonecoldmido5]

هوه فيه فرق بين موديلات 2011 و 2012؟
فيه اخت فاضلة هنا بتقول انها سمعت انه فيه زنة فى الموتور بعد الثالث هل حضرتك لاحظت الموضوع ده؟

لا تقريبا مفيش اي اختلافات بين النوعين الا في الوان العربية نفسها , وبالنسبة للزنة هو فعلا في زنة بسيطة جدا بسمعها لو متدش كل نقلة حقها و نقلت علي الغيار الي بعده . يعني لازم الار بي ام يوصل لاربعة علشان ادي الغيار اللي بعده . بس هي عموما مش عاملة اي مشاكل .

[Ahmed A Rahman]

انا آسف يا جماعة على التاخير فعلا

بس انا مش فاهم موضوع الزنة دي

تقريبا معنديش حاجه غير شوية صعوبة في الفتيس على الاولاني غير كده لأ

[rodyA113]

لا تقريبا مفيش اي اختلافات بين النوعين الا في الوان العربية نفسها , وبالنسبة للزنة هو فعلا في زنة بسيطة جدا بسمعها لو متدش كل نقلة حقها و نقلت علي الغيار الي بعده . يعني لازم الار بي ام يوصل لاربعة علشان ادي الغيار اللي بعده . بس هي عموما مش عاملة اي مشاكل .

السلام عليكم فعلا انا جربتها ولقيت الزنه دي وطلعت علي السريع هي بصراحه محستش بيها الا لما وقفت التكيف وفتحت الزجاج بس مش بسيطه جدا او احتمال انا اللي كنت مركزه قوووي بس حسيتها علي 80 وملحظتش الار بي ام ممكن الحظها المره اللي جايه واقول لحضراتكم بس هي فعلامعملت مشاكل الا الزنه دي ومنتظرين راي د عبد الرحمن يفدنا او يفسرلنا الموضع ده وتاثيره وخصوصا احنا بنات مش هنفهم الخطا قوي منين وميرسي لحضرتك كتير