جولة فى معرض أتوماك بصحبة العقيد خالد....

[Hany Saad]

u r my hero :b4_388:

ال c5 كان منى عينى أركبها....بس لما قعدت فيها حسيت إنى فى عربية ألمانى أكتر بكتير منها فرنساوى
ريحتها ألمانى و ملمس الأشياء و حتى صوت الباب و هو بيتقفل ألمانى.....

وسعت منهم حبتين حكاية مضاهاة الألمانى دى لحد ما أصبحت فعلا ألمانى

عايز أسأل حضرتك سؤالى وجيه...لما طلعت ركبت الميجان ii بعد لقاء عربيات سيتروين...هل حسيت بإنك راكب حاجة أقل أو قديمة و اشتقت لإللى شفته فى المعرض ؟؟؟

هانى باشا....كان طبعا نفسى أتعرف عليك فى المعرض لكن إن شاء الله ملحوقه......

بمنتهى الأمانة من ساعة ما إشتريت الميجان ii ما حسيتش إنى راكب حاجة أقل أو قديمة أبدا بل بالعكس دايما حاسس إنها سابقة عصرها و محافظة على شكلها و قيمتها.......

لكن بصراحة أنا أصلى بحب السفر و الرحلات بالسيارة.....gps و عربية حلوة و مناظر جميلة و إستكشف و لف و إتفرج إنت و الأسرة و بصراحة حسيت إن الc4 البيكاسو بتحقق الموضوع قوى ( طبعا اللى مش حققه فى مصر).....فحسيت إنى لو كنت هشترى حاجة جديدة كانت أكيد هتبقى فى أعلى قائمتى....

يا ريت بس عز العرب يقدر الجواهر اللى معاه و يهتم بالصيانة و خدمة ما بعد البيع و إنتشار العربية......

[ecybrarian]

جولة مع العقيد خالد!!! يا بختك :-)
شكرا على التقرير

[chato_eg]

هانى باشا....كان طبعا نفسى أتعرف عليك فى المعرض لكن إن شاء الله ملحوقه......

أنا كمان كان نفسى أبقى موجود..بس تتعوض قريب إن شاء الله

بمنتهى الأمانة من ساعة ما إشتريت الميجان ii ما حسيتش إنى راكب حاجة أقل أو قديمة أبدا بل بالعكس دايما حاسس إنها سابقة عصرها و محافظة على شكلها و قيمتها.......

أنا كمان.....
قابلت واحد أعرفه فى المعرض و بعدين بعد لفة مطولة جدا فى المعرض خرجنا سوا و ركبنا ميجو..فبيقول لى ..ها مش عايز تغير...فقلتله ..قول لى على حاجة فى أى عربية من إللى شفناهم جوة فى نفس الفئة و مش موجودة هنا....ده غير كذا و كذا و قعدت أعدد فى محاسن ميجو....
احنا سعداء الحظ إن قدر لينا نركب العربية دى...يمكن أقرب مثال للحالة دى مع السيتروين DS فى الخمسينات

أى عربية ركبتها حتى ال BMW 528 مش مبهرة للدرجة ( طبعا مع مراعاة فارق السعر ) إللى تحسسنى بإنى راكب عربية أقل....كفاية ال excellent driving position...

للأسف لسه ما ركبتش عربية انجليزى...بس فاكر زمان أتيحت ليا الفرصة فى ركوب ساب السويدى...لسه معلمة فى دماغى بعد مرور أكتر من 12 سنة....

جربت القعدة فى الفولفو الجديد....مش جذابة أوى....نضيفة أوى....بس مالهاش شخصية قوية تميزها كتير عن الألمانى

لكن بصراحة أنا أصلى بحب السفر و الرحلات بالسيارة.....gps و عربية حلوة و مناظر جميلة و إستكشف و لف و إتفرج إنت و الأسرة و بصراحة حسيت إن الc4 البيكاسو بتحقق الموضوع قوى ( طبعا اللى مش حققه فى مصر).....فحسيت إنى لو كنت هشترى حاجة جديدة كانت أكيد هتبقى فى أعلى قائمتى....

للأسف مصر لا تشجع على كده...لولا ميجو كان الواحد ما خرجش من بيته

[momo10000]

جولة مع العقيد خالد!!!

عيب والله .... دي اسمها خيااااااااااااااااااااااااااااااااااانه

واوعي تقولي انها مشروعه ....

[Hany Saad]

عيب والله .... دي اسمها خيااااااااااااااااااااااااااااااااااانه

واوعي تقولي انها مشروعه ....

برىء يا بيه...............

[chato_eg]

عيب والله .... دي اسمها خيااااااااااااااااااااااااااااااااااانه

واوعي تقولي انها مشروعه ....

طيب ما تيجى نصحح الوضع و ناخد العقيد خالد و الوحوش و نطلع على اسكندرية

[ecybrarian]

يا هندسة نطلع بهم كافية جراند ليموزين الأول وبعدين نطلع اسكندرية..بس انا راشق في اي مشوار..دا حتى القائد منفض لي في التليفونات

[farahat]

طيب ما تيجى نصحح الوضع و ناخد العقيد خالد و الوحوش و نطلع على اسكندرية

دة كدة بقى أنا إلي هقول خياااااااااااااااااااااانة :)

وخيانة عظمى كمان .. Royal :))

[chato_eg]

يا هندسة نطلع بهم كافية جراند ليموزين الأول وبعدين نطلع اسكندرية..بس انا راشق في اي مشوار..دا حتى القائد منفض لي في التليفونات

يا ريت نتقابل فعلا..بقى لنا كتييير ما شفناش بعض

دة كدة بقى أنا إلي هقول خياااااااااااااااااااااانة :)

وخيانة عظمى كمان .. Royal :))

رجعت بالسلامة و لا لسه ؟؟؟

[momo10000]

رجعت بالسلامة و لا لسه ؟؟؟

اصعب سؤال ممكن تلاقيلو اجابه .... اين فرحات الان؟؟؟؟؟؟؟؟؟؟؟

[farahat]

اصعب سؤال ممكن تلاقيلو اجابه .... اين فرحات الان؟؟؟؟؟؟؟؟؟؟؟

شنطتي على كتفي وسواح في أي مكان بيعملوا فيه عربيات :))

[Hany Saad]

U R my Hero

ال C5 كان منى عينى أركبها....بس لما قعدت فيها حسيت إنى فى عربية ألمانى أكتر بكتير منها فرنساوى
ريحتها ألمانى و ملمس الأشياء و حتى صوت الباب و هو بيتقفل ألمانى.....

وسعت منهم حبتين حكاية مضاهاة الألمانى دى لحد ما أصبحت فعلا ألمانى

عايز أسأل حضرتك سؤالى وجيه...لما طلعت ركبت الميجان II بعد لقاء عربيات سيتروين...هل حسيت بإنك راكب حاجة أقل أو قديمة و اشتقت لإللى شفته فى المعرض ؟؟؟

أستاذ هانى.....

أنا لقيت مواصفات البيكاسو الC4 ال5 راكب....شوف كده و قارنها مع سعرها و مستنى أسمع تعليقك....


CITROËN C4 Picasso 5 Seats Exclusive
Capacity (cc.) : 1598 THP - Petrol Acceleration 0 to 100 Km/h : 9.4 sec’s
Cylinders /valves: 4/16 (variable timing) Top speed (Km/h) : 203
Gear Type: 6 Gear EGS Tank Capacity (Liters) : 60
Power (HP/RPM) : 155/6000 Boot Size (Liters) : 500 -1734
Torque (Nm/Rpm) : 240/1400 Weight(Kg) : 1644
Fuel Consumption (L/100Km.) : 6.9
The vehicle is equipped with the following items:
• Gearshift paddles and mode selector on steering column
• Automatic air condition (Zones Climate Control)
• Chilled box
• 6 Air-Bags
• ABS / ESP with traction control / EBD / EBA
• Sport leather multifunction steering wheel
• Cruise control & speed Limiter
• Bluetooth
• Electric variable assisted steering
• Tilt steering wheel (Absorb front impact)
• 4 Electric windows one touch with children safety lock
• Electric fold-in mirrors with direction indicators
• Automatic headlamp illumination
• Electric adjustment for front head lamp beam light
• Front & rear fog Light
• Rear dark tinted glass & side sunblind (2nd Row)
• Central lock with remote control & automatic locking when car in motion
• Lighting package (Guide me home function)
• Radio CD MP3 + USB + Aux
• Front & rear 12V Socket & Rechargeable Torch
• Digital speedometer & on-board trip computer with maintenance indicator
• Automatic rear wiper with reverse gear
• Electric hand brake
• Front adjustable comfort seats with hand-rest
• Aircraft-style trays for the rear passenger with cane holder
• Adjustable three rear seats with the same width & can be folded
• Rear parking sensors
• Storage bins located under the floor infront of the rear seats
• Super wide angle windscreen
• 16’ Sports alloy wheels Managua style with wheel lock (215/55/R16) Michelin
• 16’ Spare wheel
• Rear spoiler with stop light
Exterior Colour : Noir ONYX
Total Price Including Options: 184,800 EGP.

[ahmadm]

منكم لله يا رجالة

و الله انا اصلا فضلت اتعالج من ال c4 بعد المعرض كذا يوم و احاول انسى الذهول و الابهار اللى حصللى لما ركبتها دة بعد الاغمائة اللى حصلتلى من ال c5 يا جماعة العربية دية ليها شخصية مميزة الا و هى انها مش شبه اى عربية تانية خالص ولا من برة ولا من جوة كل حاجة جديدة ما ينفعشى تقول دية فوانيسها شبة كذا او التبلوة شبة حاجة تانية بجد نفسيتي تعبت منها و الحمد لله قلت لا يا ابو حميد مش هانقدر عليها يا حبيبي دية محتاجة يكون عندك حتة باسات و دية تيجي عليها تساعد فى المشاوير الخفافى كدة و تركنها كدة زاى القطة انما تحط فيها 165 الف و لو جيت تبيعها كمان 5 سنين تتباع ب 70 بس لا كدة اتشللللل و يا سلام لو التوكيل قرر يشيلها من دماغو و هى مش منتشرة و التجار مش هايجيبولها قطع غيار مممم دة يبقى خازوق العمر بجد
المشكلة انكم صحيتو الموضوع تانى و دماغى لعبت و ربنة يستر