عيوب الداستر من وجهة نظر ملاكها

[الصيداح]

طيب والله عايزين نفعل الموضوع ده بجدية
أراء بقية الشباب

[bebo2000]

شكراً يا شباب الله يسلمكم جميعاً
بجد العربية ما شاء الله كل يوم اقتناعى بيها بيزيد
أنا رحت جينز كار واخترت الألوان وان شاء الله قريب هارفع الصور لما أركبه الفرش الجديد
الحاج أحمد شعلان إنسان أكثر من رائع وتحس انه بيخاف على الشغل بتاعه جداً ودا مش مجرد شغل وخلاص هو متقن ومحترف عن جد
وفى أفكار اتكلمنا فيها خاصة فكرة الكاوتش اللى عند عتب الباب وان لازم يتغطى حفاظاً عليه وذكر الاستاذ باهر وفكرة المسند وبصراحة أنا حاسس إن شاء الله العربية لما يركب فيه الفرش هاتختلف 180 درجة من جوه

ان شاء الله بعد الفرش مش هاتعرف العربية وهاتحس كانك ركبت عربية تانية وشكل الصالون هايتحسن بنسبك 90% ومش هايفضل غير اماكن زراير الزجاج ودي ال 10% اللى هاتفضل مرخمة عليك شوية لغاية ماتتعود عليها مع الوقت وبعد كدة مش هاتضايقك خالص
وفعلا الحاج/ احمد مشعل راجل قمة في الذوق والاخلاق وشغله واسم جينز كار عنده اهم حاجة في الدنيا وانا في انتظار صور الفرش في اسرع فرصة والف مبروك مقدما

[bebo2000]

طيب والله عايزين نفعل الموضوع ده بجدية
أراء بقية الشباب

انا معاك يا باشا
بس عاوزين ميعاد يكون مناسب للجميع علشان نتقابل كلنا وياريت لو نستنى beeronasrعلشان انتم الاتنين من اوائل محبى الداستر وهو ان شاء الله هايستلم لما ينزل المرة الجاية وتبقى العروسة الجديدة معاه في المقابلة علشان تتعرف برضه على بقيت اخواتها الداسترات

[beeronasr]

انا معاك يا باشا
بس عاوزين ميعاد يكون مناسب للجميع علشان نتقابل كلنا وياريت لو نستنى beeronasrعلشان انتم الاتنين من اوائل محبى الداستر وهو ان شاء الله هايستلم لما ينزل المرة الجاية وتبقى العروسة الجديدة معاه في المقابلة علشان تتعرف برضه على بقيت اخواتها الداسترات

تسلملى يا كبير و اللة - و ان شاء اللة نلتقى على خير

[gogo2012]

ياريت يكون المقابله فى الاسكندريه

[الصيداح]

جميل جدا

خلاص أنا هعمل موضوع منفصل يا ريت الكل يشارك فيه ونتفق على مكان نتقابل فيه
أعتقد صعب يكون في الإسكندرية
ويكون يوم 20-4-2012 بحيث أخونا الغالي beeronasr يكون وصل بالسلامة
يوم 20 هيكون يوم جمعة علشان يكون الكل فاضي ما رأيكم
؟

أعمل الموضوع على كدة؟

[ahroshdy]

هايل يا شباب أنا موافق على فكرة الموضوع المنفصل ومبدأيا يوم الجمعة 20-4 تمام معايا لو فى القاهرة اما اسكندرية اقترح يكون الجمعة التالية عشان إن شاء الله هكون هناك

[beeronasr]

توكل على اللة يا مسيو صيداح - مباردة جميلة جدا

[stonecoldmido5]

فكرة هايلة طبعا يا استاذ صيداح بس و انا اكيد خسران اللقاء ده لاني مش هاقدر اقابل شخصيات محترمة زي سيادتكم بس و الله انا مشغول شوية في رسالة الماجيستير و ادعوا من كل قلبي لحضراتكوا بالتوفيق و افادة جميع الاعضاء المحترمين , معلهش انا كنت عايز اسأل سيادتكم و انا مسافر حاولت اعدي سرعة 160 ملاقيتش اي استجابة من دواسة البنزين و حالفة انها متكسرالسرعة دي فهل ده عادي ولا محدش جرب ؟؟؟؟؟

[beeronasr]

فكرة هايلة طبعا يا استاذ صيداح بس و انا اكيد خسران اللقاء ده لاني مش هاقدر اقابل شخصيات محترمة زي سيادتكم بس و الله انا مشغول شوية في رسالة الماجيستير و ادعوا من كل قلبي لحضراتكوا بالتوفيق و افادة جميع الاعضاء المحترمين , معلهش انا كنت عايز اسأل سيادتكم و انا مسافر حاولت اعدي سرعة 160 ملاقيتش اي استجابة من دواسة البنزين و حالفة انها متكسرالسرعة دي فهل ده عادي ولا محدش جرب ؟؟؟؟؟

يا باشا اللة يخليك ما تعديش ال 140 و لا حتى ال 120 فى طريق السفر - اللى بشوفة على الطريق خلانى معديش ال 120 بأى حال من الاحوال - و ربنا يستر طريقنا جميعا و مش عاوزين الداستر تعدى ال 160 ابدا

[stonecoldmido5]

علي فكرة يا جماعة تكلفة صيانة 10 الاف وصلت 670 جنية لسه عامل الصيانة امبارح وكنت بسأل عن سعر حاجة صغيرة كده وهي طبة الجنط البلاستيك و لاقيت الواحدة 80 جنية ؟؟؟؟؟ و مفتاح الماستر كان ضاع مني وبسأل علي سعره مع تغيير شفرة الموتور علي المفتاح الجديد وصل الموضوع ل 1000 جنية . وخفت اسأل ع بقية قطع الغيار احسن ما اقع منهم ولا حاجة انا عارف ان قطع غيار رينو غالية بس مش كده ده انا سألت ع تفاهات ربنا يستر في التقيل .

[bebo2000]

علي فكرة يا جماعة تكلفة صيانة 10 الاف وصلت 670 جنية لسه عامل الصيانة امبارح وكنت بسأل عن سعر حاجة صغيرة كده وهي طبة الجنط البلاستيك و لاقيت الواحدة 80 جنية ؟؟؟؟؟ و مفتاح الماستر كان ضاع مني وبسأل علي سعره مع تغيير شفرة الموتور علي المفتاح الجديد وصل الموضوع ل 1000 جنية . وخفت اسأل ع بقية قطع الغيار احسن ما اقع منهم ولا حاجة انا عارف ان قطع غيار رينو غالية بس مش كده ده انا سألت ع تفاهات ربنا يستر في التقيل .

stonecoldmido5 انا معاك انه مبلغ بس لازم برضه نحط في اعتبارنا ان الصيانة كل 10000كلم وان صيانة ال5000 مجانا
يعنى انا مع الافيو كانت الصيانة كل 5000كلم واقل حاجة دفعتها في صيانة كانت 260 جنيه او حاجة قرب كدة ومفيهاش تغيير زيت كمان لكن مع الداستر انت دفعت 670 جنيه فيهم زيت 10000 ده لوحده مش اقل من 300 جنيه وكلنا عارفين اسعار الزيت عاملة ايه دلوقت وخصوصا انها بتاخد فوق ال 4 لتر يعنى الزيت فوق ال 300 جنيه كمان
يبقى الصيانة بعد خصم ثمن الزيت ب 370 جنيه كل 10000كلم يعنى بالقسمة على 2 يدينا 185 جنيه كل 5000كلم واظن ده سعر كويس جدا مقارنة بالافيو واغلب الكوري ولا ايه رأيكم ؟؟؟

[bebo2000]

احب اضيف ان سعر الطاسة بتاعة الافيو في التوكيل الواحدة ب 220 جنيه
يا عزيزي كل التوكيلات في مصر بيسرقونا عيني عينك بس تتسرق وانت معاك اوروبي احسن ما تتسرق وانت معاك كوري " اسئلنى انا مدوباهم اتنين "

[stonecoldmido5]

احب اضيف ان سعر الطاسة بتاعة الافيو في التوكيل الواحدة ب 220 جنيه
يا عزيزي كل التوكيلات في مصر بيسرقونا عيني عينك بس تتسرق وانت معاك اوروبي احسن ما تتسرق وانت معاك كوري " اسئلنى انا مدوباهم اتنين :c_laugh[1]: "

واللة حضرتك عتدك حق بس ابتديت اقلق بجد علي قطع غيار العربية دي لو لا قدر اللة حصل اي حاجة ملهاش اي حاجة في السوق هنضطر نلجأ للوكيل وساعتها بالاسعار دي يبقي هبل يعني حضرتك كنت تقدر تشتري الطاسة اكيد من برة الوكيل بسعر اقل كتير .

[beeronasr]

بس يا رجالة عندى سؤال مهم: هل فعلا لو حصل لا قدر اللة أى حاجة فى العربية - هل كل قطع الغيار متوفرة فى التوكيل (بغض النظر عن السعر و بأمر واقع انة مافيش برة التوكيل) ولا انهم لسة هيبعتوا يجيبوها من برة و يحنطوا العربية عندهم شهرين و لا حاجة؟