ياريت ملاك الفلوانس يفيدونى

[midobond]

انا مقبل على شراء عربية زيرو قريب ان شاء الله و هتكون اول عربية زيرو ليا ان شاء الله عشان كده انا محتار جدا جدا
شفت الفلوانس و شدتنى ليها رغم انى شاب يعنى كنت عاوز شكل ثورى كده بمعنى اصح بس والدى هيجيب العربية انا هبقى اكتر واحد بستخدمها بس برضه تنفع للعيلة كلها عشان كده استبعدت الجوك و الكارينز برضه
عموما اسف للاطالة بس حبيت احطكم فى الصورة معايا
انا لو هجيب الفلوانس هجيبها فئة ال150,000 ان شاء الله ف عاوز اعرف من ملاك العربية شوية حاجات كده
1- الفئة تزيد ايه عن فئة ال142000
2- ايه هى المشاكل اللى بتواجه ملاك العربية بوجه عام
3- التكيف اخباره ايه معاكو ف الحر ده ناس بتقول تلاجة و ناس تانى بتقول زفت المروحة اجدع منه
4- السحب مع التكيف ايه ظروفه لان السحب اصلا من غير تكييف مش جامد يعنى
5-انا قريت كذا مشاركة من الاعضاء يقولك العربية لسة معملتش 500 كم و تطلعله مشاكل خزعبلية كده check gearbox & check engine & check الجن الازرق :D
انا بصراحة قلقان من الموضوع ده لانى لو جبت العربية و حصل فيها كده الحاج هيعتبرنى مفسد ف الارض و يقيم عليا الحد :D
6-نتشة الفتيس دى مؤثرة على الاداء او ملحوظة بوجه عام للسائق ولا لا
7- مدى اعتمادية العربية و قلة اعطال العربية بوجه عام يعنى ايه الكلام فيه

[shawkylotfy]

خليك فى كوريا الجنوبية احسن

[midobond]

خليك فى كوريا الجنوبية احسن

طيب ليه بتقول كده؟؟؟
انا كان معايا نوبيرا و الفكرة انى عاوز احس انى اتنقلت نقلة بجد
يعنى قصدك ان الفلوانس مش هتلبى احتياجاتى اللى انا قلت عليها دى؟؟؟

[yalahwy2010]

شوف المشاركة دى

http://www.nilemotors.net/Nile/147081-a-125.html

[midobond]

انا شفتها قبل كده بس بصراحة كمية صفحات غريبة غير ان معظمها خناقات بين مشجعين الكورى و مشجعين اليابانى و مشجعين الاوروبى :d قلت اشوف ف الموضوع هنا ناس فاهمة ترد عليا

[midobond]

ايه يا جماعة كل دى مشاهدات و مفيش للاسف ردود مفيدة؟؟ هم ملاك الفلوانس اختفوا ولا انا اللى بسأل على عرربية بات مان مثلا محدش عارف عنها حاجة:d

[MARTINDALE]

انا مقبل على شراء عربية زيرو قريب ان شاء الله و هتكون اول عربية زيرو ليا ان شاء الله عشان كده انا محتار جدا جدا
شفت الفلوانس و شدتنى ليها رغم انى شاب يعنى كنت عاوز شكل ثورى كده بمعنى اصح بس والدى هيجيب العربية انا هبقى اكتر واحد بستخدمها بس برضه تنفع للعيلة كلها عشان كده استبعدت الجوك و الكارينز برضه
عموما اسف للاطالة بس حبيت احطكم فى الصورة معايا
انا لو هجيب الفلوانس هجيبها فئة ال150,000 ان شاء الله ف عاوز اعرف من ملاك العربية شوية حاجات كده
1- الفئة تزيد ايه عن فئة ال142000
2- ايه هى المشاكل اللى بتواجه ملاك العربية بوجه عام
3- التكيف اخباره ايه معاكو ف الحر ده ناس بتقول تلاجة و ناس تانى بتقول زفت المروحة اجدع منه
4- السحب مع التكيف ايه ظروفه لان السحب اصلا من غير تكييف مش جامد يعنى
5-انا قريت كذا مشاركة من الاعضاء يقولك العربية لسة معملتش 500 كم و تطلعله مشاكل خزعبلية كده check gearbox & check engine & check الجن الازرق :d
انا بصراحة قلقان من الموضوع ده لانى لو جبت العربية و حصل فيها كده الحاج هيعتبرنى مفسد ف الارض و يقيم عليا الحد :d
6-نتشة الفتيس دى مؤثرة على الاداء او ملحوظة بوجه عام للسائق ولا لا
7- مدى اعتمادية العربية و قلة اعطال العربية بوجه عام يعنى ايه الكلام فيه

1 - بارك سينسور وانوار زينون.
2- سعر اعاده بيع سئ نسبيا - سحب اضعف من الكوري .
3- لا كويس بس مش ثلاجه .
4- طبيعي هيضعف مع التكييف بس لو انت سواقتك هاديه مش هتفرق.
5- انا متابع القسم من حوالي سنه وما شفتش شكاوي من النوعيه دي ماعدا شكوى من عضو ظهرتله بعد ما غسل العربيه والتوكيل قاله اطفي وشغل وراحت المشكله فعلا .
6- النتشه موجوده لما تطلع فجاءه لكن في السواقه الطبيعيه بتكون زيها زي اي عربيه تانيه ومع الوقت هتلاقي نفسك اتعودت وضبط رجلك ومابقتش تحس بيها.
7- ما اقدرش افيدك في الحته دي بس صدقني كل عربيه وليها ظروفها ((كل عربيه مش كل ماركه)) لان مثلا اخويا جاب النترا 2012 وبعد شهر طلعله فيها عيب كان هيكلفه 17000 وصلحه برا بـ 200 جنيه فده لا يعني ان الانترا وحشه , ولو دخلت قسم الفولكس هتسمع كتير عن مشاكل في الفتيس dsg من الاعضاء وفي نفس الوقت هتلاقي ناس تانيه بتشكر ومش حاسه بحاجه . انت توكل على الله واختار اكتر عربيه ممكن تحقققلك احتياجاتك .

[Waleed_Fathy]

العربيه ما شاء الله عليها ممتازة
و في فرق كبير بينها و بين الكوري فى الركوبة هتلاحظه بشكل كبير لو ركبت العربيتين
طبعا هتحس بنقلة كبيره جدا بينها و بين عربيتك

[midobond]

1 - بارك سينسور وانوار زينون.
2- سعر اعاده بيع سئ نسبيا - سحب اضعف من الكوري .
3- لا كويس بس مش ثلاجه .
4- طبيعي هيضعف مع التكييف بس لو انت سواقتك هاديه مش هتفرق.
5- انا متابع القسم من حوالي سنه وما شفتش شكاوي من النوعيه دي ماعدا شكوى من عضو ظهرتله بعد ما غسل العربيه والتوكيل قاله اطفي وشغل وراحت المشكله فعلا .
6- النتشه موجوده لما تطلع فجاءه لكن في السواقه الطبيعيه بتكون زيها زي اي عربيه تانيه ومع الوقت هتلاقي نفسك اتعودت وضبط رجلك ومابقتش تحس بيها.
7- ما اقدرش افيدك في الحته دي بس صدقني كل عربيه وليها ظروفها ((كل عربيه مش كل ماركه)) لان مثلا اخويا جاب النترا 2012 وبعد شهر طلعله فيها عيب كان هيكلفه 17000 وصلحه برا بـ 200 جنيه فده لا يعني ان الانترا وحشه , ولو دخلت قسم الفولكس هتسمع كتير عن مشاكل في الفتيس dsg من الاعضاء وفي نفس الوقت هتلاقي ناس تانيه بتشكر ومش حاسه بحاجه . انت توكل على الله واختار اكتر عربيه ممكن تحقققلك احتياجاتك .

متشكر جدا لتعبك بس موضوع check gear box ده لقيته ف مشاركة ع المنتدى هنا
و بالنسبة للنتشة دى يعنى نطة جامدة ملحوظة اوى ف العربية ولا ايه بالظبط ممكن توصفهالى؟

[MARTINDALE]

لا نطه ايه هي بالضبط تحسها تحت رجلك نتشه بسيطه ((قطعه)) او كانك دوست على زلطه متوسطه ........... يادوب تكه بتظهر بين الغيار الاول والتاني فقط .

[midobond]

لا نطه ايه هي بالضبط تحسها تحت رجلك نتشه بسيطه ((قطعه)) او كانك دوست على زلطه متوسطه ........... يادوب تكه بتظهر بين الغيار الاول والتاني فقط .

يعنى قصدك ان دواسة البنزين بتحجر تحت رجلك ولا بتفوت يعنى مثلا تدوس بنزين كأنها على ال n

[yalahwy2010]

انا ركبت فانتازيا وسيفك وفلوانس.......وكنت بركز جدا فى موضوع النتشة ده
عايز أقولك انها نفسى النتشة فى ال 3 عربيات.......وده عادى......يعنى مافيش مشكلة
انا كان معايا ميجان 2......وكانت النتشة واضحة جدا ما بين الأول والتانى.......بس فى الفلوانس..........مافيش مقارنة بينها وبين الميجان
تقدر تقول انها زى باقى العربيات الاوتوماتيك
بالنسبة للفلوانس..........عايز أقولك انها ما شاء الله.........لا غبار عليها......توكل على الله وهاتها........ومش هتندم أبدا.......فى فرق فى الركوبة بين الفلوانس واى عربية تانية فى فئتها........يعنى انا بستريح فيها عن الفانتازيا.......الفانتازيا كنزة شوية من قدام......لكن الفلوانس أوسع وبرحة......
خامات الفلوانس من جوة عالية جدا وتقفيلها محترم..........والعزل ممتاز.......وواسعة جدا ......وعالية عن الأرض ..........يعنى انسى المطبات.
العيوب الوحيدة اللى انا شايفها فى الفلوانس........التكييف مش بقوة اليابانى والأوروبى......هو كويس بس بياخد وقت لغاية ما يسقع العربية .....وطبعا ده فى الجو الحر.......يعنى درجة الحرارة بتكون 36 وانت طالع......لكن أقل من كدة ..........التكييف بيبقى كويس
لكن انا عاجبنى جدا السحب بتاعها......تتفوق عن الفانتازيا فى طلعتها.....الفلوانس أسرع
وكمان الفلوانس فوق ال 100 بتطير........سحبها فوق الممتاز
فى حاجة كمان لاحظتها .........العربية لما بتشيل 3 ورا......المفروض العربية بتتقل فى السحب...........الموضوع ده مش موجود فى الفلوانس خااااااااااااالص......
لا لا لا ..........العربية ما شاء الله مافيهاش كلام............وتوكل على الله وهاتها بدون تفكير وتردد
بس هات الفئة الكاملة خالص فتحة سقف او الفئة اللى قبليها (تانى فئة اوتوماتيك)

[midobond]

انا ركبت فانتازيا وسيفك وفلوانس.......وكنت بركز جدا فى موضوع النتشة ده
عايز أقولك انها نفسى النتشة فى ال 3 عربيات.......وده عادى......يعنى مافيش مشكلة
انا كان معايا ميجان 2......وكانت النتشة واضحة جدا ما بين الأول والتانى.......بس فى الفلوانس..........مافيش مقارنة بينها وبين الميجان
تقدر تقول انها زى باقى العربيات الاوتوماتيك
بالنسبة للفلوانس..........عايز أقولك انها ما شاء الله.........لا غبار عليها......توكل على الله وهاتها........ومش هتندم أبدا.......فى فرق فى الركوبة بين الفلوانس واى عربية تانية فى فئتها........يعنى انا بستريح فيها عن الفانتازيا.......الفانتازيا كنزة شوية من قدام......لكن الفلوانس أوسع وبرحة......
خامات الفلوانس من جوة عالية جدا وتقفيلها محترم..........والعزل ممتاز.......وواسعة جدا ......وعالية عن الأرض ..........يعنى انسى المطبات.
العيوب الوحيدة اللى انا شايفها فى الفلوانس........التكييف مش بقوة اليابانى والأوروبى......هو كويس بس بياخد وقت لغاية ما يسقع العربية .....وطبعا ده فى الجو الحر.......يعنى درجة الحرارة بتكون 36 وانت طالع......لكن أقل من كدة ..........التكييف بيبقى كويس
لكن انا عاجبنى جدا السحب بتاعها......تتفوق عن الفانتازيا فى طلعتها.....الفلوانس أسرع
وكمان الفلوانس فوق ال 100 بتطير........سحبها فوق الممتاز
فى حاجة كمان لاحظتها .........العربية لما بتشيل 3 ورا......المفروض العربية بتتقل فى السحب...........الموضوع ده مش موجود فى الفلوانس خااااااااااااالص......
لا لا لا ..........العربية ما شاء الله مافيهاش كلام............وتوكل على الله وهاتها بدون تفكير وتردد
بس هات الفئة الكاملة خالص فتحة سقف او الفئة اللى قبليها (تانى فئة اوتوماتيك)

الف شكر حضرتك كده جبت من الاخر
طب بالنسبة لقطع الغيار معمرة ولا ايه غير انى ف اسيوط مش عارف هتعب ولا لا ف قطع الغيار

[yalahwy2010]

الف شكر حضرتك كده جبت من الاخر
طب بالنسبة لقطع الغيار معمرة ولا ايه غير انى ف اسيوط مش عارف هتعب ولا لا ف قطع الغيار

بص انا مش هقول ان قطع الغيار رخيصة......بس مش أغلى من العربيات اللى فى فئتها
يعنى السيفك اللى كانت معايا كان تيل الفرامل ب 660 جنيه.......وبيصفر ومش حلو......لكن الفلوانس ب 450..........
بس الفلاتر رخيصة جدا.......بس بتتغير كل 10000 كم........هى والبوجيهات....بس الأسعار مثلا:-
فلتر الزيت ب 30 جنيه
فلتر الهوا ب 190 بس كل 20000 كم
فلتر البنزين ب 50 جنيه
البوجيهات ب 100 جنيه (كل 10000 كم)
المساعدين الاتنين ب 1200 جنيه
انا شايف انها مش غالية........ومعمرة.......لأن أغل ملاكها ما اشتكوش كتير وهى فى الضمان.......ما عدا مشكلة تقشير الطارة.......ودى حاجة بسيطة جدا والتوكيل المحترم بيغيرها فى الضمان.
بس انت عندك عفشة ناعمة نعوووووووووووومة......فوق الوصف.....
والله العربية دى لو الناس تاخد بالها منها هتنتشر انتشار غير طبيعى.....بس كدة أحسن ....عشان التميز
وقطع غيار الرينو الأصلى عليها ضمان سنة.........يعنى لو اشتريت مساعد وباظ منك .......تقدر تغيره قبل السنة
توكل على الله والعربية هتعجبك جدا..........صاج محمل...ودوكو محترم......(السيفك كان الدوكو بتاعها ضعيف جدا......اى حكة بخربوش ينور)
كماليات تحببك فى العربية (سمارت كى.......العربية أول ما تشوفك تفتح لوحدها :) وأول ما تبعد عنها تقفل الماريات الضم وتقفل السنتر لوحدها.
دا غير الراحة فى الركوب والعزل ...........الخ الخ الخ
كفاية كدة عشان الحسد............ربنا يعفينا

[yalahwy2010]

بالنسبة لموضوع أسيوط..........انا متهيألى فى فرع من توكيل رينو فى أسيوط او سوهاج....انا متأكد