رينو سكالا هل وقف انتاجها

[chap]

اتصلت بوكيل رينو النهاردة قالى ان اتوقف انتاجها ومفيش منها ومش عارفين ممكن تنزل تانى أو لا
خسارة عربية كانت عجبانى فعلا
حرجع للحيرة من تانى وادور على عربية محدش عنده فكرة عربية محترمة فى حدود 90 او 95 الف جنيه متكونش صينى الله يخليكم او اى حد شاف الرينو سكالا فى معرض سيارات

[egyptiandiver]

New Nissan Sunny

[hossam_elwani]

ياراجل انت ربنا بيحبك حد يجيب فى مصر عربيه مش منتشره ويواجه مشكلة قطع الغيار

العربيه دى مابشوفهاش الا نادراً

[chap]

new nissan sunny

والله كنت متردد فى الاول لكن دلوقتى بقت فى دماغى 3 عربيات
هى نيسان صنى الجديدة
و الكيا ريو 1400 سى سى بس مشكلة السحب يعنى مزعجة
واخيرا الاوبترا

[chap]

ياراجل انت ربنا بيحبك حد يجيب فى مصر عربيه مش منتشره ويواجه مشكلة قطع الغيار

العربيه دى مابشوفهاش الا نادراً

ايوه هى مش منتشرة بس بعرف موتورها هى نيسان صنى يعنى قطع غيرها موجودة

[shawkylotfy]

صنى الجديدة او كيا ريو الجديدة الاتنين ممتازيين واعتمادية وتحفة وانا ارجحلك الصنى

[MohammedAladel]

خليك فى صنى الجديدة

[chap]

شكرا لحضراتكم للمشاركه بس ناس كتير مقتنعة بالصنى الجديدة مع انها تصنيع هندى مش ممكن تكون حاجة تقلق شوية الهندى دى
انا لسه مشفتش الصنى الجديدة بس الاوبترا شايفها كويسة برضه
والله حيرة ياشباب لان مش كل يوم الواحد حيجيب عربية

[MohammedAladel]

شوف يا باشا أنا بتشرى ماركة مش بشترى بلد صنع والهند مش قليلة دلوقتى وبعدين تقدر تقول مصنع نيسان بيصنع فى الهند أو بيصنع فى أى بلد كان لكن فى النهاية الجودة هى جودة نيسان المعتادة دى بتبقى عشان الجمارك والعمالة والمواد الخام ودراسات تجارية وحاجات ملهاش دعوى نهائى بجودة التصنيع الآيفون أغلى موبايل فى مصر وأشهر موبايل على مستوى العالم مصنع بالكامل فى الصين فى مصانع فكوكسكون الصينية لكن بتصميم وتخطيط وجودة آبل وسونى نفس الكلام كله عشان يوفر فى تكلفة التصنيع وبنفس الجودة عشان انت متشتكيش من غلاء الأسعار ويبقى فيه تنافس ومع ذلك برضه الحاجة بتجيلنا فى مصر بأغلى من تمنها !!!!!!!!!!!!!!!!!!!!!!

[chap]

شوف يا باشا أنا بتشرى ماركة مش بشترى بلد صنع والهند مش قليلة دلوقتى وبعدين تقدر تقول مصنع نيسان بيصنع فى الهند أو بيصنع فى أى بلد كان لكن فى النهاية الجودة هى جودة نيسان المعتادة دى بتبقى عشان الجمارك والعمالة والمواد الخام ودراسات تجارية وحاجات ملهاش دعوى نهائى بجودة التصنيع الآيفون أغلى موبايل فى مصر وأشهر موبايل على مستوى العالم مصنع بالكامل فى الصين فى مصانع فكوكسكون الصينية لكن بتصميم وتخطيط وجودة آبل وسونى نفس الكلام كله عشان يوفر فى تكلفة التصنيع وبنفس الجودة عشان انت متشتكيش من غلاء الأسعار ويبقى فيه تنافس ومع ذلك برضه الحاجة بتجيلنا فى مصر بأغلى من تمنها !!!!!!!!!!!!!!!!!!!!!!

شكرا ياغالى على التوضيح منك كلامك صح بدرجة كبيرة

متهيالى ان الناس مقتنعة بالنيسان فعلا مشكلتى بانى مش حابب مودها من زمان
اسلم حل هو انى اشوفها فى الحقيقة فى اى معرض سيارات
لو معجبتنيش هيبقى اسيب نفسى لاوبترا وخلاص
شكرا ليكم ياشباب على مشاركتكم الجميلة

[S O P H O S]

صني الجديدة طبعا
وربنا يوفقك للخير ..

[MohammedAladel]

شكرا ياغالى على التوضيح منك كلامك صح بدرجة كبيرة

متهيالى ان الناس مقتنعة بالنيسان فعلا مشكلتى بانى مش حابب مودها من زمان
اسلم حل هو انى اشوفها فى الحقيقة فى اى معرض سيارات
لو معجبتنيش هيبقى اسيب نفسى لاوبترا وخلاص
شكرا ليكم ياشباب على مشاركتكم الجميلة

والله وأنا زى حضرتك مبحبش مود نيسان ولا كمان مود أوبترا بس لو الخيار بين الاتنين دول يبقى صنى عشان العربية معدلين فيها ومطورين فيها شوية أنما الأوبترا من 2002 لحد الوقت دا زى ما هى على ما أعتقد وشكلها كبيرة وقديم وهى أساسا دايو لاسيتى والتطور بتاعها اللى هو شيفورليه كروز أو دايو لاسيتى برضه بس المعدلة غير كدا ان موتور الصنى الجديدة عمالين يشيدوا بإنه موفر فى البنزين و 1500 سى سى وسعرها مناسب قوى لشكلها وإمكانياتها إنما الأوبترا شايف ان سعرها زايد حبة وانت براحتك فى الآخر وبرغم انى لا بحب شكل دى ولا دى ولكن الصنى أفضل شكلا وتصميم جديد وعصرى وفى النهاية كل حاجة ليها سعرها عشان تشترى شكل جذاب ميختلفش عليه اتنين هتدفع أكتر أكيد وربنا يوفقك لما فيه الخير

[MohammedAladel]

بص ع اللنك دا كدا http://www.nilemotors.net/Nile/293649-a.html