اقتراح لم شمل الاسره الرينويه و الميجانويه .

[shaarawy2000]

i ll come in my megane 2 2006 and ana baktare7 yekon el meeting dah fe amarat masr eltare2 el sa7rawy we yareet ye7sal ya gama3a begad

[Ahmed Selim]

بصراحة مكنتش أعرف أن دى محتاجة موافقة من الأدارة !!!

[Sharky]

طب و إيه المشكلة يا جماعة لو إتجمعنا كلنا فى مقابلات المنتدى
و خاصة إنها كمان بتبقى فى مدينة نصر

[Ahmed Selim]

طب و إيه المشكلة يا جماعة لو إتجمعنا كلنا فى مقابلات المنتدى
و خاصة إنها كمان بتبقى فى مدينة نصر

شاركى باشا فينك
بقالك فترة مش باين

لعل المانع خير أن شاء الله

هى طبعاً فكرة ممتازة بس مش للأسف من ساعة لما عرفت بموضوع المقابلات الشهرية و أنا بيبقى عندى مشاوير مهمة أو مسافر لأنها زى ما أنت عارف بتبقى أيام الجمعة

أنا شايف أن مفيهاش مشكلة أن أحنا نتجمع لوحدنا...... ولا أيه ؟

بصراحة أنا شايف أصلاً فكرة أن أغلاق الموضوع لحين عرضه على الأدارة مش صح

أحنا بس عاوزين نتعرف ببعض أكتر بحكم أن أكتر مشاركاتنا فى المنتدى بتكون فى قسم رينو و دى حاجة عادية معتقدتش أنها تكون ليها دخل فى الأدارة خالص

[Sharky]

أولا أنا كنت مشغول علشان عندى زنقة شغل

ثانيا إحنا فى المقابلات الشهرية بننقسم مجموعات برضه يعنى إللى بيعرف جد بيقعد معاه إللى معاه عربية زى التانى بيثغد معاه و كده يعنى

أنا شايف إننا لو خليانا المقابلة مع المنتدى حتبقى أقضل و حتدى فرصة للأعضاء هنا يتعرقوا أكتر مع باقى الأعضاء و المشرفين بدل ما ننعزل مع نفسنا فقط ز لا رأيكو إيه ؟

[Ahmed Selim]

بس يا باشا ده مش معناه أن اللى بيروح المقابلات الشهرية ميروحش تانى

أنا لو ظروفى سامحة مكنتش فوت و لا مقابلة من المقابلات الشهرية :)

[Sharky]

بس يا باشا ده مش معناه أن اللى بيروح المقابلات الشهرية ميروحش تانى

لا طبعا كلامى مش معناه كده خالص

[farahat]

طيب و ليه لأ ؟ ليه منعملش مقابلة لينا و برضه نروح بتاعة المنتدى ، زيادة الخير خيرين (اللي فاضي في أي وقت من الاتنين يحضر بالأمر :) )

[momo10000]

ليك وحشة يا شاركي ....

انا عندي اقتراح يا جماعة ان احنا نتقابل باليل يوم السبت عشان نعرف نتكلم براحتنا

اقتراح التوكيل محترم جدا بس حيبقي الصبح واحنا عايزين نتكلم براحتنا ونقف براحتنا ودة في التوكيل حيبقي صعب شوية.

عشان كدة اعتقد باليل حيبقي افضل و يوم الجمعة او السبت دة بناء علي مواعيد الرجالة.

[farahat]

بس السبت بالليل في ناس بيكون صباح عندها شغل فهتبقى صعبة شوية على بعض الناس و الجمعة الصبح برضه صعبة عشان الصلاه و كدة ،
يبقى فاضل لينا السبت الصبح أو الجمعة بالليل .

[Sharky]

انا صعب عندى موضوع السبت بالليل لكن يوم الجمعة ممكن أو حتى الخميس بالليل

[momo10000]

في حل بديل يا جماعة

احنا من دلوقتي نحدد السبت اللي بعد الجاي هو الميعاد يعني يوم 5/7 ، عشان كل واحد يرتب نفسة من دلوقتي علي الميعاد دة وتحديد الساعه حيكون لاحقا

اية الكلام ؟؟؟

[Ahmed Selim]

أنا أن شاء الله مفيش مشكلة معايا السبت الجاى واللى بعده كمان بس يا ريت يكون الميعاد قبل ما الدنيا تضلم عشان أنا هجيب معايا عدة التصوير ونتصور صور جماعية جنب العربيات
أيه رأيكم ؟

[akram2025]

والله كان نفسي ابقى معاكوا بس ظروف وجودي في الغردقة هتمنعني..

و أكيد فكرة هايلة.....

[Ramy_Tantawi]

السلام عليكم يا جماعه .

الأول آسف جداً اني فوت المناقشه دي معاكم والله كان في ظروف ولسه راجع من بره حالاً .

الأول بس حابب أقول حاجه وهي شهادة حق الاداره قفلت الموضوع عن طريق الخطأ مش أكتر وانا فوراً بعت استفسار للاداره عن سبب غلق الموضوع وكان الرد الفوري اعتذار محترم ورقيق عن غلق الموضوع وكان السبب خطأ ولبس والموضوع موجود في قسم الشكاوى وجزاهم الله خير تم فتح الموضوع فور الابلاغ.

الحاجه التانيه انا مع يوم السبت ليل او صبح مفيش مشاكل ان شاء الله ولو ان الصبح افضل اكيد عشان صباح الاحد طبعاً الشغل والمشاوير بتبدأ يوم الجمعه برضه انا ممكن اكون موجود فيه بعد الصلاه بس المشكله فعلاً زي ما احمد قال السفريات للعيله والبيت بتحبك يوم جمعه لكن ربنا يكرم ان شاء الله ونشوف هنستقر على ايه .

السبت اللي بعده زي ما مومو قال 5/7 ولو انه بعييييييد ولسه هاستنى كل ده على ما اشوفكم لكن لو مناسب لينا جميعاً ماشي وهي فرصه كل واحد يظبط اوقاته على قد ما يقدر ويكون اخونا مصطفى رجع من السفر بالسلامه ان شاء الله.

الحاجه التالته بقى اقتراح شاركي باشا هو صح طبعاً ولا اعتقد انه يتعارض مع اقتراحنا والله لكن الفكره كلها ان ممكن يكون اسهل نتعرف على بعض كلنا وبعدين نكبر دائرة المعارف لباقي الناس ونتقابل كلنا في المقابله الشهريه للمنتدى ان شاء الله وده رأي شخصي يحتمل الصواب وبرضه ممكن مقابلتنا ان شاء الله لو ربنا كتب ليها تتم على خير تكون في مدينة نصر برضه اعتقد معظمنا هناك ان لم اكن مخطئ.