اقتراح لم شمل الاسره الرينويه و الميجانويه .

[momo10000]

يا جماعة الرحاب فيها شوية ظلم لكل الجيزاوية ، علي الاقل مدنية نصر شغال ، او اي مكان زي

الازهر بارك لان الازهر بارك مش حتنفع عشان الغالي شاركي .

فتكرمنا منكم لو اي مكان في مدنية نصر حيبقي لووووووووز علي راي احمد باشا.

ولو قفلت خالص ومفيش الا الرحاب اوكية بس تبقي اخر المقترحات بعد اذن الجميع.

[Ahmed Aly]

ممكن نختار اكتر من مكان ونصوت عليه.......................... اصدي يعني نديلو صوتنا او نفتح موضوع للتصويت على المكان

[momo10000]

موااااااااااااااااااااااااااافق

وفي انتظار بقية راي الرجالة

[Ramy_Tantawi]

انا موافق على الرحاب برضه مافيش مشاكل وده لسبب واحد ان استاذ احمد علي اللي ساكن في الرحاب وهو صاحب اقتراح الرحاب اصلاً ساكن هناك وبالتالي على مزاجه طبعاً :):):) لأ بجد عشان الراجل جايب العربيه لسه والحمد لله لسه من شويه مهنيه على اول 1000كيلو وبالتالي احتفاءً بيه بقى هاروح الرحاب.

عامل انا زي العازول انا عارف احمد يقول سوق السيارات جنب البيت اطلع انا اقول لأ............استاذ احمد بس علي المره دي مش عبدالمقصود يقول الرحاب اطلع انا واقول لأ :):).

انا بهزر معاكم والله وده من غلاوتكم عندي عموماً الرحاب انا ماعرفش فيها اوي حتى ماعرفش بابها فين ومنين لكن مش مشكله جوجل موجود وربنا يعينني بقى واوصل في اليوم المحدد مش اللي بعديه بكام يوم ولا حاجه وربنا يخلليلي شاركي واحمد معايا في مدينة نصر وممكن امشي وراهم لو يسمحوا يعني.

اما مومو باشا حبيبي فا اعترض على الرحاب وتحتها على طول قال مواااافق فا مش عارف هو موافق على فين بالظبط ولذلك انا برضه بصوت للرحاب.

[M.Moustafa]

وانا معنديش مشكلة لو في مدينة نصر شغال اهو بيت اهلي ولو في الرحاب برضه شغال على الاقل اشوف باقي الحاجة اللي بجهزها في شقتي

[Ahmed Selim]

تمام لحد كده

فى حد عند أعتراض على الرحاب ؟؟؟؟

[عمرو عمارة]

السلام عليكم

مية مية الرحاب عشان فيها خضرة جميلة ونقدر نركن ونتصور براحتنا

[momo10000]

يا احمد باشا الرحاب مكان فعلا مقتصر علي الناس اللي ساكنة في مدينة نصر ومصر الجديدة من حيث

البعد والمسافة.

[عمرو عمارة]

يا احمد باشا الرحاب مكان فعلا مقتصر علي الناس اللي ساكنة في مدينة نصر ومصر الجديدة من حيث

البعد والمسافة.

أصل المشكلة يا مومو باشا إنت هتلاقي فين مكان نعرف نركن كلنا فيه براحتنا.....وأنا وافقت على الرحاب مش عشان قريب منيي...بس عشان هو فعلا مكان واسع ونقدر نتجمع فيه براحتنا.....عموما أنا موافق على أي مكان إنتو تحددو عشان ميبقاش ظلم للناس البعيدة عن م.نصر

[momo10000]

يا عمرو باشا لو مفيش اي اقتراح غير الرحاب .... يبقي الرحاب وامري لله

[عمرو عمارة]

يا عمرو باشا لو مفيش اي اقتراح غير الرحاب .... يبقي الرحاب وامري لله

يا باشا إنت لو قولتلي أجيلك السلوم هاجيلك يا جميل

[momo10000]

يا باشا كفاية عليا ذوقك الجميل وخلينا نتوكل علي الرحاب .

واي حد ساكن في الرحاب علية اكرام المسافر !!!!!

[Ahmed Aly]

ياجماعة انتو تنوروني بيس وكل طلباتكم اوامر

حددوا الميعاد بس انا مسافر من يوم 4-7-2008 الي 10-7-2008
ممكن لو كلكو عيزين 5-7-2008 ممكن ااجل السفر شوية اسافر بليل
زي منتوا عيزين كلو شغال بس ياريت تتفقوا بسرعة عشان اضبط ميعاد سفري

احمد علي

[Ramy_Tantawi]

اتقد لغاية دلوقتي في اجماع على الرحاب ان شاء الله ناقص بس نحدد الميعاد المناسب ان شاء الله .

يتبقى لي مشكله صغيره بس وهي انها طالما هاتكون الرحاب هايكون مطلوب ارجع مدينة نصر تاني على 8 بالكتير لظروف فا هل احنا اصلا هنتقابل بدري وهانلحق نقعد مع بعض انا باتكلم عن اني ممكن ملحقش اقعد معاكم ؟ ولا نخليها جمعه ؟

تصويت للمره العاشره لو سبت يبقى الساعه كام ان شاء الله ولو جمعه يبقى الساعه كام .

[momo10000]

يا عم رامي احنا ما صدقنا نتفق علي السبت ....

وشوف الوقت اللي يناسبك ...