كل ما تريد معرفته عن الفليونس و ميجان iii

[Ahmed Selim]

السلام عليكم

الموضوع ده هجمع فيه روابط مفيدة عن الفليونس..........أسوةً بباقى موديلات رينو.

اختبار قيادة الفلوينس

اسعار الصيانة و قطع الغيار للفلوينس

حصريا اسعار معظم قطع غيار الفلوينس

تقييم ميجان 3 على الطرق المصريه

مشاركات مفيدة - فلوينس سيدان و ميجان هاتش باك 3

طبعاً الفضل فى المواضيع دى يعود للعضو bukla و العضو esslynx

و الفكرة مسروقة من Sharky هو أول واحد عمل مواضيع " كل ما تريد معرفته عن"

يا ريت لو فيه موضوعات تانية أنا مش عارفها تحطو لينكاتها هنا.

[Kareem.ElAraby]

شكرا علي المجهود

[ahmedkoko]

الف شكر علي الموضوع. كنت بدور علي تقييم للفلوانس

[just_humen]

تسلم الايادى
وكل سنة وانت طيب وربنا يبارك عليك ولك على المجهود الرائع
دة فعلا ريحتنى من لف كتير فى المواضيع
وعيد سعيد عليك ان شاء الله

[S O P H O S]

مشكوررر علي مجهودك يا باشا ..

[kar!m]

أنا بيتهيألي دول أشهر موضوعين للفلوينس

http://www.nilemotors.net/Nile/155175-a.html

http://www.nilemotors.net/Nile/147081-a.html

[Abo_Lina]

شكرا ليك و ل بوكلا و ل شاركي
و شاركي يمكن يعتبر هو مؤسس قسم الرينو .. و يمكن ناس كتير خصوصا الأعضاء الجدد ماتعرفش جهوده لأنه أصبح قليل الدخول ..
الله يمسيه بالخير

[amrelserw]

شكرا ليك
و شكرا لى كل واحد ساهم فى مشاركة عن الفلوينس لمساعدة الاخرين

[r_elsewedy]

موضوع جميل جدااااااااا
الف شكرررررررررررررررر

[Mohamedarazak]

تجربتى للفلوانس ٢٠١٣ ( الشكل الجديد )

السيارة بسم الله ما شاء الله سحبها ممتاز مع الموتور و الفتيس الجديد
شكلها الامامى جبار و العداد الديجيتال حكاية
انا جبت اول فئة اوتوماتيك بس فى الواقع انا بحس أنها هاى لاين. لانها فيها كل حاجة
بلوتوث ، وحداة رفع ، مثبت سرعه و محدد سرعة ، طارة جلد , فوج لايت ، ستارة خلفية ، مالتي فانكشن ، درج مبرد (ثلاجة)
بالاضافة للأمان أنظمة الفرامل abs ,ebd , bas الفرامل ما شاء الله بتحس أنها هتسعفك فى اى موقف و كمان فى نظام زى ESP. بيتحكم فى الاتزان TCS

بالنسبة للعفشة بتحسسك أنها تسلك فى الحديد
بالنسبة للاتزان مافيش كلام
آخر نقطة هى سعر إعادة البيع انا قبل ما جيبها كنت عايز اشتريها مستعمل كالعادة بس لاقيت أنها بتتباع كويس يعنى كان قدامى واحدة ٢٠١١ e2 (اول فئة اوتوماتيك ) عداد ٣٥٠٠٠. اتباعت ١١٩٠٠٠ بعد سنتين علما بان سعرها الزيرو فى ٢٠١١ كان ١٣٢٠٠٠ يعنى سعر إعادة البيع جيد جداً وذلك بفضل ما حققته السيارة من سمعة طيبة عشان كدة اتوكلت و جبتها زيرو ده غير أن كل المواضيع إللى قراءتها عنها كانت محترمة جداً

بصراحة يا جماعة السيارة ممتازة

[Alaa A.Khair]

تجربتى للفلوانس ٢٠١٣ ( الشكل الجديد )

السيارة بسم الله ما شاء الله سحبها ممتاز مع الموتور و الفتيس الجديد
شكلها الامامى جبار و العداد الديجيتال حكاية
انا جبت اول فئة اوتوماتيك بس فى الواقع انا بحس أنها هاى لاين. لانها فيها كل حاجة
بلوتوث ، وحداة رفع ، مثبت سرعه و محدد سرعة ، طارة جلد , فوج لايت ، ستارة خلفية ، مالتي فانكشن ، درج مبرد (ثلاجة)
بالاضافة للأمان أنظمة الفرامل abs ,ebd , bas الفرامل ما شاء الله بتحس أنها هتسعفك فى اى موقف و كمان فى نظام زى esp. بيتحكم فى الاتزان tcs

بالنسبة للعفشة بتحسسك أنها تسلك فى الحديد
بالنسبة للاتزان مافيش كلام
آخر نقطة هى سعر إعادة البيع انا قبل ما جيبها كنت عايز اشتريها مستعمل كالعادة بس لاقيت أنها بتتباع كويس يعنى كان قدامى واحدة ٢٠١١ e2 (اول فئة اوتوماتيك ) عداد ٣٥٠٠٠. اتباعت ١١٩٠٠٠ بعد سنتين علما بان سعرها الزيرو فى ٢٠١١ كان ١٣٢٠٠٠ يعنى سعر إعادة البيع جيد جداً وذلك بفضل ما حققته السيارة من سمعة طيبة عشان كدة اتوكلت و جبتها زيرو ده غير أن كل المواضيع إللى قراءتها عنها كانت محترمة جداً

بصراحة يا جماعة السيارة ممتازة

شكرا علي المشاركة بتجربة الفلوانس 2013 الشكل الجديد .. انا معايا العربية من اول الشهر اللي فات و فعلا انطباعي عنها هو نفس كلامك .. بس متهيألي مافيهاش مبرد لدرج التابلوه

[Mohamedarazak]

لو مشغل التكييف يا باشا و مديت ايديك فى درج التابلوة هتلاقية بارد

[ALshahba]

ماشاء الله ....... انا شفتها فى المعرض فى شهر يناير اللي فات ولقيتها بالشكل الجديد زتم تعديل الموتور ليصبح 110 حصان بدل 105
بس شكلها تحفه ...... واتوهمت لما لقيت العدادات ديجيتال كامله
الف مبروك ليكم يا جماعه بجد ممتازه وربنا يبارك لكل اللي اشترتها او حيجبها

لو سمحتو يا ملاك فليوينس 2013 الشكل الجديد ......
الاستاذ mohamedarazak قال انه يملك الفئه الاولي وقال كميه كماليات ماشاء الله كتيره وخطيره
فبرجاء تقولي :
1- سعرها كام
2- ماهي الكماليات الاعلي فى الفئات الاخري
3- ايه اخبار المنحنيات علي السرعات ...... لاني شفتها للاسف مازالت علي نظام torshon beam يعني نظام الكامه الواحده وليس تعليق منفصل فياريت تعطينا رايك بكل حياديه

اشكركم جدا

[ALshahba]

ايه يا جماعه ....... مفيش تعليقات ليه انا نفسي اقرأ غليها تفاصيل اكتر
سعرها كام الايام دي

[ALshahba]

كل سنة وانتم طيبين

ياريت حد يجاوبني