كل ما تريد معرفته عن الفليونس و ميجان iii

[حسام فتحى]

كل سنة وانتم طيبين

ياريت حد يجاوبني

التورشن بيم الاوروبى بيكون مختلف عن الاسيوى و بالتالى ثباتها جيد جدا و كثير من الاوروبى تورشن بيم مش ملتى لينك والسياره عند السرعه فى الملفات جيده مع وضع حجم السياره ووزنها فى الاعتبار ، هوه فيه شويه body roll حسب تقييم السياره فى مواقع خارج مصر لكن طرق مصر لم تسمح لى بهذه التجربه ،لكن همه عاملين تيونينج ممتاز للعفشه يوازن بين النعومه والثبات واى سياره فى فئتها لو خلوها اثبت فى الملفات عن كده هتكون عفشتها ناشفه و لو خلوها انعم هيقل ثباتها كتير و سعر تانى فئه اوتوماتيك كان ١٦٩٥٠٠ E3 وفيها بلوتوث و كاسيت mp3 وaux و تكييف تاتش امامى و خلفى الجانبين منفصلين فى التحكم بالحراره و حساسات نور و مطر و فوج لايت ومرايا ضم و كنب خلفى قابل للطى ١/٣-٢/٣والاعلى منها E3sr فيها زياده سنسورز خلفى و فتحه سقف ب ١٧٩٠٠٠ والاعلى ١٨٨٠٠٠ حسب ما اتذكر و فيها الاير باجز ٦ بدلا من ٢ يوجد فى الهاى لاين النور الامامى يتحرك مع الدركسيون و سنسور امامى و حسب معلوماتى لا يوجد زينون ولا فرامل يد اتوماتيك فى مصر الا بالطلب ولا يوجد esp فى مصر عموما يفضل التاكد من هذه التفاصيل ،،اما فرامل الabs والتحكم الالكترونى فيها و نظام مساعده الفرامل واتنين ايرباج و بارات حديد للحمايه فى الجوانب فهى ستاندر فى حميع الفئات

[ALshahba]

اشكرك جدا
بس التوكيل قالي ان الجديد منها التوب لاين نازل فيه النور الامامي زينون وبيتحرك فوق وتحت اوتوماتك فقط وليس يمين وشمال ويوجد اوبشن انك ممكن تركب حساسات كاوتش علشان تقدر تحدد ضغط الاطارات وقالي ان الكرسيين الاماميين للسائق اللي جانبه بيكونو كهرباء الحركه والجنوط اسبور 17 بوصه 215\55 والسعر 199000

[ALshahba]

هو الموتور تم تعديله واصبح 110 ولا 115 حصان ؟؟

[ALshahba]

اخباراستهلاك البنزين داخلي عامل ايه

[Mohamedarazak]

أسف على التأخير يا باشا

بالنسبة للسعر e2 155000
بيزيد السعر ٥٠٠٠ عشان تستلم فورى

ال e3 169000 تقريبا
دى فيها أوبشنز بالهبل
ماعدا فتحة السقف
بالنسبة للثبات فى المنحنيات بسم الله ما شاء الله ممتاز علما بأننى. سوقت عربيات المانى كتير على طريق سفر زى الباسات و الجيتا و الفوكاس و اليون عموما الأوربي يعنى امان

[Mohamedarazak]

١١٥ حصان
استهلاك البنزين فى رأيى مرتفع نسبيا بس مقبول

[Mohamedarazak]

بالنسبة لقطع الغيار جوة التوكيل سعرها مناسب و اقل من توكيلات تانية كتيير
برة التوكيل قطع الغيار موجودة أصلى و تركى و صناعات تانية

[ALshahba]

اشكرك جدا استاز Mohamedarazak واتمني التواصل بنا وماتنساناش كده
اما بالنسبة لاستهلاك البنزين انت بتقول انه مرتفع نسبيا......... ياريت توصلنا تجربتك وتعرفنا بتعمل كام كيلو فى اللتر الواحد
واخبار التكييف ايه ؟؟؟؟

[Mohamedarazak]

لا شكر على واجب يا باشا و انا سعيد بمعرفتك
بالنسبة للبنزين ١٠ لتر. 90 كم تقريبا داخل المدينة
بالنسبة للتكيف تبريدة كويس جداً

[ALshahba]

واخبار الفرامل مع السرعات

[Mohamedarazak]

بسم الله ما شاء الله

[ABU ROKA]

الرياض . السعودية

السلام عليكم شباب احلى منتدى سيارات و مبروك لكل اللى اشترى عربية جديدة و ربنا يبارك
بقالى 3 ايام بلف النت عشان الاقى منتدى محترم و الحمدلله وصلتلكوا
انا لسه جايب فلوانس 2011 بس فى السعودية مستعمل من الوكيل هيا تقريبا نفس المواصفات فى مصر وهيا نفس 2012 و 2013 انما 2014 مختلف العداد الديجيتال بس ... مع اختلاف الشكل الخارجى من قدام بس
ممكن حد يفيدنى هل فى كتيب ارشادات المالك او ممكن اجيبة منين ؟
عندى مشكلة الشاشة اللى فوق الطابلوه اللى فيها الساعة و درجة الحرارة مش بتطلع اى حاجة تانية غيرهم . مش هيا المفروض تطلع الكاسيت و كده ؟ هل فى حاجة ممكن اعملها و لا هيا كده بايظة ؟

شكرا ليكم جميعا

[ALshahba]

مبروك ملاك الميجان 3
عن قريب حيبدأ نزول الموديل التيربو tce
وان شاء الله يحصله الفلونس (بس بعد 4-5سنين تقريبا)

[ALshahba]

لا شكر على واجب يا باشا و انا سعيد بمعرفتك
بالنسبة للبنزين ١٠ لتر. 90 كم تقريبا داخل المدينة
بالنسبة للتكيف تبريدة كويس جداً

الاستهلاك بيقل بمعدل ملحوظ بعد 3000كم
ياريت لو وصلت للعداد ده تنقللنا تجربتك عن الاستهلاك ..... ولو قبل كده ياريت برضو نعرف اخر الاخبار لاستهلاك البنزين بصفة خاصة والحاله العامه

[magdy277]

ارجو معرفة ايهما افضل رينو ميجان ٢٠٠٨ او بروتون بيرسونا زيرو و ارجو معلومات عن رينو ٢٠٠٨