نصيحة من أجل التكييف

[MohammedAladel]

السلام عليكم
نصيحة منى بلاش تشغلوا تكييف الميجان وإنتو ماشيين لأن كدا مش صح أو بالمعنى الأصح بلاش نشغل التكييف على عدد لفات موتور عالى يعنى لو عايز تشغل تكييفك قبل ما تطلع تكون مشغله
اللى خلانى أقول كدا
لما شفت الدراير وشفت الخراطيم اللى طالعة منه لقيت خرطوم عامل بالونة ودا بسبب الضغط العالى على الكومبرسور من المحرك والله أعلى وأعلم

[د. علاء ابراهيم]

و الله يا باشا النصيحة دى لاى عربية يكون فيها تكييف مش الميجان بس
و الكلام ده اتقال لى من مهندس عنده مركز عناية بالسيارات و بيشتغل فى تكييف السيارات و قال لى انك لو شغلت التكييف و انت بتجرى فانت بكده بتضع حمل كبير على الكومبريسور و بشكل مفاجىء و بكده ممكن يضرب و بيقول ان ياما عربيات محترمة جت له بالعيب ده و الكومريسور باظ
ولعذا انصح كل الاخوة انك تشغله و العربية على السلانسيه او تكون ماشى ماشى مثلا على 40 و مش كابس بنزين
انا مثلا لو فى طريق سفر و عايز اشغله اروح الاول مشغل المراوح و بعدين اهد
ى و اخد يمين لحاد ما سرعة العربية تاكون تحت 40 و شايل رجلة من على البنزين بعدين اروح دايس زر ال ac و بعدين اروح مزود بنزين تانى بهدوء

[MohammedAladel]

أصل أنا دخلت فى موضوع بيتكلم عن كدا قبل كدا وبالفعل لقيت التأثير على الخراطيم من الضغط المفاجئ

المفروض بقى يعملوا إيه ؟ المفروض بقى الكمبروسور دا ميرضاش يشتغل غير على آر بى إم معين مش سرعة معينة ما إنت ممكن تبقى ماشى 40 والآر بى إم وحارق ع الغيار والآربى إم عالى يبقى إ،ت عملت إيه ؟

أنا قلت ميجان عشان أنا هنا فى منتدى رينو ودا حد علمى مينفعش اقول كل العربيات وأنا مش متأكد حتى أنا قلت فى مشاركتى والله أعلم لأنى مش متأكد برضه من صحة كلامى مئة بالمئة

هو المفروض كمان يبقى الكمبرسور دا فيه زى نظام الدبرياج كدا بس أوتوماتيكى يبقى حاسس سرعة المحرك ويقرب منه حبة حبة مش قفش عشان ميبقاش حمل مفاجئ ع المحرك وع التكييف

[bedooracle]

مشكورين على النصيحة لانى كنت بدور على سبب منطقى كان يتقلى حمل الموتور و كلام مش مقنع انما كلامك مقنع مليون فى المية ربنا يكرمك

[ahmed1981]

يعني المقصود أني مشغلش التكييف وعداد لفات الموتور على 6000 لفة مثلاً سواء على النقلة الأولى بسرعة40 أو على الخامس بسرعة 200

لغاية في حدود 3000 rpm مفيش مشكلة من تشغيل المكيف

ولو أعلى من كده
ارفع رجلك من على البنزين لحظة وشغل المكيف ودوس تاني

لكن تهدي السرعة أو تركن مبالغ فيه جداً

[sanhory]

قلنا الكلام ده في الموضوع ده و قلنا غلط لكن كل اللي شارك قال مفيهاش حاجة و عادي

http://www.nilemotors.net/Nile/304740-a.html

ارجو المشاركة في هذا الموضوع و توضيح المعلومة

[MohammedAladel]

ياجماعة أنا قلت ألله أعلم بس أنا لنفسى مقتنع جدا إنه غلط كل واحد حر فى عربيته

أنا مقلتش تركن العربية عشان تشغله لكن كل ما يكون بتشغله على آر بى إم قليل هيبقى أفضل دا اللى أنا عايز أوصله وأنا قلت كدا لأن لقيت المواسير الجلد من كتر الضغط ضعفت و عملت بالونة

[Youssef.Awad]

فى الصنى مفيش اى ضرر لأن الكومبريسور ودائرة التكييف محمية بعدة حساسات وفالفات مهمتها حماية الكومبريسور من الضغط العالى

[MohammedAladel]

فى الصنى مفيش اى ضرر لأن الكومبريسور ودائرة التكييف محمية بعدة حساسات وفالفات مهمتها حماية الكومبريسور من الضغط العالى

لو الصنى فيها كدا يبقى احتمال كبير قوى تكون الميجان كدا لأنها من رينو ورينو مش هتتوصى على حاجة زى دى

[MohammedAladel]

[ahmed1981]

المشكلة اللي حصلت في الخرطوم وهو وجود إنتفاخ فيه
لا أرى لها أي علاقة بمسألة تشغيل المكيف على سرعات عالية

الخرطوم المفروض ميحصلش فيه كده لو سليم مهما شغلنا المكيف حتى على سرعة 200
طالما حصل يبقى الخرطوم بايظ أو منتهي عمره الإفتراضي
أو كان فيه سوء تصنيع في هذا المكان

[MohammedAladel]

تشغيل الكمبروسور والعربية ماشية خطر بسبب إن الزيت بيكون لسة مدخلش ع الكمبرسور عشان يزيته كويس وبيدخل مع غاز الفريون كدا بيعمل احتكاك شديد جوا الكبرسور ويقلل عمره الكلام دا قرأته على الأنترنت

[hossam_elwani]

تنبيه مهم فعلا