مقارنة بسيطة

[solly1979]

العربيات الفرنساوى كلها عربيات عالية الإعتمادية والجودة ولكن مشكلتها الأزلية فى الصيانة ....... صعب تعملها صيانة خارج التوكيل والنتيجة تتطلع كويسة " إستثنى من الكلام ده الحمير الفرنسوية 504 و 405 و 406 وغيرها من السيارات الفرنسوية العتيدة "

فلو أنت تقدر على صيانتها فى التوكيل كان بها ولكن لوعايز عربية شعبية خليك فى الكورى واليابانى وإبعد عن الأوروبى لأن اللى بيركب أوروبى بتبقى أعطال العربية والفلوس اللى بيكعها على قلبه زى العسل لأنه بيبقى عرف ده من الأول

مثال :

تغيير عفشة اللانوس = 800 : 1000 جنية
تغيير عفشة الأوكتافيا = 1500: 2000 جنية
تغيير عفشة البيجو 308 = 2500 : 3000 جنية

أنت ودماغــــــــــك

انا اسف انا مختلف مع حضرتك انا كان معايا اوكتافيا a4 وقعدت معايا سنتين
ومعايا دلوقتى ميجان بانوراما
قطع الغيار الاوكتافيا اغلى بكتير وبصراحه بعد مركبت الميجان حسيت انى كنت راكب عربيه من غير اوبشنز خالص (الاوكتافيا)

[nav man]

طيب ياجماعة مش مشكلة المانوال بس هل في اختلاف بين ال 4*4 وال 4*2 والفرق دا مهم او احسن لان انا اعرف ان 4*4 ب 136 الف والتانية ب 127 الف.

[solly1979]

طيب ياجماعة مش مشكلة المانوال بس هل في اختلاف بين ال 4*4 وال 4*2 والفرق دا مهم او احسن لان انا اعرف ان 4*4 ب 136 الف والتانية ب 127 الف.

الى انا عارفه ان فى اختلافات كتير مش مجرد 2*4 و 4*4 الوبشنز والعفشه فيها تغير اعرفها بالتفصيل
دور فى القسم على موضوع زميل كان عامله
تقييم للعربيه بالكامل بعد إستلامها والفرق مابين الفقات

[Ahmed Selim]

شكرا يا باشا
بس انا اعرف ان قطع غيار الهوندا نار وعن تجربة يعنى لو هى زى الهوندا يبقى حرام

أنا معرفش أسعار السيفيك ايه بالظبط........بس أنت بتقارن فليونس يبقى تقارنها بمثيلاتها.....سيفيك و إلنترا.........شوف أسعار قطع غيارهم وأسعار قطع غيار الفليونس و غالباً لو فيه فرق مش هيطلع كبير.

يعنى لو بتقارن اللوجان مثلاً..............المفروض تتقارن بالهوندا سيتي.......و أعتقد أنها هتكون أرخص فى قطع الغيار من السيتى.

و من ناحية تانية شوف هتدفع فى إلنترا أو سيفيك أعلى فئة كام و هتدفع فى فليونس أعلى فئة كام...............و شوف هتاخد أيه من دى و من دى.

و بعدين أنت مغلب نفسك ليه ؟؟؟ :)

أتصل ب 16202 و أسأل على أسعار الصيانة و قطع الغيار للداستر و أعمل كده مع القشقاي و قارن بأرقام من الواقع.

بس متقارنش الداستر بالصني :)

والله يا باشا علشان كدا قلت بسمع وانا عن نفسي بحب الفلوانس جدا وبالنسبه للانترا فهيا عربيه فاشله والهوندا طبعا معروف ان قطع غيارها قريبه من الاوروبي جدا والفلوانس بسراحه ركوبه
ويظل اسم رينو مهزوز بين الوسطيه والارتفاع في الاسعار وشكرا على ردك الجميل انا فعلا استفدت كتييير من كلامك وربنا يزيدك ويزدنا من علمه

يا باشا ربنا يكرمك..........ده من زوقك بس.