إرتفاع الميجان على الأرض

[ahmedtr9989]

كل سنة و إنتم طيبين يا ميجاناويه .......وعيد سعيد علينا كلنا...
حد جرب قبل كده يحاول يعلي الميجان شوية من على الأرض ...علشان شوارع مصر المحروسه ...؟؟
أنا عارف ممكن علوها يقلل من كفاءة الثبات (مع إن مفيش شوارع أصلا ينفع نجري فيها)... بس أنا عن نفسي محتاج العربيه تعلى شوية ..علشان المطبات إلي عندنا ملهاش مثيل ....
ولو حد عمل الموضوع ده عمل إزاي و تقريباً بيتكلف كاااام

حد جرب قبل كده يعمل الموضوع ده ؟؟ مستني أرائكم و تجاربكم يا وحووووووووش

[gefoo]

فعلا مشكله مفيش مطب الا والعربيه بتسلم عليه لازم حل للموضوع دا

[Ahmed Selim]

ميجان بتحك في المطبات ؟؟؟؟

ازاي و امتى ؟

مش ممكن يكون عندك مشكلة مسببة العربية توطى شوية ؟



احمد يا طه……انت بتتكلم بجد عاوز تعلي الميجان ؟؟؟؟؟

[Ahmed_Adham]

هيه العربيه بتحك ولا انت عايز تعليها احتياطي؟ جربت تظبط الكاوتش حسب اللي مكتوب على القايم او المانيوال بتاع العربيه؟

[ahmedtr9989]

ميجان بتحك في المطبات ؟؟؟؟

ازاي و امتى ؟

مش ممكن يكون عندك مشكلة مسببة العربية توطى شوية ؟



احمد يا طه……انت بتتكلم بجد عاوز تعلي الميجان ؟؟؟؟؟

يا عوبد إنت بتتكلم و كأنك محسسني إن العربية عاليه قوي عن الأرض ....
أنا معنديش مشكله خالص في العفشه ...بس أصل إمبارح و أنا جاي المنصورة كان في مطب إبن حلال هو أنا بالنسبالي كنت شايفه عادي و كانت العربية فاضيه الحاجه بس هيا إلي كانت معايا .....و المطب باسني من تحت .... إتغظت قووي و قولت في عقل بالي لو كنت راكب البيجو كنت أنا إلي بست المطب...
فقولت أشوف رأيكم بالنسبه لتعلية العربية ....
وبعدين أنا مش بتكلم في تعليتها بمقدار كبييير .... أنا معرفش المفروض أد إيه تعلى ....
هيا يمكن عاليا من الخلف لكن من قدام أعتقد إنها واطيه شوية ولا رأيك إيه يا عوبد

[ahmedtr9989]

هيه العربيه بتحك ولا انت عايز تعليها احتياطي؟ جربت تظبط الكاوتش حسب اللي مكتوب على القايم او المانيوال بتاع العربيه؟

الكاوتش عندي بشيك عليه كل أسبوع أو إتنين ,,,,,
العربيه مش على طووول بتحك .يعني أكيد لو المطب جامد شويه ....
الواحد بيحب يكون ماشي في الأمان و بيجمع بين جميع المزايا و خاصة إرتفاع العربيه عن اﻷرض دي حاجه مهمة خاصة في شوارع المحروسه

[MohammedAladel]

عندنا المطبات فى المنيا عجيبة جدا خصوصا فى القرى اللى بيعملوها الأهالى

العربية لما كنت بسوقها كانت بتحك والبركة فى المصفحة هى اللى بتاخد الخبطة

لكن لو خدت المطب على مهلى مش بتحك

حتى صاحبها القديم كان مغير ارتفاع الكاوتش الامامى ل 60 بدل من 55


وأنا عندى المساعدين الأماميين تعبانيين شوية برضه جايز يكون دا سبب والله أعلم

[Ahmed Selim]

يعني يا طه علشان بعض المطبات اللى معمولة غلط تبوظ العربية ؟؟

لو عليت الميجان الثبات هيفرق معاك.........و دى ملهاش حل

بس لو خليتها زى ما هى و أخدت المطبات بالراحة أو بالعرض شوية مش هتخبط.

الله يرحم أيام البى أم كنت باخد نص مطبات البلد بالعرض :)

[Amr_Moh]

ميجان بتحك في المطبات ؟؟؟؟

ازاي و امتى ؟

مش ممكن يكون عندك مشكلة مسببة العربية توطى شوية ؟



احمد يا طه……انت بتتكلم بجد عاوز تعلي الميجان ؟؟؟؟؟

+11111111
الميدان من العربات العالية نسبيا بما فيه الكفاية ....

[تامر.محمد]

خد المطب على 10 كيلو او اقل , و لو محمل خده بميل

[ahmedtr9989]

شكراً ليكم يا وحوووش .... يعني خلاصة الكلام بلاش ..... مفييش كلام بعد كلامكم ...
هو فعلاً ممكن أغير مقاس الكاوتش ؟؟

[MohammedAladel]

أيوة ممكن تغير مقاس الكاوتش بس كله على حساب الثبات طبعا حتى لو بفارق بسيط
وكمان بيأثر على قراءة عداد السرعة

[Mamoud salah H]

انا شايف ان العربية عالية بكفاية عن الارض لدرجة اني بفكر اوطيها شوية

[MohammedAladel]

متهيقلى الموضوع يختلف من عربية بجنط 15 وكاوتش أعلى لجنط 16

بس هى من قدام مع المطبات المتوسطة كويسة لكن مع المطبات الغير قانونية اللى عندى هنا ممكن تحك لو خدته على سرعة

لكن هى من ورا عالية بما فيه الكفاية والحمد لله إنها عالية ورا وبتحك قدام بس حتى أنا لاحظت أن المصفحة بتبقى بارزة عن جسم العربية لتحت عشان يعملوا بينها وبين أجزاء المحرك فراغ وتقوم بدورها وتمتص الصدمة هى

فطبيعى إنها تكون أقرب للمطب

يعنى لو بصيت للاكصدام من قدام وشفت المسافة بينه وبين الأرضه وبصيت تحت العربية وشفت المصفحة هتلاقيه أقرب حبة للأرض من المسافة اللى بين الأكصدام والأرض

والله أنا مش عارف من غير المصفحة دى العربية كان زمانها متبهدلة من تحت

[Amr_Moh]

متهيقلى الموضوع يختلف من عربية بجنط 15 وكاوتش أعلى لجنط 16

فرق مقاس الجنط متعوض برتفاع الكوتش عن الارض.. القطر النهائي جنط +كوتش بيكون متقارب جداً في النهاية