إرتفاع الميجان على الأرض

[solly1979]

أيوة ممكن تغير مقاس الكاوتش بس كله على حساب الثبات طبعا حتى لو بفارق بسيط
وكمان بيأثر على قراءة عداد السرعة

انا معايا بقالها سنتين عمرى محسيت انها واطيه وباخد المطبات سريع عن اى غربيه سوقتها قبل كدة وفعلا كنت بفكر اوطيها
اكيد طاحب الموضوع عدى على مطبين عايزين عربيه جيب

سؤال بخصوص تغيير المقاس انا 16 55 205 وعايز اغيرة ل 60 فى اى فرق على الثبات
علشان لسه واكل مكب من يومين عملى بزبوز فى الكاوتش ولازم يتغير
وفى مشاكل لو حطيط قدام 60 و سيبت ورا 55 شويه كدا
علشان عايز اجيب كاوتش نضيف وهجيب 2 فى 2 ؟

[Amr_Moh]

انا كنت مركب
215/55/16

[MohammedAladel]

على فكرة أنا لما اشتريت العربية كان الكاوتش قدام 60 وورا 55 وغيرت الأربعة ل 55 بس لم ألاحظ فرق بصراحة :)
حتى لما جبت الكاوتشين القدام ال 55 مع ال 60 الفرق بسيط قوى

[solly1979]

انا كنت مركب
215/55/16

حلو المقاس دة بس متهيئلى وحش على العفشه
وحضرتك غيرت للمقاس الاصلى ؟
وهل فى فرق مع ال ٢١٥ على الثبات

[MohammedAladel]

هو البروفيل بتاع العربية الللى مياثرش على العفشة 205 ,55, r16 لما يزيد العرض متهيقلى يأثر كمان على علبة الدريكسيون بمرور الوقت والله اعلم

[abdo_2812]

السلام عليكم ورحمة الله وبركاته

ازيكم جميعا ياوحوش :)

هو الحقيقة أنا لاحظت حاجة برضو محدش قالها ومش عارف هي صح ولا لأ أصلا

لما كنت مركب المساعدين الأصليين كانت العربية ارتفاعها أفضل من كده (دي طبعا ملاحظة شخصية وممكن جدا تكون غلط أو مش دقيقة)
بس لما ظبطت العفشة آخر مرة جيبي كان بعافية شوية فركبت طقم مساعدين kyb من حوالي 6 شهور كده
هم ممتازين الحقيقة وآدائهم أفضل مما توقعت وناعمين جداً بالنسبة لإنهم غاز
بس اللي أنا حاسه فعلا إن العربية وطيت شوية مش كتير بيفرقوا في المطبات الضايعة اللي عاملينها الأهالي بالذات وما أكثرها وبرضو لو العربية محملة لكن لو لوحدي مش بحس بمشاكل خالص بفضل الله

مع العلم أنا دائما بظبط الكاوتش 32 قدام وورا 29 وبشيك عليه بمعدل كل أسبوعين إلى ثلاثة
ايه رأيكم في الكلام ده؟

[MohammedAladel]

أنا اعرف إن ممكن تركبلها مساعدين رياضين بتوطى زى ما ركب الأستاذ أحمد دا عادى يعنى

واللى أعرفه إن المساعد الغاز بيبقى غالبا ناشف لكن ثبات أعلى ولا حضرتك بتتكلم عن إنه ناعم بانلسبة لإنه غاز يعنى

[Amr_Moh]

حلو المقاس دة بس متهيئلى وحش على العفشه
وحضرتك غيرت للمقاس الاصلى ؟
وهل فى فرق مع ال ٢١٥ على الثبات

الاصلي كان ٢٠٥/٥٥/١٦ الركتبة ٢١٥/٥٥/١٦

التأثير علي العفشه محدود
ألتركشن افضل
الارتفاع زاد حاجه بسيطة
التوب سبيد قل

[habib47]

السلام عليكم و كل سنة و انتم طيبين
انا غيرت المساعدين من سنتين تقريبا و عرفت ان فيه في السوق حاجة اسمها ( مساعد طبق عالي ) وده اللي بينزل في 2007 وانت طالع اما ( الطبق الواطي ) بينزل حتي 2006
و شفته و كان الفرق ان الطبق اللي بيركب عليه السوستة الفرق بينه و بين خرم مسمار المساعد اكثر ب 2 سنتي في ال 2007 و علي فكرة عبيتي كانت واطية جدا فاشتريت مساعدين الطبق العالي بتوع ال 2007 فعليت قوي بس ناشفة جدا و هم ماركتهم kyb