رايكم فى الرينو كليو 2001 1400 سى سى

[MOHAMED HASAN]

يا اعضاء المنتدى الرائع انا الحمد الله بعد عناء طويل و مشاوير كتير و اسئلة و اكشف على عربيات كتير و ادفع 150 جنيه كشف من هيونداى اكسنت و النترا و اكسل و دايو ريسر و اسبيرو و لانوس
اتشليت بجد مفيش عربية مش بايظة و دافع لحد دلوقتى 600 جنيه على اربع عربيات
بعد عناء و بحث طربت كلام كل الناس بعرض الحائط (طنشت يعنى ) و اجيب رينو كليو 2001 1400 سى سى
عاملة 200 الف كيلو و كان عايز 38000 الف و صلت معاه لى 36500 36000 بالعافية
و دا اعلانها http://www.contactcars.com/usedcars_profile.asp?CarID=999875
انا عارف كل حاجة عن سعر قطع غيار العربية و انه توكيل بس انا شايف دى ميزة يعنى ريح و استريح
و ناس حتوقلى اكسنت و اكسل و النترا حقول الى ميعرفش يقول عتس D
يا ريت تقولولى سعر العربية كدا حلو ولا لا
انا بس لى نقطة انا شايف ان عدد الكليوهات كتير
بس سالت واحد خبرة قالى متوسط عدد الكليوهات للعربية = 17 الى 20 الف كليو فى السنة
يعنى
17000*11 = 187000
و 20000*11 = 220000
يا ريت النصيحة علشان انا نازل اعاين و اشترى بكره و شكرا

[ramy_gamal]

قبل الكيلو متر حاله العربيه انت ممكن تجيب عربيه ماشيه 100 الف بس كلهم بهدله وعدم عنايه وتلاقى صالون العربيه متبهدل والعكس عربيه ماشيه 200 الف بس كل الصيانات فى الميعاد واستعمال راقى اغلب مشها سفر كل دة يريح العربيه وساعتها تكون الحاله هى اللى تكسب مش الكيلو متر

[MOHAMED HASAN]

مشكور جدا على ردك انا قلت بردو كده هو عامل كل الصيانة فى التوكيل و بانتظام
انا مشكلتى دلوقتى هل سعرها كده معقول ؟

[Amr_Moh]

الموديل ده من افضل المحركات النزلت اداء .
16 v
1400
About 94 hp
لي صديق باع ٢٠٠٢ قريب ب ٣٩٠٠٠ - ١٢٠٠ cc - ١٦ v - ٧٥ hp

[MOHAMED HASAN]

انا الحمد الله نزلت عاينت و خلاص حشترى بس عندى سوال سريع قبل ما اشترى يا ريت الاجابة قبل ما ادبس
انا لما كشفت فى البنزينة لاقيت الشكمان بيطلع دخان ابيض مش خفيف ولا جامد متوسط يعنى و البنزينة قالت المتور خفيف شوية و يمكن يحتاج طقم شمبر حاجة زى كده او الزيت كان كتير شوية و الله اعلم لان البنزينة ماكنش فيه جهاز الكشف على متور الرينو يا ريت الافادة يا جماعة علشان كلها كام ساعة و اخلص
و مشكور جدا
اه قبل ما انسى انا اتصلت بواحد صحبى قالى المتور كدا خفيف و يمكن يحتاج عمرة قلتله طقم شمبر قالى خليك على نضيف احسن و اعمل عمرة كاملة

[ramy_gamal]

مش عارف كدة حضرتك هتندخل فى موال لان تكلفه العمرة قريبه ل تمن الموتور استعمال وبعدين بتقول الزيت زيادة يعنى الزيت كان بينقص وهو بيزودة
الاحسن انك تكشف عند حد بتاع رينو مش اى حد

[Amr_Moh]

+1111111111

[kar!m]

اعمل حسابك في طقم شامبر كمان .. يعنى قول 2000 جنية تقريبا .. و شوف بأه لو هتعمل لها سرفيس .. و لو محتاجه كاوتش .. و ممكن تكون محتاجه علبة دركسيون أو طلمبة باور مثلا.

أنا شايف انك تكشف في التوكيل أفضل .. و لو العربية محتاجه حاجه تتغير .. تشاركوا فيها انت و البائع.

[MOHAMED HASAN]

انا حكشف على المتور عتد واحد اسمه عثمان فى طوابق فيصل بيقولوا عليه ممتاز و ربنا يسهل علشان العربية مفهاش الهوا و انا اقصد ان الزيت زى ما بيقول بتاخد 5 كيلو يعنى جركن و كليو من واحد تانى يعنى بيقول دا السبب بيقول لسه مغيره فى الكليو 195000

[Amr_Moh]

آه علاقه أنها بتاخد ٥ كيلو زيت ٠٠٠ بالدخان ؟؟؟!!!
عداد عالى - متور خفيف - ولسه تحصرف عمره
يعنى حتخوش في ٣٩ -٤٠ ألف

علي كده المعايا تجيب ٥٠٠٠٠ :)
ابقي طمني عليك

[MOHAMED HASAN]

والله انا مش بفهم فى العربيات خالص و انا قلتله حكشف على المتور عند ورشة عثمان و اى تكلفة تصليح للمتور خفيفة انت حتشيل او انا و هو نشيل و يقل ثمن العربية لان العربية بحد ممتازة عيبها المتور الى بيطلع دخنة بيضة من الشكمان دا
هو فى ميكانيكى كان معايا بس مكنش معاه العدة قالى الموضوع كله واحد او اثنين من طقم الشمبر مش شغالين كويس ممكن يتغيروا و دى ديتها 500 جنيه او 600

[ahmedhossam6]

بيتهيألى تبعد عنها احسن

[Amr_Moh]

عملت اه ؟

[MOHAMED HASAN]

سبتها واشتريت واحدة رينو كليو 2004 1200 سى سى بى 36000 بس عايزة شوية حاجات بى 2000 جنيه بس الحاجات دى مجرد كماليات مش قطع غيار

[Amr_Moh]

mabrrooook

مواصفاتها اه ماشية د اه ؟؟؟؟ شوية تفاصيل