إعـــــــلان

**MOHAMED HASAN** · 16-11-2012, 10:52 PM

العربية 2004 رينو كليو 1200 سى سى عاملة 124000 الف كيلو حالة المتور 76%
عايز 4 كوتشات و شداد فتيس و السيه كامة و السيه كرنك و طنابير امامى و تيل امامى و بلى امامى بس العربية ماشية مشاء الله عادى الحاجات بس عايزة تتغير لتصبح جودة المشى 100% و لسه البطارية عملها معاية النهارده و غيرتها
بس العربية بجد ناعمة و من انعم العربيات الى سوقتها و تقترب من نعومة التوتيا كورلا و بجد عربية ممتازة
انا الصراحة جبت المكنة و اساس العربية سليم جدا علشان كده مرتاح بس عيبها عاملة زى البنت الجميلة :) متحبش المعاملة الوحشة انا سالت على قطع الغيار سيبك من الناس الى بتقول غالية و المراية بى 1000 جنيه و الحورات دى دا واحد يقولك اصل خال عم اخو ابن و احد جارى قالى كده الشعب المصرى بقا على العموم الاسعار هى
الشداد بتاع الفتيس بى 75
بلى اسبانى امامى بى 60
طنابير فرنسى بى 200 جنيه
قواعد متور تركى بى 200 جنيه
فاضل السيه الكامة و الكرنك و جوان الكربتيرو جوان غطاء التكيهات
بس انا بغير كل دا للامان مش اكتر العربية محتاجة كوتشات بس
اه نسيت
العربية مانويل نصف كاملة يعنى مفهاش زجاج كهرباء :( بس ابعد عن مشاكل الكهرباء و غنيلها :)

**Amr_Moh** · 17-11-2012, 04:00 AM

مبروك و ربنا يديك خيرها و يكفيك من كل شر
أنا بصيين كليو و ميجان عند واحد في المعادي " عادل" لو أريب منك اجبلك رقمه و عنده قطع غيار متنوعة و جمبه واحد بتاع استيراد

**MOHAMED HASAN** · 17-11-2012, 11:29 AM

مشكور جدا يا استاذ عمرو يا ريت لو تحطلى عنوات و رقم تليفون الراجل دا
و كمان نفسى المنتدى يعمل موضوع عن افضل ميكانيكية الرينو و اسوء الناس فيهم علشان نعرف نروح لمين
و برضو نفس الكلام لمحلات قطع الغيار من حيث افضلهم و الاسوء علشان الفائدة تعم و الناس تستفيد انا عن نفسى عندى قائمة بشوية محلات و ميكانيكة ناس كتير بتشكر فيهم على فكره انا ساكن فى الهرم عند الدائرى يعنى 10 دقايق و ابقى فى المعادى :)