العربية بتقطع زى المتلتة

[fawzii]

معايا ميجان 2006 من 5 شهور و كانت كويسة معايا لمدة شهرين بعد كدة بقى فى تقطيعة جامدة فى الطلعة وكنت بسايسها لغاية 2 على rpm وبعد كدة بتظبط بس كانت بتحصل قليل فوى وبعدين فضلت شهرين على كدة وبعدين بدات تأطع ولا اكنها متلتة وبعدين اكتشفت انها بتنزل زيت من وش التاكيهات والزيت كان بيروح للكويلات وبالتالى البيجوهات عملته عند ميكانيكى بسيليكون وغيرنا البيجوهات بس ما زالت بتقطع تقطيع جامد روحت كشفت عليها فى french motors ادانا حساس كامة غيرناة وغيرنا البيجوهات تانى بأصلية وبصوا على الكويلات طلعت سليمة
وبنشوف العربية تانى بفت كويسة وطلعنا نجربها 5 دقائق والعربية قطعت تانى والكمبيوتر مش مدى اى اعطال خالص ارجو المساعدة من وحوش الميجان

عضو جديد

[MohammedAladel]

هو أنا اللى أعرفه من معلومات إن لما العربية بترجرج والموتور بيتهز غير طبيعى بتبقى كويلات مش مغذية البوجيهات ممكن يكون كويل بايظ أو أكثر ودى بتختبرها هتعرف

لكن حضرتك بتقول الكويلات سليمة والبوجيهات سليمة

[shawkylotfy]

كنت خلية يجرب بكويلات من عندهم دول عالم اغبياء جدااااا وبعدين اية الى خلاهم متاكدين ان الكويلات سليمة
ثانيا بعد ما يتاكد ان الكويلات سليمة مشكلتك مش هتخرج من ثلاث حجات
1. حساس جكمان
2. او طرمبة بنزين
3. او بوابة هواء

[medori]

هو العيب ده مفروض يكون كويلات! بس حضرتك بتقول انهم سلام!! و حضرتك غيرت حساس الكامه كمان! هيه العربيه كانت بتبطل منك اول ما تدور؟! المفروض كانوا يغيروا حساس الكرنك
انا من راى الاستاذ شوقى انهم ياكدوا تانى على الكويلات و فى الغالب هتلاقى واحد بيضرب بره اما لو كانوا سلام، اعتقد يا طرمبه بنزين، يا حساس الكرنك و ده احتمال كبير بما انك كنت بتسايسها لحد 2000 rpm و بتظبط معاك بعد كده

[MohammedAladel]

وليه هما ؟

دور العربية شيل أول كويل شوف البرجلة اللى فى المحرك هتزيد ولا زى ما هى لو زادت يبقى الكويل سليم لو محصلش حاجة يبقى هو دا الكويل اللى بايظ

اعمل كدا مع الأربع كويلات هتعرف الكويلات اللى بايظة دا لو كان فيه كويلات بايظة

[medori]

وليه هما ؟

دور العربية شيل أول كويل شوف البرجلة اللى فى المحرك هتزيد ولا زى ما هى لو زادت يبقى الكويل سليم لو محصلش حاجة يبقى هو دا الكويل اللى بايظ

اعمل كدا مع الأربع كويلات هتعرف الكويلات اللى بايظة دا لو كان فيه كويلات بايظة

انا اعتقد ان الكلام ده بينفع لما يكون الكويل قاطع خالص عشان البرجله بتبان على السلانسيه، انما لو مهرب كهرباء او بيضرب من الجمب، مش بتبان فى السلانسيه و بتبان فى الجرى و بالذات فى الطلعه او على 1500 rpm ولا حاجه فى التانى، بعد كده كله بيبقى فى السليم، فلازم يتفك و يتكشف عليه، ممكن يفكه هو برده لو عنده مفتاح 10 من الطويل ده، و يبص عليه لو بيهرب بيبقى واضح جدا الضرب بره

[MohammedAladel]

انا اعتقد ان الكلام ده بينفع لما يكون الكويل قاطع خالص عشان البرجله بتبان على السلانسيه، انما لو مهرب كهرباء او بيضرب من الجمب، مش بتبان فى السلانسيه و بتبان فى الجرى و بالذات فى الطلعه او على 1500 rpm ولا حاجه فى التانى، بعد كده كله بيبقى فى السليم، فلازم يتفك و يتكشف عليه، ممكن يفكه هو برده لو عنده مفتاح 10 من الطويل ده، و يبص عليه لو بيهرب بيبقى واضح جدا الضرب بره

فكرة أحسن وأءمن كمان وسهلة فى نفس الوقت


لكن هيعرف أزاى كفاءة الكويل هى عايزة واحد يكون فاهم نظام عمل الكويل وبيبقى شكله إيه لما بيبوظ أو بيعمل إيه لما يبوظ

[medori]

فكرة أحسن وأءمن كمان وسهلة فى نفس الوقت


لكن هيعرف أزاى كفاءة الكويل هى عايزة واحد يكون فاهم نظام عمل الكويل وبيبقى شكله إيه لما بيبوظ أو بيعمل إيه لما يبوظ

اللى اعرفه انه ليه 3 حالات، شغال تمام من غير مشاكل و العربيه ساعتها بتبقى تمام، او بيضرب بره و دى برجله فى التانى فى الغالب و بتبقى ظاهره اوى اول ما الكويل يتفك و العربيه دايره، بيبان تشريز الكهرباء من جمب الكويل، للأسف نسيت اصوره ساعتها عشان كان محروق دمى بشكل غبى و مكانش فيا دماغ اصور من اللى شوفته يومها
و اخر حاله انه يكون قاطع خالص و دى بتلاقى العربيه بتقطع من اول ما تدور و ساعتها بينفع الكلام اللى حضرتك كتبته فوق من قطع الكهرباء واحد واحد لحد لما يبان اللى قاطع

[fawzii]

كلام حضراتكوا كله تمام بس احنا هناك جبنا كويلات جديدة وجربوها وعملوا برمجة لحساس الكرنك وبعدين انا عملت الموضوع بتاع اشيل واحد واحد ده وكلهم شغالين بس مشوفتش حوار التهرييب ده عشان اصلا هما جربوا كويلات جديدة
متكلمناش خالص فى موضوع طرمبة البنزين ولا بوابة الهوا خالص ده غير ان الكمبيوتر مش مطلع اى حاجة خالص

[fawzii]

هو العيب ده مفروض يكون كويلات! بس حضرتك بتقول انهم سلام!! و حضرتك غيرت حساس الكامه كمان! هيه العربيه كانت بتبطل منك اول ما تدور؟! المفروض كانوا يغيروا حساس الكرنك
انا من راى الاستاذ شوقى انهم ياكدوا تانى على الكويلات و فى الغالب هتلاقى واحد بيضرب بره اما لو كانوا سلام، اعتقد يا طرمبه بنزين، يا حساس الكرنك و ده احتمال كبير بما انك كنت بتسايسها لحد 2000 rpm و بتظبط معاك بعد كده

حضرتك حساس الكرنك سليم وعملوله برمجة للاطمئنان وغيروا الكويلات بغيرهم جداد ومفيش جديد العريية لسة مبرجلة و rpm بينزل خالص بس مبتبطلش تفتكر دى طرمبة مع العلم ان العربية بعد ما تعدى 70 بتبقى الى حد ما قويسة ومبتقطعش

[MohammedAladel]

حضرتك متأكد من إنها تقطيعه فى الموتور نفسه

مش ممكن تكون قاعدة موتور أو شداد موتور ؟؟ هى اللى بتسبب الرجرجة للمحرك وعدم ثباته وممكن يكون كمان فيه هبدة مع النقل أو وإنت بتهدى بسبب انقطاع قاعدة الفتيس

وممكن حضرتك تراجع البوجيهات تانى
وممكن طرمبة البنزين

جرب تفول العربية للآخر كدا

[medori]

حضرتك حساس الكرنك سليم وعملوله برمجة للاطمئنان وغيروا الكويلات بغيرهم جداد ومفيش جديد العريية لسة مبرجلة و rpm بينزل خالص بس مبتبطلش تفتكر دى طرمبة مع العلم ان العربية بعد ما تعدى 70 بتبقى الى حد ما قويسة ومبتقطعش

انا كده لمست ارضى، مش عارف الصراحه ده ممكن يكون من ايه، فى حاجات مش بتبان على الكمبيوتر زى طرمبه البنزين و الكويلات فالكمبيوتر مش مقياس، الغريب ان فرنش موتورز كويسين، فكون انهم معرفوش اللى فى العربيه خالص ديه حاجه مش لطيفه برضه
لو معاك رقم ايمن مومو حاول تكلمه و تقوله على الموضوع يمكن يفيدك

[medori]

حضرتك متأكد من إنها تقطيعه فى الموتور نفسه

مش ممكن تكون قاعدة موتور أو شداد موتور ؟؟ هى اللى بتسبب الرجرجة للمحرك وعدم ثباته وممكن يكون كمان فيه هبدة مع النقل أو وإنت بتهدى بسبب انقطاع قاعدة الفتيس

وممكن حضرتك تراجع البوجيهات تانى
وممكن طرمبة البنزين

جرب تفول العربية للآخر كدا

لو قاعده الموتور كان سهل اوى فرنش موتورز يعرفوها و نفس الكلام برضه بالنسبه للشداد السفلى! هو اّخر حاجه اعرفها انها فعلا ممكن تكون طرمبه البنزين، اللى يلخبط انها بتزبط معاه بعد ال70، السؤال ايه اللى فى العربيه بيبقى fully functional قبل ال70 و بيقف او تأثيره بيقل بعد ال70؟!!

[fawzii]

تم حل المشكلة

انا كده لمست ارضى، مش عارف الصراحه ده ممكن يكون من ايه، فى حاجات مش بتبان على الكمبيوتر زى طرمبه البنزين و الكويلات فالكمبيوتر مش مقياس، الغريب ان فرنش موتورز كويسين، فكون انهم معرفوش اللى فى العربيه خالص ديه حاجه مش لطيفه برضه
لو معاك رقم ايمن مومو حاول تكلمه و تقوله على الموضوع يمكن يفيدك

الحمد لله تم حل المشكلة عند الميكانيكى اللى انا بتعامل معاه بس انا كنت افش معاه شوية عشان كدة مروحتلوس من الاول واللى انا استفادتوا من التجربة دى

1-حساس الكامة مش هو اللى بيقطع العربية بس بياثر فى السحب وياكل بنزين بس اعتقد بنسبة فليلة
2-فى معظم الاوقات اللى بيقطع العربية...كويل--حساس شكمان علوى--بيجوهات لو ضايعة خالص بس عادة كويل
3-العربية لما بتنزل زيت لازم تتاكد هو منين بالظبط عشان انا غيرت أويل سيلز وجوان الكويل اللى ببقى على اليمين تحت وفى الاخر طلع وش التكيهات وعملتوا بسيليكون

نيجى لاختبا رالكويلات اللى بنعمله علطول اول ما العربية بتقطع وهى دى كانت مشكلتى ان بالاختبار العادى بتاع اشيل واحد واحد كان بيدينى ان الكويلات سليمة مع ان كان فى كويل كان شغال بس بيقطع يعنى لما تشيلوا بيبرجل المكنة بردوا ودى كانت المشكلة بمجرد ما غيرتوا العربية اتظبطت ..
واللى هيجننى ان french غيروا الكويلات كلها ومظبططش بردوا ! اكيد كانوا مش مظبوطين هما كمان عشان اصلن هما ماكانوش جداد دول كانوا اللى بيشتغلوا بيهم !؟



شكرا لكل اللى رد عليا وحاول يساعدنى

[medori]

حمدا لله على سلامه الميجى يا استاذ فوزى، بس انا لو مكانك كنت ممكن اعمل مشكله مع فرنش موتورز عشان زى ما قلت ان الكشف على الكويلات سهل جدا، لو الكويل بيقطع اول ما هيتفك هيبان على طول، حضرتك كنت معاهم و هم بيكشفوا على العربيه ولا هما خدوا العربيه كشفوا و طلعوا قالوا الكويلات سليمه و كان الله بالسر عليم!