مميزات وعيوب رينو ستيب واى

[amrelsha3er]

السلام عليكم ورحمه الله اصدقائى الاعزاء المقتنين للاسد الفرنسى رينو عموما :)
مبدئيا الحمد لله رب العالمين على نعمته علينا جميعا باقتناء رينو وان شاء الله ربنا يدمها علينا نعمه ويكرمنا ويحفظنا من العين جميعا ويستر طريقنا ان شاء الله :) ندخل فى الموضوع بقى مطولش عليكم
الحمد لله عربتى ستيب واى2013 عملت بيها الف كيلو الى الان
مميزات العربيه
العربيه اكتر ميزه فيها انها عاليه عن الارض بفارق كويس جدا حملت فيها ربع طن من كم يوم ولا كانك حاطط فيها حاجه بصراحه انما اكيد فرق فى السحب طبعا ده اى عربيه كده من اهم المميزات برضو التوكيل القوى بصراحه كويس جدا ده من شهاده كزا حد انا لسه متعاملتش معاهم اوى لكن اتصلت بيهم اكتر من مره وبصراحه منتهى الاحترام والشفافيه والحمد لله قطع غيارها موجودها
ستيب واى ملفته للانظار طبعا يرجع لشكلها الثورى وكمالياتها وشغل النيكل اللى فيها والجنط بتاعها وبصراحه عربيه متكسفكش قدام اى حد حاجه يعنى (قيمه وسيمه)
ده بالنسبه للشكل الخارجى ااما بالنسبه للعربيه من الداخل فى ناس كتير تقول انها فقيره من الداخل انا مش شايف كده بصراحه تابلوها جميل وشيك ومتين مش زى الصينى ولا الكورى الصراحه من حيث الخامات ومايميزها اكتر الكاسيت بتاعها وشويه المميزات اللى فيه تقدر تعمل باير مع الموبايل وتشغل مزيكا الموبايل من خلال الكاسيت وطبعا استقبال مكالمات وارسالها عن طريق الكاسيت برضو بعد ماتعمل باير معاه طبعا دى حاجه تحسب للعربيه رغم الفئه السعريه دى كتر خيرهم انهم حاطين اوبشن كده بصراحه يميزها ايضا الفرش الداخلى شكله حلو جدا ومريح ويميزه انهم كاتبين ستيب واى على الكراسى كمان
الوسع الداخلى ممتاز كنبه واسعه مش ضيقه اللى ورا يعرف يقعد مرتاح والشنطه برضو جميله وواسعه وتقدر تشيل الرف بتاعها لو عاوزها تشيل معاك اكتر
الملتى فانكشن بتاعها جميل ومكانه شايفه حلو بصراحه بل احسن مايكون فى الطاره لان انت ايدك بتكون فى المكان دى على طول نفس الموضوع برضو للكلكس مش شايفهه عيب خالص انه فى دراع النور
نور العربيه واضح وضوح الشمس نورها قوى والعالى كمان بتاعها ماشاء الله بيجيب مسافه كبيره وبكل وضوح مع انى قريب هركب زينون ان شاء الله برضو
مجمل المميزات على الفئه السعريه دى طبعا حاجه تحفه جدا انك تركب عربيه بالسعر ده وفيها الاوبشن ده كله وبالشكل الجميل والعلو ده بصراحه الحمد لله على الاختيار مش ندمان الحمد لله
عيوب السياره
عشان اكون محايد ورغم المميزات الكتيره اكيد كل سياره فيها عيوب اللى خلا السيارات الالمانى فيها عيوب زى الباسات والجيتا
السياره بصراحه المفروض كان يكون العداد اكتر من 200 على الاقل 240 هو اى نعم الواحد عمره ماهيجيب ال200دول بس برضو ده بيفرق فى العربيه
العربيه مش عفيه كان المفروض يبقى الموتور اقوى من كده لانه 8صباب فقط المفروض يكون16صباب زى السانديرو الاوتو او اللوجان الاوتو بس نرجع ننقول لو عملو كده يبقى كله بقى زى بعضو لازم يميزو حاجه عن حاجه ده تلاحظه لو العربيه على منزل وانت طالع من السكون وجايب اولانى متحسش بقوه العربيه فى السحب اوى غير عربيات تانيه 1600 زيها بس ده موضوع بالنسبه لى يمكن التضغادى عنه
العربيه صوت موتور مش واطى ومش عالى اوى لنما لو ركزت معاه وطفيت الكاسيت هتحس بيه انه عالى وان شاء الله ناوى اسالهم فى الموضوع ده فى التوكيل عند الصيانه
دواسات عاليه نسبيا حاجه بسيطه مش مأررقه بس لو فى القاهره وزحمه صعبه ومع المانيوال رجبك هتتعب وتمل انما فى السواقه العاديه عادى زى اى مانيوال
بس بصراحه مش شايف اى عيوب تانى للعربيه وبمنتهى الامانه ده مالها وما عليها
وربنا يكرمك جميعا ونا عملت تقرير البسيط ده لان كزا حد بيسال عن العربيه والموضوعات عنها قليله لعل وعسى اكون سبب فى افاده اى حد ينوى الشراء ان شاء الله
وانا تحت امركم فى اى استفسار اى سؤال
تحياتى :)

[MohammedAladel]

وإيه يعنى لما يزودلك فى العداد ؟؟ مش هيعمل أى حاجة مع الموتور ال 8 صباب ههههههه ولو حتى 16 صباب مع فتيس أوتو

وبعدين العربية دى 200 كتير عليها قوى .......... السرعة القصوى يلزمها ثبات و فرامل

هقولك حاجة عداد ميجان 250 ههههههههههه بس هى بتجيب 210 بالعافية

بس هما عاملينه كدا لأن بينزلها أكتر من محرك وأكتر من فتيس
وبعدين بعد ال 200 الكيلو زيادة فى السرعة بيفرق جامد لأن المقاومة بتبقى شديدة على جسم العربية والموتور وبيبقى خلاص جاب أكتر من آخره

مش أى عربية تجيب ال 200 وتستحملها

[amrelsha3er]

معلش بس متنكرش انت اول مابتتفرج على عربيه فى اى معرض او حاجه تقريبا بتيجى فى زهنك انك تشوف عدادها اخره كم وكل مايزيد يدل على قوه العربيه وامكانياتها
يارجل ده الدايو عدادها معدى 200
عموما 200 او 280 حتى انا قولت ان كده كده محدش بيجبهم بس عربيه زى رينو المفروض يبقى عداد اكتر من كده لاكتر ولا اقل
تحياتى :)

[MohammedAladel]

برضه إيه علاقة العداد بماركة العربية بالعكس كل ما يكون العداد متناسب مع قوة المحرك كل ما تزيد مصداقية السيارة والشركة المصنعة بالنسبة لى

وبعدين هى الدايو لانوس بتجيب ال 200 ؟؟؟ ولو جابتها هيبقى ثباتها فى الضياع

[amrelsha3er]

ياباشا انت بتتكلم فى نقره وانا بتكلم فى نقره اخرى :)
تحياتى وشكرا مرورك الكريم

[S O P H O S]

ربنا يباركلك فيها يا باشا
كالعادة موضوع رائع منك وكلمات محايدة ..

[khaabas]

اسعار قطع الغيار والانتشار
وحجم العربية زى السانديرو

[amrelsha3er]

sophos باشا مشكور كلامك الطيب ومرورك الكريم احييك ياباشا على المتابعه الفوريه والمشاركه الجميله بتاعتك فى اى موضوع :)
تحياتى ليك

[amrelsha3er]

اسعار قطع الغيار والانتشار
وحجم العربية زى السانديرو

قطع الغيار متوفره فى التوكيل يافندم واسعارها معقوله كسعر توكيل عندك فانوس امامى بخمسمائه وشويه
تيل فرامل ب مائتين وشويه الاوريجنال طبعا
وموجوده بره طالما موجوده فى التوكيل
اما بالنسبه للحجم هى نفس حجم السانديرو العاديه مع اختلاف الشكل الخارجى فقط
موضوع الانتشار العربيه ابتدت تنتشر ماشاء لله اكيد انت هتلاحظ ده فى شوراعنا المحروسه
اى استفسار انا فى الخدمه :)

[S O P H O S]

ربنا يبارك فيك وفصحتك
يكفي دايما انك عاوز تفيد الناس ورايك الجميل دايما موجود وانا بتباعه دايما
ربنا يديم وجودك دايما وسطنا ..

[amrelsha3er]

ربنا يبارك فيك وفصحتك
يكفي دايما انك عاوز تفيد الناس ورايك الجميل دايما موجود وانا بتباعه دايما
ربنا يديم وجودك دايما وسطنا ..

ده شرف ليا يافندم :)
ياريت تيعتلى اميل الفيس بوك بتاعك يشرففنى اتعرف بيك :)

[MohammedAladel]

[rasboten]

تقرير وافى ومحترم وانا كنت ناوى اعمل تقرير زيك لكن بعد ما قريت التقرير بتاعك لقيتك كاتب كل اللى كنت هقوله كانك قريت افكارى بالذات فى موضوع قوه الموتور والماتى فنكشن والفرش والارتفاع بس احب اضيف على كلامك عيب معرفش انت اخدت بالك منه ولا لا ان صوت البنزين وهو بيتحرك فى التانك وانت مفول واضح جدا فى الكابينه وانت بتركن او لسه طالع ودى حاجه مش ظريفه ومشت دماغى على ماعرفت الصوت جاى منين

[amrelsha3er]

تقرير وافى ومحترم وانا كنت ناوى اعمل تقرير زيك لكن بعد ما قريت التقرير بتاعك لقيتك كاتب كل اللى كنت هقوله كانك قريت افكارى بالذات فى موضوع قوه الموتور والماتى فنكشن والفرش والارتفاع بس احب اضيف على كلامك عيب معرفش انت اخدت بالك منه ولا لا ان صوت البنزين وهو بيتحرك فى التانك وانت مفول واضح جدا فى الكابينه وانت بتركن او لسه طالع ودى حاجه مش ظريفه ومشت دماغى على ماعرفت الصوت جاى منين

بالفعل يافندم قريت مشاركه لحضرتك بهذه الشكوى بس مشوفتهاش عندى حقيقه :)
تحياتى ليك ومنور قسم رينو :)

[m_galal_elgalaly]

السلام عليكم ورحمه الله اصدقائى الاعزاء المقتنين للاسد الفرنسى رينو عموما :)
مبدئيا الحمد لله رب العالمين على نعمته علينا جميعا باقتناء رينو وان شاء الله ربنا يدمها علينا نعمه ويكرمنا ويحفظنا من العين جميعا ويستر طريقنا ان شاء الله :) ندخل فى الموضوع بقى مطولش عليكم
الحمد لله عربتى ستيب واى2013 عملت بيها الف كيلو الى الان
مميزات العربيه
العربيه اكتر ميزه فيها انها عاليه عن الارض بفارق كويس جدا حملت فيها ربع طن من كم يوم ولا كانك حاطط فيها حاجه بصراحه انما اكيد فرق فى السحب طبعا ده اى عربيه كده من اهم المميزات برضو التوكيل القوى بصراحه كويس جدا ده من شهاده كزا حد انا لسه متعاملتش معاهم اوى لكن اتصلت بيهم اكتر من مره وبصراحه منتهى الاحترام والشفافيه والحمد لله قطع غيارها موجودها
ستيب واى ملفته للانظار طبعا يرجع لشكلها الثورى وكمالياتها وشغل النيكل اللى فيها والجنط بتاعها وبصراحه عربيه متكسفكش قدام اى حد حاجه يعنى (قيمه وسيمه)
ده بالنسبه للشكل الخارجى ااما بالنسبه للعربيه من الداخل فى ناس كتير تقول انها فقيره من الداخل انا مش شايف كده بصراحه تابلوها جميل وشيك ومتين مش زى الصينى ولا الكورى الصراحه من حيث الخامات ومايميزها اكتر الكاسيت بتاعها وشويه المميزات اللى فيه تقدر تعمل باير مع الموبايل وتشغل مزيكا الموبايل من خلال الكاسيت وطبعا استقبال مكالمات وارسالها عن طريق الكاسيت برضو بعد ماتعمل باير معاه طبعا دى حاجه تحسب للعربيه رغم الفئه السعريه دى كتر خيرهم انهم حاطين اوبشن كده بصراحه يميزها ايضا الفرش الداخلى شكله حلو جدا ومريح ويميزه انهم كاتبين ستيب واى على الكراسى كمان
الوسع الداخلى ممتاز كنبه واسعه مش ضيقه اللى ورا يعرف يقعد مرتاح والشنطه برضو جميله وواسعه وتقدر تشيل الرف بتاعها لو عاوزها تشيل معاك اكتر
الملتى فانكشن بتاعها جميل ومكانه شايفه حلو بصراحه بل احسن مايكون فى الطاره لان انت ايدك بتكون فى المكان دى على طول نفس الموضوع برضو للكلكس مش شايفهه عيب خالص انه فى دراع النور
نور العربيه واضح وضوح الشمس نورها قوى والعالى كمان بتاعها ماشاء الله بيجيب مسافه كبيره وبكل وضوح مع انى قريب هركب زينون ان شاء الله برضو
مجمل المميزات على الفئه السعريه دى طبعا حاجه تحفه جدا انك تركب عربيه بالسعر ده وفيها الاوبشن ده كله وبالشكل الجميل والعلو ده بصراحه الحمد لله على الاختيار مش ندمان الحمد لله
عيوب السياره
عشان اكون محايد ورغم المميزات الكتيره اكيد كل سياره فيها عيوب اللى خلا السيارات الالمانى فيها عيوب زى الباسات والجيتا
السياره بصراحه المفروض كان يكون العداد اكتر من 200 على الاقل 240 هو اى نعم الواحد عمره ماهيجيب ال200دول بس برضو ده بيفرق فى العربيه
العربيه مش عفيه كان المفروض يبقى الموتور اقوى من كده لانه 8صباب فقط المفروض يكون16صباب زى السانديرو الاوتو او اللوجان الاوتو بس نرجع ننقول لو عملو كده يبقى كله بقى زى بعضو لازم يميزو حاجه عن حاجه ده تلاحظه لو العربيه على منزل وانت طالع من السكون وجايب اولانى متحسش بقوه العربيه فى السحب اوى غير عربيات تانيه 1600 زيها بس ده موضوع بالنسبه لى يمكن التضغادى عنه
العربيه صوت موتور مش واطى ومش عالى اوى لنما لو ركزت معاه وطفيت الكاسيت هتحس بيه انه عالى وان شاء الله ناوى اسالهم فى الموضوع ده فى التوكيل عند الصيانه
دواسات عاليه نسبيا حاجه بسيطه مش مأررقه بس لو فى القاهره وزحمه صعبه ومع المانيوال رجبك هتتعب وتمل انما فى السواقه العاديه عادى زى اى مانيوال
بس بصراحه مش شايف اى عيوب تانى للعربيه وبمنتهى الامانه ده مالها وما عليها
وربنا يكرمك جميعا ونا عملت تقرير البسيط ده لان كزا حد بيسال عن العربيه والموضوعات عنها قليله لعل وعسى اكون سبب فى افاده اى حد ينوى الشراء ان شاء الله
وانا تحت امركم فى اى استفسار اى سؤال
تحياتى :)

مش عارف ليه يا عمرو كل ما ابعد بتفكيرى عن العربية دي واقرر انى اجيب البريليانس كروس (اللى عجبانى جدا برضوا) اقرا تعليقاتك عن العربية دي ترجعني افكر فيها تانى بكلامك عنها..والله انا قبل ما اقرا موضوعك ده كنت مقرر اول الشهر انى ادفع عربون الكروس وكلامك عن العربية خليت دماغي تلعب تانى...ولو حصل وكان ليا نصيب فى العربية دي هتبقى انت من الاسباب الرئيسية فى انى اقتنيها.جزاك الله كل خير على افادتك وطريقة عرضك القيمة.