مميزات وعيوب رينو ستيب واى

[m_galal_elgalaly]

[QUOTE=rasboten;3874707794]تقرير وافى ومحترم وانا كنت ناوى اعمل تقرير زيك لكن بعد ما قريت التقرير بتاعك لقيتك كاتب كل اللى كنت هقوله كانك قريت افكارى بالذات فى موضوع قوه الموتور والماتى فنكشن والفرش والارتفاع بس احب اضيف على كلامك عيب معرفش انت اخدت بالك منه ولا لا ان صوت البنزين وهو بيتحرك فى التانك وانت مفول واضح جدا فى الكابينه وانت بتركن او لسه طالع ودى حاجه مش ظريفه ومشت دماغى على ماعرفت الصوت جاى منين[/QUOTE

باشا انا شايف فى بياناتك انك كنت راكب نوبيرا قبل الستيب واي..فكنت عايز اعرف منك حسيت بفرق جامد بين العربيتين ولا مش اوي..وممكن توضحلى الفروق بالظبط...لان انا برضوا معايا نوبيرا وبفكر جديا فى الستيب واي.

[rasboten]

[QUOTE=m_galal_elgalaly;3874707894]

تقرير وافى ومحترم وانا كنت ناوى اعمل تقرير زيك لكن بعد ما قريت التقرير بتاعك لقيتك كاتب كل اللى كنت هقوله كانك قريت افكارى بالذات فى موضوع قوه الموتور والماتى فنكشن والفرش والارتفاع بس احب اضيف على كلامك عيب معرفش انت اخدت بالك منه ولا لا ان صوت البنزين وهو بيتحرك فى التانك وانت مفول واضح جدا فى الكابينه وانت بتركن او لسه طالع ودى حاجه مش ظريفه ومشت دماغى على ماعرفت الصوت جاى منين[/QUOTE

باشا انا شايف فى بياناتك انك كنت راكب نوبيرا قبل الستيب واي..فكنت عايز اعرف منك حسيت بفرق جامد بين العربيتين ولا مش اوي..وممكن توضحلى الفروق بالظبط...لان انا برضوا معايا نوبيرا وبفكر جديا فى الستيب واي.

بص يا باشا انا بعت النوبيرا اللى معايا لانها للاسف اتبصلى فيها. بمعنى ان انا كان معايا نوبيرا حاله نادره 2008 وكنت اما بركبها بحس انى ملك الطريق من الثبات والقوه والذى منه لكن ولاد الحلا بقى والحمد لله بصولى فيها وقعدو يساومونى بيع..... بيع.....بيع لحد ما فتحت بقها بدون اسباب والله يعنى الاقيها مسربه زيت على الارض واكشف الاقى مفيش تسريب وخد بقى حاجات من دى كتير لحد ما زهقت وبعتها واللى اشتراها كل يوم يكلمنى ويقولى الله يباركلك دى مفهاش غلطه.
المهم من ناحيه الموتور والقوه فى التسارع النوبيرا تكسب بفارق قوى . ومن حيث الثبات الاتنين ما شاء الله ثبات محترم ومن حيث الاوبشن النوبيرا ازاز امامى وخلفى كهربا ومرايات كهربا اما الستيب ازاز امامى كهربا بس ومرايات مانيوال لكن الستيب فيها ايموبلايزر وفرامل مانعه للانزلاق وجنوط سبور وكاسيت فيه بلوتوث وتحكم من الطاره .ومن حيث الوسع الاتنين زى بعض وان كانت كراسى النوبيرا الامامى اريح وكراسى الستيب الخلفى اريح كتير. صوت الموتور فى الاتنين عالى واستهلاك البنزين فى النوبيرا اعلى شويه لكن ده عشان قوه الموتور.الصاج فى النوبيرا يكسب . الخلاصه لو النوبيرا اللى معاك فايقه يبقى متفرطش فيها الا اما تتاكد انك اخدت خيرها لانها عربيه اصيله وتساوى كل قرش اتدفع فيها اما لو فتحت بقها يبقى الزيرو احسن وساعتها هات ستيب واى او لوجان اوتوماتيك لان الناس بتشكر فيها وانا تحت امرك فى اى استفسار اخر.

[m_galal_elgalaly]

[QUOTE=rasboten;3874708040]

بص يا باشا انا بعت النوبيرا اللى معايا لانها للاسف اتبصلى فيها. بمعنى ان انا كان معايا نوبيرا حاله نادره 2008 وكنت اما بركبها بحس انى ملك الطريق من الثبات والقوه والذى منه لكن ولاد الحلا بقى والحمد لله بصولى فيها وقعدو يساومونى بيع..... بيع.....بيع لحد ما فتحت بقها بدون اسباب والله يعنى الاقيها مسربه زيت على الارض واكشف الاقى مفيش تسريب وخد بقى حاجات من دى كتير لحد ما زهقت وبعتها واللى اشتراها كل يوم يكلمنى ويقولى الله يباركلك دى مفهاش غلطه.
المهم من ناحيه الموتور والقوه فى التسارع النوبيرا تكسب بفارق قوى . ومن حيث الثبات الاتنين ما شاء الله ثبات محترم ومن حيث الاوبشن النوبيرا ازاز امامى وخلفى كهربا ومرايات كهربا اما الستيب ازاز امامى كهربا بس ومرايات مانيوال لكن الستيب فيها ايموبلايزر وفرامل مانعه للانزلاق وجنوط سبور وكاسيت فيه بلوتوث وتحكم من الطاره .ومن حيث الوسع الاتنين زى بعض وان كانت كراسى النوبيرا الامامى اريح وكراسى الستيب الخلفى اريح كتير. صوت الموتور فى الاتنين عالى واستهلاك البنزين فى النوبيرا اعلى شويه لكن ده عشان قوه الموتور.الصاج فى النوبيرا يكسب . الخلاصه لو النوبيرا اللى معاك فايقه يبقى متفرطش فيها الا اما تتاكد انك اخدت خيرها لانها عربيه اصيله وتساوى كل قرش اتدفع فيها اما لو فتحت بقها يبقى الزيرو احسن وساعتها هات ستيب واى او لوجان اوتوماتيك لان الناس بتشكر فيها وانا تحت امرك فى اى استفسار اخر.

ربنا يكرمك..بس انا النوبيرا اللى معايا موديل 2001 يعنى بقالها 12 سنة + انها عاملة دلوقتى 380000 كيلو يعنى موتورها خلاص استوي..عشان كدة انا عايز اجيب عربية زيرو وتكون فى حدود 80 او 85 الف جنيه بالكتير وشايف ان السانديرو ستيب واي هي والبريليانس كروس افضلهم .

[amrelsha3er]

مش عارف ليه يا عمرو كل ما ابعد بتفكيرى عن العربية دي واقرر انى اجيب البريليانس كروس (اللى عجبانى جدا برضوا) اقرا تعليقاتك عن العربية دي ترجعني افكر فيها تانى بكلامك عنها..والله انا قبل ما اقرا موضوعك ده كنت مقرر اول الشهر انى ادفع عربون الكروس وكلامك عن العربية خليت دماغي تلعب تانى...ولو حصل وكان ليا نصيب فى العربية دي هتبقى انت من الاسباب الرئيسية فى انى اقتنيها.جزاك الله كل خير على افادتك وطريقة عرضك القيمة.

بص ياباشا والله انا فعلا كلامى ده كله بحياديه لانى عمرى مانحذت لعربيه سواء ركبتها اوى مجرد العلم بيها لانى مؤمن ان اى عربيه لها عيوب
بص راى انا الشخصى فى كلاهما مع انى مسوقتش الكروس بس انا شايف ان رينو اسم عريق وشركه محترمه
تقفيل افضل بكتير من الصينى كشكل الاتنين شكلهم حلو جدا
اوبشن ومن جوه البرليانس احلى بس انا لو مكانك مش هبص على الكلام ده لان كده ولا كده هى سياره ب80الف ج ازا كنت عاوز حاجه بقى من جوه متبقاش عاوز تنزل منها يبقى المانى وكده كده دى مرحله مؤقته وان شاء الله الواحد ربنا يكرمه ويغير بحاجه اعلى
انما فى الفئه السعريه دى انا شايف ان كعربيه رينو وفرنساوى وركوبه مش صينى ومش حاجات كتير اوى معقول عليها فلوسها
حاجه كمان انت لو من هواه الجرى والشد وكده منصحكش بيها صراحه
تحياتى ياباشا

[rahieb_100]

مبروك يا عمرو على ال Stepway ربنا يباركلك فيها ويكفيك شرها
وخسرك منتدى بروتون :)

[amrelsha3er]

مبروك يا عمرو على ال stepway ربنا يباركلك فيها ويكفيك شرها
وخسرك منتدى بروتون :)

ياباشا والله كتر خيرك ومشكور مرورك الله يبارك فيك
والحمد لله ملناش نصيب فى بروتون :)
الاخوه كلهم زملا فى القسم وكلهم ناس محترمه وعلى علاقه بمعظمهم لسه :)
الف شكر مره تانيه :)

[m_galal_elgalaly]

بص ياباشا والله انا فعلا كلامى ده كله بحياديه لانى عمرى مانحذت لعربيه سواء ركبتها اوى مجرد العلم بيها لانى مؤمن ان اى عربيه لها عيوب
بص راى انا الشخصى فى كلاهما مع انى مسوقتش الكروس بس انا شايف ان رينو اسم عريق وشركه محترمه
تقفيل افضل بكتير من الصينى كشكل الاتنين شكلهم حلو جدا
اوبشن ومن جوه البرليانس احلى بس انا لو مكانك مش هبص على الكلام ده لان كده ولا كده هى سياره ب80الف ج ازا كنت عاوز حاجه بقى من جوه متبقاش عاوز تنزل منها يبقى المانى وكده كده دى مرحله مؤقته وان شاء الله الواحد ربنا يكرمه ويغير بحاجه اعلى
انما فى الفئه السعريه دى انا شايف ان كعربيه رينو وفرنساوى وركوبه مش صينى ومش حاجات كتير اوى معقول عليها فلوسها
حاجه كمان انت لو من هواه الجرى والشد وكده منصحكش بيها صراحه
تحياتى ياباشا

لا يا باشا انا مش من هواة الشد ولا الغرز ولا الكلام ده خالص واخرى 140 على الطرق السريعة مبزودش عن كدة ..وانا كل الللى محتاجة ركوبة محترمة ومريحة وابعد شوية عن قرف الصنايعية لاطول فترة ممكنة وفى نفس الوقت تكون عائلية شوية.

[amrelsha3er]

لا يا باشا انا مش من هواة الشد ولا الغرز ولا الكلام ده خالص واخرى 140 على الطرق السريعة مبزودش عن كدة ..وانا كل الللى محتاجة ركوبة محترمة ومريحة وابعد شوية عن قرف الصنايعية لاطول فترة ممكنة وفى نفس الوقت تكون عائلية شوية.

توكل على الله ياباشا طالما دى سواقتك هتتبسط من الرينو
استخير برضو وانزل اتفرج عليها بننفسك
ورينا يوفقك للى فى خير ليك ان شاء الله :)

[m_galal_elgalaly]

توكل على الله ياباشا طالما دى سواقتك هتتبسط من الرينو
استخير برضو وانزل اتفرج عليها بننفسك
ورينا يوفقك للى فى خير ليك ان شاء الله :)

انا بالفعل خلاص خدت القرار انى اجيب الستيب واى ..بعد رأيك وبعد استشارة بعض اراء خبراء السيارات
وبعد استخارة ربنا لقيت نفسي فعلا مرتاح اكتر ليها ان شاء الله هبتدي فى اجراءات حجزها على نصف يناير اللى جاي وهقلك رأيي فيها ان شاء الله بعد تجربتها وشكرا جزيلا على زوءك وسعة صدرك.

[amrelsha3er]

انا بالفعل خلاص خدت القرار انى اجيب الستيب واى ..بعد رأيك وبعد استشارة بعض اراء خبراء السيارات
وبعد استخارة ربنا لقيت نفسي فعلا مرتاح اكتر ليها ان شاء الله هبتدي فى اجراءات حجزها على نصف يناير اللى جاي وهقلك رأيي فيها ان شاء الله بعد تجربتها وشكرا جزيلا على زوءك وسعة صدرك.

ان شاء الله يااخى الكريم قرارك فى محله ويكون صائب ليك ومش هتندم ان شاء الله
وانت تحت امرك فى اى شىء كلنا هنا اخوه والواحد بيتبسط جدا من تبادل المعلومات والافاده للناس كلها ربنا يجعله فى ميزان حسناتنا جميعا
تحياتى يافندم :)

[mohamed salem1]

طيب اية الفرق بين الاستيب واى وبين السانديرو الاوتوماتيك

(طبعا غير الفتيس كان مانيوال او اوتو ماتيك)

وهل فية ستيب واى اوتوماتيك ولا لا؟

[MohammedAladel]

الستب واى فيها Abs .......جنوط ... نواكل وشوية بلاستيك من برا عاملين منظر حلو ..... دا اللى بتزيد عن السانديرو فيه

طبعا مش بتنزل غير مانيوال مع محرك 1600 ... 8صباب أما السانديرو بتنزل بمحرك 1600 .... 16 صباب ... 110 حصان مع فتيس أوتو ... والمانيوال منها تقريبا نفس محرك الستب واى

[amrelsha3er]

الستب واى فيها Abs .......جنوط ... نواكل وشوية بلاستيك من برا عاملين منظر حلو ..... دا اللى بتزيد عن السانديرو فيه

طبعا مش بتنزل غير مانيوال مع محرك 1600 ... 8صباب أما السانديرو بتنزل بمحرك 1600 .... 16 صباب ... 110 حصان مع فتيس أوتو ... والمانيوال منها تقريبا نفس محرك الستب واى

كلام مظبوط :)

[MoH.SaLaDiN]

من وجهة نظرى العربية ممتازة بالنسبة لسعرها وان كان بها بعض العيوب الغلسة شوية واهمهم انها مانيوال

[amrelsha3er]

من وجهة نظرى العربية ممتازة بالنسبة لسعرها وان كان بها بعض العيوب الغلسة شوية واهمهم انها مانيوال

بالظبط كده تستاهل فلوسها زى منتا شايف عشان تركب عربيه فى مصر مش اقل من 150الف عشان يتقال عليها عربيه وبرضو هتلاقى فيها عيوب مفيش حاجه كامله ياباشا :)
تحياتى