لا تعليق رينو سانديرو ب 92 الف جنيه

[mshaheen1]

انا لسه جاى من المعرض وخدت الصدمة وحسبنا الله ونعم الوكيل

انا حجزت اول 12 ب83 ونص وبيقولى هتدفع بالسعر الجديد

والله الواحد جاله إكتئاب وقرف من الاسعار المبالغ فيها

[bondok20002002]

طب وبعدين ايه القرف ده هيا ناقصة كأبة اكتر من حال الدنيا والي احنا فيه

[rasboten]

سانديرو ولا ستيب واى؟

[mshaheen1]

سانديرو أتوماتيك يافندم ...منهم لله ماشوفتش كده فى بلد من بلاد العالم ..جشع بالشكل ده ماشوفتش

[rasboten]

طب حضرتك متعرفش ستيب واى بقت بكام رسمى

[bondok20002002]

طب حضرتك متعرفش ستيب واى بقت بكام رسمى

الستيب واي بقت 91500 من التوكيل

[gebreel]

لأ و لسة اسعار الصيانات فيها تعديل =(

[rasboten]

ايه التهريج ده هى الناس دى اتهبلت ولا ايه عربيه متوسطه السعر بتمانينات تزيد 10 الاف وتنط لتسعينات امال الباسات والفولفو يزيدو كام 100 الف بقى؟ ازاى رينو كتوكيل محترم يعمل كده ؟ واضح ان هما استغلو انتشارهم الرهيب باللوجان والسانديرو وقالو يزيطو مع الزيطه وطبعا فى النهايه هيقعو

[Land_Cruiser]

ايه التهريج ده هى الناس دى اتهبلت ولا ايه عربيه متوسطه السعر بتمانينات تزيد 10 الاف وتنط لتسعينات امال الباسات والفولفو يزيدو كام 100 الف بقى؟ ازاى رينو كتوكيل محترم يعمل كده ؟ واضح ان هما استغلو انتشارهم الرهيب باللوجان والسانديرو وقالو يزيطو مع الزيطه وطبعا فى النهايه هيقعو

الموضوع مش خاص بالرينو بس يا فندم لكن فى الواقع مفيش عربيه حتى المجمعة محليا سعرها ما زادش. على سبيل المثال لا الحصر الجيتا زادت ١٥ الف جنيه. و الباسات زادت ١٠ آلاف و الالنترا و الدايهاتسو ٨ آلاف و اللوجان الاتوماتيك ١٠ آلاف و الداستر ٥ آلاف و الجديد ان السعر مش ثابت فى اى توكيل يعنى لو حضرتك روحت تسأل بكره هيقولوا لحضرتك ثانيه واحده نشوف السعر وصل كام كأنك بتشترى عمله بالضبط

[rasboten]

الموضوع مش خاص بالرينو بس يا فندم لكن فى الواقع مفيش عربيه حتى المجمعة محليا سعرها ما زادش. على سبيل المثال لا الحصر الجيتا زادت ١٥ الف جنيه. و الباسات زادت ١٠ آلاف و الالنترا و الدايهاتسو ٨ آلاف و اللوجان الاتوماتيك ١٠ آلاف و الداستر ٥ آلاف و الجديد ان السعر مش ثابت فى اى توكيل يعنى لو حضرتك روحت تسأل بكره هيقولوا لحضرتك ثانيه واحده نشوف السعر وصل كام كأنك بتشترى عمله بالضبط

يا خبر !!!!!!!!!! للدرجه دى. ده كلام كارثى ده كده استغلال وهيحصل ركود فى السيارات الجديده والمستعمله هتولع.
بس ازاى ستيب واى وسانديرو يزيدو 10 وداستر 5 بس؟

[gebreel]

علشان فرق الطلب عليهم

[Land_Cruiser]

يا خبر !!!!!!!!!! للدرجه دى. ده كلام كارثى ده كده استغلال وهيحصل ركود فى السيارات الجديده والمستعمله هتولع.
بس ازاى ستيب واى وسانديرو يزيدو 10 وداستر 5 بس؟

جائز يا فندم تزيد تانى الله اعلم و الموضوع ممكن يكون مرتبط بأن الطلب عليها اقل لارتفاع سعرها مقارنه بال لوجان و الساندريو بس دى الزياده اللى لسه عارفها من شويه و الكلام كمان كان صريح ان مفيش تثبيت للسعر يعنى لو ساعه الاستلام السعر زاد هتاخدها بالسعر الجديد. للاسف يا فندم و لا هيحصل ركود و لا حاجه لان الناس بتشترى و تقولك النهارده ارخص من بكره . السيناريو ده حصل بالضبط فى ٢٠٠٣ و ارتفعت اسعار السيارات ساعتها زيادات وهميه كده زى ما حصل مع النوبيرا و الهيونداى فى ذلك الوقت و ارتفعت اسعارها و طبعا اللى بيعلى عمره ما بينزل تانى

[Mohab555]

دى قله احترام من التوكيل ... لانك اصلا حاجز بالسعر القديم و ملكش دعوه بالزيادة الى بعد كده

[Land_Cruiser]

دى قله احترام من التوكيل ... لانك اصلا حاجز بالسعر القديم و ملكش دعوه بالزيادة الى بعد كده

مع الاسف مفيش توكيل فى مصر بيعمل اللى حضرتك بتقوله ده دلوقتى و ان كان هو ده المفروض و كله بيقول السعر بيزيد علينا فعلا بسبب زياده سعر الدولار كل يوم طيب مين هيتحمل الزياده ؟

[IronHead]

انا شايفها زياده منطقيه فى حد ذاتها, لان الدولار زاد 15%, فطبيعى ان الاسعار تزيد بنفس المعدل فيما عدا اللى بيتقفل فى مصر المفروض الزياده تبقى اقل
بس المش منطقى ان الاسعار تزيد اول ما الدولار يزيد, لان الشحنات اللى موجوده مشتراه على السعر القديم, والمفروض ان الاسعار تزيد مع اول طلب استيراد بالسعر الجديد