لا تعليق رينو سانديرو ب 92 الف جنيه

[gebreel]

الدولار زاد 6% بس

[ahmedelfeky]

على فكره يا جماعه توكيل رينو النهارده فى المعرض كان بيقول الاسعار تقريبا مش اكيد لسه السعر مش محدد على سبيل المثال الفلونس الشكل الجديد e3 سعرها التقريبى 165 الف وممكن ازيد على حسب سعر الدولار و وضع السوق والسعر قابل للزياده وكل التوكيلات كده والى موجود فى المعارض وعند التجار زاد فى الشكل الحالى 10 الاف ومش موجود تسليم فورى كمان هههههههههههه ده الحال فى مصر

[rasboten]

جائز يا فندم تزيد تانى الله اعلم و الموضوع ممكن يكون مرتبط بأن الطلب عليها اقل لارتفاع سعرها مقارنه بال لوجان و الساندريو بس دى الزياده اللى لسه عارفها من شويه و الكلام كمان كان صريح ان مفيش تثبيت للسعر يعنى لو ساعه الاستلام السعر زاد هتاخدها بالسعر الجديد. للاسف يا فندم و لا هيحصل ركود و لا حاجه لان الناس بتشترى و تقولك النهارده ارخص من بكره . السيناريو ده حصل بالضبط فى ٢٠٠٣ و ارتفعت اسعار السيارات ساعتها زيادات وهميه كده زى ما حصل مع النوبيرا و الهيونداى فى ذلك الوقت و ارتفعت اسعارها و طبعا اللى بيعلى عمره ما بينزل تانى

فعلا انا متفق معاك 100 فى ال 100 لان كمان سنه 2000 ابن خالى اشترى لانوس 2 ب 36 الف زيرو وكان دافع الفين زياده عشان جاب اول لون سماوى فى لانوس 2 فى مصر وبعدها بسنه باعها مستعمله ب 53 الف لان سعرها كان حاجه وستين. الحمد لله انى لحقت اشتريت من شهر مع ان الراجل استغلنى وباعها ب 86.5 الا ان الوضع ارحم من دلوقتى برضه

[S O P H O S]

كده العربيات الي كنت بقول بتنافس ففئة سعرية معينة
وكويسة بقي كله زي بعضه !!

[amrelsha3er]

مع الاسف مفيش توكيل فى مصر بيعمل اللى حضرتك بتقوله ده دلوقتى و ان كان هو ده المفروض و كله بيقول السعر بيزيد علينا فعلا بسبب زياده سعر الدولار كل يوم طيب مين هيتحمل الزياده ؟

+111

[StarLancer]

الموضوع مش خاص بالرينو بس يا فندم لكن فى الواقع مفيش عربيه حتى المجمعة محليا سعرها ما زادش. على سبيل المثال لا الحصر الجيتا زادت ١٥ الف جنيه. و الباسات زادت ١٠ آلاف و الالنترا و الدايهاتسو ٨ آلاف و اللوجان الاتوماتيك ١٠ آلاف و الداستر ٥ آلاف و الجديد ان السعر مش ثابت فى اى توكيل يعنى لو حضرتك روحت تسأل بكره هيقولوا لحضرتك ثانيه واحده نشوف السعر وصل كام كأنك بتشترى عمله بالضبط

الباسات زادت ١٠ آلاف من 290 ل 300 مش كتير. إنما اللوجان الاتوماتيك ١٠ آلاف من 80 ل 90. النسبة مختلفة

[mshaheen1]

البهوات بيكلمونى بيأكدوا على السعرالجديد 92 الف

[Mostafa.Mahran]

الفكرة انك هتلاقى الموزعين عندهم كميات كبيرة فى المخازن بتاعتهم و جايبين العربيات بالسعر القديم و محدش جاب بالسعر الجديد يعد زيادة الدولار و لكن ساعة البيع هيكون بالسعر الجديد