الشكل الجديد للفلوانس .. حركة مش تمام من التوكيل

[karemof]

السلام عليكم,
أنا أستلمت الفلوانس موديل 2013 في شهر 10 اللي فات, من غير ما التوكيل يقول أن في أي تعديلات على الشكل أو الفتيس, باعتبار أن 2013 هي نفس المواصفات, ييجي بعد 3 شهور ينزل شكل جديد لنفس موديل السنة ؟؟!!
طبعا أنا عارف أن الأسعار ولعت, والحمد لله أني أشتريت, بس أنا بتكلم عن المبدأ, أزاي يعمل حركة زي دي من غير أي أنذار, ووجود شكل جديد يقلل أسعار القديم حتى لو نفس موديل السنة.
يا ترى أنا بفكر صح ولا ايه رأي حضراتكم.

[تامر.محمد]

صدقني انت نفدت :))))))

اه كان ممكن تنتظر شوية و تشتري ام فتيس 6 سرعات بس كنت هاتدفع 20 الف زيادة

صح الجديد بيقلل سعر القديم , بس الجديد اصلا اغلى من القديم بحبة حلوين , فما تستغربش لو لقيت عربيتك بنفس سعرها زيرو دلوقت , ساعتها لو مش عايز تخليها بيعها و اشتري الشكل الجديد

[Shiref_mohamed]

صدقني انت نفدت :))))))

اه كان ممكن تنتظر شوية و تشتري ام فتيس 6 سرعات بس كنت هاتدفع 20 الف زيادة

صح الجديد بيقلل سعر القديم , بس الجديد اصلا اغلى من القديم بحبة حلوين , فما تستغربش لو لقيت عربيتك بنفس سعرها زيرو دلوقت , ساعتها لو مش عايز تخليها بيعها و اشتري الشكل الجديد

+1111111111111111111111
ولسه الى جاى احلى

[sherifahmed]

Specifications are subject to change without notice

[mo7elmy]

ياباشا انا من اسبوع كتبت الموضوع دة فى موضوع عنوانه (اصبحت فلوانسى ) والكلام دة قبل المعرض ب3 ايام لما عرفت ان الفيس ليفت نازل فى المعرض بس وزعلت حبة بس قلت لما اشوف الاسعار يمكن هى الى تصبرنا وادكي ربنا اراد الخير لينا....... اولا :عربيتى ال ب 142000 نفس الشكل اصبح ب150000 اذن انا وفرت 8000 جنية فى شهر يبقى الحمد لله ورضا جدا....... ثانيا فرق الشكل الجديد 23000 جنية دة مش فرق قليل فالحمدلله على كل شئ بالنسبالى الاكصدام الجديد حلو والقديم برضو حلو ... العداد الديجيتال مش فارق معايا لان بصراحة الوان العدادات فى الفلوانس (الاصفر x ابيض ) جميلة جدا وهادية .... نيجة بقى للفتيس ال6 نقلات لسة مظهرش ميزته ايه وعيوبه ايه.... يعنى على سبيل المثال بتاع التوكيل قالى دى تكنولوجيا مختلفة حتى فى مطالع الكبارى لازم تظبط رجلك عشان تظبط النقلة واكيد اكيد الطلعة مش هتبقى سريعة برضو عن ال4 نقلات وتوفير البنزين مش هيبقى برضو جامد احنا البنزين واستهلاكه عندنا مش سئ كويس برضو ............. مجملا الحمدلله على الشراء والعربيية جميلة وتستاهل فلوسها الى دفعناها فيها والحمدلله انك وفرت 8000 جنية بمعنى انا عربيتى عاملة 500 كيلو لو فكرت ابيعها دلوقتى متجبش 14000 على اساس عندنا هنا يقولك 10000 تنزل مجرد ما رخصت ومشيت بيها يبقى الحمدلله اوى دة بالنسبالى الى هما اشترى كاش .. والى اشترى تقسيط اهو وفر 8000 من الفوائد الى بتندفع فوق تمن العربية فالحمدلله

[Khaled Online]

باشا قول الحمدلله وربنا يباركلك

[mohammedabdallh]

باشا قول الحمدلله وربنا يباركلك

++++11111

[NaderNabil]

أولاً الحمد لله على كل حال...

ثانياً سواء توكيل رينو او غيره...سواء عنده علم أو معندوش، عمره ما هيقول للعميل ده إحنا في شكل جديد نازل أول السنة فا ماتخدش العربية دلوقتي...كده ببساطة هو بيموت العربية و بيحرقها و هايخليها راكده عنده و طبيعي ان محدش هايعبرها!

اللي حصل مع حضرتك و غيرك ده طبيعي جداً و مايقللش من التوكيل في أي شئ...

بالعكس انا ممكن ألوم نفسي لو مكنتش متابع العربية و عارف ان فيه شكل جديد نزل بره و عاجلاً ام أجلاً هاينزل مصر :)

[S O P H O S]

الحمد الله علي كل شئ ..

[egyptiandiver]

قول الحمد لله

[Ahmed_Rahem]

هنا سياسة استهبال، انا اشتريت عربيتى فى الامارات بتخفيض 20% - ايوة عملت تخفيض 20 الف درهم - علشان الموديل الجديد كان هينزل بعديها بشهر بنفس سعر عربيتى بدون التخفيض، والفرق كان فى الموتور والفتيس فقط بنفس الشكل.
انما هنا القديمة نفس السعر وهب يغير الشكل ويعلى السعر للجديدة والمواطن لية ربنا !!!

[Rsarabia]

فعلا حركة مش تمام لان مش بس الشكل اللى اتغير و لا العدادات بقت احلى
لكن فعلا العربية كدا بقت عربية تانية
الموتور القديم بتاع الميجان اتغير و بقا موتور التيدا و اكيد نفس تكييفها اليابانى
الفتيس القديم بتاع ميجان اللى كله مشاكل اخيرا غيروه و بقا الفتيس الجديد السى فى تى 6 سرعات
كدا المفروض كانو ينوهو او حتى يبيعوها بتخفيض
لكن العزاء الوحيد لحضرتك انك لو فكرت تبيع العربية دلوقتى هتبيعها نفس السعر اللى اشتريته بيها لان الاسعار غليت
انا لو من حضرتك هحاول ابيعها و احط الفرق و اجيب العربية الجديدة

[karemof]

السلام عليكم,

أولا شكرا لكم جميعا لمشاركتم
ثانيا أعتقد أن في ناس فهمتني غلط , أنا مش زعلان أني أشتريت العربية, بالعكس تماما أنا أحمد الله حمدا وشكرا كثيرا على ما وهبني بعد سنين أنتظار, و لا زعلان على أني ما جبتش الشكل الجديد (على فكرة مش عاجبني :) )

أنا اللي بتكلم فيه مسألة مبدأ , أني لما أسأل رجل المبيعات هل 2013 فيها تغيير عن اللي قبلها , يقولي الحقيقة أن 2013 اللي حاتنزل في أواخر 2012 مختلفة عن اللي حاتنزل في أول السنة , وأنا ليا الخيار بناء على اللي ربنا كاتبهولي أولا و أخيرا

[HOSSAM_GABRE]

فعلا حركة مش تمام لان مش بس الشكل اللى اتغير و لا العدادات بقت احلى
لكن فعلا العربية كدا بقت عربية تانية
الموتور القديم بتاع الميجان اتغير و بقا موتور التيدا و اكيد نفس تكييفها اليابانى
الفتيس القديم بتاع ميجان اللى كله مشاكل اخيرا غيروه و بقا الفتيس الجديد السى فى تى 6 سرعات
كدا المفروض كانو ينوهو او حتى يبيعوها بتخفيض
لكن العزاء الوحيد لحضرتك انك لو فكرت تبيع العربية دلوقتى هتبيعها نفس السعر اللى اشتريته بيها لان الاسعار غليت
انا لو من حضرتك هحاول ابيعها و احط الفرق و اجيب العربية الجديدة

هو فتيس الفلوانس dp2 مختلف عن فتيس الميجان dp0
ثانيا موتور التيدا ما يعتبرشى جديد
يعنى زية تقريبا زى موتور الميجان الفرق مش جامد فى القدرة الحصانية
موتور التيدا 118 حصان لكن الصافى بتاعة اعتقد فى حدود 107 او 108 حصان على اعتبار ان الهالك بيكون 10 % تقريبا
يمكن هو متناسب اكتر مع الفتيس cvt لان القشقاى موتورها نفس موتور التيدا مع فتيس cvt
عموما التجربة حتحكم القديم افضل ام الحديث
على فكرة القشقاى برده طلعتها بطيئة مش زى التيدا وهى مقاربة للفلوانس فى الوزن وبالشكل دا يبقى الفتيس والموتور بتاع الفلوانس اقرب للقشقاى منه للتيدا

[HOSSAM_GABRE]

السلام عليكم,

أولا شكرا لكم جميعا لمشاركتم
ثانيا أعتقد أن في ناس فهمتني غلط , أنا مش زعلان أني أشتريت العربية, بالعكس تماما أنا أحمد الله حمدا وشكرا كثيرا على ما وهبني بعد سنين أنتظار, و لا زعلان على أني ما جبتش الشكل الجديد (على فكرة مش عاجبني :) )

أنا اللي بتكلم فيه مسألة مبدأ , أني لما أسأل رجل المبيعات هل 2013 فيها تغيير عن اللي قبلها , يقولي الحقيقة أن 2013 اللي حاتنزل في أواخر 2012 مختلفة عن اللي حاتنزل في أول السنة , وأنا ليا الخيار بناء على اللي ربنا كاتبهولي أولا و أخيرا

ممكن يكون التوكيل بدر بنزول الشكل الجديد علشان يبرر ارتفاع الاسعار بسبب الدولار
لانى برده اعتقد ان التكلفة الاقتصادية للشكل الجديد لا تزيد عن الشكل القديم للاسباب التالية
اولا الفتيس مش اختراع جديد دا واخدينة من نيسان وبينزل فى الخليج يعنى ما فيهوش تكلفة تصميم وابتكار اضافية وتكلفة تصنيعة لا تزيد كثيرا عن الفتيس الحالى الستيبترونيك
ثانيا الشكل الخارجى مش مكلف لان اللعب فى الاكصدام فقط بدون كبوت او رفارف يعنى اللعب فى فورمة الفيبر ودى مش بتكون مكلفة اقصاديا
العدادات الديجيتال مش حكاية يعنى
اعتقد ان العملية تسويقية بحتة علشان يكون فيه مبرر لرفع الاسعار دون التاثير على المبيعات فعليا .