الشكل الجديد للفلوانس .. حركة مش تمام من التوكيل

[aly_elhawary]

أنا فى نفس الموقف أنا استلمت فى إخر شهر 12 بعد تردد فى الشراء هل أشترى الشكل القديم أم أنتظر الشكل الجديد .... لكن أنا لو حاختار الأن سوف أختار الشكل القديم تانى وده لسببين الأول إن الشكل القديم تم حل فيه كل المشاكل البسيطة اللى ظهرت على مدار السنوات السابقة
السبب الثانى فرق السعر الرهيب واللى وصل ل 25 ألف فى الفئة اللى انا اشترتها

[ahmed_hanafi]

انا بردو لسة مستلم من 25 يوم وكان نفسي في الشكل الجديد علشان حاجة واحدة بس اللي هي الفتيس ال سي في تي....لان الفتيش دة بصراحة حكاية ......

لكن عموما قدر الله وما شاء فعل

[وائل الجندي]

أنا فى نفس الموقف أنا استلمت فى إخر شهر 12 بعد تردد فى الشراء هل أشترى الشكل القديم أم أنتظر الشكل الجديد .... لكن أنا لو حاختار الأن سوف أختار الشكل القديم تانى وده لسببين الأول إن الشكل القديم تم حل فيه كل المشاكل البسيطة اللى ظهرت على مدار السنوات السابقة
السبب الثانى فرق السعر الرهيب واللى وصل ل 25 ألف فى الفئة اللى انا اشترتها

بس متنساش يا اخ علي اني الزيادة دي بسبب ارتفاع الدولار اكتر منها بسبب الشكل الجديد
والزيادات الي تمت تستاهل المبلغ الباقي بعد فرق الدولار يعني العدادات الديجتال ممتعة جدا وكمان موتور التيدا قوي والعربية مشهورة بقوتها فالخليج الي العربية بتتهالك فيها يمكن ضعف العربية في مصر بسبب الجو الحار جداااااااااااا وكمان الفتيس الجديد
بس انت كمان نفدت بقرق السعر الكبير والي سببه الاكبر ارتفاع سعر الدولار

[KiDmAn_87]

بص يا باشا و لا يهمك انا لسه مستلم من 10 ايام بس بصراحة عادي و مش زعلان لاني لو كنت استنيت مكنتس هقدر اجيبها اصلا و بعدين هو الشكل لسه ادامه كتير اوي عشان تشوفه في الشارع

[Moratoz]

المشكله مئ دلوقتي وانما لو الدولار رخص تاني وقرر الوكيل تخفيض السعر بناء علي سعر الدولار وتعليمات الشركة الام هيكون إيه موقف ملاك الشكل القديم لَا طبعا كان ينبغي علي الوكيل مصارحة الحاجزين الجدد وعمل خصومات علي الشكل القديم بموافقة ومساعدة الشركة الام للتخلص من المخزون علشان مش من الطبيعي ابقي جايب العربيه شهر١٢ موديل ٢٠١٣ وبعد عشرين يوم تبقي الشكل القديم وسعر اعادة البيع بعد سنتين هيختلف تماماً عن الوضع السابق بوجود شكل واحد

[wael-mohamed]

السلام عليكم,
أنا أستلمت الفلوانس موديل 2013 في شهر 10 اللي فات, من غير ما التوكيل يقول أن في أي تعديلات على الشكل أو الفتيس, باعتبار أن 2013 هي نفس المواصفات, ييجي بعد 3 شهور ينزل شكل جديد لنفس موديل السنة ؟؟!!
طبعا أنا عارف أن الأسعار ولعت, والحمد لله أني أشتريت, بس أنا بتكلم عن المبدأ, أزاي يعمل حركة زي دي من غير أي أنذار, ووجود شكل جديد يقلل أسعار القديم حتى لو نفس موديل السنة.
يا ترى أنا بفكر صح ولا ايه رأي حضراتكم.

اولا يا اخي العزيز الف مبروك وربنا يديك خيرها ويكفيك شرها
ثانيا انا استلمت الفلوانس بتاعتي فبراير 2012 وكنت عارف ان الشكل الجديد نازل نص 2013 اول 2014 وعلى فكرة الشكل ده موجود بره تجريبي من 2011 والموتور الي بيقولو عليه جديد هوه الي موجود في العربية من 2010 في الخليج وانا سوقتها بالموتور ده والفتيس ده ومش فارق عن الموجود في الشكل بتعنا والعدادات موجودة من اول ما نزلت العربية وهتلقيها موجودة في المانيوال بتاع حضرتك لانها نزلت من الاول في بلدان اخرى وفي الفلوانس الديزيل .
العربية الشكل القديم شكلها جميل بردوا وحديث والفرق مش كبير ومعنا ان الكبوت والرفارف والفوانيس واحده يبقى التعديل سهل اذا اردت والعدادات كمان
فالاف مبروك ومبروك علينا فرق السعر والعربية الممتازة

[Rsarabia]

هو فتيس الفلوانس dp2 مختلف عن فتيس الميجان dp0
ثانيا موتور التيدا ما يعتبرشى جديد
يعنى زية تقريبا زى موتور الميجان الفرق مش جامد فى القدرة الحصانية
موتور التيدا 118 حصان لكن الصافى بتاعة اعتقد فى حدود 107 او 108 حصان على اعتبار ان الهالك بيكون 10 % تقريبا
يمكن هو متناسب اكتر مع الفتيس cvt لان القشقاى موتورها نفس موتور التيدا مع فتيس cvt
عموما التجربة حتحكم القديم افضل ام الحديث
على فكرة القشقاى برده طلعتها بطيئة مش زى التيدا وهى مقاربة للفلوانس فى الوزن وبالشكل دا يبقى الفتيس والموتور بتاع الفلوانس اقرب للقشقاى منه للتيدا

على فكرة انا كلامى مش بقارن موتور بموتور او فتيس بفتيس
انا بتكلم عن الموتور الاوروبى اللى كله مشاكل و الفتيس الاوروبى اللى كله مشاكل و لحد دلوقتى محلوش مشاكل النتشة اياها و اتفرج على الاوروبى كموتور و فتيس بعد اربع خمس سنين وبص على الفتيس او الموتور اليابانى هتلاقيه زى ما هو :)
انا كان معايا ميجان و رغم اعطالها لكن كنت بحبها جدا عشان عشفتها اللى بتحسسك انك راكب فئة اعلى بكتييير من فلوسها و كنت دايما بقول لو يحطو موتور بتفيس يابانى عالعفشة دى هتبقى احسن عربية فى التاريخ :d

[seaf_sawy]

قول الحمد للهالجمعة 14 ربيع الأول 1434

[Ultramisho]

[QUOTE=Rsarabia;3874766304]فعلا حركة مش تمام لان مش بس الشكل اللى اتغير و لا العدادات بقت احلى
لكن فعلا العربية كدا بقت عربية تانية
الموتور القديم بتاع الميجان اتغير و بقا موتور التيد[OVERLINE]ا و اكيد نفس تكييفها اليابانى[/OVERLINE]

ياترى المعلومة دي عن سمع ولا استنتاج
اصل بصراحة انا بافكر في العربية دي وعاجبني الاوبشنز بتاعتها جدا بس اعتراضي الاساسي كان علشان تكييفها وتكنولوجيته الاوروبية الي بتهتم بالسخن اكثر من الساقع
لكن لو نزلت بتكييف ياباني هتبقى حاجة تانية وكلنا شفنا الماتركس التركي تكييفها كان ثلاجة

ياريت لو عند حضرتك تأكيد لمصدر المعلومة دي تطمني

تحياتي