ميجان ولا فيكترا فى الثبات

[creative_art]

السلام عليكم ورحمة الله ..

كنت محتاج منكم مساعده صغيره و إن شاء الله واثق انى هلاقي المساعده الجاده هنا ..

أخوكو زائر من منتدي الأوبل .. معايا فيكترا B موديل 1997 ..

وطبعا الاوبل غنيه عن التعريف .. كامله من كل حاجه ..

نظرا لأسباب معينه ابرزها انى عايز عربيه ناعمه ومريحه
وده مش معناه ان الاوبل وحشه بس هي عربية شغل و dynamiques اكتر منها راحه ونعومه

فكرت انى ابيعها واجيب ميجان 2 .. والأفضل تكون هاتشباك ..


الاستفسار بتاعى بمنتهي البساطه محتاج حد يكون ركيب المانى ومعاه ميجان حاليا ... وجرب يعني ايه المانى وهتكلم بالتحديد فى نقطة الثبات ..


وللعلم ثبات الاوبل للي ميعرفش خلاها تعتبر من افضل العربيات علي مستوي العالم ..

كنت عايز اعرف الفرق قد ايه بين ثبات الاتنين ( ميجان & فيكترا ) ... مدي دقة التوجيه .. ال Handling & traction على السرعات فوق ال 180


وربما يكون سوألي غريب شوية لانى بالفعل شفت ردود ملاك كتير ان الميجان ثابته وكل حاجه ..


بس كل ده اتمسح من دماغى من مجرد ماجربت الفلوانس بتاعت والدي ..

او قولت ممكن يكون المعيار بتاعى انا مختلف .. وانا بقيس الثبات بشكل خاطىء ..

وهي عربيه جميله واصدار خليجي من تقفيل شركة NISSAN ..

بس للأسف الشديد ثباتها وتحكمها عالطريق غير مرضي بالمره .. متوسط ومش زي الالمانى خالص والتعويم فيها للصبح ... بالاضافه الى ان تصميم العفشه الخلفيه زي السيراتو ممكن يغدر بيك ويقلبك فى اي لحظه

فا لو تسمحولي اتقل عليكو شوية بانى عايز مقارنه سريعه بين ثبات الاتنين ... وهل الفرق كبير وفي صالح مين ( بناء على تجربه )

وللعلم انا بتكلم على HARDCORE على الطريق مش مجرد كبس بنزين ...

يعني طريق غير ممهد .. غرز ديقه .. وعلى سرعات 160 ونت طالع ..

وكمان لو تسمحولي بكمان سوأل لو عايز ميجان 2 سيدان سقف بانوراما تعمل كام ... والسقف البانوراما دي ايه عيوبها وايه الاوبشن الى بتبقي نازله بيه الكاتيجري دي ..

ولو عايز هاتشباك بتعمل كام برضه .. وهل فيه عيوب للهاتشباك ( سمعت انها فرنساوى ) ..

وسوأل اخير بالنسبه للمانيوال ايه نظامه فى العربيه دي ... وهل هلاقيله ديسك واسطوانه وسعرهم هيعمل كام

[Ahmed Selim]

الفيكترا اللي معاك اثبت شوية

كانت معايا قبل الميجان

هي أخف شوية من الفيكترا بس مش زي ما انت بتقول على الفليونس......انا مجربتش الفليونس على فكرة

[hilal]

أنا ركبت الاثنين ، ورأيي أنه لا مجال للمقارنة أصلا بين الاثنين
الميجان حاجة ، والاوبل حاجة تانية خالص من حيث القوة والثبات والمتانة وجودة الخامات
حرام تقارن الاوبل بالميجان أصلا

[i_Am_Legend]

الميجان عربية محترمة...بس انا ليا وجهة نظر تانية..بحكم خبرتى..وبعد تفسير كلامك...انت مش هاينفعك غير عربية واحدة بس :) او عربيتين تحديدا..انزل جرب الالفا 147
اوجرب 156 لو عايز سيدان..علي فكرة..انا شغال في رينو اصلا :)
بس راكب الفا...واوعي تقولى قطع غيار الالفا غالية بقي ومش موجودة..علشان مافيش الكلام دة...دة كلام الاخوة بتوع الكورى..واللانسر.
والفيرنا والكلام دة..تحياتى..واى استفسار تحت امرك:)

[creative_art]

الألفا والبوكسر خارج المنافسه ياباشا وهما تاني اختيار بعد الميجان لعلمك ده حلم عمري .. انا بس بسال عن الميجان لان والدي قالي شوفها لو كويسه هاتها ..

بالنسبه لحرام تقارن الاوبل بالميجان .. انا مش فاهم انهى الى حرام فى انهي يعني الاوبل الى وحشه ولا الميجان ؟؟
وهل حضرتك جربت معاها الفيكترا b ولا c لان ال c عفشتها معدله شوية والثبات اعلي فى المنحنيات من ال b

[ahmed_hanafi]

انا اعتقد انا الاوبل اكثر ثباتا من الميجان

[lanos2004]

الاتنين ممتازين جدا
انا جربت الاتنين بس الميجان بتتحرك على الطريق اكتر من الاوبل
مش عارف اوصفها ازاى بس بتحس بالطريق عالى وواطى اكتر من الاوبل
بس انا شعرت ان الميجان مريحه اكتر
الاوبل بركبها كتير جدا
الميجان سوقتها مرة واحدة فقط
فرامل الميجان حستها اقوى من الاوبل

[i_Am_Legend]

الالفا هاتجمع مابين الثبات والقوة والفرامل..انا جربت جري مع الفانتازيا والباسات ..والسيراتو..والنيو بيتلز..مافيش حاجة بتسد مع الالفا نهاائي:)

[solly1979]

انا هقول خبرتى فى سواقة اوكتافيا a4 لمدة سنتين وميجان بانوراما لمدة سنتين والعربيتين فابريكه برة وجوة
الثبات مع الالمانى اعلى شويه على 180 وانت طالع تحس انك قاعد على الارض
الغرز على سرعات عاليه فوق ال 160 الميجان تفوق الاوكتافيا اطول وارخم فى الغرز
الوقوف المفاجئ من سرعات عاليه بتكلم عن 170 او 180 الميجان ما شاء الله تفوق بمراحل
قطع الغيار
الميجان اقل فى حاجات كتير
الاوبشنز
الميجان حدث ولا حرج ما شاء الله كل حاجه تتمناها فى عربيه موجود
الاوكتافيا معدمة الاوبشنز ABS + 1 Air bag only
والله مكنت بلاقى مكان احط فيه الموبيل ههههه
التسارع
من 0 - 100 الميجان تفوق
من 100-180 الامانى بيجمع بسرعه اوى
السرعه القصوى
الاوكتافيا 200 اخرها كذا مرة
الميجان 190 وكان حساس الانجكشن بايظ والسحب ققل بعد التصليح مجربتش بس متهيئلى 220 مستريح
للاسف مركبتش اوبل بس يارب اكون افدك اكيد انت عارف الفرق بين الاوبل و الاوكتافيا a4 وممكن تحكم

[creative_art]

الالفا اسطوره زي اسم حضرتك كده ودي من العربيات الى مخدتش حقها فى مصر تماما وانا مقتنع بكل ده والله بس خليها تانى اختيار لانى لما بشتري حاجه صحيح بتبقي ليا بس لازم موافقة البيت .. وتوقع انت لو قولتلهم الفا هيعملو ايه ..

Solly1979

ربنا يبارك لحضرتك .. الافاده كانت كبيره من مداخلتك اما بالنسبه لل A4 والأوبل الثبات تقريبا هو هو على الخط تحسها لازقه فرق الأوبل فى المنحنيات ملهاش منافس حتي ال BMW دبانه
..
انا حاليا بحسبها من ناحية انك لازم تضحي بحاجه عشان تاخد حاجه تانيه ..
حاليا الأوبل جميله بس انا عايز فخامه واوبشن وعايز حاجه مريحه ..
ركوبة الأوبل تعبتني والمانيوال ناشف جدا والباور تقيل وكمان اعطال صناعة الأوبل مش قليله ..
في مقابل كده ثبات معقول ..
عموما انا حاليا عربيتي بتتشد سمكره ودوكو وبتتجدد بالكامل وهي اصلا حالة مصنع يعني هتجيبلي 50 مستريح ان شاء الله ..

تعتقدو لو معايا 60 هيجبلي بانوراما نضيفه ولا هتعب ؟؟؟؟ ...
وعشان احدد طلبي بالظبط انا عايز بانوراما هاتش باك ... او هاتش باك بدون بس الأولويه انى مش عايز سيدان ..

وياريت لو حد هنا يعرف ميجان نضيفه بتتباع يلاغيني .. او عايز ياخد الأوبل نفس الكلام

[i_Am_Legend]

بس في نقطة مهمة جدااا..قطع غيار ال156 ارخص كتير من الميجان..واقل اعطال..

[shawkylotfy]

ياباشا الاتنين افشخ من بعض فى الثبات

[medori]

انا هقول خبرتى فى سواقة اوكتافيا a4 لمدة سنتين وميجان بانوراما لمدة سنتين والعربيتين فابريكه برة وجوة
الثبات مع الالمانى اعلى شويه على 180 وانت طالع تحس انك قاعد على الارض
الغرز على سرعات عاليه فوق ال 160 الميجان تفوق الاوكتافيا اطول وارخم فى الغرز
الوقوف المفاجئ من سرعات عاليه بتكلم عن 170 او 180 الميجان ما شاء الله تفوق بمراحل
قطع الغيار
الميجان اقل فى حاجات كتير
الاوبشنز
الميجان حدث ولا حرج ما شاء الله كل حاجه تتمناها فى عربيه موجود
الاوكتافيا معدمة الاوبشنز ABS + 1 Air bag only
والله مكنت بلاقى مكان احط فيه الموبيل ههههه
التسارع
من 0 - 100 الميجان تفوق
من 100-180 الامانى بيجمع بسرعه اوى
السرعه القصوى
الاوكتافيا 200 اخرها كذا مرة
الميجان 190 وكان حساس الانجكشن بايظ والسحب ققل بعد التصليح مجربتش بس متهيئلى 220 مستريح
للاسف مركبتش اوبل بس يارب اكون افدك اكيد انت عارف الفرق بين الاوبل و الاوكتافيا a4 وممكن تحكم

الكلام ده زى الفل، انا مسوقتش المانى موديلات جديدة الحقيقه بس ركبت الvectra 2008 بس للاسف كانت بتاعت الشركة و كانت مقفوله على 120 بس هى انشف من الميجان بس ثبتاها اعلى على السرعات العاليه، انا معجتنيش الميجان فوق ال160 او 170 الحقيقه بس still انا مجبتش السرعات ديه بعربيه تانيه عشان احكم عشان انا مش بجرى غير بعربيتى.

من خلال الشد مع الاوكتافيا الميجان تعدى لحد ال120 او 130، بعد كده الاوكتافيا تجيبها و تعديها لحد ال180 :) و لما تدوس خالص و تجيب ال 200 بالميجان هتعدى الاوكتافيا تانى :) و الvectra تقوم مريحة ال2 على جنب و تعدى هيا ;)

قطع غيار الميجان بقت منتشره اوى و اسعارها معقوله يعنى فى range الاوروبى عامة و اللى بيفهموا فيها بقوا كتير اوى برضه، معدتش لغز زى اول ما نزلت، بس برضه محدش يحط ايدة فيها الا واحد بتاع ميجان و الا هيشخرملك العربيه :)

هى المقارنة صعبة اوى الحقيقة، بس بالرغم من ان انا معايا الميجان و من عشاقها بشده، بالرغم من الحركات البايخة بتاعتها، انما الالمان هما اصل العربيات و مفيش حد يقدر يتفوق عن الأصل ابدا

[medori]

السلام عليكم ورحمة الله ..

كنت محتاج منكم مساعده صغيره و إن شاء الله واثق انى هلاقي المساعده الجاده هنا ..

أخوكو زائر من منتدي الأوبل .. معايا فيكترا B موديل 1997 ..

وطبعا الاوبل غنيه عن التعريف .. كامله من كل حاجه ..

نظرا لأسباب معينه ابرزها انى عايز عربيه ناعمه ومريحه
وده مش معناه ان الاوبل وحشه بس هي عربية شغل و dynamiques اكتر منها راحه ونعومه

فكرت انى ابيعها واجيب ميجان 2 .. والأفضل تكون هاتشباك ..


الاستفسار بتاعى بمنتهي البساطه محتاج حد يكون ركيب المانى ومعاه ميجان حاليا ... وجرب يعني ايه المانى وهتكلم بالتحديد فى نقطة الثبات ..


وللعلم ثبات الاوبل للي ميعرفش خلاها تعتبر من افضل العربيات علي مستوي العالم ..

كنت عايز اعرف الفرق قد ايه بين ثبات الاتنين ( ميجان & فيكترا ) ... مدي دقة التوجيه .. ال Handling & traction على السرعات فوق ال 180


وربما يكون سوألي غريب شوية لانى بالفعل شفت ردود ملاك كتير ان الميجان ثابته وكل حاجه ..


بس كل ده اتمسح من دماغى من مجرد ماجربت الفلوانس بتاعت والدي ..

او قولت ممكن يكون المعيار بتاعى انا مختلف .. وانا بقيس الثبات بشكل خاطىء ..

وهي عربيه جميله واصدار خليجي من تقفيل شركة NISSAN ..

بس للأسف الشديد ثباتها وتحكمها عالطريق غير مرضي بالمره .. متوسط ومش زي الالمانى خالص والتعويم فيها للصبح ... بالاضافه الى ان تصميم العفشه الخلفيه زي السيراتو ممكن يغدر بيك ويقلبك فى اي لحظه

فا لو تسمحولي اتقل عليكم شوية بانى عايز مقارنه سريعه بين ثبات الاتنين ... وهل الفرق كبير وفي صالح مين ( بناء على تجربه )

وللعلم انا بتكلم على HARDCORE على الطريق مش مجرد كبس بنزين ...

يعني طريق غير ممهد .. غرز ديقه .. وعلى سرعات 160 ونت طالع ..

وكمان لو تسمحولي بكمان سوأل لو عايز ميجان 2 سيدان سقف بانوراما تعمل كام ... والسقف البانوراما دي ايه عيوبها وايه الاوبشن الى بتبقي نازله بيه الكاتيجري دي ..

ولو عايز هاتشباك بتعمل كام برضه .. وهل فيه عيوب للهاتشباك ( سمعت انها فرنساوى ) ..

وسوأل اخير بالنسبه للمانيوال ايه نظامه فى العربيه دي ... وهل هلاقيله ديسك واسطوانه وسعرهم هيعمل كام

اسمحلى انا بقى اسألك سؤال عشان نستفيد منك برضه :) انت حكمت ازاى على تصميم العفشة الخلفية بتاعت السيراتو انها ممكن تخليك تقلب فى اى وقت؟ عشان النقطة دية ambiguous شويه بالنسبالى!

الميجان البانوراما هى اعلى فئة فيها كل حاجة، ممكن تبص على الموضوع ده http://www.nilemotors.net/Nile/22988-ii.html هو فية الاوبشنز الاساسيه فى الميجان عشان فيه حاجات تانية الناس اكتشفتها بعد كدة :)

سعرها كام دية بقى على حسب الموديل، لو 2006 مثلا و حالتها نضيفة مش هتقل عن 65 باى حال من الاحوال و الا يبقى صاحبها بيرميها على الارض

انا معايا المانيوال، و مغيرلها الديسك و الاسطوانه و البليه و كله تمام، موجودين برضة فى كل حتة، السعر تقريبا كانوا ب 600 جم او 650 للطقم كله valeo فرنساوى

[creative_art]

اسمحلى انا بقى اسألك سؤال عشان نستفيد منك برضه :) انت حكمت ازاى على تصميم العفشة الخلفية بتاعت السيراتو انها ممكن تخليك تقلب فى اى وقت؟ عشان النقطة دية ambiguous شويه بالنسبالى!

لا ياباشا ربناا مايجيب ambiguous ولاحاجه .. قبل كل شىء بغض النظر عن الجانب الهندسي فا انا كان تحت ايدي 3 عربيات سيراتو .. واحده تخص والدي اول ماطلعت 2009 فئة ex جنط 16 وواحده بتاعت ابن عمى 17 sx وواحده بتاعت صديقي 17 sx ست سرعات ..
والعربيه بلاش اقول ثباتها سىء بس هي تكلفة انتاجها متوسطه وعلى قد فلوسك بتاخد اداء ..

وده ليه ابعاد هندسيه كبيره اطلاعى المحدود ممكن ميغطيش الموضوع

بس منتهي البساطه بص لنظام التعليق بتاع السيراتو من ورا وبص على الاوكتافيا a5 والفيكترا ..

العفشه الخلفيه فى السيراتو مصممه على اساس Torision beam وده بمنتهي البساطه فى نظري كارثه لانه على السرعات العاليه مبيديش مساحه للعجله الخلفيه فى انها تتمدد وتفرش عالطريق عكس الالمانى والاوروبي بشكل عام .. وده من احد اسباب ان عفشتها ناشفه

بمعني اصح العفشه كلها مربوطه حته واحده ولو اخدت مطب عالطريق انت ونصيبك ..

بس هو في الاول وفى الاخر انا مش بعيب على السيراتو بس هي تكلفة انتاجها كده لا تسمح بانهم ينزلو عربيه فيها تعليق خلفي ماكجفرسون او مالتي لينك

ولو عايز تعرف اكتر عن الموضوع ممكن تبحث على النت عن الفرق مابين

Torision Beam Coupled Axe وده الى نازل فى السيراتو

Torision Z link suspension و ده نظام التعليق المعتمد فى معظم الدول الأوروبيه وده بيدي ثبات عالى جدا ومعمر وبالمناسبه دي العفشه الى كانت نازله فى الاسترا والكروز وال A4 لما تشوفها من بره نفس الشكل بس الاداء مختلف تماما

وفى الاول وفى الاخر الثبات لا يقاس بتصميم العفشه فقط والا كانت اللانوس ثباتها زي الاوبل على الرغم انها فيها نفس التكنولوجي بتاعت VECTRA A ولكن هوا بعوامل كتير زي ايروديناميكس و ال weight destribution

وعموما هوا الحديث يطول في الموضوع ده انا بس حبيت ارد على سوألك واوضح النقطه لو كلامى فيه غموض شوية ..