هل اشترى الرينو فلوينس الفيس ليفت ولا اة

[koshakindnes]

السلام عليكم

يجماعة انا ناوى اشترى عربية جديدة هى اة بالظبط انا لسا محددتش

بس الاختيارات الى كانت قدامى

ford foucs
kia cerato
508 بس دى مستبعدى حبتين بسبب سعرها


لغاية لما واحد صاحبى امبارح قالى تعالا نتفرج على الفلوينس وانا كنت مستبعدها خالص لانى معرفش حاجة فى الرينو وكنت متوقعها فقيرة جدا بالنسبة للفورد بذات


بس مالفاجءة انى شفت الرينو فلوينس الفيس ليفت ومساء الاندهاش الى كنت فى


من وسع العربية
الاوبشنز الى فيها
انظمة الامان الكاملة فى الفرامل والاتزان ال esp ودا كلام الراجل مش عارف صح ولا لا


والاهم من دا كولوا بيقولى دا موتور جديد وفتيس جديد وقالى انو 115 حصان بس تقدر لو بتسحب مع النترا الى هى 130 حصان تعديه بسهولة طبعا مش عارف ازاى

واخيرا علشان مطولش

الناس تقولى اخبار العربية ايه معاهم وياريت تعرفونى عليها اكتر لانها معرفهاش خالص

تحياتى

[تامر.محمد]

الموتور و الفتيس لسه نازلين جداد فعلا , بس ماحدش هنا جاب العربية لسه فماحدش جربهم

بس تقريبا هما نفس موتور النيسان تيدا و فتيس القاشقاي , فممكن في قسم نيسان يفيدوك

بالنسبة لحتة التسارع دي ماظنش حد يقدر يفيدك الا بالتجربة , و ان كنت ماظنش انها هاتبقى اسرع من الالنترا

ولا اظنها هايبقى فيها esp

[koshakindnes]

الموتور و الفتيس لسه نازلين جداد فعلا , بس ماحدش هنا جاب العربية لسه فماحدش جربهم

بس تقريبا هما نفس موتور النيسان تيدا و فتيس القاشقاي , فممكن في قسم نيسان يفيدوك

بالنسبة لحتة التسارع دي ماظنش حد يقدر يفيدك الا بالتجربة , و ان كنت ماظنش انها هاتبقى اسرع من الالنترا

ولا اظنها هايبقى فيها esp

متشكر لرد حضرتك حكاية التسارع مدخلتش دماغى فعلا انها تعدى النترا والله اعلم

وال esp قالى موجود فيها واكد على دا وانا اتفرجت على تانى فئة اوتو

[Land_Cruiser]

بلاش يا فندم تمشي ورا كلام البائعين و بعدين عدد الاحصنه ما ينفعش يستخدم لوحده كمعيار للحكم علي قوه الموتور لانه لازم يؤخذ معاه في الاعتبار وزن السياره نفسه اللي الاحصنه هتحركه يعني الموضوع مش بكثره عدد الاحصنه ده طبعا غير العوامل التانيه زي الامان و الوسع الداخلي و التوكيل و الكماليات و بالتالي العربيه اللي هيبقي فيها معظم متطلبات حضرتك هي دي اللي هتختارها لانها الانسب و تبقي عارف انها قد تفتقد حاجات تكون موجوده في عربيه منافسه و لكن الحاجات دي حضرتك مش بتبقي محتاج لها و بالتالي مش هتفرق معاك

[koshakindnes]

بلاش يا فندم تمشي ورا كلام البائعين :f_eyeb1[1]: و بعدين عدد الاحصنه ما ينفعش يستخدم لوحده كمعيار للحكم علي قوه الموتور لانه لازم يؤخذ معاه في الاعتبار وزن السياره نفسه اللي الاحصنه هتحركه يعني الموضوع مش بكثره عدد الاحصنه ده طبعا غير العوامل التانيه زي الامان و الوسع الداخلي و التوكيل و الكماليات و بالتالي العربيه اللي هيبقي فيها معظم متطلبات حضرتك هي دي اللي هتختارها لانها الانسب و تبقي عارف انها قد تفتقد حاجات تكون موجوده في عربيه منافسه و لكن الحاجات دي حضرتك مش بتبقي محتاج لها و بالتالي مش هتفرق معاك

ياباشا شكرا لرد حضرتك وتقريبا لحد دلوقتى محستش بيها لانى شفتها مرة واحدة امبارح ومش مصدق لحد دلوقتى انها فيها كل الايجابيات دى وسعرها قليل دى اوسع تقريبا من الفورد بكتير ومستنى ردود الناس الى معاها العربية علشان تطمنى لان بصراحة هربت من عربيات كتير بسبب الفتيس ومشاكل ميكانيكا :d

[Thebutcherr]

فورد فوكاس طبعا

[horas3000]

لو عاجباك اشتريها طبعا
عربية محترمة جدا و توكيلها هايل
و السعر معقول جدا جدا

[ahmedteam]

رائ فقط شوف الفوكس كويس اكيد سعر اعاده البيع لصالحها

لا تنسى صلاه الاستخاره

[khaabas]

معلش هو ايه اللى سعر معقول دى بتدأ من 160 الف وفيها abs وايرباج واحد

1- السيراتو
2- الفورد فوكس ( بس انسي انك تتعامل فى صيانتها بره التوكيل )

[Hany Saad]

نفس الحيرة بتاعتى....بس أنا الفوكس مش فى حساباتى لأنها مش عجبانى كشكل...و مش عارف لو مش فلوانس هجيب أيه

فى رأى سعر إعادة البيع للأوروبى عامة واقع بإستثناء السكودا و مع ذلك و تبعا لإنتشار العربية مقارنة بالفوكس أعتقد الفلوانس سعر إعادة بيعها هيكون أعلى شوية.

عدد الأحصنة علشان يتقاس صح لازم يؤخذ كمان العزم فى الحسبان و كمان و هو الأهم الكلام ده مقاس عند كام لفة موتور فى الدقيقة....يعنى 130 حصان فى المجمل أو 115 حصان غير كافى للحكم أبدا...طبعا غير عوامل أخرى كثيرة جدا مثل وزن العربية و الaerodynamics بتاعتها (Drag Coefficient) و خلافه....
ميزه الموتور الجديد و هو بالفعل نفس بتاع التيدا و الفتيس الXtronic CVT هوهو بتاع التيداو القشقاى و الJuke و كثيرمن سيارات نيسانزززز بيخرجوا أقصى عزم للسيارة عند أر بى أم منخفض و قوة الأحصنة مقاسة أعتقد عند 4000 لفة حسب ما أذكر علشان لو عايز تقارن مع الإلنترا

كصاج الفلوانس أتقل من الألنترا و ده الفرق بين المدرسة الأوروبى و المدرسة الأسيوى اللى بتخف الصاج علشان تحسسك بقوة سحب الموتور.

العربية كأوبشنز و مواصفات و أساسيات و وسع و سعر و إستهلاك بنزين مفهاش غلطة إلا يمكن ضعف التكييف مقارنة بالأسيوى (و لو أن برده مستنى حكم ملاكها الجدد و هل أتغير و أتحط كباس كورى و لسه بيستخدموا أوروبى)و أحسن عربية فى هذه الشريحه السعرية فى رأى....كل مشكلتها مستنى أراء الناس فى الفتيس الجديد الCVT مش علشان فيه مشاكل لأ.. بس علشان سواقته مختلفه تماماً و بأكد تماماً عن الفتيس الأتوماتيك العادى و مش كل الناس بتستسيغه..... كصوت موتور و تجميع و إحساس بالنقل....

ربنا يوفقنا جميعاً فى إختيار سيارة جيدة.......

[koshakindnes]

معلش هو ايه اللى سعر معقول دى بتدأ من 160 الف وفيها abs وايرباج واحد

1- السيراتو
2- الفورد فوكس ( بس انسي انك تتعامل فى صيانتها بره التوكيل )

196000 تانى فئة

وفيها 2 ايرباج وstart engine واوبشن تانية كتير صعب تلاقى بنفس السعر دا فى عربيات تانية

[koshakindnes]

نفس الحيرة بتاعتى....بس أنا الفوكس مش فى حساباتى لأنها مش عجبانى كشكل...و مش عارف لو مش فلوانس هجيب أيه

فى رأى سعر إعادة البيع للأوروبى عامة واقع بإستثناء السكودا و مع ذلك و تبعا لإنتشار العربية مقارنة بالفوكس أعتقد الفلوانس سعر إعادة بيعها هيكون أعلى شوية.

عدد الأحصنة علشان يتقاس صح لازم يؤخذ كمان العزم فى الحسبان و كمان و هو الأهم الكلام ده مقاس عند كام لفة موتور فى الدقيقة....يعنى 130 حصان فى المجمل أو 115 حصان غير كافى للحكم أبدا...طبعا غير عوامل أخرى كثيرة جدا مثل وزن العربية و الaerodynamics بتاعتها (drag coefficient) و خلافه....
ميزه الموتور الجديد و هو بالفعل نفس بتاع التيدا و الفتيس الxtronic cvt هوهو بتاع التيداو القشقاى و الjuke و كثيرمن سيارات نيسانزززز بيخرجوا أقصى عزم للسيارة عند أر بى أم منخفض و قوة الأحصنة مقاسة أعتقد عند 4000 لفة حسب ما أذكر علشان لو عايز تقارن مع الإلنترا

كصاج الفلوانس أتقل من الألنترا و ده الفرق بين المدرسة الأوروبى و المدرسة الأسيوى اللى بتخف الصاج علشان تحسسك بقوة سحب الموتور.

العربية كأوبشنز و مواصفات و أساسيات و وسع و سعر و إستهلاك بنزين مفهاش غلطة إلا يمكن ضعف التكييف مقارنة بالأسيوى (و لو أن برده مستنى حكم ملاكها الجدد و هل أتغير و أتحط كباس كورى و لسه بيستخدموا أوروبى)و أحسن عربية فى هذه الشريحه السعرية فى رأى....كل مشكلتها مستنى أراء الناس فى الفتيس الجديد الcvt مش علشان فيه مشاكل لأ.. بس علشان سواقته مختلفه تماماً و بأكد تماماً عن الفتيس الأتوماتيك العادى و مش كل الناس بتستسيغه..... كصوت موتور و تجميع و إحساس بالنقل....

ربنا يوفقنا جميعاً فى إختيار سيارة جيدة.......

ربنا يوفقك الاول ياباشا وتختار الاحسن



بس انا مش فى حيرة انا قربت اتجنن خلاص لانى عمال اتمرجح ما بين سيراتو والنترا لحد 508 وباسات



وطبعا بعدت عن السكودا والباسات والكلام دا كولوا علشان الفتيس


وال 508 سعرها على اوى


فضل كدا عندى الرينج الى اقدر عليه

فورد
اوبل
رينو
والكورى الى غلى كولوا

الفورد ناس اشتكت من الفتيس انو بيتردد وتقيل
الاوبل ضييقة جدا وحسيت انى قاعد فى قبر ومش ببالغ الصراحة لان علشان تعد مستريح قدام وانا من النوع الى بحب يكون الكرسى بعيد شوية عن الدريكسيون فا سعتها محدش ينفع يعد وراك ضيقة جدا يعنى

الرينو لسا معرفش عنها حاجة خالص


ومحتااااااااااااااااار وكمان فى نقطة ان كلها 6شهور وموديلات 2014 يعنى على شهر 10 فا ليه اجيب موديل 2013


حيرة من كل ناحية يعنى


وشيلتك همى معلش تحياتى :d

[Hany Saad]

ربنا يوفقك الاول ياباشا وتختار الاحسن



بس انا مش فى حيرة انا قربت اتجنن خلاص لانى عمال اتمرجح ما بين سيراتو والنترا لحد 508 وباسات



وطبعا بعدت عن السكودا والباسات والكلام دا كولوا علشان الفتيس


وال 508 سعرها على اوى


فضل كدا عندى الرينج الى اقدر عليه

فورد
اوبل
رينو
والكورى الى غلى كولوا

الفورد ناس اشتكت من الفتيس انو بيتردد وتقيل
الاوبل ضييقة جدا وحسيت انى قاعد فى قبر ومش ببالغ الصراحة لان علشان تعد مستريح قدام وانا من النوع الى بحب يكون الكرسى بعيد شوية عن الدريكسيون فا سعتها محدش ينفع يعد وراك ضيقة جدا يعنى

الرينو لسا معرفش عنها حاجة خالص


ومحتااااااااااااااااار وكمان فى نقطة ان كلها 6شهور وموديلات 2014 يعنى على شهر 10 فا ليه اجيب موديل 2013


حيرة من كل ناحية يعنى


وشيلتك همى معلش تحياتى :d

يا باشا و لا هم و لا حاجة....كلنا هذا الرجل:)

أنا نفس الحوار

باسات و جيتا و سكودا....فتيس dsg أبعد عنه
فورد فوكاس....مش شدانى....التوكيل نام مؤخرا...مش منتشرة و ده هيخلى سعر إعادة البيع فى الضياع و قطع الغيار مش هتكون متوفرة أو متوفرة و غالية
بيجو 508 كل بيشكر فيها و لكن روحت لسعر تانى خالص و طبعا كلنا عايزين نجيب أعلى فئه
أسترا محاولتش أصلا أبص عليها علشان صيانة منصور
كورى أنت دخلت فى سكه تانيه خالص بغض النظر عن السعر....الأوروبى حماده و الأسيوى حماده تانى خالص :):)

فلوانس الشكل جديد....التوكيل ضامنه....العربية مفهاش غلطة بس لسه مقلق من الفتيس و هجرب سحبه قبل ما أخد أى خطوة للأمام....

ربنا يوفقك و تحت أمرك....تحياتى

[khaabas]

عايز نصيحتى الالنترا
سهولة صيانة + انتشار + توافر قطع الغيار بوفره خارج التوكيل + رخص قطع الغيار خارج التوكيل + اعادة بيع ممتازة + موتور جبار + تكييف جبار ( بس قبل ما تقول كورى روح اتفرج عليها واتفرج على الهاى لاين ( حتى المرايات الضم هتلاقيها فيها ) وأسال على قطع غيارها فى التوفيقية والحرفيين ( جديد هتلاقى ، استيراد هتلاقى ) وتعالى قسم هيونداى نتناقش :)

[koshakindnes]

يا باشا و لا هم و لا حاجة....كلنا هذا الرجل:)

أنا نفس الحوار

باسات و جيتا و سكودا....فتيس dsg أبعد عنه
فورد فوكاس....مش شدانى....التوكيل نام مؤخرا...مش منتشرة و ده هيخلى سعر إعادة البيع فى الضياع و قطع الغيار مش هتكون متوفرة أو متوفرة و غالية
بيجو 508 كل بيشكر فيها و لكن روحت لسعر تانى خالص و طبعا كلنا عايزين نجيب أعلى فئه
أسترا محاولتش أصلا أبص عليها علشان صيانة منصور
كورى أنت دخلت فى سكه تانيه خالص بغض النظر عن السعر....الأوروبى حماده و الأسيوى حماده تانى خالص :):)

فلوانس الشكل جديد....التوكيل ضامنه....العربية مفهاش غلطة بس لسه مقلق من الفتيس و هجرب سحبه قبل ما أخد أى خطوة للأمام....

ربنا يوفقك و تحت أمرك....تحياتى

ربنا يخليك ياباشا ولما تجربها مستنى ردك اة رايك فيها ان شاء الله