ارجو ابداء الرأي من مالكي الميجان..

[t4r3k]

السلام عليكم ...
الحمد لله شبة استقريت على الميجااان حبيبة الملايين ... ربنا يسهل بقى كدا والاقي حاجه كويسة
المهم انا كنت ناوي يإما موديل 2005 او 2006 .. بس بعض الشباب قالولي خليك فى ال 2006 عشان عالجووا شوية حاجات كانت فى 2005 .. كنت عايز اعرف ايه الحاجات دي ضروري .. عشان انا بدأت أدور الحمد لله

[farahat]

أهنيك على اختيارك ، و ربنا إن شاء الله يكرمك و تلاقي عربية كويسة
عموماً مشاكل العربية دي كلها ظهرت في الدفعات الأولى فقط ، و دي كنت في أول ٢٠٠٥ ، و المشاكل دي كنت عبارة عن نتشة في الفتيس الاوتوماتيك و إتصلحت بعد كدة عن طريق تعديل السوفتوير بتاع الفتيس دة ، و اختفت المشكلة دي من أول ٢٠٠٦ (و كمان التوكيل بينزل السوفتوير الجديد ده على عربيات ٢٠٠٥ إلي فيها المشكلة مجاناً ) .
كمان كان في عربيات فيها عيب في علبة الدركسيون في ٢٠٠٥ و اتغيرت بعد كدة و ماظهرتش المشكلة دي تاني ، و بعض البطاريات إلي كانت في العربية كانت من نوع سيئ و اتغيرت بعد كدة ببطاريات جافة من نوع Varta و دي أحسن حاجة في السوق و غيروها برضه مجاناً في التوكيل للي كان عنده مشكلة فيها

[t4r3k]

الف شكر ليك ياباشا .. يعني لو انا لقيت حاجه كويسه 2005 مثلا عشان اجيب اوبشنز اعلي يبقى على التوكيل طبعا وأتأكد ان العربية مفيهاش المشاكل دي ان شاء الله ..
ولو فى اى اراء اخري من احد الاعضاء انا فى الانتظار ..
وفعلا ماشاء الله الاعضاء لا يتأخروون .. وكفايا ان استاذ فرحات بنفسة اللى رد عليا كماااان .. ماشاء الله اعضاء القسم بيشكروا فى حضرتك جدا .. نفع الله بك ..

[farahat]

يا سيدي ربنا يبارك فيك و في الاعضاء كلهم ، فعلاً أجمل حاجة هنا في القسم إن الناس كلها كأنهم عائلة واحدة.

بالنسبة للكشف أنا معك في حكاية التوكيل لأنهم بيكشفوا على كل حاجة في العربية بالتفصيل و بيقولوا لحضرتك كل حاجة فيها و لو هتتغير هتتكلف كام ، و الكشف دة مفيد جداً هو بس غالي شوية بس يستاهل ،
و قبل ما تسأل هو بيتكلف حوالي ٣٣٠ جنيه :)

و لو عند حضرتك أي إستفسار احنا موجودين و إن شاء الله نقدر نفيدك، و ربنا يرزقك كل خير .

[Ahmed Selim]

فى حاجة كمان

جنوط 2005 ضعيفة شوية وبتتنى فى شوارعنا الهايلة

حاول تخليك فى 2006

ربنا يكرمك أن شاء الله

[t4r3k]

الف شكر يا استذنا استاذ احمد عبد المقصود ..
معلش انا بتقل عليكووا بس استحملوني معلش .. انا بفكر كل شويه كدا فى اى جديد وبقوله عشان ابقى 100% ان شاء الله .. بس انا الحمد بدأت اتصل بالناس اللى عامله إعلانات وأدور واهه ربنا يسهل الامر ان شاء الله وان شاء الله اعمل زي ما قولتلي عليه ..
فى انتظار المزيد

[farahat]

لو بتفكر في مانوال أنا ممكن تتفرج على عربيتي عشان أنا بفكر أغير ، و أكيد طبعاً هيبقى في واجب كبير عشان حضرتك من الأسرة :)

[t4r3k]

طيب ممكن معلومات عن عربيتك ..

[farahat]

ممكن أبعتلك على الخاص التفاصيل

[t4r3k]

ياريت عشان تبقى معايا عشان اعرف اقارن عشان ان شاء الله بدأت اقلب على النت كدا شويه

[أبو عبدالله]

تانى يا أبو عبدالله ؟؟؟ :)
يا باشا مين اللى قال لسعادتك أن قطع غيارها الميكانيكية غالية قوى كده ؟ ومين اللى قاللك أن عمر قطع غيارها الأفتراضى قليل بالنسبة للسعر ؟؟؟؟

دى بعض أسعار التيريوس 2007 من مشاركة حضرتك اللى عاملها
فلتر زيت =================== 42.72 جنيه مصري
فلتر هواء =================== 159 جنيه مصري
تيل فرامل امامي ================ 390 جنيه مصري
سير المجموعة ================ 99 جنيه مصري
طلمبة الميه ================== 617.4 جنيه مصري

من هنا http://www.nilemotors.net/Nile/showthread.php?t=7041

ودى أسعار اللانسر 2007 من مشاركة أعضاء منتدى ميتسوبيشى

1- تيل الفرامل أمامي ب 300 جنيه في التوكيل غير المصنعييه
2- فلتر البنزين في التوكيل ب 450 جنيه غير المصنعيه
3- فلتر زيت في التوكيل ب 42 جنيه
من هنا http://www.nilemotors.net/Nile/showthread.php?t=1241

ودى أسعار نظيرتها فى الميجان

* تيل فرامل أمامى ------------------------------- 340.00 جم
* تيل فرامل خلفى -------------------------------- 230.00 جم
* فلتــــر هـــــــواء ------------------------------- 110.00 جم
* فلتر بنـــــــــزيــن ------------------------------- 60.00 جم
* فلتــــــر زيــــــت -------------------------------- 50.00 جم
* فلتــــــر تكييــــف --------------------------------125.00
* طلمبة مياه-------------------------------------560 جم

و موضوع أن قطع الغيار بتعيش ولا لأ ده موضوع ميقدرش يحكم عليه غير أصحاب العربية بس

يا احمد يا حبيبي
انا كلامي واضح
ومسألة صحاب العربيه والكلام ده مش مكانه في موضوعهنا دلوقتي
لأن والله احنا بنسمع ونشوف الناس بتغير قطع غيارها امتى والمشاكل اللي بتتقال
يعني موضوع البطارية بتاع العربيه ده حصل كام مره في الرينو وعربيات جديده
وانا قولت عليه قبل كده وطلع كام واحد برضه واقعدوا يقولوا عمر البطارية وطلع لها حجج
طيب الراجل اللي جايب العربيه زيرو من تاني يوم البطارية بح خلاص يبقى اسمه ايه


يا احمد يا أخي انا هخليك انت سأل بنفسك وشوف انت في الميجان الطرمبه دي بتتغير بعد اد ايه وشوف في التيريوس اللي انت بتستشهد بها بتتغير بعد ادا ايه
وكذلك التيل وكذلك الفلاتر وكذلك سير المجموعه

المسألة مش سعر وخلاص
طيب ما احنا ممكن نجيب سعر قطع غيار صيني ونقول شوف رخيصه
المسالة مش كده المسألة مسألة هتقعد اد ايه وهتدفع فيها كام
يعني بكام ولأمتى

وشكرا للحوار واعذروني لأن الموضوع ليس له علاقة بأصحاب او ملاك السيارة
فتجاربنا مع اي سيارة لا تمنعنا من اننا نعطي راينا كما يعطيه اي أحد تاني طالما نعلم ما نقوله ولي افتراء وخلاص
فانا ليس بيني وبين شركة رينو او وكيلها اي نزاع قضائي او مصلحه شخصيه

[farahat]

يا احمد يا حبيبي
انا كلامي واضح
ومسألة صحاب العربيه والكلام ده مش مكانه في موضوعهنا دلوقتي
لأن والله احنا بنسمع ونشوف الناس بتغير قطع غيارها امتى والمشاكل اللي بتتقال
يعني موضوع البطارية بتاع العربيه ده حصل كام مره في الرينو وعربيات جديده
وانا قولت عليه قبل كده وطلع كام واحد برضه واقعدوا يقولوا عمر البطارية وطلع لها حجج
طيب الراجل اللي جايب العربيه زيرو من تاني يوم البطارية بح خلاص يبقى اسمه ايه


يا احمد يا أخي انا هخليك انت سأل بنفسك وشوف انت في الميجان الطرمبه دي بتتغير بعد اد ايه وشوف في التيريوس اللي انت بتستشهد بها بتتغير بعد ادا ايه
وكذلك التيل وكذلك الفلاتر وكذلك سير المجموعه

المسألة مش سعر وخلاص
طيب ما احنا ممكن نجيب سعر قطع غيار صيني ونقول شوف رخيصه
المسالة مش كده المسألة مسألة هتقعد اد ايه وهتدفع فيها كام
يعني بكام ولأمتى

وشكرا للحوار واعذروني لأن الموضوع ليس له علاقة بأصحاب او ملاك السيارة
فتجاربنا مع اي سيارة لا تمنعنا من اننا نعطي راينا كما يعطيه اي أحد تاني طالما نعلم ما نقوله ولي افتراء وخلاص
فانا ليس بيني وبين شركة رينو او وكيلها اي نزاع قضائي او مصلحه شخصيه

سيدي الفاضل أنا أحييك على مناقشتك دي لأنها موجهة لنقاط بعينها و مشاكل مش مجرد كلام و خلاص ذي ما الناس بتعمل ، و يمكن دة كان السبب إن الأستاذ أحمد أو غيره من أعضاء منتدى رينو بيطلبوا إن إلي يتكلم يكون من الملاك عشان يكون كلامه موجه مش مجرد كلام و خلاص ، و بالتالي حضرتك بطريقتك هذه غير مقصود بهذا الكلام و مرحباً بمناقشتك .

نيجي للنقاط اللي حضرتك أثرتها موضوع البطارية دة عيب في البطارية التركي ، و دة عيب صناعة و مفيش حد مختلف على كدة و عيوب الصناعة دي ممكن تبان من أول ساعة لحد بعد سنين و عشان كدة عملوا الضمان في كل منتج صناعي، و حضرتك أكيد طالما بترقب عربيات من سنين عرف إيه الفرق بين عمر البطارية الكلوريد و النسر و الفارتا (بإعتبار إن دي أشهر بطاريات و أكثرها تداول في مصر و راكبة في كل العربيات من أول ال-128 لحد المرسيدس )

أما الطرمبة و ملحقاتها من سير و كاتينة و شداد و كل الفيلم دة بيتغير في صيانة ٦٠ ألف و ١٢٠ ألف و هكذا ، أنا مش عرف بيتغير كل أد إيه في الديهاتسو يا ريت حضرتك تقول لنا و تفيدنا

التيل دة بقى مسألة إستهلاك مش مرتبطة بنوع العربية (وإن كان فرامل الميجان قوية جداً فعلاً مقارنةً بعربيات تانية كتير و اتوقع إن دة هيقلل عمره في مقابل الأداء ) و لكن أنا معنديش أرقام بالكيلومترات للمقارنة ، و يا ريت لو حد من الزملاء اللي عندهم ميجان و حاجة تانية يفيدونا في المقارنة دي

شكراً أبو عبد الله و مرحباً بهذا الحوار الموضوعي

[عمرو عمارة]

أما الطرمبة و ملحقاتها من سير و كاتينة و شداد و كل الفيلم دة بيتغير في صيانة ٦٠ ألف و ١٢٠ ألف و هكذا ، أنا مش عرف بيتغير كل أد إيه في الديهاتسو يا ريت حضرتك تقول لنا و تفيدنا

هو ممكن مايتغيرش خالص عشان بيبقى جنزير

[farahat]

هو ممكن مايتغيرش خالص عشان بيبقى جنزير

هو العربيات الديهاتسو الكاتينة جنزير مش سير ؟
بس لو كدة يبقى صوت الموتور أخشن شوية من العربيات إلي على سير ، هل دة صحيح و هي كدة فعلاً ؟

[عمرو عمارة]

هو العربيات الديهاتسو الكاتينة جنزير مش سير ؟
بس لو كدة يبقى صوت الموتور أخشن شوية من العربيات إلي على سير ، هل دة صحيح و هي كدة فعلاً ؟

هو نظرياً صح....بس الصراحة أنا مش شايف إن في خشونة في صوت الموتور وزيهُ زي أي موتور جديد