إعـــــــلان

Collapse

.

,
See more
See less

تغيير تيل فرامل أمامى بالصور يا وحوش ميجان

Collapse
X
 
  • Filter
  • الوقت
  • Show
Clear All
new posts

  • تغيير تيل فرامل أمامى بالصور يا وحوش ميجان

    السلام عليكم

    لازم يكون معانا طقم ألانكيه نجمة + بنسة +زرجينة ضغط مكبس التيل
    أستاذ أحمد عبد المقصود الله يكرمه ويمسيه بالخير أيام ما كنت لسة شارى العربية سألته عن التيل وأمتى يتغير
    جابلى الصورتين دول من الآخر
    التيل الأماملى سمكه 18.1 مللى جديد وأقل سمك ينصح بيه تقريبا 6 مللى
    Uploaded with ImageShack.us
    والتيل الخلفى سمكه 17 مللى وأقل سمك 6 مللى تقريبا برضه زى ما هو قال لى
    Uploaded with ImageShack.us
    والله كانت أيام حلوة الأستاذ أحمد هو اللى خلانى اشتريت العربية دى

    نخلى العجل مستقيم ونهوى مسامير العجل والدركسيون فى الوسط نرفع العربية على أرض مستوية بعد ما نرفع العربية نشد فرامل يد جامد
    نفك العجلة الأمامية اللى هنغير لها تيل الفرامل أيا كانت يمين أو شمال

    نحط العجلة تحت العربية للأمام ... ولو ان طول ما أنت شادد فرامل اليد انت فى الأمان برضه

    نسمى الله ونبدأ الشغل
    هنبص على الكاليبر من ورا هنلاقى قطعتين جلد ليهم غطيان بلاستيك واحدة من فوق فى الكاليبر من ورا وواحدة من تحت
    دا شكل الغطيان
    Uploaded with ImageShack.us
    ورا كل غطاء بلاستيك فيه مسمارين ألانكيه نجمة طبعا أحنا معانا الطقم كامل هنختار المفتاح المناسب وبعدين نفك مع اتجاه عقارب الساعة
    ملحوظة هامة : أى فك هيكون مع ا تجاه عقارب الساعة وأى تركيب هيكون عكس أتجاه عقارب الساعة فى الموضوع كله ع الحال دا
    ودى صورة أول مسمار وأنا بفكه وفيه واحد تانى من تحت
    Uploaded with ImageShack.us
    Uploaded with ImageShack.us
    دا شكل المسمار
    Uploaded with ImageShack.us
    نركز فى الحتة دى
    شايفين الصورة دى فيها زى ياى كدا هنيجى من النص بمفك وننطره لبرا هيقع
    Uploaded with ImageShack.us
    بس نركز قوى هنا لما نيجى( نركبه) هنثبت جزء منه فى الفتحة المخصصة له
    Uploaded with ImageShack.us
    وبعدين ندوس بإيدينا جامد لجوا فى نص الياى عشان نقدر ندخل طرفه التانى فى الفتحة المخصصة له ( الحتة دى فيها فكرة عشان أنا تعبت وأنا بركبه بس فى النهاية عرفت الفكرة إنك لازم تضغط زى ما أنا موضح فى الصورة مكان صباعى لجوا )
    بعدين هنطلع الكاليبرا بشويش هيطلع معانا نركنه فوق عند المساعد بالراحة
    الكاليبر بعد ما طلعناه بيبقى فيه قطعة تيل ناحية المكبس
    Uploaded with ImageShack.us
    بعدين هنطلع حتة التيل دى بأيدينا عادى
    Uploaded with ImageShack.us
    Uploaded with ImageShack.us
    ونركب الجديدة مكانها
    نيجى نرجع للكاليبر اللى لسة فيه حتة تيل مطلعنهاش هى بتبقى لازقة فيه وهنعرف ليه وأزاى نطلعها
    بس قبل ما نطلعها هنعمل خطوة ضرورية جدا وهى إننا هنرجع البستون لورا عشان التيل الجيد سمكه أكبر والتيل القديم سمكه قليل والبستون بيبقى طالع لقدام عشان تآكل التيل القديم وهنعمل كدا بزرجينة خاصة وبسيطة جدا http://www.nilemotors.net/Nile/354024-a.html
    أنا عملت زرجينة ب 4 جنيه وزى ما أحنا شايفن فى الصور رجعت البستون عن طريق ربط المسمار كل ما بتربط التيل القديم بيضغط على البستون يرجعه لورا
    هنثبت الصامولة اللى جوا بمفتاح ونربط من برا بمفتاح آخر لأنى ملحمتش الصامولة فى القطعة الحديد الطويلة لو ملحومة يبقى هنحتاج مفتاح واحد بس لربط المسمار
    Uploaded with ImageShack.us
    Uploaded with ImageShack.us

    الحتة دى بتبقى داخلة جوا البستون بتاع الكاليبرا ضغط
    شايفين شكل التيل عامل أزاى
    Uploaded with ImageShack.us
    عشان كدا هنستعين ببنسة أو كماشة عشان نطلع ال تيل من جوا البستون
    شايفين الصورة دى
    هنشد التيل لبرا بإيدنا
    Uploaded with ImageShack.us
    بعدين نضغط بالكماشة ونطلعه
    Uploaded with ImageShack.us
    Uploaded with ImageShack.us
    بعدين هنركب التيل الجديد فى الكاليبر بالضغط برضه ونركب الكاليبر مكانه

    ونربط المسامير الألانكيه عكس اتجاه عقارب الساعة ودمتم سالمين .... اللى هيعمل كدا بنفسه ياريت يعمل زى ما أنا قلت بالظبط ويقرأ الموضوع كويس
    وأحنا بنركب المسامير الألانكيه نتأكد أنها داخلة مستقيمة يعنى بتلف معانا فى المجرى بتاعتها كويس

    أظن اللى يغير التيل الأمامى برضه هيعرف يغير التيل الخلفى

    [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

  • #2
    الله ينور هو ده الشغل
    [CENTER][B][FONT="Comic Sans MS"]مصري و أبتكر [/FONT][/B] [/CENTER]

    Comment


    • #3
      نسيت أنوه عن حاجة ياريت محدش يستعمل wd40 فى المناطق دى

      تانى حاجة وأحنا بنضغط بالكماشة على كلبسة التيل اللى راكب فى الكاليبر مندوسش قوى عشان ممكن يتكسر وأحنا بنطلعه أيوة مش هتفرق ما أنت كدا كدا هتغيره بس لأ معايا انا تفرق لازم نعمل شغل صح عشان كدا مندوش قوى على الكلبسة بالكماشة وهيطلع معانا إن شاء الله

      أنا بقول كدا عشان فيه صنايعية بيدوسوا جامد يكسروا الكلبسة بتاعته وهما بيطلعوه
      [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

      Comment


      • #4
        المشاركة الأصلية كتبت بواسطة dedo_ryo مشاهدة المشاركة
        الله ينور هو ده الشغل
        الله ينور عليك يا ممدوح
        خلى بالك دى تالت زرجينة أعملها ب 4 جنيه بس دى مفيهاش أى شغل خالص دا مجرد ثقب فى حتة حديد ومسمار
        [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

        Comment


        • #5
          ما شاء الله , شغل عالى اوى و مواضيعك مفيدة ,,,,, و الصراحة انت مش حارم ملاك الميجان من حاجة
          [COLOR=Black]الحمد لله عدد ما احصى كتابه و الحمد لله على ما احصى كتابه
          الحمد لله ملء ما فى السموات و ملء ما فى الارض و ملء ما بينهما [/COLOR]
          [img2]http://nileup.com/up/uploads/nilemotors_13651184541.jpg[/img2][COLOR=Black]
          [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

          Comment


          • #6
            موضوع ممتاز ، شكرا على الافادة ، وبارك الله فيك
            وداعا

            Comment


            • #7
              برنس رسمى ، جزاك الله خيراً..

              Comment


              • #8
                مهندس دكتور عقيد أركان حرب محمد بيه :)

                الله ينور عليك يا حمادة.
                [CENTER][COLOR=Blue][B][SIZE=4]يا بلادى يا بلادى.........أنا بحبك يا بلادى[/SIZE][/B][/COLOR]
                [/CENTER]

                Comment


                • #9
                  مشكورررر
                  [SIGPIC][/SIGPIC]

                  Comment


                  • #10
                    شكرا ........................ شىء مفيد .
                    :36_2_55[1]:

                    Comment


                    • #11
                      ياريت تقولنا إيه أحسن أنواع التيل المتوافر بالسوق

                      Comment

                      Working...
                      X