قصة حب انتهت بالزواج (اشتريت ميجان 2008)

[didomotors]

meet u in rehab city isa

[M.Moustafa]

مبروك يا ديدو واهلا وسهلا بيك كده بقينا اربعة في الرحاب احمد علي وانا وحضرتك وصاحب الموضوع ممكن تعرفني انا واحمد علي بسهولة احمد علي معاه ميجان 2008 لونها احمر وعليها من ورا شعار نايل موتورز وانا عربيتي 2006 فيراني وعليها برضه من ورا شعار نايل موتورز واتشرف بمقابلتك في اي وقت

[momo10000]

يا جماعة الموضوع مش اراء شخصية

الموضوع حقائق موجودة فقط عند ملاك الميجان وبس

يعني الاخوة الافاضل اصحاب الافتراضات والاراء الشخصية اللي شايفة ان الصيني احسن من الميجان ياريت يحتفظوا برايهم لغاية اما يمتلكو الميجان ويجربوها وبعد كدة يقررو اذا كانت العربية حلوة ولا وحشة ، زي كل الملاك نعم وبقول تاني زي كل الملاك في المنتدي كان رايهم في العربية واحد. مش مجرد ماشيين مع تيار الاشاعات الجميلة في بلدنا.

انا عندي صديق قريب مني جدا ...عندة ديهاتسوا ماتيريا .. غير طنابير وتيل مرتين والعربية مكملتش 20.000 كيلو ولقي حد في التوكيل عندة نفس المشكلة.

العفشه بتاعه الماتيريا تسمع منها اصوات زي اصوات النص نقل.

ومع كدة مينفعش اطلاقا اطلاقا نقول عليها عربية وحشة عشان دا اسم كبير بالاضافة ان الواحد ما امتلكهاش عشان يقول تجربتة معها شكلها اية ويقرر اذا كانت العربية
كويسة ولا الصيني احسن منها.

و لا انت اية رايك يا بو عبدالله يا كبير

[M.Moustafa]

قشطة عليك يا ابو ايمن ايه الحلاوة دي

[عمرو عمارة]

الموضوع بداء ينعطف الي إتجاه أخر وأخرتهُ حارة ســــــد

[momo10000]

يا عمرو ابو عبد الله اخ عزيز وغالي ... وإن شاء الله مفيش سد ولا حاجة .

[Ahmed Selim]

مبارك عليك اخي العربيه
وربنا يعطيك خيرها ويكفي عنك شرها ان شاء الله





براحه شويه يا حاج اكسبورت

يكفيك انت انك تعرف ان مش اول واحد يقول ان عربيته اتغيرلها بطاريه من رينو في الضمان والعربيه جديده اكنهم مش عارفين يشتروا بطاريات جيده لعربياتهم
وكل ده والعربيه زيروا من تاني يوم وانا لا اتحدث عن كفاءة الوكيل وانما اتتحدث عن عربيه زيرو يتغيرلها بطاريه من تاني يوم ودي مش اول شكوى من الموضوع ده

ومتهيالي مسالة الاعتمادية يدخل فيها ان العربيه ميبقاش لها اعطال خصوصا لما يبقى تاني يوم
يعني حضرتك لو كنت مشافر بالعربيه وانت حاطط في دماغك انك راكب عربيه زيرو ومفيش اي مشكله وفجاه تلاقيها واقفه منك على الطريق بالله عليك ده تقدر تقولي عليه اعتماديه
ده انا ساعتها هولع في العربيه

وفي الاخر تقولي دي فرنساوي مش صيني طيب الصيني معملتهاش بالبطاريه

أبو عبد الله
تقول أيه على عربية مرسيدس C180 مش مصرى يبوظ فيها حاجة فى ال ABS بعد 3 شهور ؟؟؟
العربية كانت مع أخويا فى قطر مو 2005 من الزيرو
وبعدين قولنا لما يكون فى 1000 عربية حصل فيهم المشكلة دى من أجمالى مبيعات أعتقد أنه مش هيقل عن 30000 عربية يبقى حضرتك بتكلم فى نسبة 3%

ده غير أن أصلاً معروف للعالم كله أن رينو مش شركة تصنيع بطاريات يعنى زيها زى أى شركة عربيات فى المجرة بتاعتنا بتشترى (وخللى بالك من بتشترى دى ) البطاريات بتاعتها من شركة بتصنع بطاريات
و طبعاً كلنا برضه عارفين أن وارد جداً أن يكون فيه طلبيات كاملة فيها مشاكل

المهم فى الموضوع أن رد فعل التوكيل أيه ؟؟؟ بيغير ولا بيماطل وبيقولك طب أستنى لما نبعت لليابان ولا فرنسا ولا أياً كان عشان يشوفوا حل للموضوع ؟؟؟؟؟

أخبار مشكلة التخبيط اللى فى العفشة أيه ؟؟ ردوا عليكم من اليابان ولا لسه ؟؟؟

[عمرو عمارة]

إبتادينا أهو الشوط الأول:boxing_smiley:

[M.Moustafa]

معلش يا عمرو احمد بيتكلم صح في ناس متاحمله على الميجان هنا باسلوب فوق الوصف طيب انا واحد من الناس اللي شاريه العربية وقعدت بالبطارية اكتر من سنة ولما وقفت بعد سنة غيروهالي برضه وببلاش يعني توكيل رينو مش بيبعلك العربية ويرميك في البحر ومش عشان مشكلة ظهرت مع واحد او اتنين بقت مشكلة عامة غير ان اساسا العربيات دي مش بتتصنع في مصر دي بتتشحن من تركيا وممكن اساسا تكون بقالها مدة في تركيا اللي خلا البطارية ممكن تكون نامت او ضعفت والتوكيل بدل ما يقولك هشحنهالك لا ده بغيرها بالكامل

[أبو عبدالله]

انا عندي صديق قريب مني جدا ...عندة ديهاتسوا ماتيريا .. غير طنابير وتيل مرتين والعربية مكملتش 20.000 كيلو ولقي حد في التوكيل عندة نفس المشكلة.

العفشه بتاعه الماتيريا تسمع منها اصوات زي اصوات النص نقل.

جميل جدا
حضرتك شوفت حد من ملاكها تاني حصله كده

طيب الميجان كام واحد من ملاكها غير بطارية وغير مش عارف ايه وايه وايه

هو ده المقصد ان الكميه اللي فيها المشكلة

ثانيا فيها صوت تخبيط زي النص نقل كلام مبالغ فيها طبعا ولن اقبله لأن الكلام لازم يبقى بقدر حجم المشكلة وليس تفخيم لها علشان تحسب نقط
ولا ايه

ومع كدة مينفعش اطلاقا اطلاقا نقول عليها عربية وحشة عشان دا اسم كبير بالاضافة ان الواحد ما امتلكهاش عشان يقول تجربتة معها شكلها اية ويقرر اذا كانت العربية
كويسة ولا الصيني احسن منها.

كلا م جميل وانا نفسي اعرف انا قولت الميجان مره وحشه وعربيه الصيني احسن منها

انا رديت وقولت على اريي فيها من حيث العيوب اللي انا شايفها
ومسالة صيني انا لم اقل ان الصيني افضل
انا قارنت بموضوع البطارية بس كعيب بسيط المفروض ميكنشي في العربيه من اساسه

أبو عبد الله
تقول أيه على عربية مرسيدس C180 مش مصرى يبوظ فيها حاجة فى ال ABS بعد 3 شهور ؟؟؟
العربية كانت مع أخويا فى قطر مو 2005 من الزيرو
وبعدين قولنا لما يكون فى 1000 عربية حصل فيهم المشكلة دى من أجمالى مبيعات أعتقد أنه مش هيقل عن 30000 عربية يبقى حضرتك بتكلم فى نسبة 3%

نسبة الميجان بمشاكلها اكبر يا أخي الفاضل صدقني
وانا سبق وقولتلك كام بطاريه اتغيرت واكم مش عارف ايه اتغير برضه
كمية تغيير قطع غيار في الضمان لدى رينو بيدل يا جماعه مش معقولة مش شايفين الموضوع ده
هيا المشكلة انك هتتحاسب عليها ولا لأ
احنا بنتكلم على اعتمادية
وقطع الغيار اللي اتغيرت دي بعد فترة الضمان هتدفع انت تمنها
واعتمادية يعني العربيه مالهاش عيوب ومشاكل ظاهرة ومش كل وشويه تغير قطع غيار

ده غير أن أصلاً معروف للعالم كله أن رينو مش شركة تصنيع بطاريات يعنى زيها زى أى شركة عربيات فى المجرة بتاعتنا بتشترى (وخللى بالك من بتشترى دى ) البطاريات بتاعتها من شركة بتصنع بطاريات
و طبعاً كلنا برضه عارفين أن وارد جداً أن يكون فيه طلبيات كاملة فيها مشاكل

عارف الكلام ده اكيد
ولكن احنا بنتكلم على كلمة اعتمادية
وده معناه اني بتكلم على العربيه ككل وماليش دعوة اذا كانت بطاريتها من عندها ولا شارينها من حته بره
انا ليا ان العربيه متقفشي بيا علشان تبقى اعتماديتها يعتمد عليها ولا تبقى اعتمادية ولما تقف يبقى علشان البطارية مش تبع رينو
ده كلام

المهم فى الموضوع أن رد فعل التوكيل أيه ؟؟؟ بيغير ولا بيماطل وبيقولك طب أستنى لما نبعت لليابان ولا فرنسا ولا أياً كان عشان يشوفوا حل للموضوع ؟؟؟؟؟

أخبار مشكلة التخبيط اللى فى العفشة أيه ؟؟ ردوا عليكم من اليابان ولا لسه ؟؟؟
__________________

مع اني مبحبش خلط الامور ببعضها لحساب نقط وخلاص ولكن للأسف كما سبق وقولت وشرحت بالتفصيل المشكلة ايه
فأرجو من سيادتك ان تقرأ المشكلة وتتفهمها جيدا لكي لا تخلط بينها وبين ما نتحدث عنه الأن
وعلشان مندخلشي في حوار زي ده تاني اعتبر اني في رايي ان السيريون او دايهاتسو من اسوأ العربيات
فمتخلني وانا بتكلم عن رينو تروح مدخل كلام عن دايهاتسو أكن ده هيفرق معايا في شئ او هيغير معلوماتي اللي انا اعرفها اواتحدث عنها عن رينو

والموضوع بتاع المشكلة هنا لو تحب تتعرف اكتر على ملابسات الأمر الوحيد

http://www.nilemotors.net/Nile/showthread.php?t=28814&page=10

[momo10000]

يا ابو عبد الله انت اخ عزيز وغالي.

وكلامنا علي رينو او دايساتهو مش حيزود ولا حينقص

لان كل اسم لية حجمة وسمعته وقناعة الناس بية.

بس الخلاصة فعلا انك تحكم علي العربية اما تركبها... وتحكم عليها حكم عادل من غير تحيز.

وإن شاء الله الخلاف في الراي لا يفسد للود قضية.

والسلام عليكم ورحمة الله وبركاتة.

[Abo_Lina]

الف مبروك..
الواحد بيبقى سعيد لما يشوف ناس بتشتري ال ميجان عن فهم و اقتناع..
و مفيش كلام يتقال زيادة بعد رسالتك الاولانية

[Ahmed Selim]

جميل جدا
حضرتك شوفت حد من ملاكها تاني حصله كده

طيب الميجان كام واحد من ملاكها غير بطارية وغير مش عارف ايه وايه وايه

هو ده المقصد ان الكميه اللي فيها المشكلة

ثانيا فيها صوت تخبيط زي النص نقل كلام مبالغ فيها طبعا ولن اقبله لأن الكلام لازم يبقى بقدر حجم المشكلة وليس تفخيم لها علشان تحسب نقط
ولا ايه



كلا م جميل وانا نفسي اعرف انا قولت الميجان مره وحشه وعربيه الصيني احسن منها

انا رديت وقولت على اريي فيها من حيث العيوب اللي انا شايفها
ومسالة صيني انا لم اقل ان الصيني افضل
انا قارنت بموضوع البطارية بس كعيب بسيط المفروض ميكنشي في العربيه من اساسه



نسبة الميجان بمشاكلها اكبر يا أخي الفاضل صدقني
وانا سبق وقولتلك كام بطاريه اتغيرت واكم مش عارف ايه اتغير برضه
كمية تغيير قطع غيار في الضمان لدى رينو بيدل يا جماعه مش معقولة مش شايفين الموضوع ده
هيا المشكلة انك هتتحاسب عليها ولا لأ
احنا بنتكلم على اعتمادية
وقطع الغيار اللي اتغيرت دي بعد فترة الضمان هتدفع انت تمنها
واعتمادية يعني العربيه مالهاش عيوب ومشاكل ظاهرة ومش كل وشويه تغير قطع غيار



عارف الكلام ده اكيد
ولكن احنا بنتكلم على كلمة اعتمادية
وده معناه اني بتكلم على العربيه ككل وماليش دعوة اذا كانت بطاريتها من عندها ولا شارينها من حته بره
انا ليا ان العربيه متقفشي بيا علشان تبقى اعتماديتها يعتمد عليها ولا تبقى اعتمادية ولما تقف يبقى علشان البطارية مش تبع رينو
ده كلام



مع اني مبحبش خلط الامور ببعضها لحساب نقط وخلاص ولكن للأسف كما سبق وقولت وشرحت بالتفصيل المشكلة ايه
فأرجو من سيادتك ان تقرأ المشكلة وتتفهمها جيدا لكي لا تخلط بينها وبين ما نتحدث عنه الأن
وعلشان مندخلشي في حوار زي ده تاني اعتبر اني في رايي ان السيريون او دايهاتسو من اسوأ العربيات
فمتخلني وانا بتكلم عن رينو تروح مدخل كلام عن دايهاتسو أكن ده هيفرق معايا في شئ او هيغير معلوماتي اللي انا اعرفها اواتحدث عنها عن رينو

والموضوع بتاع المشكلة هنا لو تحب تتعرف اكتر على ملابسات الأمر الوحيد
http://www.nilemotors.net/Nile/showt...=28814&page=10

يا أستاذى العزيز ممكن تكون فى الميجان 5% من كل العربيات و فى عربية تانية لا تتعدى ال 1\2% بس ده مش معناه أن العربية التانية أحسن
يعنى مثلاً المرسيدس ال A150 أول لما نزلت كان فيها مشكلة فى الأتزان ولمو العربية من السوق عشان يصلحوها فهل ينفع نقول أن اللانسر أحسن منها ؟
وبرضه مينفعش نقول أن المرسيدس كلها وحشة ولا ينفع نقول أن الألمانى كله وحش

الغرض من الموضوع أن كل العربيات فيها مشاكل وبتفرق فى نسبها أى نعم بس مقابل أيه ؟؟؟ مقابل أن أنا معايا عربية فيها أوبشنز أعلى وتكنولوجى أعلى

أنا عن نفسى واحد من الناس اللى معاها 2005 ( اللى هو المفروض فى عيوب )
والحمدلله والشكرلله محتاجتش التوكيل غير مرتين مرة بطارية ومرة كويل ( أنا شايف أن مرتين فى 3 سنين وشوية مش كتير ) وعلى فكرة أنا عربيتى قربت على ال 78000 كم يعنى طلعت من الضمان من 38000كم ( لأن ضمان 2005 كان 40 ألف بس ) وبسم الله ما شاء الله العربية زى الفل.................

الغرض من السؤال على الدايهاتسو مش جر شكل ولا حاجة
هو بس الغرض منه تذكير حضرتك ان العربيات الجديدة معظمها فى مشاكل مش قليلة وده بيحصل خصوصاً لما التكنولوجى بتبقى أعلى.....

ولا يخفى عليك طبعاً يا باشا أن الميجان كانت تتفوق على مثيلاتها فى الموضوع ده ويدوب بدأو يقلدوها دلوقتى..... وأصبر هتلاقى مشاكل بتظهر وأقربهم التويوتا الجديدة
على فكرة أنا بس حبيت أوضح حاجة كمان......موضوع الكورولا الجديدة ده مش مشكلة هو بس عبارة عن عدم تأقلم الناس مع التكنولوجيا الجديدة اللى نازلة فى العربية دى ...... وفى الأخر هو ده سبب خوف الناس من كل ما هو جديد

[Chicco]

ألف مبروك للعريس و فعلا اختيار موفق للعروسة .... حسب و نسب و أصل و جمال .....
ربنا يحفظهالك و يكفيك شر الطريق

[gassour001]

شكرا

1 - الف شكر لكل من قال مبروك و شاركنى فرحتى

2 - شكرا جزيلا على موضوع تنظيف الصالون

3 - بخصوص موضوع تغيير البطارية و اعتباره تقليل لاعتمادية العربية اختلف تماما و ذلك بناء على عملى سابقا بالـ EIM و بناء على ذلك اعرف ان الميجان السيدان و الكليو السيدان تحديدا هما الى بيحصل فيهم المشكلة دى, و طبعا عارف ان كله دماغه هتروح لان الاتنين تركى و لكن السبب مختلف, و هو ان الاتنين هما الاكثر مبيعا و الطلب عليهم اعلى بكتير, و عشان التوكيل تكاليفه بتقل مع الشحنات الكبيرة فبيستورد كميات كبيرة جدا اول كل سنة من الاتنين و الركنة فى الميناء مع الرطوبة و الملح تؤثر بالسلب على البطارية. بس كدا.

4 - اما بخصوص اعتمادية السيارة بشكل عام, فلابد ان نعترف انها ليست على مستوى الكورولا (تويوتا شركة حاصلة على سيكس سيجما, يعنى ناس بتدور على zero defect) و لكن بالتأكيد لا تقارن بالصينى و لا حتى الكورى و لا حتى بعض السيارات اليابانى, فهذه سيارة اوروبية, يعنى ناس بتحنتف فى كل حاجة, و ارقام مبيعاتها فى العالم كله و اكثرها فى اوروبا تدل على ذلك.

5 - مادمنا كتير كدا فى الرحاب ليه متكونش المقابلة الى جاية عندنا؟؟