قصة حب انتهت بالزواج (اشتريت ميجان 2008)

[Ahmed Selim]

1 - الف شكر لكل من قال مبروك و شاركنى فرحتى

2 - شكرا جزيلا على موضوع تنظيف الصالون

3 - بخصوص موضوع تغيير البطارية و اعتباره تقليل لاعتمادية العربية اختلف تماما و ذلك بناء على عملى سابقا بالـ EIM و بناء على ذلك اعرف ان الميجان السيدان و الكليو السيدان تحديدا هما الى بيحصل فيهم المشكلة دى, و طبعا عارف ان كله دماغه هتروح لان الاتنين تركى و لكن السبب مختلف, و هو ان الاتنين هما الاكثر مبيعا و الطلب عليهم اعلى بكتير, و عشان التوكيل تكاليفه بتقل مع الشحنات الكبيرة فبيستورد كميات كبيرة جدا اول كل سنة من الاتنين و الركنة فى الميناء مع الرطوبة و الملح تؤثر بالسلب على البطارية. بس كدا.

4 - اما بخصوص اعتمادية السيارة بشكل عام, فلابد ان نعترف انها ليست على مستوى الكورولا (تويوتا شركة حاصلة على سيكس سيجما, يعنى ناس بتدور على zero defect) و لكن بالتأكيد لا تقارن بالصينى و لا حتى الكورى و لا حتى بعض السيارات اليابانى, فهذه سيارة اوروبية, يعنى ناس بتحنتف فى كل حاجة, و ارقام مبيعاتها فى العالم كله و اكثرها فى اوروبا تدل على ذلك.

5 - مادمنا كتير كدا فى الرحاب ليه متكونش المقابلة الى جاية عندنا؟؟

الله ينور يا باشا

رد ولا أحلى :)

على فكرة كل المقابلات اللى تمت لحد دلوقتى لأسرة الرينو مخرجتش من الرحاب أصلاً :)

[Sharky]

الف مبروك يا باشا على إختيارك الممتاز و اللى بيدل على إنك فاهم إنت بتجيب إيه مش و مش ماشى مع الناس إللى بتردد أى كلام و خلاص خوفا من أى شئ جديد أو كرها فى صناعة معينة

ربنا يبارك لك فيها

أبو عبدالل حبيبى ممكن تفهمنى المعادلة دى
كل ملاك الميجان معجبين بيها و كل الناس إللى مركبتش الميجان أصلا غير معجبين بيها
تفكتر ليه الموضوع

سلام بقى علشان اللاب توب حيفصل و أنا داخل ويرلس فى مارينا

على فكرة وحشتنونى جدا يا رجالة رينو و النايل

[أبو عبدالله]

الف مبروك يا باشا على إختيارك الممتاز و اللى بيدل على إنك فاهم إنت بتجيب إيه مش و مش ماشى مع الناس إللى بتردد أى كلام و خلاص خوفا من أى شئ جديد أو كرها فى صناعة معينة

ربنا يبارك لك فيها

أبو عبدالل حبيبى ممكن تفهمنى المعادلة دى
كل ملاك الميجان معجبين بيها و كل الناس إللى مركبتش الميجان أصلا غير معجبين بيها
تفكتر ليه الموضوع

سلام بقى علشان اللاب توب حيفصل و أنا داخل ويرلس فى مارينا

على فكرة وحشتنونى جدا يا رجالة رينو و النايل

ممكن انت تقولي تفسير المعادلة بتاعت المشاكل اللي دائما بتذكر مع سيرة الميجان في السوق
ده حتى اكيد مش من فراغ

وكلام المهندس في الوكيل واعترافه بنفسه ان العربيه لها اعطال كتير فعلا

[Sharky]

ممكن انت تقولي تفسير المعادلة بتاعت المشاكل اللي دائما بتذكر مع سيرة الميجان في السوق
ده حتى اكيد مش من فراغ

وكلام المهندس في الوكيل واعترافه بنفسه ان العربيه لها اعطال كتير فعلا

يا أبوعبدالله ماتجوبش لى سؤالى بسؤال
ياريت تجاوب على سؤالى

مين حضرتك المهندس إللى فى التوكيل إللى قال لحضرتك الكلام دا ؟؟

على فكرة أنا إحتمال ماتبعش ردك لإن اللاب توب حيفصل دلوقتى

فى إنتظار الإجابة على سؤالى بدلا من طرح الأسئلة يا أبو عبدالله يا حبيبى

[Powert]

يا ابوعبد الله

ممكن نعرف انت ليه متحامل على اي عربية فرنساوي كده العربيات شغاله كويس واوروبيين نفسهم بيدوا العربيات الفرنساوي تقييم اعلى من اي عربية اوروبي تانية

وكفاءة الفرنساوي اعلى من الياباني وتكنولوجيا اعلى وعربيات محترمة عمرها ما تعوم منك على 120 ولا هتحس انك هتتقلب على 130 زي الكورولا

انا مش عارف ليه انت محسسني ان العربيات الياباني دي بقالهم 200 سنة بيصنعوا عربية وعمرهم مايغلطوا

فاضل تقول عربياتهم مقدسة

[Sharky]

تقدر تقولى هو الكرولا الجديدة فيها مشكال فى الفتيس ؟

طبعا حتقول لأ طب تقدر تفسر ليه السوق ملينا دلوقتى كلام إن الكرولا الجدية فيها مشاكل و خاصة فى الفتيس

أظن جاوبت كده على سؤالك فى إنتظار إجابتك على سؤالى

[أبو عبدالله]

يا أبوعبدالله ماتجوبش لى سؤالى بسؤال
ياريت تجاوب على سؤالى

مين حضرتك المهندس إللى فى التوكيل إللى قال لحضرتك الكلام دا ؟؟

على فكرة أنا إحتمال ماتبعش ردك لإن اللاب توب حيفصل دلوقتى

فى إنتظار الإجابة على سؤالى بدلا من طرح الأسئلة يا أبو عبدالله يا حبيبى

ما انا قولتلك مينفعشي نضيع الراجل ولا ايه رايك
ونا اعتذر اني لا استطيع ان اذكره واللي مش عاوز يصدق كلامي هو حر
انا مش هخلي كل الناس تصدقني غصب عنها

يا ابوعبد الله

ممكن نعرف انت ليه متحامل على اي عربية فرنساوي كده العربيات شغاله كويس واوروبيين نفسهم بيدوا العربيات الفرنساوي تقييم اعلى من اي عربية اوروبي تانية

وكفاءة الفرنساوي اعلى من الياباني وتكنولوجيا اعلى وعربيات محترمة عمرها ما تعوم منك على 120 ولا هتحس انك هتتقلب على 130 زي الكورولا

انا مش عارف ليه انت محسسني ان العربيات الياباني دي بقالهم 200 سنة بيصنعوا عربية وعمرهم مايغلطوا

فاضل تقول عربياتهم مقدسة

ايه يا اخي باورت بس اللي مزعلك كده
أولا الأوربيين مش بيفضلو الفرنساوي للدرجه دي يعني وادخل على موقع carsurvey.com وانت هتشوف ان نفس المشاكل هنا هيا هناك برضه

ومش هدخل في حوار عن الموضوع ده لن ولا انا ولا انت هنقدر نحسمه لأن مفيش في ايدينا احصائيات دلوقتي
مع ان احصائيات الجي دي باور كلها بلا استثناء بتجيب الفرنساوي في اخر الصف
وانا بصراحه مش لاقي حاجه تخليني مصدقهمشي لأني انا شايف كده برضه زيهم ولو قالو ان تويوتا في اقل العربيات صدقني هصدقهم برضه لأنهم بياخدو راي مالكي السيارات دي

وبعدين يا اخي عاوز تقارن قارن بعربيه نفس الاوبشن وانفس الامكانيات
انت حضرتك بتقارن بالكورولا وهيا في مصر اقل امكانيات واوبشن في العالم كله
طيب قارن بالأوريوس مثلا اللي في اوروبا دلوقتي

وبعدين مسالة بقالها كام سنه والكلام ده ليس حجه اعذرني فليس هذا مقياس لأي شركه
طيب ما دايهاتسو بقالها اكتر من 100 سنه

مش كده خالص

[Ramy_Tantawi]

السلام عليكم.

يا جماعة الخير انا لي عتاب رقيق اتمنى يوصل صح زي ما انا اتمنى انه يوصل ومايزعلش حد .بخصوص الجدال الواقع دلوقتي في الموضوعين الموضوع ده والموضوع بتاع اخونا طارق اللي بيفكر يجيب ميجان ان شاء الله.

دلوقتي في وجهتين نظر عكس بعض تماماً ناس ملاك للميجان ومقتنعين بيها ومش هاقول حلوه ووحشه واكون طرف في الجدل القائم هاقول ان ربنا سبحانه وتعالى اراد ان ال 100 اللي من ملاك الميجان في المنتدى بس مايحصلش معاهم مشاكل من اللي بنسمعها دائما وابداً عن الميجان يعني باختصار الحمد لله مافيش مشاكل عند ملاك الميجان وبيزيدوا يوم عن يوم صحيح ده مالهوش فايده بعينها عشان كلامي مايتفهمش ان دفاعنا عن العربيه دي دعايه ليها .........كمان عشان ماحدش يفتكر ان الطرف الاخر الغير معجب بالعربيه يقوم بحملات دعايه ذات تأثير سلبي على سمعة العربيه ...انا عارف طولت في الدباجه اللي فوق بس برضه حرصاً مني ان ماحدش يزعل.........عاوز اقول ان الجدال ده مش مكانه ابداً موضوع راجل عامله بيقول باركولي جبت عربيه جديده والحمد لله فرحان وطاير بيها.........اقوم انا داخل فيه شمال ويتحول الموضوع من مباركه رقيقه لي نقاش حاد معدد سلبيات العربيه وانها وحشه ومش هاتعيش وغير اعتماديه وهاتطلع عين كل اللي اشتراها وكلام من ده

باختصار اخاطب اخواني اللي معجب بالميجان واللي مش معجب بيها ...... الجدال ده شبه يومي مش عارف ليه ومتأكد انه مش هايوصل لحاجه .......بلاش نكسر فرحة شخص كريم جايب عربيه جديده او بيحلم يمتلكها في يوم من الايام..صحيح واجب علينا نقول اللي للعربيه واللي عليها بأمانه ودي ربنا سبحانه وتعالى هايحاسبنا عليها لكن برضه نراعي شويه ان اللي جاب عربيه جديده ماينفعش احبطه كده وافضل اقوله اعتماديتها قليله والحق بيعها كمان المالك اللي زي حالة العبد الفقير الا الله اكيد اكيد اكيد مش هاكون مبسوط وانا كل يوم ابدأ يومي بنقاش حاد ان العربيه اللي ربنا قدرني وامتلكتها وراضي بيها الحمد لله وحشه وحشه وحشه سيئه سيئه سيئه......صحيح لا اقلل من اقتناعي الشديد بيها لكن برضه الجانب النفسي للموضوع ده غير مريح بالمره وعلى فكره هاستشهد براجل محترم لم يسعفني الوقت اني اتعرف عليه اسمه دكتور صلاح كان من ملاك الميجان ولظروف معينه تخلص منها ومع ذلك اعتقد انه بيحاول يرجعها تاني يعني الكلام ده مؤثر ......انا استشهدت بالعضو المحترم تأكيداً ان الكلام اللي حاصل ده والجدل اليومي ده ليه تأثير برضه واحنا بشر في الآخر مش ماركات اوربي ولا ياباني ولا الماني........رجاء خاص من اخوتي ويا رب الرساله توصل وماكنش زعلت حد مني سواء من المعجبين بالميجان او الغير معجبين بالميجان

والسلام عليكم.

[Powert]

عندك حق اعتذر لصاحب الموضوع و الف مبرو العربية الجديدة وربنا يديك خيرها

[M.Moustafa]

انت اوجزت ووفيت يا رامي ربنا يباركلك ويتمملك بخير والوحش الجديد مالك العربية انا زي ما قولت لحضرتك ساكن في الرحاب وزي ما كانت اول مقابلة من مقابلات وحوش رينو في الرحاب على شرف احمد علي لانه كان لسه شاريها جديد اوعدك بعد اذن باقي الوحوش ان المقابلة الجاية ان شاء الله هتبقى برضه في الرحاب وعلى شرفك بمناسبة العروسة الجديدة

[Mustafa_Farouk]

١٠٠٠ مبروك، بجد أنا مبسوط ليك جداً، أنا فعلاً كنت بقارن بين الاسترا والميجان. بس الحمد لله، ربنا سهلي في الاسترا.
أكيد يا جماعة لو في مقابلة تانية سوف أحضر عشان نفسي أتعرف عليكم كلكم إن شاء الله.

حتي الاسترا اللي ب 155000 مفيهاش مرايات ضم او سنسور نور وسنسور مساحات وخلافة.

يا باشا الف مبروك تاني وجهز نفسك للقب في مقابلة الوحوووش القادمة.

أنا مش عارف مين قال لك كدة بس أكيد لما نتقابل إن شاء الله، حتشوف بنفسك.

[momo10000]

السلام عليكم

اولا : شكرا لشاركي لان فعلا اختصر الكلام في ان كل ملاك الميجان معندهمش المشاكل

الاشاعية. وكل ما في الجانب الاخر بيقول العكس ...السؤال : ايهما اوقع ؟ اللي معاة العربية ولا اللي بيسمع ؟؟؟؟؟؟

ثانيا : الف مبروك للوحش الجديد وإن شاء الله نتشرف بيه المقابلة الجاية.

ثالثا:
الاستر 2007 انجوي مفيهاش مرايات ضم دا اكيد.
وانا جاري معاه واحدة ... وبرضة سنسور المساحات مفيهاش ...ممكن يكون في سنسور نور بس اللي قولتة اكيد .

وشكرا

[Ramy_Tantawi]

عندك حق اعتذر لصاحب الموضوع و الف مبرو العربية الجديدة وربنا يديك خيرها

أشكر تفهمك واحترامك للموقف سيدي الفاضل وجعله الله في ميزان حسناتك ان شاء الله .

[عمرو عمارة]

ودي كانت صفارة الحكم الدولي رامي بإنتهاء أحداث الشوط الأول والثاني بالتعادل السلبي -1 /-1

[Ahmed Selim]

صديقى أبو عبد الله

الموقع هو Carsurvey.org وليس .com
أنا دخلت على الموقع مخصوص عشان خاطرك واخترت ميجان 2005 عشان هو ده الموديل اللى المفروض فيه أكبر نسبة أعطال

ال reviews عددهم 26
منهم 22 بيشكروا فى العربية
1 بيقول أنها فيها بعض المشاكل منها مايكنة الزجاج و خزان مياه المساحات ومقابض الأبواب الداخلية و حاجة تانية أنا مش عارفها بالظبط أسمها Fron Lower arms
1 بيقول أن العربية مصاريفها المفروض متكونش بالحجم ده مع أنه أقر صراحةً فى أول الموضوع أنه لم يحدث معه أى أعطال تماماً وكتب كمان Touch Wood يعنى أمسكو الخشب :)
2 بيقولو أن العربية مش حلوة ( مع العلم أنى مقريتش ال posts بتاعتهم عشان مشغول شوية )

أيه رأى سعادتك فى الكلام ده ؟؟؟؟