إعـــــــلان

Collapse

.

,
See more
See less

تكلفة تشغيل الميجان II السنوية للإستفادة....Megane II Running Costs

Collapse
X
 
  • Filter
  • الوقت
  • Show
Clear All
new posts

  • تكلفة تشغيل الميجان II السنوية للإستفادة....Megane II Running Costs

    أزيكم يا أحلى وحوش
    النهارده قلت أعمل إحصائية ظريفه أشوف إيه أخبار مصاريف ميجى من ساعة ما أشترتها حتى الأن و خصوصاً أنى بنهاية الصيف إن شاء الله إحتمال أجيب الفلوانس الفيس ليفت الجديدة و طبعاً ساعتها هبيع عشقى ميجى لأنى مش هحتاج سيارتين.....

    *بعض المعلومات عن ميجى:

    -مشتراه من الزيرو من التوكيل نفسه موديل 2006 شهر 7 سيدان أول فئه أتوماتيك مع كروز كنترول و سبيد ليميتر.
    -اللون رمادى غامق جداً B66.
    -كيلومتر 70000 فقط بمعدل 10000 كيلومتر فى السنة.
    -أقدر أقول و لله الحمد أن العربية مفهاش غلطة و ده طبع فيا....مقدرش أسوق لو فيها الهوا...صيانات و جميع قطع الغيار و الأكسسوارات كاملة من التوكيل منذ تاريخ الشراء.
    -كل مرة أروح أعمل صيانة أخرهم صيانة ال70000 يوم الخميس، التوكيل بيكون عايز يشتريها.
    -بركن فى جراج خاص و ده ساهم بشكل كبير فى المحافظة على حالة السيارة الخارجية و الداخلية.

    * قطع الغيار اللى غيرتهم على حسابى:

    -4 كويلز-التعديل الجديد عمره الأفتراضى بقى أحسن بكتير
    -حساس كامة
    -بطارية جديدة من التوكيل
    -مساحات جديدة من التوكيل
    -4 فرد كاوتش بريدجستون تورانزا GR90 يابانى
    -ترس ديفيزر
    -تيل فرامل أمامى مرة واحدة
    -تيل فرامل خلفى مرتين
    -طقم سيور كامل
    -أيرباج كويل
    -فانوس خلفى كسرهولى واحد فى الجراج
    -مراية كهرباء كسرهالى سايس جراج آخر


    *قطع الغيار اللى غيرتهم فى الضمان

    -عامود دركسيون كامل علشان كان فيه صوت ضعيف جداً و أنا بلف الدركسيون على الأخر طبعا التوكيل كان هيموت و هو بيغيره تحت الضمان لأنه عيب لا يرى بالعين المجرده.
    -تيل فرامل أمامى كان فيه صرخه.
    -حزام أمان السواق علشان كان بيرجع ببطىء slow re traction لما بفكه.
    -تعديل قطمة دركسيون (كنت جايبلهم الtechnical info من رينو فرنسا و أضطروا يعموله)
    -مفصلة باب سواق.
    -مسكات باب داخلى.
    -أيرباج كويل.
    -بطارية.


    التكلفة الإجمالية شاملة جميع الصيانات الدورية و الزيوت و الفلاتر و كل اللى ذكرته فوق=16750.00
    *لاحظ أن الفانوس الخلفى و المراية لوحدهم ب 3200 جنيه
    نقسم هذا الرقم على 7 سنوات نلاقى أن تكلفة العربية السنوية Annual running cost بالنسبة لى عدا البنزين و النثريات=2392.00

    يعنى شهرياً=200.00 جنيه + البنزين

    حالة العربية الأن فى إعتقادى فوق ال90%


    يا ريت الكل يشارك للإستفادة....
    م/هانى سعد
    Meggieboy سابقا
    [SIGPIC][/SIGPIC]

  • #2
    -تيل فرامل أمامى مرة واحدة
    -تيل فرامل خلفى مرتين

    بصراحة غريبة دي, لأن معروف إن التيل الأمامي بيتأكل أسرع من التيل الخلفي في الوضع الطبيعي
    وفي الأوتوماتيك بيبقي تأكله أعلي للضعف للتحميل عليه.

    أزاي غيرته مرة واحدة في خلال 6 سنين و 70الف كيلو ؟
    وغيرت اللي ورا مرتين ليه.!
    LeitoSR سابقا

    Comment


    • #3
      المشاركة الأصلية كتبت بواسطة Meggieboy مشاهدة المشاركة
      أزيكم يا أحلى وحوش
      النهارده قلت أعمل إحصائية ظريفه أشوف إيه أخبار مصاريف ميجى من ساعة ما أشترتها حتى الأن و خصوصاً أنى بنهاية الصيف إن شاء الله إحتمال أجيب الفلوانس الفيس ليفت الجديدة و طبعاً ساعتها هبيع عشقى ميجى لأنى مش هحتاج سيارتين.....

      *بعض المعلومات عن ميجى:

      -مشتراه من الزيرو من التوكيل نفسه موديل 2006 شهر 7 سيدان أول فئه أتوماتيك مع كروز كنترول و سبيد ليميتر.
      -اللون رمادى غامق جداً B66.
      -كيلومتر 70000 فقط بمعدل 10000 كيلومتر فى السنة.
      -أقدر أقول و لله الحمد أن العربية مفهاش غلطة و ده طبع فيا....مقدرش أسوق لو فيها الهوا...صيانات و جميع قطع الغيار و الأكسسوارات كاملة من التوكيل منذ تاريخ الشراء.
      -كل مرة أروح أعمل صيانة أخرهم صيانة ال70000 يوم الخميس، التوكيل بيكون عايز يشتريها.
      -بركن فى جراج خاص و ده ساهم بشكل كبير فى المحافظة على حالة السيارة الخارجية و الداخلية.

      * قطع الغيار اللى غيرتهم على حسابى:

      -4 كويلز-التعديل الجديد عمره الأفتراضى بقى أحسن بكتير لون راسهم إيه ونوعهم إيه ؟
      -حساس كامة أعراض تلفه معاك كانت إيه ؟
      -بطارية جديدة من التوكيل
      -مساحات جديدة من التوكيل قصدك ريش المساحات ؟
      -4 فرد كاوتش بريدجستون تورانزا GR90 يابانى
      -ترس ديفيزر
      -تيل فرامل أمامى مرة واحدة
      -تيل فرامل خلفى مرتين
      -طقم سيور كامل
      -أيرباج كويل
      -فانوس خلفى كسرهولى واحد فى الجراج
      -مراية كهرباء كسرهالى سايس جراج آخر


      *قطع الغيار اللى غيرتهم فى الضمان

      -عامود دركسيون كامل علشان كان فيه صوت ضعيف جداً و أنا بلف الدركسيون على الأخر طبعا التوكيل كان هيموت و هو بيغيره تحت الضمان لأنه عيب لا يرى بالعين المجرده.
      -تيل فرامل أمامى كان فيه صرخه.
      -حزام أمان السواق علشان كان بيرجع ببطىء slow re traction لما بفكه.دا عيب شائع ظهر فى عربيات كتيرة بس محدش كتير اشتكى منه
      -تعديل قطمة دركسيون (كنت جايبلهم الtechnical info من رينو فرنسا و أضطروا يعموله)ممكن حضرتك توضح لى أكتر ؟
      -مفصلة باب سواق. ما الأعراض ؟
      -مسكات باب داخلى.ليه ؟؟ تقريبا هى بعد فترة مش قليلة بيمسح لونها من جوا حاجة بسيط لو لونها فضى يعنى
      -أيرباج كويل.
      -بطارية.


      التكلفة الإجمالية شاملة جميع الصيانات الدورية و الزيوت و الفلاتر و كل اللى ذكرته فوق=16750.00
      *لاحظ أن الفانوس الخلفى و المراية لوحدهم ب 3200 جنيه
      نقسم هذا الرقم على 7 سنوات نلاقى أن تكلفة العربية السنوية Annual running cost بالنسبة لى عدا البنزين و النثريات=2392.00

      يعنى شهرياً=200.00 جنيه + البنزين

      حالة العربية الأن فى إعتقادى فوق ال90%


      يا ريت الكل يشارك للإستفادة....
      [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

      Comment


      • #4
        أنا عندي نفس أسئلة محمد دي بالظبط وأكترهم سبب تغير حساس الكامة وأسباب تلفة.
        وموفق ف البيع إن شاء الله.
        LeitoSR سابقا

        Comment


        • #5
          المشاركة الأصلية كتبت بواسطة leitosr مشاهدة المشاركة
          -تيل فرامل أمامى مرة واحدة
          -تيل فرامل خلفى مرتين

          بصراحة غريبة دي, لأن معروف إن التيل الأمامي بيتأكل أسرع من التيل الخلفي في الوضع الطبيعي
          وفي الأوتوماتيك بيبقي تأكله أعلي للضعف للتحميل عليه.

          أزاي غيرته مرة واحدة في خلال 6 سنين و 70الف كيلو ؟
          وغيرت اللي ورا مرتين ليه.!
          التيل الأمامى غيرته المرة الأولى على حساب الضمان فى 11000 كم علشان كان بيصفر و المرة التانية فى ال70000 كم و ده لأنى بحاول أستخدم الفرامل بحكمة...يعنى بهدى قبل الأشارات و بمور و أنا واقف و كده....طبعاً كتير جداً 60000كم على التيل الأمامى و فى التوكيل كانوا مستعجبين جداً لما بقولهم ده من 11000 كم متغيرش و لكن أنا فى كل صيانة كنت بتابعة علشان ميكلش فى الطنابير و الحمدلله قعد فى العربية 60000 كم و لسه مغيره من يومين.

          التيل الخلفى بيقعد معايا 35000 كم بالتمام و الكمال و بغيره إحتياطى...يعنى مش بسيبه للأخر قوى...مش بمسحه يعنى علشان الطنابير الخلفية سعرها غالى فى التوكيل.....لاحظ أن التيل الخلفى فى الميجان ديسكات يعنى زيه زى الأمامى....
          م/هانى سعد
          Meggieboy سابقا
          [SIGPIC][/SIGPIC]

          Comment


          • #6
            بس ديسكات صغيرة ... طيب عايز أعرف بتقيس سمك التيل بإيه ... هو فيه مقاس مخصوص للتيل والطنابير بالمللى بس معرفش بيتباع فين
            [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

            Comment


            • #7
              -4 كويلز-التعديل الجديد عمره الأفتراضى بقى أحسن بكتير لون راسهم إيه ونوعهم إيه ؟

              [COLOR="rgb(46, 139, 87)"]للأمانة أنا مش فاكر النوع قوى بس أعتقد اللون أحمر من فوق....اللى أنا متأكد منه من التوكيل أن الكويلات الجديدة و مع تغيير البوجيهات فى مواعيدها مش بترجع لهم تانى....لاحظ أن ده كلام مدير مركز الخدمة و هو صديق شخصى لى و مش كلام فنى أو مهندس إستلام.[/COLOR]
              -حساس كامة أعراض تلفه معاك كانت إيه ؟
              [COLOR="rgb(46, 139, 87)"]حساس الكامة ده بالذات مكنتش حاسس بيه خالص و لاعندى أى مشكله.....مرة كنت بكشف كمبيوتر فى التوكيل و لقيت حساس الكامة معلق.....عملناله reset ,و برده طلع الerror تانى....يمكن الحاجة الوحيدة اللى كنت بحسها و مكنتش فارقه خالص معايا هى أن العربية و هى برده و أنا الجراج بتاعى بميله تحت الأرض....لما كنت أطلع لفوق خالص و أشيل رجلى من على البنزين و أغير الR و أنقل للD كانت العربية تبطل.....و ده مكنش دايماً و كنت بدورها تانى و شكراً...مكنتش مسببالى مشكلة.....طبعاً لما غيرته و أعتقد أنا غيرته فى أول بواظانه...مبقتش العربية تبطل فى هذا الموقف....لاحظ أن العربية عمرها ما كانت بتبطل فى أى موقف أخر سواء بارده أو سخنه إلا موضوع مطلع الجراج الصبح و مش كل يوم....الحمدلله الأن هذا العرض مبقاش موجود.[/COLOR]
              -بطارية جديدة من التوكيل
              -مساحات جديدة من التوكيل قصدك ريش المساحات ؟
              [COLOR="rgb(46, 139, 87)"]فعلاً الريش الجديدة اللى هى الكاوتش كلها[/COLOR]
              -4 فرد كاوتش بريدجستون تورانزا GR90 يابانى
              -ترس ديفيزر
              -تيل فرامل أمامى مرة واحدة
              -تيل فرامل خلفى مرتين
              -طقم سيور كامل
              -أيرباج كويل
              -فانوس خلفى كسرهولى واحد فى الجراج
              -مراية كهرباء كسرهالى سايس جراج آخر


              *قطع الغيار اللى غيرتهم فى الضمان

              -عامود دركسيون كامل علشان كان فيه صوت ضعيف جداً و أنا بلف الدركسيون على الأخر طبعا التوكيل كان هيموت و هو بيغيره تحت الضمان لأنه عيب لا يرى بالعين المجرده.
              -تيل فرامل أمامى كان فيه صرخه.
              -حزام أمان السواق علشان كان بيرجع ببطىء slow re traction لما بفكه.دا عيب شائع ظهر فى عربيات كتيرة بس محدش كتير اشتكى منه
              [COLOR="rgb(46, 139, 87)"]أنا كمان غيرت معاه الفبره البلاستيك اللى فى القايم علشان كان بيحك فيها....طبعا كانوا هينتحروا منى فى التوكيل[/COLOR]
              -تعديل قطمة دركسيون (كنت جايبلهم الtechnical info من رينو فرنسا و أضطروا يعموله)ممكن حضرتك توضح لى أكتر ؟
              [COLOR="rgb(46, 139, 87)"]ده كان موضوع خبطة لما تلف الدركسيون للأخر شمال أو يمين و ده موجود فى كل العربيات الميجان 2007 و ما قبل....طبعا كالعادة لو مش فاهم التوكيل بيبيعك.....أنا جبتلهم التعديل من الأنترنت و هو يلزم تغير قطمة الدركسيون من تحت مع وضع مسمار و صاموله جداد معدلين و فوق ده سيليكون مخصوص....الكلام ده كله هما كانوا عارفينه كويس و عندهم مجموعة الغيار دى جايه فى كيس كلها مع بعض و لكن للأسف مكنوش بيعملوها....لما طلبت أنها تتعمل و ورتلهم اللى أنا طبعه من النت أضطروا يعملوها و طبعا شفتها قبل ما تركب و أتأكدت بنفسى....من ساعتها الصوت أختفى تماماً[/COLOR]
              -مفصلة باب سواق. ما الأعراض ؟
              [COLOR="rgb(46, 139, 87)"]تكه كده و أنت بتفتح الباب للأخر أو بتقفله نتيجة ثقل الباب.....مش مؤثرة قوى بس أنا كنت بموتهم فى الضمان و طلبت تغييرها بالجديدة و رشها بلون العربية....[/COLOR]
              -مسكات باب داخلى.ليه ؟؟ تقريبا هى بعد فترة مش قليلة بيمسح لونها من جوا حاجة بسيط لو لونها فضى يعنى
              [COLOR="rgb(46, 139, 87)"]بالعكس....الفضى مش بيحصلها حاجة علشان بلاستيك مرشوش....اللى كانت راكبه بتبقى rubberized finish....يعنى الخامة بتاعتها تفنيش كاوتش و مع العرق الكاوتش ده يبتدى يقشر....أنا غيرت الأتنين اللى قدام بالفضى و من ساعتها زى الفل..... [/COLOR]
              -أيرباج كويل.
              -بطارية.
              م/هانى سعد
              Meggieboy سابقا
              [SIGPIC][/SIGPIC]

              Comment


              • #8
                المشاركة الأصلية كتبت بواسطة MohammedAladel مشاهدة المشاركة
                بس ديسكات صغيرة ... طيب عايز أعرف بتقيس سمك التيل بإيه ... هو فيه مقاس مخصوص للتيل والطنابير بالمللى بس معرفش بيتباع فين
                طبعا لو حابب ممكن تقيسه بميكروميتر أو ببقوليز "Vernier Caliper"....بالنسبه لى السماكة بمجرد النظر متقلش عن 5 مم تقريبا مع الأخذ فى الأعتبار سلامة سطح الطنبور الخارجى....كل صيانة 10000 كم و هما رافعين العربية كنت ببص من تحت على العربية كلها أتأكد أن كله تمام و كمان كنت بشيك على التيل الأمامى و الخلفى و الطنابير.....
                م/هانى سعد
                Meggieboy سابقا
                [SIGPIC][/SIGPIC]

                Comment


                • #9
                  مشكور على مشاركتنا تجربتك الرائعة مع الميجان
                  [SIGPIC][/SIGPIC]
                  [SIZE=4][COLOR=Blue]أحمد بهاء الدين
                  https://www.facebook.com/eldiesel2020[/COLOR][/SIZE]

                  Comment


                  • #10
                    المشاركة الأصلية كتبت بواسطة meggieboy مشاهدة المشاركة
                    -
                    تعديل قطمة دركسيون (كنت جايبلهم الtechnical info من رينو فرنسا و أضطروا يعموله)ممكن حضرتك توضح لى أكتر ؟
                    ده كان موضوع خبطة لما تلف الدركسيون للأخر شمال أو يمين و ده موجود فى كل العربيات الميجان 2007 و ما قبل....طبعا كالعادة لو مش فاهم التوكيل بيبيعك.....

                    أنا جبتلهم التعديل من الأنترنت و هو يلزم تغير قطمة الدركسيون من تحت مع وضع مسمار و صاموله جداد معدلين و فوق ده سيليكون مخصوص....الكلام ده كله هما كانوا عارفينه كويس و عندهم مجموعة الغيار دى جايه فى كيس كلها مع بعض و لكن للأسف مكنوش بيعملوها....لما طلبت أنها تتعمل و ورتلهم اللى أنا طبعه من النت أضطروا يعملوها و طبعا شفتها قبل ما تركب و أتأكدت بنفسى....من ساعتها الصوت أختفى تماماً
                    ماشاء الله عليك ربنا يبارك فيك ويزيدك من علمه, ويرحمنا من أستغلال وغش التوكيلات.
                    LeitoSR سابقا

                    Comment


                    • #11
                      طيب هل مقاس التيل والطنابير دا متوفر عادى بيتباع ؟؟

                      بالنسبة لعربيتى 2007 أنا الخبطة اللى عندى مش اللى انت تقصدها .... أنا عندى الخبطة مع بداية اللف لليمين فقط وبعدين بتروح ودا بسبب بلى بطاحة المساعد

                      بالنسبة للدراع فعلا عندى من جوا فيه مادة جلد بتتقشر المادة دى المفروض لو نوع محترم متتقشرش وهى فعلا ملمسها جلدى
                      لأنى كان معايا أم بى ثرى سونى وموبايل سونى أريكسون الكفر بتاعه معمول من برا بالمادة دى عشان الصدمات وعشان يدى ملمس حنين على الأيد وبيعملوه كمان فى أجهزة الموسيقى للاستخدام الرياضى

                      لكن فعلا اتقشر عندى من جوا وبقى على البلاستيك الأسود

                      بالنسبة
                      [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                      Comment


                      • #12
                        دى قصة عايزة نطلع الفواتير من زمااان .. ما شاء الله على حضرتك
                        بس ممكن على السريع الواحد يفتكر الحاجات الكبيرة
                        تم تغيير الآتى فى الضمان
                        حزام أمان للسائق
                        كومبريسور تكييف
                        شريط إيرباج
                        مفابض الابواب الأمامية ( تقشير ) و منهم لنفسهم من غير ما اطلب

                        تم تغيير الآتى على حسابى
                        تيل أمامى 3 مرات
                        تيل خلفى مرتين
                        طنابير أمامى مرة
                        كاوتش 4 فرد مرتين ( مرة My-01 و مرة Turanza GR90 )
                        حساس كامة و قواعد فتيس و قاعدة موتور و سولونويد فتيس و حساس تانى ب 180 جنيه مش فاكره و كاوتشة شكمان مرتين
                        مجموعة الديفيزور و طلمبة المياه و سعة زيت و ثرموستات
                        و زر تحريك المرايا و مرتين البلاستيكة اللى بتقفل على صامولة تركيب ذراع المساحى الخلفية

                        اكصدام خلفى - فانوس أمامى - فانوس خلفى - أرضية شنطة - رفرف - باب

                        من خارج التوكيل
                        بارات خارجى و داخلى و مقصين و مساعدين أمامى بالبطاحات
                        و مرايتين الجنب

                        العربية عاملة 86 الف كيلو

                        نفسى أعيد تغيير العفشة الغير أصلية و أغير الفانوس الامامى القديم علشان تناظر الإضاءة و الزجاج الأمامى و الفانوس الخلفى يمين و الاكصدامين و علبة الدركسيون

                        هى العربية من بره شكلها مخيف جدا .. بالذات علشان الزجاج الامامى
                        لكن أنا بأهتم أكتر بالعربية كميكانيكا و كهرباء علشان أضمن الاداء و الامان. الاجزاء الخارجية كلها بتدمر و هى واقفة أو ناس بتخبط فيا من ورا ..
                        [CENTER][FONT=Verdana][COLOR=#0000ff][SIZE=5][B]هانى محمد[/B][/SIZE][/COLOR][/FONT]
                        [SIGPIC][/SIGPIC]
                        [URL="http://www.nilemotors.net/Nile/members/7943-albums61.html"][SIZE=4][COLOR=#ff6f00][B]New Renault Album[/B][/COLOR][/SIZE][/URL]
                        [/CENTER]

                        Comment


                        • #13
                          بالنسبة للمقابض الجديدة هل بتقشر برضه ؟
                          وغيرت ليه الكمبرسور
                          بما أن عربيتك 2007 فقواعد الشكمان والموتور قليلة على الرقم اللى كانت ماشياه العربية وقتها لأنها برضه دلوقتى 86 ألف ودا قليل على تلف قواعد الشكمان إلا لو كنت بتشد وتحرق على طول

                          أنا كنت عامل موضوع أهو عن البار هل هو دا البار الخارجى المقصود اللى انت غيرته ؟؟ وأيه الأعراض ؟

                          ودا حل نهائى وفعال جدا لقاعدة الشكمان كوظيفة وعمر افتراضى

                          على فكرة اللى انت غيرته دا مش القاعدة الشمال للموتور دا شداد الموتور السفلى شوف الموضوع دا ... على فكرة ممكن الشداد القديم يتعمل بسيلكيون بطريقة معينة وهيرجع تمام التمام برضه



                          فعلا أهم حاجة فى العربية العفشة أولا بعدين الميكانيكا والكهرباء

                          بالنسبة للفوانيس ممكن تلمعهم بس بيقولوا أن اللمعان دا مش بيدوم وبترجع زى الاول وأسوأ معرفش بقى
                          [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                          Comment


                          • #14
                            يا جماعة يا ريت تفيدوني, انا عايز اشتري رينو ميجان 2 هتشباك موديا 2008 - 2009
                            عايز اعرف معلومات عنها من حيث اسعار قطع الغيار , التسارع , الثبات و الامان و هل في مشاكل في الفتيس و ادائه عامل ايه ؟

                            Comment


                            • #15
                              رديت عليك فى موضوعك
                              [SIZE="3"]سبحان الله والحمد لله ولا إله إلا الله ولا حول ولا قوة إلا بالله العلى العظيم [/SIZE]

                              Comment

                              Working...
                              X