عايز أشترى الداستر و محتاج مساعدتكم

[محمد مطاوع]

انا رحت شوفتها النهاردة فى المصرية للسيارات اللى فى داندى مول على طريق مصر اسكندرية، عجبتنى قوى ما شاء الله، بس مكنش معروض منها غير الفضى، هى ايه الألوان التانية الحلوة منها ?? هو قاللى ممكن يجيب الاسود و الموكا.
و كمان كنت عايز أسأل حضراتكم امتى الواحد يفضل انه يستخدم الدفع الرباعى و هل الدفع الرباعى بيبقى متعب ولا مريح للموتور و لاستهلاك البنزين و هل العربية اتوماتيك بتنقل على الدفع الثنائى بعد سرعة 60 ?!

[Land_Cruiser]

انا رحت شوفتها النهاردة فى المصرية للسيارات اللى فى داندى مول على طريق مصر اسكندرية، عجبتنى قوى ما شاء الله، بس مكنش معروض منها غير الفضى، هى ايه الألوان التانية الحلوة منها ?? هو قاللى ممكن يجيب الاسود و الموكا.
و كمان كنت عايز أسأل حضراتكم امتى الواحد يفضل انه يستخدم الدفع الرباعى و هل الدفع الرباعى بيبقى متعب ولا مريح للموتور و لاستهلاك البنزين و هل العربية اتوماتيك بتنقل على الدفع الثنائى بعد سرعة 60 ?!

في الوان تانيه زي البرونزي (لون كده ذهبي علي فضي) و كمان الابيض و في لون بترولي ده غير الاسود و الموكا و طبعا اللون ده اذواق .

بالنسبه لاستخدام الدفع الرباعي فده بيبقي حسب طبيعه الطريق يعني لو الطريق مرتفع او طالع مطلع او دخلت في مياه او رمال هتحتاج ساعتها تشغل الدفع الرباعي و هتلاقي العربيه ماشيه بسهوله و لو حضرتك كنت محتار من طبيعه الطريق تقدر تخليها اتوماتيك وهي هتعمل اللازم. الوضع الطبيعي في الاتوماتيك علي فكره بتبقي جر ثنائي لحد ما تحس ان الطريق محتاج للدفع الرباعي عن طريق نتيجه ناتج حسابات معادله معينه فساعتها بيتم توزيع العزم علي العجل الأمامي و الخلفي و هناك أوضاع تانيه تقدر حضرتك تستخدمها زي الجر الثنائي فقط لو كنت متأكد من طبيعه الطريق و كذلك الوضع العكسي و هو القصر علي الجر الرباعي فقط لو كنت محتاج لده لانك داخل صحراء مثلا او طالع جبل او ماشي في بركه مياه وزي و النظام ده عاملاه نيسان في الاكس تريل و رينو واخداه زي ما هو بناء علي الشراكه بينهم ووهو مختلف عن ال AWD او ال All Wheel Drive و اللي فيه العربيه بتبدأ جر بالاربع عجلات لحد سرعه معينه و بعد كده بيقلب جر ثنائي لان في حاله الداستر العربيه بتبقي جر ثنائي في. جميع الاحوال كوضع افتراضي و لا يتم التحويل للجر الرباعي إلا عند الحاجه فقط او في حاله اختيار وضع الجر الرباعي صراحه و حتي في هذه الحاله بيبقي في حد اقصي للسرعه اعتقد انه 80 كم علشان ما تبوظش الموتور و استخدام الجر الرباعي مش بيضر الموتور لانه معمول حسابه و بالتالي فمفيش مشكله من تشغيله و تشغيل التكييف كمان . بالنسبه لاستخدامه نظرا لان حضرتك بتستخدمه عند الحاجه فقط حتي في وضع ال auto فده يحقق التشغيل الاقتصادي و مش هتحس بفرق كبير عن الوضع الثنائي و خاصه ان الموتور ١٦٠٠ سي سي و ٤ سلندر

[محمد مطاوع]

في الوان تانيه زي البرونزي (لون كده ذهبي علي فضي) و كمان الابيض و في لون بترولي ده غير الاسود و الموكا و طبعا اللون ده اذواق .

بالنسبه لاستخدام الدفع الرباعي فده بيبقي حسب طبيعه الطريق يعني لو الطريق مرتفع او طالع مطلع او دخلت في مياه او رمال هتحتاج ساعتها تشغل الدفع الرباعي و هتلاقي العربيه ماشيه بسهوله و لو حضرتك كنت محتار من طبيعه الطريق تقدر تخليها اتوماتيك وهي هتعمل اللازم. الوضع الطبيعي في الاتوماتيك علي فكره بتبقي جر ثنائي لحد ما تحس ان الطريق محتاج للدفع الرباعي عن طريق نتيجه ناتج حسابات معادله معينه فساعتها بيتم توزيع العزم علي العجل الأمامي و الخلفي و هناك أوضاع تانيه تقدر حضرتك تستخدمها زي الجر الثنائي فقط لو كنت متأكد من طبيعه الطريق و كذلك الوضع العكسي و هو القصر علي الجر الرباعي فقط لو كنت محتاج لده لانك داخل صحراء مثلا او طالع جبل او ماشي في بركه مياه وزي و النظام ده عاملاه نيسان في الاكس تريل و رينو واخداه زي ما هو بناء علي الشراكه بينهم ووهو مختلف عن ال awd او ال all wheel drive و اللي فيه العربيه بتبدأ جر بالاربع عجلات لحد سرعه معينه و بعد كده بيقلب جر ثنائي لان في حاله الداستر العربيه بتبقي جر ثنائي في. جميع الاحوال كوضع افتراضي و لا يتم التحويل للجر الرباعي إلا عند الحاجه فقط او في حاله اختيار وضع الجر الرباعي صراحه و حتي في هذه الحاله بيبقي في حد اقصي للسرعه اعتقد انه 80 كم علشان ما تبوظش الموتور و استخدام الجر الرباعي مش بيضر الموتور لانه معمول حسابه و بالتالي فمفيش مشكله من تشغيله و تشغيل التكييف كمان . بالنسبه لاستخدامه نظرا لان حضرتك بتستخدمه عند الحاجه فقط حتي في وضع ال auto فده يحقق التشغيل الاقتصادي و مش هتحس بفرق كبير عن الوضع الثنائي و خاصه ان الموتور ١٦٠٠ سي سي و ٤ سلندر

معلومات حضرتك قيمة جدا بجد ..
طيب ممكن أسأل حضرتك لو تعرف معرض كويس يكون فيه الداستر بألوان مختلفة ؟؟ أنا دورت فى المصرية اللى جنب مستشفى النيل بدراوى على كورنيش المعادى و فى معرض تانى فى القطامية بس مفيش غير الإسود و الموكا زى ما قلت لحضرتك ..
و كمان كنت عايز أسألك على أسعار قطع الغيار لو تعرف أى سعر لأى قطعة ليها عشان آخد فكرة عن أسعارها عموما، أبقى شاكر جدا لحضرتك، و دعواتك معايا عشان بإذن الله أجيبها الأسبوع ده.

[Land_Cruiser]

معلومات حضرتك قيمة جدا بجد ..
طيب ممكن أسأل حضرتك لو تعرف معرض كويس يكون فيه الداستر بألوان مختلفة ؟؟ أنا دورت فى المصرية اللى جنب مستشفى النيل بدراوى على كورنيش المعادى و فى معرض تانى فى القطامية بس مفيش غير الإسود و الموكا زى ما قلت لحضرتك ..
و كمان كنت عايز أسألك على أسعار قطع الغيار لو تعرف أى سعر لأى قطعة ليها عشان آخد فكرة عن أسعارها عموما، أبقى شاكر جدا لحضرتك، و دعواتك معايا عشان بإذن الله أجيبها الأسبوع ده.

حضرتك ممكن تسأل في السبع هو موزع معتمد لرينو و عندك كمان الطارق و ممكن تجيب ارقام تليفوناتهم من الدليل و تكلمهم تسأل عن الالوان المتاحه و ميعاد التسليم . بالنسبه لقطع الغيار انا ما عنديش علم بالأسعار الحاليه بس حضرتك ممكن تكلم رينو علي 16202 و تطلب تكلم المخازن و تسأل عن اسعار اي قطع غيار حضرتك عايز تعرف اسعارها و بالتوفيق ان شاء الله

[stonecoldmido5]

مفيش تعليق بعد كلام حضرتك , رد وافي ما شاء الله ,فعلا الواحد اما بيغير من الثنائي للرباعي بيحس انه ركب عربية تانية و خصوصا لو منطقة فيها رمل (مش تقيل طبعا) بس تغرز فيها اي عربية جر ثنائي , وبالمناسبة سعر تيل الفرامل الامامي 570 جنية بالتركيب في التوكيل

[محمد مطاوع]

أنا لسه قارى فى مواصفات الداستر إن عجلة القيادة نظامها هيدروليكى .. ممكن أعرف معلش ده بيبقى معناه ايه و ايه الفرق بينه و بين eps ؟؟

[محمد مطاوع]

متابع ..

[shawkylotfy]

هيدرولكى يعنى الباور على طرمبة بور بالزيت الهدرولكى مش كهرباء

[محمد مطاوع]

هيدرولكى يعنى الباور على طرمبة بور بالزيت الهدرولكى مش كهرباء

و دى حاجة كويسة ولا مش كويسة ?!

[محمد مطاوع]

معلش سؤال فنى، أنا كنت قريت مشاركة من أحد مالكى الداستر إنه بيستخدم النقلة الأولى لما بتبقى الدنيا زحمة و واقفة و بتبقى العربية زى الأتوماتيك يعنى مش محتاج كل شوية يمور و يطلع هو بيفرمل بس و بيشيل رجله من على الفرامل عشان يتحرك تانى، هل حد جرب الموضوع ده، لأن ده هيبقى أريح كتير فى الزحمة ..

[beeronasr]

عربية ممتازة و ركوبتها حاجة تانية خالص - بقالها معايا سنة و 3 شهور مطلع عينها سفر و ما اشتكتش - توكل على اللة و هاتها لو عجباك

[beeronasr]

موضوع النقلة الاولى و الاتوماتيك دة اول مرة اسمع عنة بصراحة - انت اكيد فهمت حاجة غلط

[Land_Cruiser]

معلش سؤال فنى، أنا كنت قريت مشاركة من أحد مالكى الداستر إنه بيستخدم النقلة الأولى لما بتبقى الدنيا زحمة و واقفة و بتبقى العربية زى الأتوماتيك يعنى مش محتاج كل شوية يمور و يطلع هو بيفرمل بس و بيشيل رجله من على الفرامل عشان يتحرك تانى، هل حد جرب الموضوع ده، لأن ده هيبقى أريح كتير فى الزحمة ..

لا أظن ان ده استخدام مناسب للنقله الاولى او انها اتعملت لهذا الغرض. حسب الكتالوج رينو بتنصح فى ظروف الطريق العاديه ان حضرتك تطلع على التانى على طول حتي (الاول اخره سرعه 5 كم فى الساعه) و بتجيبوا لو كانت ظروف الطريق صعبه زي مطلع جامد و حضرتك ماشى علي سرعه قليله فبتبقى محتاج عزم جامد اما لو الطريق عادى فاطلع علي التانى علي طول . لو حضرتك استخدمت الاول فى الزحمه كتير العربيه هتسخن منك و استهلاك البنزين هيزيد و صوت الموتور يعلى لأنه هيكون هناك حمل زياده عليه بدون داعي ده غير ان التيل هيتاكل بسرعه

[محمد مطاوع]

أنا هنزل الجمعة إن شاء الله أحجز الداستر لون موكا، هشتريها بالتقسيط من بنك ناصر، تنصحونى أركز على ايه و آخد بالى من ايه و أنا بحجز العربية و و أنا بستلمها إن شاء الله ؟؟

[stonecoldmido5]

أنا هنزل الجمعة إن شاء الله أحجز الداستر لون موكا، هشتريها بالتقسيط من بنك ناصر، تنصحونى أركز على ايه و آخد بالى من ايه و أنا بحجز العربية و و أنا بستلمها إن شاء الله ؟؟

بالتوفيق و مبروك مقدما, و ربنا يتممها لحضرتك بخير, هو اهم حاجة ان حضرتك تكون نويت تشتري من معرض معروف و مشهور , علشان قلة الضمير اللي بقت منتشرة , و قبل ما حضرتك تستلمها لازم حضرتك تشيك ع الاستبل و الكوريك و الازاز الكهربا و الكاسيت, و الانوار العالية و الواطية, و المرايات الكهربا, انما مفيش حاجة معينة لان ما شاء اللة تقفلها بيبقي كويس و غالبا ان شاء اللة مفيش مشاكل فيها, و الف مبروك