card not detected

[odod]

في حد حصل معاه حاجه زي كده يارجالة
احط الكارت واجي ادور يديني الرساله دي بعد بعض المحاولات لمدة ربع ساعة يمكن تدور
حاجة في منتهي العجز مع العربيه
ياريت حل علشان انا اتشتمت كتير قوي بسبها لما اكون واقف واجي اطلع

[MohammedAladel]

الكارت باظ

تصليحه سهل جدا

الكارت عبارة عن غطاء فوق اللى فيه ال 3 زراير وغطاء من تحت .... الاتنين مسبوكين فى بعض

ولكن هما عاملين فاصل بين الغطائين من على الجنب هتجيب كتر ب 3 جنيه وتبدأ تنشر الكارت من على الأجناب

عشان تفصل الغطاء السفلى عن العلوى

المكان اللى بيبوظ هو اللى تحت الغطاء اللى من فوق فى الكارت اللى فيه الزراير من على جنب الزراير اليمين

هتلاقى حتة بلاستيك مدورة ملفوف عليها سلك ليها 3 أرجل متوصلين ببوردة الكارت فيه رجل أو أكثر منهم فصلت

هتلحمها بمكواة لحام وقصدير وتعيد لحام باقى الأطارف برضه عشان تضمن أنهم ميفكوش

هتجيب لحام أمير وتلزق الكارت وهيشتغل معاك

[MohammedAladel]

http://www.nilemotors.net/Nile/3874509924-post3.html

[odod]

متشكر جدا ياباشا ويارب يطلع موضوع سهل ويتصلح على طول زى منته بتقول

[MohammedAladel]

فيه ناس بتصلحه من 150 إلى 200

برغم ان تكلفة تصليحه بسيطة جدا بس تعمل إيه بقى فى جشع الناس !

[odod]

يعنى ممكن الواحد يصلحه بنفسه ؟؟؟
ولا اشوف حد بيصلحة ؟؟؟
انا خايف لما افتحة يموووت خالص
وبرده من باب العلم بالشئ لو تعرف حد بيصلحه فى اسكندرية قولى
وانا هحتول فيه انشاء الله ورنا يسهل

[MohammedAladel]

شوف الفيديو اللى بعتهولك فى اللنك .. الشغل بسيط جدا بس أصبر عليه وانت بتفتحه

ممكن تشترى اى مكوة لحام ب 7 جنيه وتلحمه أو تخلى حد بتاع موبايلات وهوو واقف فى ثوانى يلحمه بس بعد ما تفكه

بس ركز فى الفيديو اللى جبتهولك ولاحظ هو كسر الجزء من الغطاء اللى فوق بدل ما يفك الكارت كله

[dedo_ryo]

عباس في شارع ابوقير - رشدي
بس هو اسهل من انك توديه انا عملته في البيت و افضل منه لان انتا اللي شغال في حاجتك بايدك و خايف عليها
و لو مش هتقدر يبقي هو و في واحد تاني افضل هشوفلك مواعيده و مكانه و ابعتهملك

[odod]

تسلم يا dedo_ryo انا فلت كده برده ....
عباس ده انا كنت عملت عنده كارت قبل كده كان 800 جنيه

[medo_molto]

انا عندى نفس المشكلة بردو بتحصل معايا لما اسيب العربية يومين مركونة ولا حاجة بس لما بدخل الكارت براحة وبحركة شمال شوية ناحية الدركسيون بيلقط معايا وتظهر كلمة Start فى الشاشة بس اهم حاجة بشويش على الكارت وحاول تهزة براحة وهو فى مكانة فى العربية وان شاء الله يلقط معاك ....وانا عن نفسى كدا كدا هعمل مفتاح تانى احتياطى عشان خايف لمرة واحدة يبوظ الكارت الوحيد وبيقولو فى واحد فى جسر السويس ممتاز فى القاهرة اول منزل اجازة اول الشهر هروح له ان شاء الله وهبقى اقلك بيكلف كام

[odod]

medo_molto فعلا حاجة مملة اوى وربنا يسهل انشاء الله ...
انا كنت عملت واحد قبل كده من سنة ونص كان ب 800 جنيه

[MohammedAladel]

الموضوع بسيط يا أخوانى ...ومش مكلف ... أنا لو قريب منكم كنت صلحتلكم الكارتين ومش هكمل ربع ساعة فى الاتنين

[odod]

خلاص ياباشا احنا نستناك منين ماتيجى اسكندرية .... تشرفنا فى اى وقت

[medo_molto]

الموضوع بسيط يا أخوانى ...ومش مكلف ... أنا لو قريب منكم كنت صلحتلكم الكارتين ومش هكمل ربع ساعة فى الاتنين

المشكلة يا محمد باشا ان مفيش كارت تانى يعنى الواحد لو غامر فى الكارت الوحيد هيغنى ظلموة هههههههه انا اول مهعمل كارت تانى ان شاء الله هجربة اعملة بنفسى

[MohammedAladel]

خلاص خلى حد يصلحهولك بدرى عشان الرجل عندك كدا بتفصل وتلمس بعدين هتفصل خالص وتتسوح ع الطريق نصيحة اعمله بسرعة