card not detected

[dedo_ryo]

انا عندى نفس المشكلة بردو بتحصل معايا لما اسيب العربية يومين مركونة ولا حاجة بس لما بدخل الكارت براحة وبحركة شمال شوية ناحية الدركسيون بيلقط معايا وتظهر كلمة start فى الشاشة بس اهم حاجة بشويش على الكارت وحاول تهزة براحة وهو فى مكانة فى العربية وان شاء الله يلقط معاك ....وانا عن نفسى كدا كدا هعمل مفتاح تانى احتياطى عشان خايف لمرة واحدة يبوظ الكارت الوحيد وبيقولو فى واحد فى جسر السويس ممتاز فى القاهرة اول منزل اجازة اول الشهر هروح له ان شاء الله وهبقى اقلك بيكلف كام

كده انت عندك مشكله في قارئ الكارت مش الكارت القارئ هو المكان اللي الكارت بيدخل فيه بيبقي فيه رجل بلاستيك صغيره لما الكارت بيدخل بيضغط عليهاعلشان يقفل دايره القارئ ممكن تكون علي وشك الكسر او فيها مشكله بسيطه ...... ياريت تتابعها الاول علشان متكبرش و انا كان عندي فيديو اصلاح ليها هدورلك عليه و ارفعهولك

[medo_molto]

كده انت عندك مشكله في قارئ الكارت مش الكارت القارئ هو المكان اللي الكارت بيدخل فيه بيبقي فيه رجل بلاستيك صغيره لما الكارت بيدخل بيضغط عليهاعلشان يقفل دايره القارئ ممكن تكون علي وشك الكسر او فيها مشكله بسيطه ...... ياريت تتابعها الاول علشان متكبرش و انا كان عندي فيديو اصلاح ليها هدورلك عليه و ارفعهولك

انت كدا هتقلقنى يا ديدو يعنى المشكلة مش فى الكارت طيب انا اعرف منين ان المشكلة فى الكارت ولا قارىء الكارت ؟!!

[MohammedAladel]

بص يا باشا .... لو عندك كارت تانى هتعرف

غير كدا وجب فك بيت الكارت وفحصه للوقوف على حالته

[dedo_ryo]

انت كدا هتقلقنى يا ديدو يعنى المشكلة مش فى الكارت طيب انا اعرف منين ان المشكلة فى الكارت ولا قارىء الكارت ؟!!

ولا قلق ولا حاجه ده عيب ماشي كتير بره اغلب المنتديات الاجنبي هريت الموضوع ده كلام و خلاصته ال Micro switch عليه رجل بلاستيك لو حد دخل الكارت و خلاه لتحت شويه يعني و مزاجك مش رايق تقوم الرجل البلاستيك تتكسر و الكارت ميقراش لان دايره القارئ مفتوحه و الحل سهل بس مكلف جدا
1- عدد واحد امير ب 1 جنيه
2- طقم الن كي نجمه
و بعدين تفك الدرج اللي تحت الكاسيت و بعديه الكاسيت في جانبين الكاسيت هتلاقي مسمارين فكهم
و تحت عند مدخل ال OBD 2 هتلاقي مسمارين فكهم برضه بعد كده فك شاشه الكاسيت و الهوايات اللي تحتها و شد الوش و خد بالك منشدش بقلب لان الفيش بتاعه القارئ و زرار السنتر و الدواره و الانتظار لسه راكبين فكهم بالراحه و بعد كده خد القارئ و هو ليه وش من فوق اول ما تشيله هتلاقي الرجل اللي بقولك عليها و ليها سوسته صغيره جدا تحتها بس خد بالك و انت بتفكه من العربيه ليتقلب و الرجل تقع ...... ده بالنسبه للرجل اللي في القارئ اما لو عاوز تتاكد من الكارت وانت في اسكندريه اتصل بيا و ان شاء الله نتقابل و اعملهالك يا كبير و اي حاجه انا معاك

[medo_molto]

ولا قلق ولا حاجه ده عيب ماشي كتير بره اغلب المنتديات الاجنبي هريت الموضوع ده كلام و خلاصته ال micro switch عليه رجل بلاستيك لو حد دخل الكارت و خلاه لتحت شويه يعني و مزاجك مش رايق تقوم الرجل البلاستيك تتكسر و الكارت ميقراش لان دايره القارئ مفتوحه و الحل سهل بس مكلف جدا
1- عدد واحد امير ب 1 جنيه
2- طقم الن كي نجمه
و بعدين تفك الدرج اللي تحت الكاسيت و بعديه الكاسيت في جانبين الكاسيت هتلاقي مسمارين فكهم
و تحت عند مدخل ال obd 2 هتلاقي مسمارين فكهم برضه بعد كده فك شاشه الكاسيت و الهوايات اللي تحتها و شد الوش و خد بالك منشدش بقلب لان الفيش بتاعه القارئ و زرار السنتر و الدواره و الانتظار لسه راكبين فكهم بالراحه و بعد كده خد القارئ و هو ليه وش من فوق اول ما تشيله هتلاقي الرجل اللي بقولك عليها و ليها سوسته صغيره جدا تحتها بس خد بالك و انت بتفكه من العربيه ليتقلب و الرجل تقع ...... ده بالنسبه للرجل اللي في القارئ اما لو عاوز تتاكد من الكارت وانت في اسكندريه اتصل بيا و ان شاء الله نتقابل و اعملهالك يا كبير و اي حاجه انا معاك

انت بتقول كلام كبير اوى ههههههههه على اساس انى هعمل كل دا لا يا سيدى يفتح الله انا هحاول انزل لحد فى القاهرة يشوف لى الموضوع دا ولو مكنش هجيلك اسكندرية مخصوص يا باشا واتقل عليك بقى وخلاص