تقييمى للداستر 2014 بعد 5000 ك .....

[mhDeeb]

ربنا يبارك لك فيها بس هى كل حاجة فيها زى اللوجان تبقى مشكلة بعنى مثلا
( بكرة الكرسى - مفاتيح الزجاج امامى وخلفى خلف فرامل اليد - اماكن تخزين قليلة في التابلوه - وخصوصا الكلاكس في الدراع المسكين دة - الباور تقيل شوية ) والا اتعدلت الحاجات دى في الدستر

[eng.octooo]

ربنا يبارك لك فيها بس هى كل حاجة فيها زى اللوجان تبقى مشكلة بعنى مثلا
( بكرة الكرسى - مفاتيح الزجاج امامى وخلفى خلف فرامل اليد - اماكن تخزين قليلة في التابلوه - وخصوصا الكلاكس في الدراع المسكين دة - الباور تقيل شوية ) والا اتعدلت الحاجات دى في الدستر

مفيش بكرة فى الكرسى ومفاتيح الزجاج مجرد تعود بس مش اكتر وكمان فى الابواب موجود اماكن الزرار مقفولة بطبة وواصلها الاسلاك يعنى لو حابب تقدر تغيرهم ( على فكرة فى الجيب الرانجلر نفس ازرار التابلوة موجودة ودة للعملية وقلة طول الاسلاك فى العربية )

اماكن التخزين القليلة دى انا معاك فيها بس قصاد دة جرابات الابواب والتابلوة حجمهم كبير

الكلاكس :) والله لما تتعود علية هالاتقية سهل جدا

الباور مش تقيل خالص ( هو اتقل من الفلوانس ) بس زى الميجان والانسر والصنى وعربيات كتير كدة مش باور لادا مثلا

:)

[الجنرال]

كنت هموت واشتريها السنة اللى فاتت ز. بس بصراحة بسبب التابلوه الكحيان والفقير غيرت رأيي في اخر لحظة .. بعد ما كنت رايح المعرض استلم .. غيرت رأيي قبل ما امضي ..

الحمد لله طبعا .. مازلت بحبها ونفسي اجيبها.. بس مش هشتريها قبل ما يعدلوا التابلوه ويخلوه محترم وابن ناس كده وعليه القيمه

[horas3000]

كنت هموت واشتريها السنة اللى فاتت ز. بس بصراحة بسبب التابلوه الكحيان والفقير غيرت رأيي في اخر لحظة .. بعد ما كنت رايح المعرض استلم .. غيرت رأيي قبل ما امضي ..

الحمد لله طبعا .. مازلت بحبها ونفسي اجيبها.. بس مش هشتريها قبل ما يعدلوا التابلوه ويخلوه محترم وابن ناس كده وعليه القيمه

كده كويس ؟؟؟

[kholio2005]

راجعييين :)

عاملين اية واية اخباركم ؟ ان شاء الله بخير

اممم كنت قلتلكم لما اعمل اول 5000ك بالعربية هاقولكم على التقييم واهو باقيم اهو ( تقييم دة ولا مش تقييم يا متعلمين يابتوع المدارس)

افكركم ب موديل العربية : رينو داستر 4*4 اعلى فئة موديل 2014 وهنا لازم اتسأل نفس السؤال هو اية الفرق بين 2014 و2013 :) هاقولة الكاسيت البلوتوث والماتى فانكشن الجديد والفرش الهاند ميد ( وخياطة فى الكراسى والفتيس والطارة ب الاحمر)

اممم مش عارف ابداء منين بس هاتكلم فى نقاط علشان تكون سهلة وواضحة وصريحة ( حلوة صريحة دى)

كنت عامل تقييم ليها قبل كدة بس هاحاول اوضح الى ماكملتهوش او ما شرحتهوش كويس هناك

- العزل بتاع العربية ممتاز من اصوات خارجية وتكاتك وعربيات .

- العزل بتاع الموتور مش وحش ولا حلو يعنى باكون سامع صوت الموتور من جوة لو مش مشغل الكاسيت .

- التقفيل وخاماتة رائعة ومافيش اى مشاكل منة لحد دلوقتى وهاقولكم تانى بصوت عالى اهو هيا شبة اللوجان من جوة بالظبط بس الخامات دى حاجة ودى حاجة تانى خاللللللللص .

- السماعات والكاسيت نقدر نقول مقبولين مش وحشين ولا حلوين زى الى بينزلوا استوك فى معظم عربيات مصر بس المايك بتاع العربية صوتة نقى وكويس والى بيكلمك بيكون سامع كل حااجة جوة العربية بس مش واصلة صوت الموتور وكدة .

- ابعاد العربية فى الركن ممتازة وواضحة ليك كويس اوى بس المرايات الجانبية ومراية الصالون واحدة فيهم بتقرب الصورة وواحدة بتبعدها ف العربية بتشتغلك وانت بترجع :) .

- الكاوتش جميل صوتة هادى اوى وهيا ماشية ( بس النقشة بتاعتة واسعة وتحس انها بتدور على الطوب علشان تزنقة جواها )

- الصاج بتاع العربية قوى ومحمل ما عدا مناطق الفيبر دى خفيفة ومش عاجبانى بس اهو قضاء وقدر هانعمل اية بقى .

- الاضائة الامامية رااااائعة من فوجات وواطى وعالى وبتكون كاشفة كل صرصار ماشى فى الطريق :) .

- المساحات الامامية والخلفية كويسين بس ناوى اكبر مقاس الخلفية علشان تنظف بزمة وضمير .

- اة بمناسبة المساحات نفتكر المساحات ههههههه المساحة الداخلية جميلة اوى وواسعة مش مضطر اطلع بالكرسى كل ما حد يركب معايا ورا والكلام الى الصنى كانت بتعملة فيا دة والشنطة واسعة جداا جداا جدااا .

- مش عاجبانى اماكن التخزين قليلين اوى ومش باعرف احط كل حاجة براحة ( مفاتيح وسجاير ومحفظة وولاعة ولبان ترايدنت بالبطيخ ) هههه


اة الحاجات الكبيرة :

استهلاك البنزين كان كويس اوى اول ما جت وبعدين التفويلة بقت يدوب 250 كيلو ودلوقتى رجعت ل 400 ك فى التفويلة لوحدها ازاى ما اعرفش ومنتظرها ترجع ل 550 او 600 ك بس عموما مش هانتكلم عن الموضوع دة لحد ما اعمل اول صيانة واغير زيت واقولكم اية الى حصل


صوت الموتور بعد 4 ار بى ام بيكون صوت طيارة اف 16 معدية ومزعج شوية

التسارع جميل جداااا من 60 : 140 150 اما اقل من كدة العربية تقيلة شوية بس مش بطة زى ما بيقولو لا دة احنا جامدي اوى اوى ههههه

انا الموضوع قررت فجاة اعملة ف كل حاجة متلخبطة ومش منظم ف اسالونى وانا هاجوبكم ومحدش يتريق على الغلطات الاملائية لانى كنت مدارس لغات منهم لله

تقرير ممتاز

كان عندى استفسار عن الدبرياش بتاعها خفيف و لا تقيل ؟؟؟
و هل صوت الموتور عالى فعلا لان فيه ناس جربوها و معجبتهمش علشان كدة
و لو انت على الخامس الار بى م على سرعة 120 بيكون على كام؟

انا كان عندى فى التيجو على الخامس الار بى م كان بيبقى على 3

[eng.octooo]

تقرير ممتاز

كان عندى استفسار عن الدبرياش بتاعها خفيف و لا تقيل ؟؟؟
و هل صوت الموتور عالى فعلا لان فيه ناس جربوها و معجبتهمش علشان كدة
و لو انت على الخامس الار بى م على سرعة 120 بيكون على كام؟

انا كان عندى فى التيجو على الخامس الار بى م كان بيبقى على 3

الدبرياج خفيف ومريح جداا فى السواقة

الار بى ام بعد ال 3.5 :3.7 بيكون صوت الموتور عالى شوية

اممم مش فاكر موضوع السرعة بس على 100 وانت جايب السادس الار بى ام بيكون 3.5 او اقل حاجة بسيطة

[M_Elhendawi]

مبروك عليك العربية و ربنا يكفيك شرها :)
كان ليا سؤال .. ايه اخبار تكييفها ؟
وهل فعلا المانيوال بتاعها متعب علشان 6 نقلات؟؟

و شكرا جزيلا

[kholio2005]

الدبرياج خفيف ومريح جداا فى السواقة

الار بى ام بعد ال 3.5 :3.7 بيكون صوت الموتور عالى شوية

اممم مش فاكر موضوع السرعة بس على 100 وانت جايب السادس الار بى ام بيكون 3.5 او اقل حاجة بسيطة

متشكر جدا على ردك

على السادس و الار بى م على 3.50 !!!!!!!!!!!!!!!!!!!!!!!!!!!!!!!
انا كنت بفكر فيها هى او القشقاى مانوال بعد اما بعت التيجو بس للاسف السبب ده ممكن يخلينى اصرف نظر عن الداستر كمان القشقاى بعد سؤال ملاكها بتجيب 100 على الخامس و الار بى م على 3 برده مش حلو
على كدة الداستر لو على 140 الر بى م حيبقى على 6 تقريبا و الصوت حيبقى مزعج جدا

حاجة غريبة فعلا مش لاقى لحد اللواقتى عربية مانوال عالية تنافس التيجو فى الاداء لحد 180 الف جنيه :(

[gogo2012]

متشكر جدا على ردك

على السادس و الار بى م على 3.50 !!!!!!!!!!!!!!!!!!!!!!!!!!!!!!!
انا كنت بفكر فيها هى او القشقاى مانوال بعد اما بعت التيجو بس للاسف السبب ده ممكن يخلينى اصرف نظر عن الداستر كمان القشقاى بعد سؤال ملاكها بتجيب 100 على الخامس و الار بى م على 3 برده مش حلو
على كدة الداستر لو على 140 الر بى م حيبقى على 6 تقريبا و الصوت حيبقى مزعج جدا

حاجة غريبة فعلا مش لاقى لحد اللواقتى عربية مانوال عالية تنافس التيجو فى الاداء لحد 180 الف جنيه :(

انا جبت بيها 165 و الار بى ام معداش 5 موش زى ما انت بتقول وصوت الماتور كان عادى راجع الفيديوا على يوتيوب وكنت فاتح شباك كمان
تحياتى

[kholio2005]

انا جبت بيها 165 و الار بى ام معداش 5 موش زى ما انت بتقول وصوت الماتور كان عادى راجع الفيديوا على يوتيوب وكنت فاتح شباك كمان
تحياتى

انا ماسوقتش الداستر علشان كدة انا بسأل لانها داخلة دماغى و حاسس انها عربية قوية و مناسبة لسعرها و فى نفس الوقت عايز عربية احس انها تكون افضل من التيجو فى الاداء بس الر بى م على 3.50 على سرعة 100 ده كتير جدا و بصراحة شئ سئ جدا و معروف ان استهلاك البنزين بيزيد بعد الار بى م 3
انا مش من هواة الجرى بس فى طريق السفر غاليا بمشى مابين 120/140
عامة انا مش بحب الار بى يزيد على 3.5 سواء داخلى المدينة او على السفر

[eng.octooo]

مبروك عليك العربية و ربنا يكفيك شرها :)
كان ليا سؤال .. ايه اخبار تكييفها ؟
وهل فعلا المانيوال بتاعها متعب علشان 6 نقلات؟؟

و شكرا جزيلا

التكييف بتاعها ممتاز انا معايا قبلها الصنى والانسر البوما واخويا تريوس والتكيف بتاع الداستر ممتاز جدااا وينافسهم بقوة اما بالنسبة لموضوع ال 6 نقلات انت بتطلع على الغيار التانى مش الاول لان الاول دة للعزم الشديد فقط واخر سرعتة 35 ك ودة كلام الكتالوج والتوكيل انهم بينصحوا ب انك تطلع على الغيار التانى وطلعتها بتكون كويسة بدون كركرة والكلام دة

[eng.octooo]

متشكر جدا على ردك

على السادس و الار بى م على 3.50 !!!!!!!!!!!!!!!!!!!!!!!!!!!!!!!
انا كنت بفكر فيها هى او القشقاى مانوال بعد اما بعت التيجو بس للاسف السبب ده ممكن يخلينى اصرف نظر عن الداستر كمان القشقاى بعد سؤال ملاكها بتجيب 100 على الخامس و الار بى م على 3 برده مش حلو
على كدة الداستر لو على 140 الر بى م حيبقى على 6 تقريبا و الصوت حيبقى مزعج جدا

حاجة غريبة فعلا مش لاقى لحد اللواقتى عربية مانوال عالية تنافس التيجو فى الاداء لحد 180 الف جنيه :(

لا انا لحد ال140 وعلى السادس الار بى ام بيكون اربعة او فوقيها ب شوية ولحد 175 الار بى ام بيكون فوق الخمسة بحاجة بسيطة بس بامانة هيا صوت موتورها عالى بعد ال 130 :140 ودى حاجة مضيقانى منها بس لما اتعودت عليها خلاص الموضوع ارتاح معايا

[kholio2005]

لا انا لحد ال140 وعلى السادس الار بى ام بيكون اربعة او فوقيها ب شوية ولحد 175 الار بى ام بيكون فوق الخمسة بحاجة بسيطة بس بامانة هيا صوت موتورها عالى بعد ال 130 :140 ودى حاجة مضيقانى منها بس لما اتعودت عليها خلاص الموضوع ارتاح معايا

تمام
يعنى معنى كدة انه لو على 120 مثلا على السادس الاربى بى م على 3 ؟؟؟
و اخبار استهلاك البنزين ايه معاك ؟؟؟ يعنى ال 20 لتر يعملو كام كيلو داخل و خارج البلد ؟؟؟

معلش لو اسئلتى كتير و خصوصا فى موضوع الار بى م ده
لان بصراحة عيز اجيب عربية و مندمش انى بعت التيجو و خصوصا انها مكنتش مزعلانى فى حاجة

[eng.octooo]

تمام
يعنى معنى كدة انه لو على 120 مثلا على السادس الاربى بى م على 3 ؟؟؟
و اخبار استهلاك البنزين ايه معاك ؟؟؟ يعنى ال 20 لتر يعملو كام كيلو داخل و خارج البلد ؟؟؟

معلش لو اسئلتى كتير و خصوصا فى موضوع الار بى م ده
لان بصراحة عيز اجيب عربية و مندمش انى بعت التيجو و خصوصا انها مكنتش مزعلانى فى حاجة

استهلاك البنزين انا مش هاحكم علية اوى لانى ماغيرتش لسة اول زيت بس العربية بتعمل متوسط ( التفويلة) من 450 : 500 ك بالتكيف 70% وكلهم داخل البلد

[ghost1900]

الف مبروك العربية، ممكن أستاذن حضرتك في صور للفروق بين 2013 و 2014 (الكاسيت الجديد والمالتي فنكشن والفرش الهاند ميد) وشكرا مقدما