إستلام فلوينس فيس ليفت 2014

[ramymechanics]

و انا لو موجود فى مصر وشششششش ودقن كمان

[SamehEmeel]

بسم الله
الحمد لله استلمت النهارده العربيه الجميله ( جميله الجميلات كمان ) رينو فلوينس فيس ليفت
بعد معاناه شديده مع ( تويوتا كورولا 2013) أشفق عليكم من سماعها

العربيه من " المصريه للسيارات " المهندسين
الفئه ال e3s فتحه سقف و سينسور
اللون oyster grey ( للأمانه اللون ذوق طبعا بس العربيه أجمل في الموكا و ال off white او الكريمي يعني )

178 زي سعرها الرسمي و إستلام فوري
50 جنيه رسوم الورق بتاع العربيه
و الحاجه اللي بتراضي بيها الناس هناك

الناس اللي هناك محترمين جدا و علي أدب و خلق و بيحاولوا يخدموك بجد " أو هكذا شعرت "
هو العيب الوحيد انهم ادوني العربيه مفيهاش نقطه بنزين بمعني الكلمه

أنطباعي عن العربيه بقا
بسم الله ما شاء الله ولا حول ولا قوه الا بالله " بجد كنت خايف إني أحسدها "
هو مبدأيا مصرنا الغاليه بقت في زحام شديد ليل و نهار أنا أخدت من المهندسين للبحر الأعظم خطوه خطوه مستمتعتش بالسواقه أوي الحقيقه
بس ما شاء الله العربيه فخمه و تشرفك و ناعمه و التغيرات باينه فيها اوي لأني سوقت ال 2013 قبل كده
في المطبات تحفه
انا طبعا لم أتمكن من أستعمال ربع امكانيات أو الأوبشن اللي في العربيه بس بجد فعلا
Best value for money و مع أنها أنتشرت شويه لكن مازالت عليها العين حتي في الطريق ( و ربنا يستر من الموضوع ده )

اللي عاجبني أوي برده في العربيه أنها مش تقليديه خاااااااااالص بالعكس
الحمد لله قبلها كان في الاوكتافيا A5 2010 و الكورولا 2013 بس بجد كل حاجه فيها جديده و مش تقليديه
حتي صوت الانتظار و الاشارات صوت مختلف

أنا تحت أمركم في أي استفسار ... و أتمني جميعكم تدعولي ربنا يباركلي فيها لأني مريت فعلا بتجربه في غايه القسوه هعمل موضوع منفصل عنها بخصوص السياره " تويوتا كورولا "

و سأوافيكم بكل ما هو جديد
دمتم بخير و ربنا يبارك لكم في عربياتكم جميعا و أشوفكم جميعا راكبين البورش

1000000 مليون مبروك و ربنا يا رب يباركلك فيها و يكفيك شرها و شر العين و خاصة عيني انا ........ لان انا كنت ناوي علي العربيه دي اللي في المصريه المهندسين و اتفرجت و كنت هاخلص فيها و التردد بقا هي اللي اخرني في اتخاذ القرار و اتصلت النهارده بمندوب المبيعات اللي كان قابلني هناك و قالي انها اتباعت و اللون دا هايبقا موجود الاسبوع الجاي عندهم تاني

طبعا فرصه سعيده اني اقابل اللي اخدها هنا وبجد بجد الف الف مبروك عليك و ماتقلقش صدقني عيني مش فيها خالص لان كده كده كنت هاحجز بس لاني مش جاهز بالفلوس غير الاسبوع الجاي

و فعلا كل يوم بيعدي بقتنع بالعربيه دي اكتر و اكتر و فعلا هي دلوقتي التوب في الفئه السعريه دي

[Batman372]

الف مبروك ... ربنا يباركلك فيها :)
ممكن صور اللون ده " اولستر جراى" ؟؟؟
تحياتى ...

[د.محمود صلاح]

الف مبروك ربنا يديك خيرها ويكفيك شرها..

استمتع بذكاء السيارة فعلا في الميجان ..

كان عندي ميجان لمدة شهرين سنة 2007 وكنت اعشق تلك السيارة

[mostafa magdy]

يا جماعه ربنا يباركلكم كلكم
و اللي مجاببش يجيب
و أستاذ سامح فرصه سعيده فعلا اني الاقي حضرتك هنا و اني أعرف انك كنت هتاخد العربيه دي بالذات
اللون حلو لأني بحبه الصراحه لكن زي ما قلت قبل كده هي ما شاء الله نازله بالوان احسن
و إن شا ءالله تيجي لك علي خير
انا هنزل لحضراتكم الصور قريبا بس عشان مشاكل تقنيه والله :d
انا مجملا سعيد بمباركه كل واحد فيكم ليا و والله فرحت بالعربيه أكتر لما لاقيت ناس زي العسل كده بتبارك بقلوب صافيه
و أتمني فعلا نتقابل جميعا مالكي و حاجزي و حتي اللي ناويين علي العربيه نستفيد من بعض

[mostafa magdy]

القول الصريح و النهائي في سينسور الفلوينس
العربيه طول ما انت بترجع و مفيش اي عائق مفيش حاجه بتظهر لك ولا حتي بتسمع صوت
خليك مركز مع الشاشه الديجتال اللي بيبان فيها السرعه و اللي بيبان فيها قفل الابواب
هتلاقي رسمه ظهرت لك بالعربيه و بعد نسبي للعائق عنها موضوع بالكتالوج بالظبط المسافات التقريبيه بتكون ايه
صفاره واحده انت علي بعد 50 سم تقريبا
صفاره مستمره 25 سم
و كله بالرسم كمان ...

[mostafa magdy]

http://www.nilemotors.net/Nile/385781-a.html

ده لينك العزيز meggiboy كان عامله مجمع كل الالون ... العربيه اللون oyster grey اللي في الصوره تاني صف أول واحده علي الشمال ... ولا كاني بوصف بنزينه يا جدع :D

[mostafa magdy]

يا جماعه طلب بس من مالكي العربيه
انا كلمت رينو النهارده عشان أخد رقم الكود للكاسيت
ردو عليا إنه مش متاح حاليا يا أما اروح لهم الفرع ... يا أما أستني إسبووووووووووووع
هو مفيش اي حل احسن من إني أستني ده ؟!

[ramymechanics]

يا جماعه طلب بس من مالكي العربيه
انا كلمت رينو النهارده عشان أخد رقم الكود للكاسيت
ردو عليا إنه مش متاح حاليا يا أما اروح لهم الفرع ... يا أما أستني إسبووووووووووووع
هو مفيش اي حل احسن من إني أستني ده ؟!

أنا اتصلت بيهم ادونى الكود حاولت ادخله زى ما قالولى معرفتش رحت فرينش موتورز اللى هنا فالرحاب وانا معدى جنبهم ندهت عالمهندس دخله ومشيت

[mostafa magdy]

\شكلها هترسي إني أدب المشوار لحد عندهم أقرب حاجه المقطم تقريبا ... من البحر الأعظم !

[ALshahba]

الفل الف الف مبروووووووووك ..... ر بنا يباركلك فيها

[ALshahba]

كان عندي سؤال لصاحب الموضوع .......... انت كان عندك كورولا 2013 الشكل القديم ولا الجديد ؟؟!!

[Batman372]

كان عندي سؤال لصاحب الموضوع .......... انت كان عندك كورولا 2013 الشكل القديم ولا الجديد ؟؟!!

الشكل الجديد كله ترخيص 2014 ...

[ALshahba]

اذاكان كده .....فمن المعروف ان كورولا الشكل القديم سيئه
عايزين نعرف الشكل الجديد اخباره ايه لانهم منزيل كام اوبشن كويسين ومحسنين كتير فى العربيه.....واناعمال افاضل بينها وبين الجميله فلونس

[mostafa magdy]

لا الشكل القديم الياباني
لانه معجبنيش التقفيل التركي في الكورولا خالص و حسيتها سيئه و سعرها بقي مبالغ فيه و مكانش التسليم فوري
و موضوع أنها قريبه من الارض خنف ناس كتير أصحابي و انا طريقي مينفعش لأنه مليان مطبات
و بشهاده الناس ملاك العربيه الجديده الكورولا ... متنفعش لسفر
يبقي انا كدا هجيب عربيه باكتر من 180 عشان اقضي بيها مشاويري في القاهره !

ثانيا و ده في رايي و عن دراسه للعربييتين بجد مده لا تقل عن 3 شهور ( فلوينس و كورولا قديم و جديد )
سيبك من القديم طبعا ( سيئه جدا و متتركبش )
الفلوينس ب 178 فيها فتحه سقف و سينسور و و الجديده مفيهاش فتحه سقف حتي في الهاي لاين اللي ب 210 و سمعت أنها غليت كمان
ارجع و أقول تاني
حضرتك ب ال 178 في الفلوينس أنا شفت أنك بتاخد أوبشن بكل مليم
أنما الكورولا غاليه لأنه بجد أنت بتشتري brand name كورولا أسم و سوق و إعتماديه
الفلوينس الجديده اعتماديه جدا و محترمه و عاليه و فخمه أوي و مش تصميم شبابي بحت زي الكورولا 2014 و أنا مش بقول كده عشان العربيه معايا ... الحمد لله كان بايدي أجيب أي حاجه منهم لكني أخترت الفلوينس عن أقتناع
و أنا بنصح حضرتك عشان ناس هنا نصحتني و فادتني لحد ما استقريت علي راي
و لو حضرتك حابب تدخل حاجه مع الفلوينس فكر مثلا في كوزمو و كوزمو بلاس 185 و 190 بالترتيب تقريبا
و دمتم بخير