إستلام فلوينس فيس ليفت 2014

[aiamer]

بالنسبه لكود الكاست انا كلمتهم و انا في العربيه و قالولي اعمل ايه بظبط

و بالنسبه للتجمع انا معاكو وش بقي دقن اي حاجه انا بجد نفسي اشوف الناس اللي خليتني اشتري العربيه دى و بالاخص المهندس رامي اللي انشاء الله لازم اتشرف بيه و Meggieboy الجامد و كل الناس الحلوه دى

[solid_khaled]

\شكلها هترسي إني أدب المشوار لحد عندهم أقرب حاجه المقطم تقريبا ... من البحر الأعظم !

01140706478 كلم الراجل دة شغال فى french motors الرحاب
ادانى الكود النهارة بالتليفون و فعلتة و جربت البلوتوس جامد و شغلت الاغانى من الايفون بالبلوتوس جامد و بتغير الاغانى من الدركسيون
بس معجبنيش صوت البيز اوى :) او لسة لما اظبط الصوت

[ramymechanics]

بالنسبه لكود الكاست انا كلمتهم و انا في العربيه و قالولي اعمل ايه بظبط

و بالنسبه للتجمع انا معاكو وش بقي دقن اي حاجه انا بجد نفسي اشوف الناس اللي خليتني اشتري العربيه دى و بالاخص المهندس رامي اللي إن شاء الله لازم اتشرف بيه و Meggieboy الجامد و كل الناس الحلوه دى

أهم حاجة بتدعيلنا ولا بتدعى علينا

[MoHaMed HaMeD]

ده صفحة الجميلة فلواينس ع الفيس
https://www.facebook.com/groups/6014.../?notif_t=like

[mostafa magdy]

Page cannot be found !!!???

[ahmedelfeky]

https://www.facebook.com/groups/601494389900250/

[abdo_2812]

ألف مبروك ياكبير وربنا يباركلك فيها ويزرقك خيرها ويكفيك شرها
في الحقيقة الفلوينس إحساس تاني يعني ركوبة يجد
أنا كان معايا ميجان سيدان 2008 في مصر وحاليا أنا في الدوحة معايا فلوينس 2013 خليجي هي الفيس ليفت لكن شكلها مختلف شوية عن اللي في مصر وأعتقد حتى الموتور والتكييف مختلفين لكن كل شيئ تاني هي هي والله أعلم

عربيتي فول أوبشن من غير فتحة سقف (مش بتنزل هنا بفتحة سقف على فكرة)
بصراحة العربية إحساس الفخامة والنعومة فيها أعلى حتى من الميجان والعربية ليها طعم مميز بسنسور الباركنج المختلف والريموت كمان اللي أصبحت مش بحتاج منه حاجة أكتر من إنه يكون في جيبي، يعني أول ما تلمس الباب والمفتاح في جيبك العربية تفتحلك، تدخل تقعد وتدور فوراً بدون الكارت برضو تروح العربية فاتحالك المرايات وناقص بس تربط الحزام.
تبطل العربية وتنزل تمشي علطول ولا مفتاح ولا كارت ولا أي حاجة تروح العربية مقفولة وقافلة المرايات وكله تمام :)
والكاسيت في الحقيقة مميز جدا ماشاء الله بيشغل ميديا من بلوتوث أو USB أو AUX وبيقرأ الـ Folders وكمان بيكمل من لحظة ما وقفت حتى لو شلت الميديا (الفلاشة مثلا) واستخدمت العربية في الوسط ورجعت ركبتها تاني برضو بيكمل من مطرح ما وقف
كمان المرايات ذاتية التعتيم وسنسور الباركينج اللي فعلا جميل وبيظهر في رسمة العربية اللي تحت العداد الخطوط بتاعة المسافات (أنا مش عارف المسافات بالتحديد) لكن هم 3 خطوط الخط الأول صفارة متقطعة عادية والثاني صفارة متقطعة سريعة والثالث ده بتبقى قربت جامد يعني أعتقد 5 سم مثلا وبتبقى الصفارة مستمرة، وكمان بتكون قادر تحدد الخطر من الخلف مباشرة ولا ناحية اليمين ولا الشمال لأن الخطوط منفصلة مع رسمة العربية ودي نقطة مميزة برضو :)

في الحقيقة العربية ناعمة عن الميجان بشوية (مع إن الميجان كانت وهم ماشاء الله بالنسبة لأي عربية في فئتها في رأيي) وسحبها جميل بشكل ملحوظ بس بعد سرعة 60 كم
إحساس الكارت البصمة مع العدادات الديجيتال ومثبت السرعة الديجيتال المميز (فيه لمحة ظريفة فعلا مثبت السرعة إنه وانت مشغل كروز بيبقى منور أخطر ربع دايرة حوالين العداد وبعدين لما تزيد عن السرعة بيروح منور ربع دايرة تاني بلون أحمر فايبقى موضحلك جدا انك سرعت وزودت السرعة ) بيديلك إحساس بالتمير وبالذكاء والتكنولوجيا جميل جدا ماشاء الله

(فيه نقطة برضو إن عيب عربيتي عن اللي في مصر إن مافيهاش وحدات رفع للأسف وكمان الـ Child lock مش كهربائي من باب السائق)

[mostafa magdy]

ربنا يبارك لك في عربيتك و يديك خيرها يا رب
الفلوينس أجمل عربيه في فئتها عن تجربه ... و لسه عامل موضوع مقارنه بينها و بين العربيات اللي سوقتها كلها
فخمه شيك
لسه جايب كود الكاسيت النهارده ما شاء الله البلوتوث و الساوند سيستم عالمي
و ربنا يرجعك لنا بالسلامه
و دمت بخير

[mbasiouny]

اولا ربنا يباركلك فيها انت احسنت الاختيار عن تجربه الفلونس فيس ليفت انا مستلمها من حوالى شهر افضل عربيه فى الفئه باعتها انت بتوصل بيك لمرحله انك بتزعل ان مشوارك خلص علشان ماتنزلش منها و بتحس بامكانيات العربيه لما تبقى ناقل زيى من الاوبترا للفلوانس بتحس برفاهيه غير طبيعيه انا معايا فئه e3 هى حمرا اللون مش منتشر قوى بس عاجبنى جدا و اتمنى نتقابل انا هاكون فى القاهره كمان اسبوع ان شاء الله اكييد الناس كلها عندها معلومات عن العربيه من المفيد ان احنا نتبادلها يعنى مثلا انا معرفتش ان العربيه ممكن تقفل الزجاج من الريموت الا هنا فى الجروب ده العربيه ما شاء الله كلها مفاجات و الف مبروك عليك للمره التانيه

[mostafa magdy]

ربنا يكرمك يا فندم العربيه تحفه فعلا
كنت متضايق اوي ان الزجاج مش بيتقفل لحد ما واحد قالي لسه النهارده و انا برخص قالي عليه بدوس مرتين علي القفل
انا كنت بدوس دوسه طويله زي النظام اللي كان في الاوكتافيا
و يا ريت نتقابل فعلا هتكون فرصه سعيده الواحد يعرف ناس محترمه زي حضراتكم جميعا
دمتم بخير

[yasso2008]

ايييييييييييييييييييييييييييييييييييه ده يا جدعان ..احنا لو بنحبب واحد انه يتجوز واحدة مش هنقوله زي ما انتو بتقولوا كده :]

خلاص نازل احجز فلوينس 2014 ..بلاها تويوتا ...شوفت حد اقتنع بسرعة كده :)

انا عايز ابيع ال accent RB بتاعتي بقي Top Line لو حد عنده حد يبلغني ...

اشوفكوا مع التقرير قريب اوي ان شاء الله ...دعواتكم

[mostafa magdy]

أعرض علي كونتاكت و ديوبيزيل و هنا في المنتدي في قسم البيع و الشراء
و ربنا يعينك .. اللي بيبع حاجه في مصر بيتعب والله
كنت لسه ببيع تويوتا عشان اجيب الفلوينس
و متقلقش الكوري بيتباع بسرعه أوي
بالتوفيق إن شاء الله

[mostafa magdy]

https://www.facebook.com/pages/Renault-Fluence/226464277521386

صفحه الفلوينس علي الفيس بوك نتمنس المزيد من التواصل

[ramykandeel]

الفرق بين e3 و ال e3s
فتحت السقف
سنسور
و الجنط 16
صح ولا ال e3 فيها سنسور ؟؟

[Batman372]

الفرق بين e3 و ال e3s
فتحت السقف
سنسور
و الجنط 16
صح ولا ال e3 فيها سنسور ؟؟

ال e3 بها جنت 16 سبور ..
الفرق بينها و ال e3s فتحه + سنسور خلفى فقط + 8.5 الف جم :)