إفتكاسات لذيذة في الفليونس ٢٠١٤ فيس ليفت

[soha]

السلام عليكم :

أنا قرأت المانيوال بتاع ال E3 و لقيت إفتكاسات ظريفة قلت أشارككم فيها:

١- لما تنزل من العربية لو الزجاج مفتوح و الأنوار مفتوحة و المرايات مفتوحة دوس مرتين غلق علي الريموت هتقفل كل حاجة بما فيها الشبابيك الأربعة
٢- إنزل من العربية و إمشي بعيد عنها بالكارت (بس الشبابيك تكون مقفولة المرة دي) هتلاقي العربية تعمل lock لوحدها و تقفل النور و المرايات
٣- قرب من العربية من غير ما تتطلع المفاتيح و إفتح الأكرة هتلاقي العربية فتحت و شنطة العربية فتحت الlock
٤- عايز تقفل العربية من أكرة الباب دوس علي الزرار اللي في الأكرة هيعمل lock

بس ملحوظة: علشان تخلي case 2, 3 يشتغلوا إعمل الآتي:
١- لو عملت lock بالريموت: العربية المرة اللي بعديها مش هتفتح غير لما تدوس علي الريموت يعني مش هتفتح أوتوماتيك لما تقرب المفتاح. علشان تعمل reactivation للنظام ده لازم تدوّر العربية و لما تيجي نازل منها ابعد عنها من غير ما تعمل lock عن طريق الريموت هتلاقيها صفرت مرتين و قفلت و لما تيجي تقرب منها تاني هتفتح.

للناس اللي قلقانة إن اللي ورا ممكن يفتح الباب من جوه حتي لو Locked: فيه زرار كده مع زراير الشبابيك جنب السائق لو دوست عليه هيخلي اللي ورا لا يعرف يفتح باب ولا شباك

لو حد يعرف إزاي في case 2 ممكن نخلي الزجاج يقفل لوحده يا ريت يفيدنا و يا رب يكون الموضوع عجبكم و عرّف بعض الناس علي الجميلة فليونس

[ahmedelfeky]

case 2 دي مالهاش حل عشان الازاز يقفل مع السنتر هم طرقتين :
1-ضغطتين من الريموت ورا بعض بسرعه.
2-او ضغطتين من زرار مقبض الباب بسرعه

نظام القفل والفتح في العربيه دي تحفه بس اللي خانقني منه حاجه واحده انه بيجبر اي حد يقعد الاطفال ورا عشان يستخدم ال child lock لانه لو في طفل قدام سواء لوحده او علي رجل مامته شده واحده الباب هيفتح حتي لو كان السنتر مقفول (طبعا في كل الحالات ماحدش يقدر يفتح الباب من بره ) علي عكس العربيات الالماني لازم شدتين لمقبض الباب الداخلي عشان يتفتح طبعا التفسير الوحيد ياما هم بيعلمونا مانركبش الاطفال غير ورا او انهم فاكرينا هنا مقضينها baby seat و isofix وكده مش عارفين ان العيال عندنا رزله مابترضاش تقعد ورا وعايزه تتفرج ع الطريق

[solid_khaled]

هو لو العربية دايرة و الريموت كان فى جيبى ونزلت و مشيت من العربية هل المحرك هيطفى لوحدة ؟ اصل ساعات بحس انى ممكن انسى اوقف الموتور

[mastr_n]

ماشاء اللة
الرينو معروف بال options الجميلة

[Ahmed Selim]

السلام عليكم :

أنا قرأت المانيوال بتاع ال e3 و لقيت إفتكاسات ظريفة قلت أشارككم فيها:

١- لما تنزل من العربية لو الزجاج مفتوح و الأنوار مفتوحة و المرايات مفتوحة دوس مرتين غلق علي الريموت هتقفل كل حاجة بما فيها الشبابيك الأربعة
٢- إنزل من العربية و إمشي بعيد عنها بالكارت (بس الشبابيك تكون مقفولة المرة دي) هتلاقي العربية تعمل lock لوحدها و تقفل النور و المرايات
٣- قرب من العربية من غير ما تتطلع المفاتيح و إفتح الأكرة هتلاقي العربية فتحت و شنطة العربية فتحت الlock :oc_sun1[1]:
٤- عايز تقفل العربية من أكرة الباب دوس علي الزرار اللي في الأكرة هيعمل lock

بس ملحوظة: علشان تخلي case 2, 3 يشتغلوا إعمل الآتي:
١- لو عملت lock بالريموت: العربية المرة اللي بعديها مش هتفتح غير لما تدوس علي الريموت يعني مش هتفتح أوتوماتيك لما تقرب المفتاح. علشان تعمل reactivation للنظام ده لازم تدوّر العربية و لما تيجي نازل منها ابعد عنها من غير ما تعمل lock عن طريق الريموت هتلاقيها صفرت مرتين و قفلت و لما تيجي تقرب منها تاني هتفتح.

للناس اللي قلقانة إن اللي ورا ممكن يفتح الباب من جوه حتي لو locked: فيه زرار كده مع زراير الشبابيك جنب السائق لو دوست عليه هيخلي اللي ورا لا يعرف يفتح باب ولا شباك

لو حد يعرف إزاي في case 2 ممكن نخلي الزجاج يقفل لوحده يا ريت يفيدنا و يا رب يكون الموضوع عجبكم و عرّف بعض الناس علي الجميلة فليونس

أوبشن رقم واحد موجود من أيام الميجان مع إختلاف بسيط....

الأنوار هتقفل أول ما تشيل الكارت من مكانه و تفتح الباب

المرايات مش بتقفل مع الأبواب و الشبابيك

أزيدك من الشعر بيت بقى.......

الأزاز و هو بيقفل لو طفل حط أيده فى طريق الأزاز.....هتلاقيه وقف و مكملش مشواره.

لو ماشية على 80 أو أكتر شوية و دوستي فرامل جامدة فجائية أضواء التحذير (الفلاشر) بتشتغل لوحدها :)

هتلاقي فى الكاسيت أوبشن أن كل لما سرعة العربية تعلى صوت الكاسيت يعلى

فيه خصاية follow me home و دي بتخللى النور شغال لفترة دقيقة أو أتنين (على حسب عدد مرات الضغط على دراع النور) علشان لو فى حتة ضلمة تعرفي تدخلي البيت.

ألف مبروك عليكي و ربنا يباركلك فيها و يكفيكي شرها.

case 2
نظام القفل والفتح في العربيه دي تحفه بس اللي خانقني منه حاجه واحده انه بيجبر اي حد يقعد الاطفال ورا عشان يستخدم ال child lock لانه لو في طفل قدام سواء لوحده او علي رجل مامته شده واحده الباب هيفتح حتي لو كان السنتر مقفول (طبعا في كل الحالات ماحدش يقدر يفتح الباب من بره ) علي عكس العربيات الالماني لازم شدتين لمقبض الباب الداخلي عشان يتفتح طبعا التفسير الوحيد ياما هم بيعلمونا مانركبش الاطفال غير ورا او انهم فاكرينا هنا مقضينها baby seat و isofix وكده مش عارفين ان العيال عندنا رزله مابترضاش تقعد ورا وعايزه تتفرج ع الطريق :10d5c8w1107::10d5c8w1107::10d5c8w1107:

يا باشا فى بلاد برة لو لاقوك مركب طفل فى الكرسي الأمامي ممكن يعتقلوك و مش بعيد ياخدوا الطفل منك كمان.

و بالتالي هما مش بيفكروا فى الحالة دي لأنها مش حالة المفروض أنها تحصل.

و نصيحة.....مهما الأولاد عملوا........خليهم راكبين ورا.........هيعيطوا شوية و هيزنوا شويتين و بعد كده هيتعودو........ده أحسن لهم.

[تامر.محمد]

case 2 دي مالهاش حل عشان الازاز يقفل مع السنتر هم طرقتين :
1-ضغطتين من الريموت ورا بعض بسرعه.
2-او ضغطتين من زرار مقبض الباب بسرعه

نظام القفل والفتح في العربيه دي تحفه بس اللي خانقني منه حاجه واحده انه بيجبر اي حد يقعد الاطفال ورا عشان يستخدم ال child lock لانه لو في طفل قدام سواء لوحده او علي رجل مامته شده واحده الباب هيفتح حتي لو كان السنتر مقفول (طبعا في كل الحالات ماحدش يقدر يفتح الباب من بره ) علي عكس العربيات الالماني لازم شدتين لمقبض الباب الداخلي عشان يتفتح طبعا التفسير الوحيد ياما هم بيعلمونا مانركبش الاطفال غير ورا او انهم فاكرينا هنا مقضينها baby seat و isofix وكده مش عارفين ان العيال عندنا رزله مابترضاش تقعد ورا وعايزه تتفرج ع الطريق

انا فعلا باعاني من المشكلة دي ورا و قدام
و فعلا بادور في سوق الBaby seat حاليا عشانا اشتري كرسي احطه ورا

[Hany Saad]

ممنوع جلوس الأطفال أقل من ١٢ سنة فى الكراسى الأمامية سواء فى أوروبا أو أمريكا أو كندا....دى جريمة شديدة جدا مرتبطة بإهمال واضح يعاقب عليها القانون.....و فعلا لو اتكررت ممكن ياخدوا الأطفال من الأهل نتيجة سؤ تصرفهم فى حماية أطفالهم و مخالفة قوانين واضحة أكثر من مرة قد تعرض الأطفال لخطر داهم....الكلام ده بره مفهوش هزار
الأطفال دايما مكانهم ورا علشان الأمان...أقل من ١٥ كجم وزن لازم Car seat....أقل من ٢٥ كجم أو أقل من ١٠ سنوات لازم child booster

علشان كده هما معندهمش أبدا و لو أحتمال ١٪ أن فيه طفل ممكن يقعد قدام لأنه ممنوع منعا باتا قانونا لما فيه من خطر بالغ على الأطفال
بلاش من فضلك تقعد الأولاد قدام علشان أمانهم و ربنا يحفظنا جميعا

[soha]

تمام كده فعلا الأطفال لغاية سن 8 أو 9 سنين بيبقوا في child booster و فعلا ممنوع تماما انهم يقعدوا قدام :) يعني الغلطة دي من عندنا :) و يارب نحمي أطفالنا زيهم كده بغض النظر عن الزن و الصداع Make your child learn that a Rule is a Rule :)

[ramymechanics]

بشمهندسة سها انتى حنستينا بموضوع البنزين بتاع عربية حضرتك ومقلتلناش عملتى أيه بعد كدة ؟؟ مش معقولة محطتيش بنزين من ساعتها \

[Batman372]

هو لو العربية دايرة و الريموت كان فى جيبى ونزلت و مشيت من العربية هل المحرك هيطفى لوحدة ؟ اصل ساعات بحس انى ممكن انسى اوقف الموتور

لا مش حتتطفى لوحدها :)
و لو الكارت لسه بعيد ... لازم تعملى hold على start/stop لكى تطفيها ..
تحياتى ...

[soha]

هو لو العربية دايرة و الريموت كان فى جيبى ونزلت و مشيت من العربية هل المحرك هيطفى لوحدة ؟ اصل ساعات بحس انى ممكن انسى اوقف الموتور

أنا بتحصل معايا كتيييير إن أنسي أدوس ستوب :) .. جربت النهادة أبعد عن العربية من غير ما أطفيها بش للأسف مانفعتش

[soha]

بشمهندسة سها انتى حنستينا بموضوع البنزين بتاع عربية حضرتك ومقلتلناش عملتى أيه بعد كدة ؟؟ مش معقولة محطتيش بنزين من ساعتها \

لسه والله محطتش علشان اليومين اللي فاتوا ماتحركتش كتير :) .. بس اللي لاحظته إن الكمبيوتر لسه مبين ٣٣٠كم مسموح بيهم قبل ما أحتاج أحط بنزين و ده تقريبا نفس القراءة اللي إداها وقت التفويل (٣٨٠كم - فرق ٥٠كم). أنا دلوقتي عاملة ١٥٠كم صافي من ساعة التفويلة الأولي. يعني حسبة بسيطة كان المفروض الكمبيوتر يبين مع أول تفويلة ٤٧٠كم علي الأقل.
متوسط الإستهلاك مبين ٧.٥كم/ل .. بس فعلا أنا مشواري خنيق و دايما واقف من القصر العيني للنزهة مرورا بكلا من قفلة ميدان التحرير و زحمتة و زحمة صلاح سالم.

هجرب في السفر إن شاء الله .. غالبا هسافر الأربعاء و لو الأداء متحسنش هجرب بنزين ٩٥ إن شاء الله
I'll keep you posted isA

[ahmedelfeky]

ممنوع جلوس الأطفال أقل من ١٢ سنة فى الكراسى الأمامية سواء فى أوروبا أو أمريكا أو كندا....دى جريمة شديدة جدا مرتبطة بإهمال واضح يعاقب عليها القانون.....و فعلا لو اتكررت ممكن ياخدوا الأطفال من الأهل نتيجة سؤ تصرفهم فى حماية أطفالهم و مخالفة قوانين واضحة أكثر من مرة قد تعرض الأطفال لخطر داهم....الكلام ده بره مفهوش هزار
الأطفال دايما مكانهم ورا علشان الأمان...أقل من ١٥ كجم وزن لازم Car seat....أقل من ٢٥ كجم أو أقل من ١٠ سنوات لازم child booster

علشان كده هما معندهمش أبدا و لو أحتمال ١٪ أن فيه طفل ممكن يقعد قدام لأنه ممنوع منعا باتا قانونا لما فيه من خطر بالغ على الأطفال
بلاش من فضلك تقعد الأولاد قدام علشان أمانهم و ربنا يحفظنا جميعا

أنا متفق مع حضرتك تماما في كل اللي بتقوله وفعلا نسبه الخطر علي الاطفال قدام اكبر بكتير من ورا لكن ده مايمنعش ان نقطه فتح الباب الامامي للسائق او الباب اللي جنبه عيب في العربيه انها بتفتح من شده واحده وانها كان لازم تحتاج شدتين للمقبض الداخلي ده طبعا في حاله ان السنتر مقفول لسببين :

1-برضه في اوروبا وامريكا في عربيات باسات واوكتافيا اللي فيهم النظام اللي انا بقول عليه اكيد مش كلها رينو يعني وبالمناسبه دي اساسا مفيش رينو في امريكا لاسباب كتير مش موضوعها دلوقتي.
2-في الفلوانس في زرار لقفل الايرباج في حاله انك حطيت كرسي الاطفال قدام او لو في طفل اقل من 10 سنوات قاعد قدام

طبعا في المجمل انا بحب العربيه جدا ومفيش اي حاجه في نفس الفئه السعريه دي افضل منهابس طبعا الكمال لله وحده وعامه كلنا مستنين الريفيو بتاع حضرتك لما تستلم علي خير ان شاء الله هو ده اللي هيبقي فيه الزبد كلها

[ahmedelfeky]

هو لو العربية دايرة و الريموت كان فى جيبى ونزلت و مشيت من العربية هل المحرك هيطفى لوحدة ؟ اصل ساعات بحس انى ممكن انسى اوقف الموتور

هي مش هتطفي لوحدها انا عشان السبب ده سايب ضم المرايات شغال عشان بعد مابعد عن العربيه اتأكد انها قفلت لاني نزلت كذا مره ونستها دايره ماهي مالهاش صوت خالص ضم المرايات بيفيد في الحوار ده

[Batman372]

هي مش هتطفي لوحدها انا عشان السبب ده سايب ضم المرايات شغال عشان بعد مابعد عن العربيه اتأكد انها قفلت لاني نزلت كذا مره ونستها دايره ماهي مالهاش صوت خالص ضم المرايات بيفيد في الحوار ده

لما تبعد عنها بتقفل سنتر و تضم مرايات و بتعمل صوت سرينه لمده ثانيتين .. هو مسرسع شويه لكن مسموع ... ممكن تعتمد على الصوت :)
يعنى لو لم تسمهع الصوت ... يا الموتور لسه داير ... او احد الابواب/شنطه لسه مفتوح ...
تحياتى ...