إفتكاسات لذيذة في الفليونس ٢٠١٤ فيس ليفت

[ahmedelfeky]

لما تبعد عنها بتقفل سنتر و تضم مرايات و بتعمل صوت سرينه لمده ثانيتين .. هو مسرسع شويه لكن مسموع ... ممكن تعتمد على الصوت :)
يعنى لو لم تسمهع الصوت ... يا الموتور لسه داير ... او احد الابواب/شنطه لسه مفتوح ...
تحياتى ...

انا عارف الصوت كمان الفلاشر بينور عشان يأكد انها اتقفلت انا اقصد في بعض الناس موقفه خاصيه ضم المرايات ومخلاياها علي طول مفتوحه حتي لو السنتر قفل انا سايب الخاصيه بتاعه الضم شغاله عندي عشان لو بعدت عن العربيه 100 متر مثلا لو الشيطان وززني اني نسيت اقفل العربيه ببص ع المرايه الاقيها مضمومه بدون ما اضطر ارجع تاني للعربيه اتأكد

[Hany Saad]

أنا متفق مع حضرتك تماما في كل اللي بتقوله وفعلا نسبه الخطر علي الاطفال قدام اكبر بكتير من ورا لكن ده مايمنعش ان نقطه فتح الباب الامامي للسائق او الباب اللي جنبه عيب في العربيه انها بتفتح من شده واحده وانها كان لازم تحتاج شدتين للمقبض الداخلي ده طبعا في حاله ان السنتر مقفول لسببين :

متفق مع حضرتك فى الموضوع ده و حركة فتح الباب من الداخل على حركتين مميزة جدا و فيها فكر عالى و طبعا كانت تبقى أجمل و أجمل لو موجودة فى الأربع أبواب كمان فى الرينو...بس حضرتك لاحظ أن ده فكر مميز للسيارات الألمانى و لاحظ أيضا أنهم بيستعيضوا بالحركة دى عن أمان الأطفال الكهربا الموجود فى الفرنساوى اللى بنتحكم فيه بالزرار و نقفل منه الباب الخلفى و الزجاج الخلفى.....هما معندهمش حاجة تقفل الزجاج الخلفى فقط.....هما عندهم مقبض يفتح على حركتين و سقاطة أمان ميكانيكية

1-برضه في اوروبا وامريكا في عربيات باسات واوكتافيا اللي فيهم النظام اللي انا بقول عليه اكيد مش كلها رينو يعني وبالمناسبه دي اساسا مفيش رينو في امريكا لاسباب كتير مش موضوعها دلوقتي.
2-في الفلوانس في زرار لقفل الايرباج في حاله انك حطيت كرسي الاطفال قدام او لو في طفل اقل من 10 سنوات قاعد قدام

كرسى الأطفال المسموح بوضعه فى الأمام نوعه rear facing car seat يعنى لازم الطفل يكون باصص للخلف و طبعا فى هذا الوضع لطفل أقل من خمس سنوات قاعد وشه للخلف مش ممكن يقدر يفتح الباب بأيده و لا يلمس الأكره أصلا فى هذا الوضع......ممنوع جلوس طفل أقل من ١٠ سنوات فى الأمام....لازم فى الخلف مع child booster و يكون رابط حزام الأمان

طبعا في المجمل انا بحب العربيه جدا ومفيش اي حاجه في نفس الفئه السعريه دي افضل منهابس طبعا الكمال لله وحده وعامه كلنا مستنين الريفيو بتاع حضرتك لما تستلم علي خير ان شاء الله هو ده اللي هيبقي فيه الزبد كلها

الف مبروك و استمع بالعربية و ربنا يكفيك شرها طبعا الكمال لله وحده أنا بس يمكن علشان متعود على النقطة دى من أيام الميجان فحاسس أنها مش مسببالى مشكلة...و متشكر جدا على شعور حضرتك الطيب و ان شاء الله أستلم على خير....تحياتى

[Silent~Dream]

ما شاء الله الفلوانس الفيس ليفت والشراكه مع نيسان ظهرت ثمارها كجوده و تقفيل و فخامه و اتزان و شياكه و اوبشنز العربيه بتقول بابا و ماما مفيش حد يبعد عنى ربنا يبارك لكل مقتنينها و يكفيهم شرها

[mostafa magdy]

أعيش أجمل قصص الحب مع هذه السياره :d <3 أتمني مراتي متشوفش البوست ده :d

[Mohatfhd]

case 2 دي مالهاش حل عشان الازاز يقفل مع السنتر هم طرقتين :
1-ضغطتين من الريموت ورا بعض بسرعه.
2-او ضغطتين من زرار مقبض الباب بسرعه

نظام القفل والفتح في العربيه دي تحفه بس اللي خانقني منه حاجه واحده انه بيجبر اي حد يقعد الاطفال ورا عشان يستخدم ال child lock لانه لو في طفل قدام سواء لوحده او علي رجل مامته شده واحده الباب هيفتح حتي لو كان السنتر مقفول (طبعا في كل الحالات ماحدش يقدر يفتح الباب من بره ) علي عكس العربيات الالماني لازم شدتين لمقبض الباب الداخلي عشان يتفتح طبعا التفسير الوحيد ياما هم بيعلمونا مانركبش الاطفال غير ورا او انهم فاكرينا هنا مقضينها baby seat و isofix وكده مش عارفين ان العيال عندنا رزله مابترضاش تقعد ورا وعايزه تتفرج ع الطريق

ههههههههههههههه صح