علبة الشكمان .... ليها حل؟؟

[Mohd_Adel_Amin]

السلام عليكم ورحمة الله وبركاته
ازيكو يا جماعة .. كل سنة وانتو طيبين

انا عندي ميجان 99 وكنت بعملها صيانة 150000 في توكيل العامرية وكان فيها مشكلة صوت بيطلع من الشكمان وصدمت هناك لما المهندس قالي ان علبة الشكمان الأمامية والوسط محتاجين يتغيرو طبعا صدمت لما سمعت السعر مش لما سمعت انهم محتاجين يتغيرو
العلبة الأمامية سعرها مش فاكر بالظبط بس تقريبا 4700 او في الحدود دهية طبعا انا مغيرتش حاجة
وسألت المهندس هل فيها ضرر لما تتساب قالي انها خانقة الموتور
يا ريت يا جماعة تفيدوني ان كنت اقدر اتصرف بأي طريقة في الموضوع ده علشان انا نفسي احل المشكلة لأن العربية دهية عربية ممتازة و مش بستحرم فيها حاجة بس بصراحة كده كثير قوي على الميزانية
مستني مساعدتكم واشكركم مقدما

[Abdo_Eldesokey]

بص يا باشا متهيألي لو عملتها برة التوكيل هتوفر معاك جامد

لأنهم في التوكيل بيضربوا االأسعار * 10

كان لسه فيه واحد هنا في المنتدى عمل الموضوع بطاع بطاحة المساعد

قالوله في التوكيل 1050 جنيه ... وكانت برة بـ 190 جنيه

مشكلة رينو فعلا ً في التوكيل النصاب ده ... غالي جدا ً جدا ً

ولولا كده بجد كنا جبنا ميجان 2 مكان الكورولا

[Mohd_Adel_Amin]

طيب أنا عندي سؤالين:
لو ليها حل هيكون ازاي وفين؟؟
ولو لازم اشتريها اشتريها منين بسعر أرخص؟؟

[Mohd_Adel_Amin]

وبالمناسبة أنا مش شايف توكيل رينو نصاب ولا حاجة بس هيه المشكلة ان أسعار قطع غيار الرينو غالية بشكل عام...

[Ahmed Selim]

بص يا باشا أسعار قطع غيار الأوروبى عموماً عالية

العلبة اللى قدام مشكلتها أن بيبقى فيها Catalytic Converter وده اللى بيخليه غالية جداً

يعنى أعتقد العلبة التانية سعرها مش هيزيد عن ربع الأمامية عشان هى علبة شكمان عادية جداً

ممكن حضرتك تشوف واحدة مستعملة أو تشوف حد بتاع شكمانات جامد بيكون عنده أنواع تانية بديلة زى Walker بس مش هتكون أرخص كتير

ربنا معاك و أبقى قولنا عملت أيه

[Mohd_Adel_Amin]

أوك يا باشا معلش هتعبك معايا لو تقدر تقولي على حد بتاع شكمانات كويس (ولو في اسكندرية يكون أفضل)
وهل عدم تغييري للعلبة فيه ضرر على الموتور؟؟
ولو حبيت اشتري مستعمل اشتريه منين واتأكد ازاي انه كويس؟؟

[Ahmed Selim]

و الله يا باشا أنا معرفش حد فى أسكندرية خالص

الوحيد اللى أعرفه وجامد أسمه المطراوى وموجود فى الحرفيين

ممكن يكون فى حل تانى أنك تجيب علبة من غير Catalytic converter لأن وظيفته حسب علمى تقليل السموم اللى فى العادم عشان البيئة وبالتالى الكلام ده فى مصر = 0

http://en.wikipedia.org/wiki/Catalytic_converter

بالنسبة للمستعمل.....العلبة العادية بيتكشف عليها عن طريق رج العلبة.......لو فى صوت شخشخة يبقى العلبة بايظة ( لو شخشخة عالية شوية ) بس مش عارف فى علب الكتالتيك بتبقى نفس النظام ولا لأ

[Ahmed Selim]

شوف اللينك دى يا باشا هى عن نفس المشكلة فى نوبيرا

http://www.nilemotors.net/Nile/showthread.php?t=38791

أنا أفتكرت لما قريتها أن الكتالتيك فى ناس بتملاه كاربون ( المكون الأساسى ليها ) وممكن زى الأقتراح اللى فى اللينك تعملها bypass أو تلغيها بمعنى أصح......

أنا عن نفسى لو مكانك لو الصوت مش عالى كبر دماغك لحد ما تبوظ خالص وفى خلال الوقت ده تكون سألت وعرفت ممكن تعمل فيها أيه بالظبط

[Mohd_Adel_Amin]

ألف شكر يا أحمد باشا على المعلومات القيمة .. ان شاء الله هنزل الحرفيين واشوف الموضوع ده عند المطراوي يوم الجمعة الجاية... دعواتك

[Sharky]

بص يا باشا متهيألي لو عملتها برة التوكيل هتوفر معاك جامد

لأنهم في التوكيل بيضربوا االأسعار * 10

كان لسه فيه واحد هنا في المنتدى عمل الموضوع بطاع بطاحة المساعد

قالوله في التوكيل 1050 جنيه ... وكانت برة بـ 190 جنيه

مشكلة رينو فعلا ً في التوكيل النصاب ده ... غالي جدا ً جدا ً

ولولا كده بجد كنا جبنا ميجان 2 مكان الكورولا

يا باشا
أولا البطاحة إللى كانت 1050 دى الأصلى التانية دى تقليد
ثانيا لو زى ما بتقول أسعر رينو غالية جدا جدا و جبتوا كرولا مكان الميجان علشان كده أحب أبشرك إن قطع غيار الكرولا الجديدة أغلى من الميجان أصلا

[Abdo_Eldesokey]

يا باشا
أولا البطاحة إللى كانت 1050 دى الأصلى التانية دى تقليد
ثانيا لو زى ما بتقول أسعر رينو غالية جدا جدا و جبتوا كرولا مكان الميجان علشان كده أحب أبشرك إن قطع غيار الكرولا الجديدة أغلى من الميجان أصلا

لا ياباشا أنا الكورولا الي معايا الشكل الي فات مش 2008
وفعلا ً كان قدامي ميجان 2005 وكانت ما شاء الله تحفة

بس لما سألت على قطع الغيار صرفت نظر تماما ً

[poopoo_966]

فى واحد بتاع شكمانات مشهور اوى قبل ما تدخل شارع عبد المنعم على الترام الراجل ده بيصنع و عامل شغل جامد بس برده استفسر عن كل حاجه و اشترى فى الكلام و لا تقول انا روحت التوكيل و لا غيره كل اللى تقوله شوف العربيه فيها ايه
ممكن ينفع لحام للعلبه و تبقى اخرت المشكله كام شهر

[Sharky]

لا ياباشا أنا الكورولا الي معايا الشكل الي فات مش 2008
وفعلا ً كان قدامي ميجان 2005 وكانت ما شاء الله تحفة

بس لما سألت على قطع الغيار صرفت نظر تماما ً

ما هو برضه يا باشا أسعار صيانة الكرولا الشكل إللى فات فى التوكيل أعلى من الميجان فى التوكيل
يعنى مثلا عندك الصيانة الشاملة بتاعة الكرولا كل 40 الف و الميجان كل 60 الف !!

[Mohd_Adel_Amin]

فى واحد بتاع شكمانات مشهور اوى قبل ما تدخل شارع عبد المنعم على الترام الراجل ده بيصنع و عامل شغل جامد بس برده استفسر عن كل حاجه و اشترى فى الكلام و لا تقول انا روحت التوكيل و لا غيره كل اللى تقوله شوف العربيه فيها ايه
ممكن ينفع لحام للعلبه و تبقى اخرت المشكله كام شهر

اوك يا سعادة الباشا ألف شكر على المعلومة ... دعواتكم

[poopoo_966]

ايه اخبارك العربيه اخبارها ايه