محتاج نصيحه فى اصلاح فتيس الميجان

[Ahmed Amin]

ليه يا جماعه ديه بلوف بتحدد مسار الزيت فى الفالف
يعنى مش عمرة ولا حاجه
لو البلوف بايظه هيبان من اول نقله يعنى لو العربيه تمام يمشى بيها عادى جدا
دة رأى والله اعلم

هيا مش عمرة أه,
بس هوا دلوقتي عنده نص زيت جديد ولزوجته حلوة,
علي نص زيت قديم لزوجته مش حلوة بيبقي في قربة الفتيس,,

فعلي ما الزيت يتخلط علي بعضه ويبقي كله واحد ممكن يحصل تفويت في النقلات لو قرص عليها في أول كام يوم,,
ومعظم اللي بيغير بلوف جديد او حتي زيت هيلاقي في تفويت خفيف بيحصل علي الغيار التالت تحديداً في أول أسبوع من تغير الزيت أو الڤالڤ.

عشان كدا يفضل أنو يمشي بيها هادي أول كام يوم.

[El Gen]

انا الحقيقه لسه قالاى ردودكم دلوقتى .... يعنى بعد ما سقت عليها امبارح و النهارده و عملت كل الحاجات الغلط :))
مشييت و هى بارده سنه (عشان اشوف المشكله) ... و عديت ال110 :)
بس مافيش مشاكل الحمد الله ... هى النقله بتتأخر سنه صغيره اكيد عشان موضوع الزيت ده ... حسوق على الهادى تانى شويه كده زى ما نصحتونى.
طلعتلى مشكله تانيه انهارده ... انا عارف ان ملهاش علاقه electronic fault ....حشوف بقه الستوب و الفيوزات و الكلام ده.
و شكرا للجميع على المساعده

[Ahmed Amin]

انا الحقيقه لسه قالاى ردودكم دلوقتى .... يعنى بعد ما سقت عليها امبارح و النهارده و عملت كل الحاجات الغلط :))
مشييت و هى بارده سنه (عشان اشوف المشكله) ... و عديت ال110 :)
بس مافيش مشاكل الحمد الله ... هى النقله بتتأخر سنه صغيره اكيد عشان موضوع الزيت ده ... حسوق على الهادى تانى شويه كده زى ما نصحتونى.
طلعتلى مشكله تانيه انهارده ... انا عارف ان ملهاش علاقه electronic fault ....حشوف بقه الستوب و الفيوزات و الكلام ده.
و شكرا للجميع على المساعده

ياباشا أنت معملتش حاجة غلط ولا حاجة,,
أحنا بنقول يفضل تعمل كذا بس مش شرط,,

أنت كويس أن كل حاجة عندك بقت تمام,, وتأخير النقلة سنه صغيرة دا هوا اللي كنت بحكي عليه في ردي الأخير,
عشان كدا حاول تمشي بيها هادي أسبوع كدا لحد ما الزيت كله يتخلط علي بعضه ويبقي حاجة واحدة ولزوجة متوسطة,,

المشكلة التانية دي في الغالب بطارية الريموت أو بطارية العربية,
أحسن تشوف الكود عاي الاسكانر بالظبط عند أي حد بتاع رينو قبل ما تلعب في علبة الفيوزات.
رجاءاً لو العلبة سليمة وحلوة متلعبش فيها عشان متقرفكش بعدين.

ومبروك تاني علي الصيانة,,

[osamaos20022]

مبروك الاصلاح لو سمحت التكلفه كام والوقت قد ايه وانغير كام فالف

[El Gen]

تقرير عن النتيجه:
المكان: توكيل رينو فى العبور
الاصلاحات:
1. تغيير سلوينيد فالف (soleniod valve) واحد
-------- 450 جنيه
2. تغيير زيت فيتيس (steering fluid)
------- 30 جنيه
3. مصنعيه 460 جنيه !!!

المجموع 1034

[medo_molto]

انا عربيتى 105 ألف كيلو واول مرة وانا ماشى بيها الصبح انهردة تعمل هبدة معايا وانا على التانى ويطلع لى check gearbox بطلت ومشيت راحت ودى اول مرة تظهر هل عشان انا طلعت بالعربية من غير ماسخنها ولا الفتيس كدا هيبدء يهزر ومحتاج حاجة مع العلم انى بسافر كتير بيها وبجيب 170 وبمشى كتير على سرعة 150 ومفيش اى حاجة ما شاء الله العربية زى الفل ...تفتكرو اعمل حاجة ولا اطنش يارجالة ؟

[proff]

انا عربيتى 105 ألف كيلو واول مرة وانا ماشى بيها الصبح انهردة تعمل هبدة معايا وانا على التانى ويطلع لى check gearbox بطلت ومشيت راحت ودى اول مرة تظهر هل عشان انا طلعت بالعربية من غير ماسخنها ولا الفتيس كدا هيبدء يهزر ومحتاج حاجة مع العلم انى بسافر كتير بيها وبجيب 170 وبمشى كتير على سرعة 150 ومفيش اى حاجة ما شاء الله العربية زى الفل ...تفتكرو اعمل حاجة ولا اطنش يارجالة ؟

سخن كويس وطنش

[El Gen]

انا عربيتى 105 ألف كيلو واول مرة وانا ماشى بيها الصبح انهردة تعمل هبدة معايا وانا على التانى ويطلع لى check gearbox بطلت ومشيت راحت ودى اول مرة تظهر هل عشان انا طلعت بالعربية من غير ماسخنها ولا الفتيس كدا هيبدء يهزر ومحتاج حاجة مع العلم انى بسافر كتير بيها وبجيب 170 وبمشى كتير على سرعة 150 ومفيش اى حاجة ما شاء الله العربية زى الفل ...تفتكرو اعمل حاجة ولا اطنش يارجالة ؟:o_stupid[1]:

بعد التجربه الى فاتت .... لو انت من الى بيحب يعمل كل حاجه فى العربيه اول بأول روح اكشف فى التوكيل و غالبا حيطلع سلونيد فالف و يتغير
لكن لو ممكن تستنى عليها و تتطنش لغايه لما تتكرر اعمل كده ... و لما تتكرر معاك روح التوكيل

[medo_molto]

شكرا يارجالة على الرد اولا ,ثانيا انا هبدء اسخن الاول واشوف الدنيا اية وهطنش مؤقتا وربنا سيترها ان شاء الله

[Ahmed Amin]

أخر مرة غيرت زيت الفتيس أمتي يا ميدو ؟

[medo_molto]

أخر مرة غيرت زيت الفتيس أمتي يا ميدو ؟

انا شارى العربية 90 ألف كيلو ومعتقدش ان الزيت اتغير قبل كدا يا أحمد ,وانا سمعت ان زيت الفتيس فى الميجان مدى الحياه ومش بيتغير , وبدئت اليومين دول اسخن قبل مطلع الصبح والحمد لله الدنيا تمام مع ان صوت العربية الصبح غريب شوية بس لما بتسخن الصوت بيروح وبتبقى عادية تقريبا على ما اعتقد ترس الديفزر والله اعلم

[Ahmed Amin]

مفيش زيت بيعيش مدي الحياة,,
أحب أوضح لك إن مفيش زيت في الدنيا Lifetime أو لا يتم تغييرة,
كل الزيت بتفقد لزوجتها بعدد ساعات التشغيل, وحتي لو الزيت فضل في العربية 3 سنين وممشيتش عليهم 10 الأف كيلو بيفقد خواصه,
ممكن تبقي تقرأ دا,

http://www.nilemotors.net/Nile/391835-2011-3.html#post3875304980

فاخلينا نتفق إن الزيت عمره الأفتراضي 60 ألف كيلو أو 3 سنين,,
لو أنت مش عارف المالك القديم غيره ولا لأ, ولو الزيت فضل في العربية أكتر من 100 ألف كيلو ساعتها يبقي أنت بتمشي علي زيت محروق ولزوجته رايحة,,
ودا مش هيخلي الزيت يقوم بوظيفته الأساسية وهيحصل أحتكاك دايم ما بين التروس بداخل الفتيس اللي هتعملك رايش في الزيت لأنك ماشي علي زيت عامل زي الميه ومفهوش أي لزوجة,

وبعد ما يحصل رايش المبرد هيبدأ يتسد, وهتبدأ البلوف والفالف بادي يبوظو وهتبدأ العربية تطلع معاك Gearbox fault
نصيحتي ليك لما تجيب عربية أوتو أستعمال أول حاجة تعملها تغير لها سير الكاتينة وزيت الفتيس قبل أي حاجة عشان تتجنب إي أصلاحات مكلفة خصوصاً لو مكنش معاك فواتير بتقول أنها غيرت زيت قبل كدا أو غير زيت بالزيت الأصلي بتاعها.

[solly1979]

الله ينور عليك يا Ahmed Amin
هو دة الكلام الصح

[Ahmed Amin]

الله ينور عليك يا Ahmed Amin
هو دة الكلام الصح

ينور علينا وعليك يا كبير,,

[medo_molto]

هو سير الكاتينة متغير فى 100 الف , بس زيت الفتيس فى اقرب فرصة هغيرة ان شاء الله مدام انتو شايفين كدا وربنا يستر ومدعيش عليكم