مشكله فتيس الرينو البايخه

[hayoub26]

بصرف النظر عن نوع الزيت اللي حاتختاره... انا لي تعليق على موضوع الهبدة ده ... أعتقد دي مش مشكلة فتيس
و لأن عادل زوايا (صقر قريش) حافظ مشاكل الفتيس ده كويس يبقى رأي اسأله الأول ايه سبب المشكلة
لو طلعت زيت زي مانت بتقول يبقى غيره بقه زي متحب

و لا اعتقد انها مشكلة سولونيد لأن الكمبيوتر مش بيدي معاك اي رسالة

لكن ممكن تبقى مشكلة شنابر و في الحلة دي هي تيقى زي اللي كانت عندي


أنا الحمد لله عملت صيانة الفتيس اللي اتكلمنا عليها (في موضوع مشكلة في فتيس الميجان 2006) عند عادل زوايا بصقر قريش من حوالي سنة دلوقتي و الحمد لله كله تمااااااام

عادل عملها بنفسه و دي من الحاجات النادرة اللي بيشتغل فيها بنفسه دلوقتي
خدت ساعتين زمن... و التكلفه 900 جنيه (300 شنابر +300 زيت+300 مصنعية)
و هو عملها باحترافية و كان حريص على عدم تعرض الفتيس للتراب

و على فكرة قالي مشاكل الفتيس بسيطة بس هي الحقيقة ان محدش بيعرف يعملها أو بيعرف الطريقة بس بيخاف يعملها لأن الفتيس ممكن يبوظ منه تماما

كمان سأته هل المشكلة يترجع بعد سنه ؟ قالي لأ طبعا لو ده حصل يبقى الشغل كان غلط أصلا
و كمان هو ركبلي شنابر الجديدة بتاعة الفلوانس و قال انها أفضل

يا جماعة نصيحة مني اي حد بيشتغل بره التوكيل يتعامل مع الراجل ده لأنه فاهم جدا و أمين جدا و دوغري

شكرا و أرجوا أكون أفدتكم

[Fancy_man22]

انا شخصيا عربيتي عاملة 185 الف بالزيت الاصلي مغيرتوش ﻻكن انا ناوي الصيانه الجايه ان شاء الله هغير الزيت بالنوع الى قلت لحضرتك عليه انا معرفش الزيت لونه ايه بصراحه بس تقريبا لونه احمر برضه مش ابيض و حضرتك بتوع البيجو والستروين بيحطو الزيت ده وفتيسهم هوهو فتيس الميجان يبقى منطقيا كده ازي الزيت هيدمر فتيس الميجان ومش هيدمر فتيس البيجو والستروين . عادل بيقول كده عشان التوكيل بيغير من الزيت العادي فهو حافظ مش فاهم
الحاجة التانيه كل الناس الى غيرت بالزيت المعدني ظهرت معاهم رسالة gearbox overhead فس السرعات العاليه وده مالوش غير تفسير واحد وهو اختلاف مواصفة الزيت الاصلي التخليقى عن الزيت المعدني الى اتحط في الفتيس

الاستاذ الفاضل عن تجربه و من اكتر من واحد شغال ف الفتيس دا و نصيحه ل وجه الله لو عربيتك فعلا عامله 185الف كم و مغيرتش زيت الفتيس قبل كدة متلعبش فى الفتيس خالص ولا تنزل الزيت و لا تغيرة لان الفتيس بعد 100 الف كم بيحصل الاتى بيكون فى رايش ف الزيت و مع زيادته بيعمل فراغات فكلاتشات الفتيس و الرايش دا بيملى الفراغات دى و نعومه الفتيس و سلامته بتعتمد على الرايش فى حاله ان حضرتك نزلت الزيت بعد ال كم الكبير دا الرايش هينزل و طبعا الفراغات الى ف الفتيس هتظهر و هتبدا مشكله تفويت الفتيس مع العلم ان مفيش صنايعى بيفهم ف الفتيس الميجان هيوافقك انك تغير الزيت
بالنسبه ل موضوع نوع الزيت و السلونايد روح اى مركز خدمة ( مش التوكيل )يغيرلك السلونايد و هيكلفك تقريبا 1200 جنيه و عليه ضمان سنه كامله و لو حصل حاجه ف السلونايد خلال السنه اطلع على التوكيل ( مش مركز الخدمه ) ب فتورة مركز الخدمه هيصلحوة على طول و هيحملو التكلفه على مركز الخدمه :d بالنسبه للزيت الى ف فتيس الميجان هو لونه ابيض انا شفته بعينى وهو بينزل من الفتيس عند 91000 كم ابيض ك الحليب ف ممكن يتغير بزيت من بيجو او ستروين مع العلم ان التوكيل بيقول ام زيت الفتيس توتال 40-5 و لا يتم تغيرة بل تزويد كل 60000 كم ولذلك لا يوجد صيانه دوريه ل زيت الفتيس او الفتيس
ارجو انى اكون افدتكم و لو ف اى حاجه انا معاكو انشاء الله