ايه النحس ده يا ميجان

[sehs15]

هوه الموضوع ده بالنسبه للميجان بس ولا ايه
اول مره اسمع ان لازم الواحد يدوس دبرياج وفرامل علشان العربيه تدور

للميجان بس

[sehs15]

يااااااه ده الموقف ده لسه حاصل معايا امبارح والله و ربنا يستر و ميحصلش تاني .. اللي حصل اني روحت الشغل و العربيه تمام التمام .. جيت و انا مروح بدور المارش شغال بس مش بتدور .. جربت كل حاجه وصلت بطاريه من عربيه تانيه و زقيت مفيش اي حاجه .. جبت ونش و وديتها علي الميكانيكي .. و في سكتي قولت امون ب 50 جنيه مع ان مؤشر البنزين كان قبل النص بشويه .. المهم وديتها للميكانيكي راح فاتح علبه الفيوزات اللي قدام و لعب فيها بدور مدارتش .. راح شايل الكنبه اللي ورا و خبط علي الطرمبه كذا مره وقاللي دور راحت دايره .. قاللي غالبه الطرمبه كانت معلقه و احتمال تكون عايزه تتغير و نصحني اغيرها في التوكيل

حد يعرف طرمبه البنزين فين برا التوكيل و بكام ؟

[ahmed1_com]

معلش انا تعبكم معايا ده من العشم من وحوش الميجان
طب يعني اخلي يغير البطريه ويجرب ولا ملهاش لازمه وهي مانيول لو عايز ازقها وارملها ممكن وازاي المشكله اني في العاشر من رمضان ولو كده مشعارف اوديها لمين لاني في العاشر مفيش حد بتاع ميجان لو ودتها لميكانيكي شاطر عندنا حينفع ولا ايه او كهربائي عنده كشف بالكمبيوتر في العاشر ينفع ولا ايه وكمان انا خليتو يخبط علي الطرمه وفك الفيشه وركبها بودو مفيش وهو بيقلي الطرمبه صوتها شغال عادي اعمل ايه دلوقتي وايه رايكم

[Hany Saad]

هوه الموضوع ده بالنسبه للميجان بس ولا ايه
اول مره اسمع ان لازم الواحد يدوس دبرياج وفرامل علشان العربيه تدور

فى الميجان المانيوال و كنوع من أنواع الأمان علشان العربية متنطش منك لقدام و أنت بتدور....لازم تبقى دايس فرامل أو دبرياج و أنت بتدور

[omar-saad]

فى الميجان المانيوال و كنوع من أنواع الأمان علشان العربية متنطش منك لقدام و أنت بتدور....لازم تبقى دايس فرامل أو دبرياج و أنت بتدور

واليارس فيها نفس النظام

[Hany Saad]

معلش انا تعبكم معايا ده من العشم من وحوش الميجان
طب يعني اخلي يغير البطريه ويجرب ولا ملهاش لازمه وهي مانيول لو عايز ازقها وارملها ممكن وازاي المشكله اني في العاشر من رمضان ولو كده مشعارف اوديها لمين لاني في العاشر مفيش حد بتاع ميجان لو ودتها لميكانيكي شاطر عندنا حينفع ولا ايه او كهربائي عنده كشف بالكمبيوتر في العاشر ينفع ولا ايه وكمان انا خليتو يخبط علي الطرمه وفك الفيشه وركبها بودو مفيش وهو بيقلي الطرمبه صوتها شغال عادي اعمل ايه دلوقتي وايه رايكم

الموضوع مش بطارية طالما فيه صوت مارش كويس
الموضوع هينحسر ما بين طرمبة بنزين و هو الأحتمال الأعلى أو حساس سرعة و هو الأحتمال الأقل
الحساس هيبان من كشف الكمبيوتر
الطرمبة هتفك الخرطوم اللى داخل على فلتر البنزين و ده مكانه تحت العتب الشمال فى منتصف السيارة...هتشيل الغطاء البلاستيك تحت السيارة علشان تكشف الفلتر... تفصل الخرطوم عند مدخل فلتر البنزين و تخلى حد يدور العربية و يكارك بنزين...لو لقيت البنزين بينزل من الخرطوم و بيرمى لقدام يبقى الطرمبة تمام و أكيد حساس أما لو مفيش بنزين أو ضغط البنزين اللى نازل ضعيف جداً يبقى طرمبة وش

[Dr.ahmed Uro]

أستاذ Meggiboy
انا اسف على الإزعاج .. انا عضو جديد فى المنتدى... بس متابعه من زمان .. وحبيت الميجان من كلامكم عنها ..
حضرتك كنت عارض عربيتك الميجان للبيع يا ترى اتباعت؟؟
وآسف على الإزعاج مره تانيه
شكرًا

[ahmed1_com]

الموضوع مش بطارية طالما فيه صوت مارش كويس
الموضوع هينحسر ما بين طرمبة بنزين و هو الأحتمال الأعلى أو حساس سرعة و هو الأحتمال الأقل
الحساس هيبان من كشف الكمبيوتر
الطرمبة هتفك الخرطوم اللى داخل على فلتر البنزين و ده مكانه تحت العتب الشمال فى منتصف السيارة...هتشيل الغطاء البلاستيك تحت السيارة علشان تكشف الفلتر... تفصل الخرطوم عند مدخل فلتر البنزين و تخلى حد يدور العربية و يكارك بنزين...لو لقيت البنزين بينزل من الخرطوم و بيرمى لقدام يبقى الطرمبة تمام و أكيد حساس أما لو مفيش بنزين أو ضغط البنزين اللى نازل ضعيف جداً يبقى طرمبة وش

شكرا جدا انا حنزل اجازه الحد وحجرب الي حضرتك قلت عليه بس العربيه خليجي ومصفحه كلها من تحت مش عارف الفلتر ده حيكون باين ولا ايه وكمان لو حكشف كمبيوتر لازم كمبيوتر الميجان ولا الكمبيوتر العادي بتاع العربيات كلها يشتغل عليه لاني ااكهربائي في العاشر عنذه كمبيوتر لكل العربيات يعني البيجو انا كشفت عنده قبل كده واشتغل عادس مش عارف ظروف الميجان ايه وهي العربيه فيها بنزين دلوقتي قليل عند الشرطه الاولي ده ممكن يكون ليه دعوه بالمشكله

[Hany Saad]

أستاذ meggiboy
انا اسف على الإزعاج .. انا عضو جديد فى المنتدى... بس متابعه من زمان .. وحبيت الميدان من كلامكم عنها ..
حضرتك كنت عارض عربيتك الميجان للبيع يا ترى اتباعت؟؟
وآسف على الإزعاج مره تانيه
شكرًا

منور يا دكتور أحمد....
للأسف أنا لسه بايعها إمبارح فى القاهرة....أن شاء الله حضرتك تتوفق فى واحدة حالتها كويسة
و تحت أمرك فى أى خدمة.....

[ahmed1_com]

!!!!!!!!!!!!!!!!!!!!

[ahmed1_com]

يارجاله انا عايز ازق العربيه وارملها ينفع في الميجان ولا ايه

[ahmed1_com]

!!!!¡!!!!!!!!!!¡!!!!!!!!!

[تامر.محمد]

يارجاله انا عايز ازق العربيه وارملها ينفع في الميجان ولا ايه

لو مانيوال بس
انما اي عربية اتوماتيك ما ينفعش تتزق و يترمي لها

[ahmed1_com]

لو مانيوال بس
انما اي عربية اتوماتيك ما ينفعش تتزق و يترمي لها

معلش تعبكم معايا
يعنط احط الكارت وادوس علي الستارت ولما تبطل مارش ادي غيار وازق ولا اعمل ايه عشان مفهاش كونتاكت

[تامر.محمد]

معلش تعبكم معايا
يعنط احط الكارت وادوس علي الستارت ولما تبطل مارش ادي غيار وازق ولا اعمل ايه عشان مفهاش كونتاكت

و لو اديتها غيار و زقيتها , على حد علمي المتواضع برده مش هاتدور زيها زي اي عربية اتوماتيك , و ممكن اوي تضر الفتيس كمان
هاتضطر تشيلها للاسف او تجيب الميكانيكي يشتغل فيها في مكانها طالما مافيهاش مارش
الحل بيبقى وصلة البطارية في حالة ان البطارية مريحة , اما حتة مافيش مارش دي فمش عارف

ماعرفش اصلا لو عربية مانيوال و المارش فاصل و اتزقت هاتدور ولا لأ


اضافة : انا قريت النقاش فوق , لو طرمبة بنزين و زقيتها مش هاتدور برده حتى لو العربية مانيوال , في الحالة دي لأن مافيش بنزين واصل للموتور