ايه النحس ده يا ميجان

[ahmed1_com]

انا اشتريت ميجان مانيوال 2006 والعربيه كويسه وكشفت عليها وكلو تمام العربيه اخويا جه يدورها لاني في الجيش ومركونه مرضيتش تدور ومفيش اي حاجه غلط في الشاشه ولا لمبه التشيك منوره هو اخويا بيقلي احتمال مفهاش بنزين لاني بيشغل العداد ال بيقول حتمشي قد ايه بيمتي زيرو بس انا قبل ما امشي كان فيها بنزين اه قليل تحت المؤ شر الاولاني بس العربيه ممشيتش رجاله الميجان شايفه ممكن يكون ايه العيب

[dr/hamza]

اخبار البطارية ايه

[ahmed1_com]

اخبار البطارية ايه

البطاريه تمام والمارش شغال تمام والكاسي والانوار شغاله تماك

[MAHMOUD MOHAMD]

بص حضرتك نفس الموقف حصل معايا النهارده كل حاجه سليمه بطاريه طرمبه بوجيهات موبينه وكنت راكب العربيه قبلها بالليل جييت ادورها النهارده مفيش والمارش كان شغال والحمد لله طلع حساس الكرنك واول لما غيرته العربيه روحها رجعتلها وروحى انا كمان العربيه النترا 2007 اوتو فشوف كده لعل وعسى

[ahmed1_com]

بص حضرتك نفس الموقف حصل معايا النهارده كل حاجه سليمه بطاريه طرمبه بوجيهات موبينه وكنت راكب العربيه قبلها بالليل جييت ادورها النهارده مفيش والمارش كان شغال والحمد لله طلع حساس الكرنك واول لما غيرته العربيه روحها رجعتلها وروحى انا كمان العربيه النترا 2007 اوتو فشوف كده لعل وعسى

مشكور جدا وانا ححاول احطها علي الكمبيوتر واشوف لو حساس الكرنك اكيد حيظهر علي الكمبيوتر

[Silent~Dream]

غالبا يا بطاريه يا مفيهاش بنزين لو مش اى حاجه منهم يبقى حطها على الكمبيتوتر و شوف نتيجه الفحص ايه و خير ان شاء الله

[Hany Saad]

هو احتمال هايف بس يمكن يكون هو.....يا ترى اخو حضرتك كان دايس فرامل او دبرياج هو بيدور؟؟؟
انت عارف انه من غير ما يدوس على حاجة من دول العربية مش هتدور....يا ريت تتأكد

[Shiref_mohamed]

هو احتمال هايف بس يمكن يكون هو.....يا ترى اخو حضرتك كان دايس فرامل او دبرياج هو بيدور؟؟؟
انت عارف انه من غير ما يدوس على حاجة من دول العربية مش هتدور....يا ريت تتأكد

هو بيقول ان المارش بيدور يبقى اعتقد انه لو مش دايس فرامل او دبرياج المفروض المارش ميدورش اصلا وبعدين تكتبله على الشاشه عشان يدوس فرامل ودبرياج كده صح ولا ايه ..

[ahmed1_com]

OTE=Silent~Dream;3875410120]غالبا يا بطاريه يا مفيهاش بنزين لو مش اى حاجه منهم يبقى حطها على الكمبيتوتر و شوف نتيجه الفحص ايه و خير ان شاء الله[/QUOTE]


لو بطاريه المارش ميشتغلش ولا الانوار ولا اي حاجه عموما حخلي اخويا يحطلها بنزين ويجرب لحد لما انزل اجازه وشوفها معلش تعبكم معايا

[ahmed1_com]

هو احتمال هايف بس يمكن يكون هو.....يا ترى اخو حضرتك كان دايس فرامل او دبرياج هو بيدور؟؟؟
انت عارف انه من غير ما يدوس على حاجة من دول العربية مش هتدور....يا ريت تتأكد

اه كان دايس فرامل

[Hany Saad]

اه كان دايس فرامل

طيب معلش خليه يدوس دبرياج للأخر بدل الفرامل...علشان ساعات سويتش الفرامل بيبوظ....جرب و شوف

[ahmed1_com]

طيب معلش خليه يدوس دبرياج للأخر بدل الفرامل...علشان ساعات سويتش الفرامل بيبوظ....جرب و شوف

داس ونفس القصه وجاب بنزين وحط بردو نفس القصه وقلتلو اسمع صون الطرمبه من ورا شغاله قالي اه شغاله كده مش فاضل غير حخلي بكوه يجرب بطاريه تانيه مع انها بتدي مارش عادي بس بيقلي انهارده اني لمبه البطاريه نورت مش عارف بقي العيب منها ولا ايه بس هي بتدي المارش عادي

[MAHMOUD MOHAMD]

لمبه البطاريه لازم تنور ودا طبيعى لانها نامت من كتر محاولات التدوير والمشكله مش هتخرج عن الحساسات

[sehs15]

يااااااه ده الموقف ده لسه حاصل معايا امبارح والله و ربنا يستر و ميحصلش تاني .. اللي حصل اني روحت الشغل و العربيه تمام التمام .. جيت و انا مروح بدور المارش شغال بس مش بتدور .. جربت كل حاجه وصلت بطاريه من عربيه تانيه و زقيت مفيش اي حاجه .. جبت ونش و وديتها علي الميكانيكي .. و في سكتي قولت امون ب 50 جنيه مع ان مؤشر البنزين كان قبل النص بشويه .. المهم وديتها للميكانيكي راح فاتح علبه الفيوزات اللي قدام و لعب فيها بدور مدارتش .. راح شايل الكنبه اللي ورا و خبط علي الطرمبه كذا مره وقاللي دور راحت دايره .. قاللي غالبه الطرمبه كانت معلقه و احتمال تكون عايزه تتغير و نصحني اغيرها في التوكيل

[amr011111]

هو احتمال هايف بس يمكن يكون هو.....يا ترى اخو حضرتك كان دايس فرامل او دبرياج هو بيدور؟؟؟
انت عارف انه من غير ما يدوس على حاجة من دول العربية مش هتدور....يا ريت تتأكد

هوه الموضوع ده بالنسبه للميجان بس ولا ايه
اول مره اسمع ان لازم الواحد يدوس دبرياج وفرامل علشان العربيه تدور