مشكله في الفلوينس فيس ليفت !

[saddam]

صدام يا باشا أنا بكلمك علي موبايلاتك الأتنين مقفولين .. إمبارح و مكانش معايا نت .. و كنت محتاس الصراحه

صديقي المواطن
متطلعش علي دعايات تشوه سمعتي أمام اﻷمم المتحدة ومجلس اﻷمن وكل الدول المعادية اللي بتكرهني أنا أساسا قريب جدا بفكر أكلم موبينيل تفتحلي خط السنترال عشان كتير من اﻷخوة المقاتلين في المنتدى بيكلموني حتى أحيانا ناس بتكلمني لما تعوز تحط غطا لبلف الكاوتش أو الشمبر فتلفوني شغال وإتصل وقت ما تحب ومش معنى إني مبتصلش بحد فيعني أنا شخص وحش بس صدقني أنا نازل فبريكة كده بستعمل التلفون للرد بس ونادر مبتصل بحد إلا لو وصلني أن عنده مصاب ومحتاج نوقف جنبه أو وفاة أو مرض وبتصل غير كده في أي حاجة تخص عربياتي غير كده مش دايما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Gamal.Eid]

أنا شاكر لكل واحد فيكم ..
مبدأيا أنا مكنتش مزودها خالص .. لأن فعلا انا واخد العربيه ناقصه زيت ..
ثانيا العربيه مش رخصيه
ثالثا العربيه زيرو لسه عامله 4000 قريب ..
رابعا ده حقي
خامسا أنا موسوس أساسا
سادسا أنا جايب زيرو عشان أريح دماغي
سابعا أنا أقنعت أكتر من حد بالعربيه و فعلا جابها .. دليل أني عاشق للعربيه دي فلما يحصل فيها أي حاجه حتي لو تافهه هتضايق

اللي حصل إني فعلا مكانش ينفع بأي حال من الاحوال أروح ابو رواش .. الزيت كان قليل جدا و الحمد لله إن ربنا سترها معايا ..
طول ما انا في الطريق من البحر الأعظم لأبو رواش الحقيقه تليفونات متواصله .. و ناس من التوكيل بيقولولي إحنا مع حضرتك خطوه بخطوه لحد ما نشوف فيه أيه و تاخد حقك ..
وصلت لاقيت رئيس الورش منتظر .. و فهم الوضه و قالي ساعه 60 دقيقه و عربيتك تكون جاهزه أيان كان أيه فيها .. و هو كان كلامه ذوق و متفهم ..
أقل من الوقت اللي أتحدد كانت العربيه جاهزه .. و تم تزويد الزيت فعلا .. و قيسته لاقيته حماده تاني خالص ..
و مدفعتش حاجه طبعا ..
بس بعد حرقه دمي كان لازم أكلفهم و أخليهم يغرموا قدر الامكان .. و ده برده حقي ..
و كويس الحمد لله إنها جت علي قد كده .. و كويس إني تأكدت بنفسي إنك لو في حاجه فعلا كل المستويات في التوكيل هتتحرك ..
و الراجل أخد رقمي و قالي هتابع معاك .. و كمان طلع عارف إني بعتت لرينو فرنسا .. و رينو الشرق الأوسط .. و رينو مصر .. و قالي يا فندم أي حاجه أتصل بيا أنا الأول قبل أي شئ .. عشان وقتك مش أكتر .. بس لو حصل مع أي حد حاجه يا ريت فعلا يمشي بالترتيب ده .. لأنه المقابله اللي هناك و حراره الأستقبال .. و الوقت اللي عربيتي خلصت فيه .. مكانش هينفع غير كده للأسف !!!

انا مش عارف أشكر كل حد رد إزاي و كل حد فضل معايا من أول المشكله لأخرها إزاي ..
بجد شكرا لكم جميعا ..

الحمدلله والف مبروك على سلامات الفلوانس وربنا يباركلك فيها

[sadkoooi]

يا راجل انت مكبر الموضوع ليه بس زود الزيت وخلاص طالما ما فيش تسريب او ترشيح زيت 0 العربية زى الفل ممكن تكون بخر زايد

[ALshahba]

فعلا توكيل محترم
وبجد عربيه بتحاكي صاحبها

وفعلا الصح اللي انت عملته ..... لانهم كده حيخلوا بالهم من كل عربيه يطلعوها ويفحصوها كويس

دمت فى امان الله

[mostafa magdy]

أشكركم جميعا .. أعزائي ..