رينو فلوانس 2014

[mrashadnt]

الف مبروك ياباشا واختيار موفق بأذن الله وان شاء الله مش هتندم علي اختيارها

كيفيه استلام العربيه:

1-لو هتستلم من التوكيل خد لفه حوالين العربيه واتأكد انها خاليه من ايه خدوش او حكات اما لو هتستلم من معرض يفضل تشوف حد بيفهم في الدهان يشيك علي العربيه في الفتره الاخيره بعض المعارض كانت بتبيع عربيات مرشوش اجزاء فيها نتيجه خبطات اثناء النقل الي المعرض.
2-الحاجات اللي بتستلمها مع العربيه هي اوراق (عقد بيع باسمك في رقم الشاسيه والموتور وشهاده البيانات بتاعه المرور ولو مفيش شهاده يبقي صوره الافراج الجمركي) ملحقات للعربيه (الكوريك ومفتاح العجل وطقم مسامير الاستبن وقاطره وطفايه السجائر وولاعه وأريال وحافظه فيها مانيوال العربيه بالانجليزي وكتاب الصيانه وكتالوج للكاسيت وكود الكاسيت في حافظه شيك عليها علامه رينو)

الحاجات المبدئيه اللي لازم تعرفها :

1-مع ان العربيه موتورها بيجي متلين جاهز لكن للاحتياط زي ما المانيوال بتاع العربيه بيقول او 1000 كيلو ماتخليش ال rpm يعدي ال 3 ل 3.5 وماتشغلش التكييف الا اما تكمل او 1000 كيلو علي خير بأذن الله
2-خلي الفتيس علي وضع الاوتو d اول 1000 كيلو وماتشغلش خاصيه الاستيب ترونيك دلوقتي وخد بالك ان العربيه طول مانت ضاغط علي دواسه البنزين الار بي ام هيعلي مش زي الاتوماتيك العادي لما تعوز تنزل الار بي ام تخف رجلك سنه من علي البنزين دي طريق سواقه الفتيس x-tromic cvt.
3-ماتفولش العربيه بنزين وهي دايره اطلاقا لازم تبطل الاول.
4-قبل ماترخص ابقي ظبط ضغط الاطارات لانها بتيجي مليانه فوق ال 40 خلي الامامي 32 والخلفي 30 وهواعادي مش لازم نيتروجين مش بيفرق كتير واشتغاله.
5-خد بالك العربيه ادئها هيتغير تماما بعد ماتعدي 3000 كيلو وبصراحه التغيير الفعلي عندي حسيته بعد 10 كيلو وغيار الزيت الاول.
6-اماتشغل التكييف خليه علي وضع اوتو علي طول واضغط علي زرار اعاده دوران الهواء recycle عشان تحس بيه ولو فيا ركاب ورا بالاضافه الي وضع اوتو اضغط علي زرار fast كمان عشان تزود كفاءه التبريد

يا باشا ربنا يبارك فيك وما يحرمنيش من نصايحكم ويا رب أكون اضافة للمنتدى في الفترة اللي جاية

[mrashadnt]

نفس الانطباع
من أول وهله والجلوس على كرسي السائق
الفلوانس بتعمل علاقة إنجذاب
ومحستهاش نهائي في الكورولا
مع ان كل كلامي وبحثي سابقا كان عن تويوتا وليس فلوانس

تسلم يا خالد بيه وزي ما حضرتك بتقول الفلوانس ليها سحر خاص

[ahmedelfeky]

متفق معك ياحمد بك
بس اختلف معك في نقطتين
النقطة رقم 2
موضوع علاقة الار بي ام بكبسة البنزين هو طبيعي جدااااااا في العربيات الاوتوماتيك بغض النظر عن نوع الفتيس كل الفرق انك بتحس بنقلة الغيار أكثر فالفتيس الاوتو العادي
لكن ال cvt شبه ملحوظ ومش بتلاحظه غير بالتدقيق الشديد

نقطة رقم 4 موضوع الفرق بين الهواء والنيتروجين
عليه خلاف كثير جدااااااااا
ويكاد يكون الفرق مش بنسبة كبيره
لكن منقدرش نقول إنها إشتغاله
عشان فألاصل بيتوقف على المركز اللي بتتعامل معاه
لان غالبا النيتروجين في المحلات بيبقا مضروب ونسبته قليلة جداااااااااا وأقل من 90 %
وفي ألاصل :-
الهواء يتكون من اوكسجين 21 % النيتروجين 78% غازات اخرى 1%
يعني مش هتحس بالفرق أوووي الا إذا كان التعامل مع مركز محترم زي بريدجيستون
ثبات الضط داخل إلاطار بالنسبة للنيتروجين أحسن من الهواء لان جزء النيتروجين أكبر من جزيء ألاكسجين فبالتالي خروجه من داخل إلاطار أصعب

والله ياخالد بيه بالنسبه لمعلوماتي في موضوع الفتيس كل العربيات الاتو العادي كل مابتزود ضغطتك علي دواسه البنزين ال RPM بيوصل لقيم معينه 2.5 او 3 او 3.5 وينقل للغيار الاعلي والسائق بيحس بالنقله انما في الفلوانس اول مابتزود بنزين ال rpm بعلي ويفصل تاني كأن العربيه زودت غيار اعلي بدون احساس نهائي بالنقلات لكن بعد كده ال rpm بيفضل يزيد وصولا ل 5 و5 ونص او حتي 6 rpm ومش هتقل قيمه ال rpmالا اما تخف رجلك ياريت اكون قدرت اوصلك وجه نظري في النقطه دي

اما موضوع النيتروجين زي ماحضرتك تفضلت وقلت ده اذا لاقينا بيور نيتروجن يبقي افضل انما خلينا عمليين شويه كام واحد هيبقي جنب بيته Bridgestone مركز نضيف وهل احنا هنعمل الاختبارت اللي شفناها كلنا في الفيديو ونشوف تغيرات الضغط بعد تطبيق درجه حراره زياده اكيد لأ
يبقي الحل السحري بقي علي رأي باسم يوسف كمبيرسور هواء ب 2 مكبس اللي بيوصل علي البطاريه مش الولاعه علي الاقل هيبقي ادق من بتوع الكاوتش اللي كل واحد فيهم شغال بعداد ضغط لولبي

[yasser100]

يا جماعه عايز افاده . انا باحجز الفلوينس فئة ال e3 اللى تمنها 169,500 روحت التوكيل لقيت حجز شهرين روحت معرض القرش اللى فى الميرغنى لقيتها و لقيت اللون اللى انا عايزه و بيبعها بنفس سعر الوكيل . اللى اعرفه انه العربيه لما مش بتكون متوافره و عليها حجز فى التوكيل لو لقيتها بره بتكون اوفر حوالى 3000 . فهل فيه حاجه بتكون مش مظبوطه فى العربيه و المعرض بيخلص منها و لا ده عادى و بيسيل فلوس بسرعه علشان يعيد دورانها ؟ و هل القرش سمعه كويسه ؟ افيدونى ؟

[the lawyer]

وهم حاجة وانت رايح تشتري العربية خد معاك سمكري محترم لاني عارف ان القرش ااعربيات بتتخبط منه ويوديها تترش وتتباع علي انها زيرو

[ALshahba]

بالنسبة للعدم الاستقرار علي الفلوانس او الكورولا ........... يوجد العديد من المقارنات وبيان كل ميزه وعيب فى كل سياره

بالاختصار :
اهم الاشياء فى الكورولا قبل الهاي لاين والاتي لاتوجد فى الفلوانس :
1- راكن تلقائي
2- متحكم فى السحب TC
3- الاتزان الالكتروني ESP

اهم الاشياء فى الفلوانس قبل الهاي لاين ولاتوجد بالكورولا:
1- فتحة سقف
2- مفتاح smart key
3- عدادات ديجيتال
4- مراه قفل اوتو مع السنتر

وياريت تشوف كل واحده علي حده وتختار من ارتاح له قلبك بعد الاستخاره
فى امان الله

[S O P H O S]

الف مبروووك مقدما
تستلم علي خير ان شاء الله

[mostafa magdy]

يا أخي حللت أهلا .. و نزلت سهلا .. و مرحبا بك وسط عائله الرينو الكريمه ..
تحياتي

[yasser100]

وهم حاجة وانت رايح تشتري العربية خد معاك سمكري محترم لاني عارف ان القرش ااعربيات بتتخبط منه ويوديها تترش وتتباع علي انها زيرو

شكرا يا ريس و ربنا يتممها على خير

[yasser100]

يا أخي حللت أهلا .. و نزلت سهلا .. و مرحبا بك وسط عائله الرينو الكريمه ..
تحياتي

شكرا يا مصطفى و عائله تشرفنى

[yasser100]

الف مبروووك مقدما
تستلم علي خير ان شاء الله

ربنا يتمها على خير انشاء الله و الف شكر

[yasser100]

استلمت الجميله فلونس e3rs اللى هيه تالت فئه اوتوماتيك بفتحة السقف ب179000 و اشتريتها من القرش لان التوكيل حجز لشهرين او اكتر و على حسب السعر وقت الاستلام و قلت اكتب انطباعى الاولى :
1- العربيه ما شاء الله من الداخل واسعه و مريحه نفسيا و ده يهمنى لانى طويل و مش باستريح فى اى عربيه , الشكل الخارجى الجديد مع فوانيس الليد تحفه بصراحه
2- الفتيس الاوتوماتيك و الموتور 115 حصان تحفه بصراحه انا سوقت عربيات اوتوماتيك كتير , الجيتا و الشيروكى و الكروز و التيوتا و الاوبترا ماشفتش فتيس ناعم بالطريقه دى و عدم احساس بالنقلات نهائيا و ده كان لاول مره ابهار بالنسبه لى اه انا سمعت كتير عن فتيسها الجديد لكن لم اتخيل الاداء ده بصراحه
3- العربيه تقيله و موزونه على الارض و عريضه
4- التابلوه الديجيتال الجديد تحفه فنيه و جذاب و الكاسيت 3D جبار
5 - ابواب العربيه ما شاء الله تقيله و محمله و تقفيل الصالون و الكراسى رائع و قمه فى الراحه
6 - كميوتر الرحلات و شاشة عرض الكاسيت و البلوتوت وضوح ممتاز و فيه تحكم فى الاضاءه
7 - العربيه فيها نظام امنى متطور حتى لو اشتغلت بكارت مش بتاعها بعد فتره بتدى انذار و بعد كده البنزين بيقطع عن الموتور
8- العربيه بتنزل بعجل بريدجستون الجديد و شوفت بينزل منها جوديير جنط 16 بوصه و الاستبن ميشلان 15 بوصه
9 - الملحقات اللى استلمتها كتالوجات العربيه و الكاسيت و الصيانه , عدة تغيير الاستبن ( الكوريك و مفتاح فك الصواميل و قاطرة للعربيه ) بس ما فيش طقم صواميل الاستبن اللى فى عضو هنا بيقول عليه , مش عارف هل ده فعلا موجود و لا لأ . لو موجود حد يفيدنى علشان اروح امسك فى رقبتهم

ده انطباعى الاولى و هافيدكم بالجديد

[ahmedelfeky]

الف مبروك الاستلام وربنا يباركلك فيها ويكفيك شرها خد بالك ماتقرصش علي العربيه لحد ماتكمل اول 1000 كيلو ماتخليش ال rpm يعدي 3 -3.5

تحياتي

[saint2011]

مبرووووووووووووووك يا باشا الفلوانس الجميلة ربنا يملهالك بركة يا ترى اللون ايه

[yasser100]

الف مبروك الاستلام وربنا يباركلك فيها ويكفيك شرها خد بالك ماتقرصش علي العربيه لحد ماتكمل اول 1000 كيلو ماتخليش ال rpm يعدي 3 -3.5

تحياتي

الله يبارك لك , انا مش بتاع قرص :)