نقص زيت للمره التالته .. فلوينس فيس ليفت !!

[mostafa magdy]

السلام عليكم ..

للي متابع موضوع الزيت بتاعي و مشكلتي .. و اللي مش متابع هختصر جدا اللي حصل

علي ال 4000 كيلو ظهرت لي رساله Top Up Your Oil Level روحت التوكيل .. زودوا ليا زيت و فهموني إن العربيه زي الفل .. أنا بس اللي إستلمت العربيه ناقصه زيت .. !!

و قالوا لي .. تعالي كمان 1500 كيلو نكشف تاني و نطمن ..
روحت علي ال 5500 أو 6000 و كان الزيت برده ناقص .. دايرتين من أصل 6 دواير في العداد الديجتال .. و 5 شرطات من أصل 28 شرطه بالقياس المانيوال ..

زودوا برده الزيت و كشفوا و قالولي العربيه زي الفل !!!

الوقتي بقا لاقيت برده العربيه ناقصه 4 شرط زيت من أصل 28 بس في 500 كيلو بس !!!

و لاقيت ناس عندها نفس المشكله ؟؟
نفس الموتور في نيسان جوك وواحد عمل معاهم مشكله عشان نفس السبب "الزيت" و مشاكل و قضايا و حمايه المستهلك ,, و غير تقريبا الموتور .. و باع العربيه و حقه الصراحه .. !!
انا الوقتي هفضل العربيه أمشيها تزويد زيت و يتقال لي العربيه زي الفل .. !!

أنا كتبت علي صفحه رينو مصر مبدأيا .. إني لا أنصح أي حد بشراء العربيه ده .. قولا واحدا و صريحا ..
تحياتي

[Hany Saad]

قلبى عندك يا دكتور مصطفى
مش عارف اقول لحضرتك ايه....اكيد نفسك اتكسرت من العربية و قفلت منها
على العموم مقدمناش حالياً غير التوكيل و ربنا يقدم اللى فيه الخير

تحياتى

[lanos2004]

لا حول ولا قوه الا بالله

[mostafa magdy]

قلبى عندك يا دكتور مصطفى
مش عارف اقول لحضرتك ايه....اكيد نفسك اتكسرت من العربية و قفلت منها
على العموم مقدمناش حالياً غير التوكيل و ربنا يقدم اللى فيه الخير

تحياتى

واحد لسه بيقولي كده يا باشمهندس .. قلت له الواجد مش هيقفل منها .. لإني فعلا عرفت ناس كتير أو ي و حبيتهم من خلالها ..
و حضرتك واحد منهم ..

[Hany Saad]

واحد لسه بيقولي كده يا باشمهندس .. قلت له الواجد مش هيقفل منها .. لإني فعلا عرفت ناس كتير أو ي و حبيتهم من خلالها ..
و حضرتك واحد منهم ..

القلوب عند بعضها و ربنا يديم المحبة
انا من ساعة الخبر ده و انا قالب النت تدوير يمكن الاقى مشكلة مماثلة نطلع منها بحل....ملقتش
على العموم نوع الموتور عندنا HR16DE
و بيركب على نيسان جوك و قشقاى و فرسا و هو ابتدوا يستخدموه من 2010

فعلاً ملقتش شكاوى منه على النت و لو انك قلقتنى بموضوع الجوك بتاع زميلك و كمان العضو المحترم Sadkooi حصل معاه

ان شاء الله خير و نطمن دايماً عليك

تحياتى لزميل محترم

[mostafa magdy]

الراجل بتاع الجوك .. خالد فولي كان معاه النهارده ..و هو مشكورا اللي إتصل بيا و قالي علي الموضوع .. و ربنا يسهل و نشوف هنعمل إيه لما نروح التوكيل يوم الأحد إن شاء الله

[ahmedelfeky]

لاحول ولاقوه الا بالله طيب سببه ايه مالازم حد يقولنا المشكله منين مش اجابات مبهمه من التوكيل وخلاص لازم يحطوا ايدهم علي المشكله

[mostafa magdy]

لا حول ولا قوه الا بالله

الحمد لله علي كل حال ..

[MohammedAladel]

منطقياَ كدا .... إلى أين يذهب الزيت ؟ إما أن يكون هناك أويل سيل يسرب الزيت خارج المحرك وسيظهر آثار الزيت على جسم المحرك من الخارج

أو يكون المحرك نفسه يأكل زيت زيادة عن النسبة الطبيعية ويخرج العادم لونه مهبب ورائحته قوية وغريبة

والمفروض الوقوف على هذا العيب من قبل التوكيل لان كل السيارات المزودة بهذا المحرك عرض لهذا العيب االقاتل

[simon659]

قلبي معاك يا استاز والله يعني اؤلك بعيها واخلص وواحد غلبان يلبس وانت كمان غلبان الموقف بصراحه صعب الواحد مش عارف يعمل ايه والبلد مش سهله كلو بقي لبط لازم قلت ادب علشان الواحد ياخد حقه

[mostafa magdy]

قلبي معاك يا استاز والله يعني اؤلك بعيها واخلص وواحد غلبان يلبس وانت كمان غلبان الموقف بصراحه صعب الواحد مش عارف يعمل ايه والبلد مش سهله كلو بقي لبط لازم قلت ادب علشان الواحد ياخد حقه

هو المشكله يا فندم إني مش بعرف ألبس حد ..
و عايز أقول لحضرتك كمان إني أنا كمان هلبس يعني ماشيه بتاع7000 كيلو هتبقي أقل من تمنها في السوق بمبلغ يكسر ظهري
تحياتي و أتمني أطلع بأقل الخسائر

[mostafa magdy]

منطقياَ كدا .... إلى أين يذهب الزيت ؟ إما أن يكون هناك أويل سيل يسرب الزيت خارج المحرك وسيظهر آثار الزيت على جسم المحرك من الخارج

أو يكون المحرك نفسه يأكل زيت زيادة عن النسبة الطبيعية ويخرج العادم لونه مهبب ورائحته قوية وغريبة

والمفروض الوقوف على هذا العيب من قبل التوكيل لان كل السيارات المزودة بهذا المحرك عرض لهذا العيب االقاتل

كلام حضرتك مظبوط جدا .. و الباش مهندس هاني سعد مشكورا نبهني لكده في أول المشكله خالص ..
و انا متابع .. يعني في أول ما بدور العربيه عشان في جراج لوحدي و مكتوم ..بشم ريحه وحشه أوي .. بس اللي هو ال co العادي ..
غير كده مفيش عادم له لون خالص ولا حاجه ..
امبارح 5 واقفين قدام الكبوت علي إننا نلاقي حاجه غريبه .. مفيش !!
و ربنا يستر

[mostafa magdy]

لاحول ولاقوه الا بالله طيب سببه ايه مالازم حد يقولنا المشكله منين مش اجابات مبهمه من التوكيل وخلاص لازم يحطوا ايدهم علي المشكله

إن شاء الله نلاقي جل يا أحمد باشا .. لما نروح يوم الأحد ..

[ahmed_m_ashraf]

هو حضرتك في الثلاث مرات دول زودت زيت في التوكيل صح؟ الكلام ده كان في فترة زمنية قد إيه؟؟ مش ممكن تكون تشغيلة الزيت فيها مشكلة والعيب من الزيت؟؟ في رأي لو متعرفش سبب واضح للحكاية دي إنت ماشي ٧٠٠٠، خليك ماشي لحد ال١٠٠٠٠ بس تابع الزيت كل شوية عشان ماينقصش، وفي صيانة ال١٠٠٠٠ خد معاك زيت مختلف وليكن ليكوي مولي أو أي نوع ترتاحلة وخليهم يغيروه هناك. بيرضو عادي طالما الزيت مطابق لمواصفات رينو مفيش مشكلة. وشوف بعدها النظام إيه. يمكن المشكلة تختفي وساعتها هتكون المشكلة في زيت التوكيل.

أنا متابع مشكلتك بقلق والله، الواحد كان إرتاح نفسيا للفلوانس :( إن شاء الله تون مشكلة أبسط مما تتخيل ومتخليش الوساوس تشتغل عندك عشان متقفلش من العربية وهي لسه جديدة. خير إن شاء الله

[hany63]

دلوقت المفروض حضرتك يحصل حاجه من اتنين
يا اما يعرفوا السبب و بعملوه انشالله يكون صاموله بجنيه
او الموتور يتشال بالكامل و يركب واحد جديد بس عشان ده يحصل هتعمل شكوى في حماية المستهلك و تصر فيها على تغيير العربيه بالكامل بس ياريت يكون معاك صور من اومر الشغل