نقص زيت للمره التالته .. فلوينس فيس ليفت !!

[Hany Saad]

دلوقت المفروض حضرتك يحصل حاجه من اتنين
يا اما يعرفوا السبب و بعملوه انشالله يكون صاموله بجنيه
او الموتور يتشال بالكامل و يركب واحد جديد بس عشان ده يحصل هتعمل شكوى في حماية المستهلك و تصر فيها على تغيير العربيه بالكامل بس ياريت يكون معاك صور من اومر الشغل

المشكلة المحيرة يا هانى بيه عند دكتور مصطفى أنه مفيش أى أثار لزيت بينقص إلا المقياس

بمعنى مفيش أى نوع من أنواع التسريب تحت السيارة.....مفيش نشع على المكنة من فوق و مفيش زيت محروق طالع مع العادم!!!!
يبقى اللغز أين ذهب الزيت الناقص؟

بحاول أدور فى كل الأتجاهات لعلنى أصل إلى إجابة و أقدر أساعد الراجل المحترم ده

تحياتى

[mostafa magdy]

هو حضرتك في الثلاث مرات دول زودت زيت في التوكيل صح؟ الكلام ده كان في فترة زمنية قد إيه؟؟ مش ممكن تكون تشغيلة الزيت فيها مشكلة والعيب من الزيت؟؟ في رأي لو متعرفش سبب واضح للحكاية دي إنت ماشي ٧٠٠٠، خليك ماشي لحد ال١٠٠٠٠ بس تابع الزيت كل شوية عشان ماينقصش، وفي صيانة ال١٠٠٠٠ خد معاك زيت مختلف وليكن ليكوي مولي أو أي نوع ترتاحلة وخليهم يغيروه هناك. بيرضو عادي طالما الزيت مطابق لمواصفات رينو مفيش مشكلة. وشوف بعدها النظام إيه. يمكن المشكلة تختفي وساعتها هتكون المشكلة في زيت التوكيل.

أنا متابع مشكلتك بقلق والله، الواحد كان إرتاح نفسيا للفلوانس :( إن شاء الله تون مشكلة أبسط مما تتخيل ومتخليش الوساوس تشتغل عندك عشان متقفلش من العربية وهي لسه جديدة. خير إن شاء الله

أشكرك لمتابعه مشكلتي بقلق .. و إن شاء الله خير ..
اه يا فندم المرتين اللي غيرت فيهم الزيت كانوا في التوكيل .. و المره التالته هي المره الحاليه اللي لسه معملتش فيها حاجه .. مش عارف المده الزمنيه بس هي كانت أول مره عند ال 4000 و التانيه بعدها ب 1500 كيلو يعني عند ال 5500
عايز بس أقول لحضرتك علي معلومه .. إن أول مره كلمتهم لما إبتدت المشكله .. قالي بطريقه عجيبه و شبه تهكميه " لما قلت له الزيت بتاعي ناقص ".. قالي غيرت الزيت بره !!!
للأسف أنا لازم أمشي معاهم جنب الحيط و أغير من عندهم لحد ما نعرف إيه المشكله ..

[mostafa magdy]

دلوقت المفروض حضرتك يحصل حاجه من اتنين
يا اما يعرفوا السبب و بعملوه انشالله يكون صاموله بجنيه
او الموتور يتشال بالكامل و يركب واحد جديد بس عشان ده يحصل هتعمل شكوى في حماية المستهلك و تصر فيها على تغيير العربيه بالكامل بس ياريت يكون معاك صور من اومر الشغل

هي الفكره يا أستاذ هاني .. إني مش مرتاح نفسيا لموضوع تغيير الموتور بس ده !!
حضرتك عارف الموتور لما يتغير حتي لو في التوكيل .. مش هيبقي زي بتاع الفابريكه ! و بعدين عربيه زيرو متغير لها الموتور !! مقلقه حبتين
و أنا أتمني إن الموضوع يطلع أبسط من كده و محتاجش ده كله خالص ..
تحياتي

[heeshooheeshoo]

هو حضرتك في الثلاث مرات دول زودت زيت في التوكيل صح؟ الكلام ده كان في فترة زمنية قد إيه؟؟ مش ممكن تكون تشغيلة الزيت فيها مشكلة والعيب من الزيت؟؟ في رأي لو متعرفش سبب واضح للحكاية دي إنت ماشي ٧٠٠٠، خليك ماشي لحد ال١٠٠٠٠ بس تابع الزيت كل شوية عشان ماينقصش، وفي صيانة ال١٠٠٠٠ خد معاك زيت مختلف وليكن ليكوي مولي أو أي نوع ترتاحلة وخليهم يغيروه هناك. بيرضو عادي طالما الزيت مطابق لمواصفات رينو مفيش مشكلة. وشوف بعدها النظام إيه. يمكن المشكلة تختفي وساعتها هتكون المشكلة في زيت التوكيل.

أنا متابع مشكلتك بقلق والله، الواحد كان إرتاح نفسيا للفلوانس :( إن شاء الله تون مشكلة أبسط مما تتخيل ومتخليش الوساوس تشتغل عندك عشان متقفلش من العربية وهي لسه جديدة. خير إن شاء الله

الموضوع فعلا محير .. وإن كنت غير مقتنع بدءاً بموضوع وجود عيب فى تشغيلة الزيت وإلا كان هذا العيب ظهر فى عدد من السيارات كبير جدا بطرازات متعددة وفى فترة زمنية محددة مما كان سيلفت النظر لوجود مشكلة عامة بالتوكيل ، وهذا مالم يكن له صدى بقسم رينو بالمنتدى (على الأقل) سوى حالة الأخ mostafa magdy
ربنا يجعله خير وتكون مشكلة بسيطة بإذن الله
وتقبل تحياتى ،،،

[MohammedAladel]

هل تعلم حضرتك كمية الزيت المزودة خلال المرة الأولى والثانية ؟

الطبيعى أن أى محرك يأكل نسبة من الزيت ( بخر الزيت ) مع الاستعمال وهذه النقطة تتوقف على عاملين حالة المحرك ونوع الزيت وأغلب أنواع الزيت فى السوق مثل شل وموبيل وتوتال وكاسترول نسبة بخرهم تتفاوت من نوع لآخر ولكن فى النهاية بسيطة ولا تستدعى تزويد الزيت

فلو كان الزيت مغشوش سيكون بخره عالى جداً وسيعلو صوت المحرك وأنا لا أعتقد وبفرض أن السيارة كان بها زيت ردئ ( احتمال بعيد جداً ) صعب أن التوكيل يقوم بتزويد السيارة بزيت مغشوش !

بالنسبة لتسريب الزيت ليس شرطاً أن يكون ظاهراً فوق المحرك أو على الجانب

التسريب أيضاً قد يحدث بين المحرك والجيربوكس وهذا يحتاج للنظر من آسف للتأكد من عدم وجود تسريب

ممكن حضرتك تنظر لغطاء ملء الزيت ومقاس الزيت ومدى إحكامهم وسلامة الأويل سيل بهم


Press ENTER to look up in Wiktionary or CTRL+ENTER to look up in Wikipedia

[eng_ah_xxxx]

يارب التوكيل يصل للمشكلة والله أنا أجلت شراء السيارة ولازم التوكيل يفهم انه كلم زاد الوقت والجوابات الغامضة انه بذلك يضرب سمعة الرينو فى مصر للأرض وينتهي كل المجهود الذي بذل فى السنوات الاخيرة للوصول الي هذه المكانه العالية علي فكرة أنا معي أوبل أسترا كوزمو تربو سيدان ٢٠١٣ وكنت ناوي علي الفلوينيس زيرو للمدام ومش عارف اعمل آيه بصراحة.

[hany63]

يارب التوكيل يصل للمشكلة والله أنا أجلت شراء السيارة ولازم التوكيل يفهم انه كلم زاد الوقت والجوابات الغامضة انه بذلك يضرب سمعة الرينو فى مصر للأرض وينتهي كل المجهود الذي بذل فى السنوات الاخيرة للوصول الي هذه المكانه العالية علي فكرة أنا معي أوبل أسترا كوزمو تربو سيدان ٢٠١٣ وكنت ناوي علي الفلوينيس زيرو للمدام ومش عارف اعمل آيه بصراحة.

مش كبيره الفلوينس على المدام يا باشمهندس ؟

[eng_ah_xxxx]

أسف علي تأخري في الرد ،صحيح هي كبيرة علي المدام بس لان نصف الوقت سيكون هناك سواق خاص ثقة علشان كدة أنا عجبني حجم العربية بس يارب يوصلوا لمشكلة زيت المحرك لأنني وقفت شراء حتي التأكد ولأنني أيضاً ساشتريها قسط

[MohammedAladel]

قارن جيداً بينها وبين الكورولا وتذكر أن الفلوانس فيس ليفت أما الكورولا جديدة كلياً