سخونة في كابينة الفلوانس - أرجو المشاركة بقوة

[a7med_3omara]

السلام عليكم

دي أول مشاركة ليا هنا ....

أولا أحب اشكر كل اللي وقفوا جمبي لحد ما اشتريت العربية وأخص بالشكر الاستاذ رامي رضا والاستاذ أحمد سرور - ربنا يخليكوا ويحفظكم ويباركلكم :)

الحمد لله انا معايا رينو فلوانس اوتوماتيك 2014 e2 بقالها اسبوعين بس - العربية مجملا الحمد لله تمام ولكن عندي المشكلة الفظيعة دي:

سخونة من فتحات التكييف ومن الكونسول من فتحات الكاسيت والتكييف - ومن تحت عند الدواسة - مع اعتبار اني دايس زرار قفل دايرة الهواء وكمان السخونة ملحوظة جدا اليومين دول وبالليل - الصبح طبعا مشغل التكييف - بس السخونة غير طبيعية بالمرة - حد هيقولي بسبب الماسورة اللي عند الدواسة - الماسورة دي أما لمستها بتلسع يا جماعة ازاي سايبنها كده!!! - انا هروح اكشف عليها في التوكيل بس خايف اخش ف حلقة مفرغة من المشاكل زي مشكلة اللوجان اللي قريت عنها - انا عارف ان التوكيل ممكن يزود العزل شوية - بس ازاي العزل ممكن يقضى على السخونة اللي جاية من الكنسول خصوصا الكاسيت انا لقيت تيار هوا سخن طالع من فتحة ال سي دي !!!

أرجو المشاركة والنصيحة بقوة المشكلة دي هتعملي عقدة نفسية منها! - ألف شكر ليكم مقدما

[EngAhmed13]

انا معنديش المشكله دي بتظهر فقط لما اطفي التكييف بالنهار في الشمس حتى بالليل مش موجوده

[Batman372]

مشكور على مشاركه الموضوع ...
العربيه معايا e3 بقالها حوالى ٦ شهور و مفيش اى حاجه من الى بتقولها عندى ...
روح التوكيل فورا لان اكيد في حاجه غلط و عايزه تتظبط ...
تحياتى ...

[a7med_3omara]

انا معنديش المشكله دي بتظهر فقط لما اطفي التكييف بالنهار في الشمس حتى بالليل مش موجوده

ألف شكر على ردك - انا مستنى ردود باقي الناس عشان اقدر اقيم المشكلة أكتر - ممكن تتطلع مشكلة عندي بس وده هيفرق كتير معايا ان شاء الله :)

[a7med_3omara]

مشكور على مشاركه الموضوع ...
العربيه معايا e3 بقالها حوالى ٦ شهور و مفيش اى حاجه من الى بتقولها عندى ...
روح التوكيل فورا لان اكيد في حاجه غلط و عايزه تتظبط ...
تحياتى ...

حاضر هروح التوكيل ان شاء الله وربنا يكرم - ألف شكر على مرورك وردك - تحياتي :)

[miceg]

روح التوكيل وافهم الموضوع بالكامل
ولو الحل من وجهه نظرهم معجبكش أطلب تغير العربية

[yasser100]

مش عارف اجاوبك , بس ما عنديش المشكله دى , اتكل على الله و على التوكيل و همه محترمين ما تقلقش خصوصا انها مشكله ظاهره و محسوسه زى ما بتقول

[a7med_3omara]

روح التوكيل وافهم الموضوع بالكامل
ولو الحل من وجهه نظرهم معجبكش أطلب تغير العربية

والله بالظبط ده اللي خطر ف بالي - ان شاء الله اعمل كدة - ألف شكر على مرورك واهتمامك

[a7med_3omara]

مش عارف اجاوبك , بس ما عنديش المشكله دى , اتكل على الله و على التوكيل و همه محترمين ما تقلقش خصوصا انها مشكله ظاهره و محسوسه زى ما بتقول

طيب ان شاء الله اعمل كدة - ربنا يقدم اللي فيه الخير

[Ahmad Sorour]

يا باشا العفو كلك ذوق الشكر لله أولا وأخيرا
حضرتك تروح التوكيل طبعا بدون تردد ولا تأخير لأن الموضوع ده مش موجود عندي ولا شفت حتى ماسورة عندي واضحة بالشكل اللي انت بتتكلم عنه
ثانيا العربية مازالت في ضمان الضمان الضمان (قبل 5000 كم) يعني ضمان تغيير سيارة بالكامل المفروض
غير ان المشكلة دي ممكن تسبب إصابات لا سمح الله إذا الماسورة دي انفجرت أو حصل فيها تسريب (ودي حصلت في كليو أو لوجان على ما أذكر قبل كده)
ما تمشيش من عندهم غير وانت راضي تماما عن حل المشكلة

[a7med_3omara]

يا باشا العفو كلك ذوق الشكر لله أولا وأخيرا
حضرتك تروح التوكيل طبعا بدون تردد ولا تأخير لأن الموضوع ده مش موجود عندي ولا شفت حتى ماسورة عندي واضحة بالشكل اللي انت بتتكلم عنه
ثانيا العربية مازالت في ضمان الضمان الضمان (قبل 5000 كم) يعني ضمان تغيير سيارة بالكامل المفروض
غير ان المشكلة دي ممكن تسبب إصابات لا سمح الله إذا الماسورة دي انفجرت أو حصل فيها تسريب (ودي حصلت في كليو أو لوجان على ما أذكر قبل كده)
ما تمشيش من عندهم غير وانت راضي تماما عن حل المشكلة

-------
حبيبي يا أحمد ربنا يكرمك انت أحسن ...

الماسورة مش واضحة للعين - بس لو مشيت بالعربية شوية ومديت ايدك هتلاقيها - هيا للأسف في تصميم العربية جاية من ناحية الماتور للكابينة من ناحية السواق - مش عارف ايه يخليهم يعملوا كده!

أنا هروحلوهم وربنا يقدم اللي فيه الخير ان شاء الله - وهبلغكم بالتطورات ان شاء الله

[Ahmad Sorour]

-------
حبيبي يا أحمد ربنا يكرمك انت أحسن ...

الماسورة مش واضحة للعين - بس لو مشيت بالعربية شوية ومديت ايدك هتلاقيها - هيا للأسف في تصميم العربية جاية من ناحية الماتور للكابينة من ناحية السواق - مش عارف ايه يخليهم يعملوا كده!

أنا هروحلوهم وربنا يقدم اللي فيه الخير ان شاء الله - وهبلغكم بالتطورات ان شاء الله

من غير تتقيل أتمنى تصورها لأني أظن اني مش فاهم مكانها بالظبط

[a7med_3omara]

من غير تتقيل أتمنى تصورها لأني أظن اني مش فاهم مكانها بالظبط

تحت الدركسيون الناحية الشمال من الكونسول هتلاقيها جوه الكونسول مش هتبان اللا امما تدخل راسك جوه

أنا هصورها حاضر وارفعها

المشكلة دي ظهرت كتير في اللوجان - بس اللي قالقني أكتر ان الحرارة داخلة على فتحات الكاسيت والتكيف! زي ما يكون فيه مشكلة في العزل من ناحية الماتور - اعتقد كل ده بسبب الماسورة اللي داخلة من الماتور للكابينة ومعدية على الكونسول

كل اللي محتاجه منكم ان حد بس يشوف هل فعلا الماسورة دي بتلسع لو حطيت ايدك عليها بعد اما تكون العربية دايرة ب دقايق

لو طلعت بتلسع عادي يبقى مشكلة عندي في العزل
لو مش بتلسع يبقى عندي مشكلة في الحرارة مع ان المؤشر في المنتصف عادي

[a7med_3omara]

---

---


----

[Hany Saad]

دى مواسير التكييف سخن و ساقع و اعتقد ده طبيعى....
حضرتك متاكد انك جايب بكرة التكييف على اللون الازرق مش الاحمر حتى و هو مطفى؟ لان العربية بتدخل هوا وانت سايق و لو كنت جايب بكرة التكييف على السخن حتى وهو مطفى هيجيلك هوا سخن جوه العربية
يا ريت تتأكد و تقولى.....

مبروك العربية و ان شاء الله تطلع حاجة بسيطة

تحياتى