سخونة في كابينة الفلوانس - أرجو المشاركة بقوة

[Hany Saad]

السلام عليكم ورحمة الله
انا حستلم فلوانس e2 اتوماتيك بعد يومين من توكيل رينو ان شاء الله. بس موضوع السخونية ده قلقنى أوى. وكمان الفئة اللى حشتريها مختلفة عن مواصفات e2 الموجودة فى اى معرض تانى. فمثلا الاطارات جنط 16 مش حديد 15. وزراير الزجاج الخلفى مش كهرباء. ومفيش وسائد خلفية للرأس. ومفيش فوانيس شبورة كما هو الحال فى فئة e2. بس salesman قللى ان الفئة ده منها عدد قليل وسعرها 150 الف. فهل ده شئ طبيعى؟ وهل فعلا ماتور ودربوكس العربية يابانى ؟ وهل هو 4 ولا 6 سرعات؟
وشكرا لسيادتكم

حضرتك حاجزها مع مين فى اسكندرية؟

[باسل]

توكيل رينو امام سان ستيفانو على الترام

[ashouhdy]

طمنا عملت اية

[Hany Saad]

توكيل رينو امام سان ستيفانو على الترام

طالما من التوكيل يبقى ده شىء مطمئن مبدئياً و هتلاقى دى فئة بكماليات أقل و ناقصة ٥٠٠٠ جنيه فى السعر
الشىء الوحيد الزيادة فيها هو الجنط ال 16
لو حضرتك مش فارق معاك فرق ال5000 جنيه و حاسس ان الكماليات اللى فى الفئة e2 اللى ب 155 الف مهمة بالنسبة لك زى الفوج و مخادع الرأس الخلفية و الزجاج الكهرباء الخلفى و خلافه....يبقى قول للمندوب انك عايز الفئة اللى ب 155 الف

تحياتى

[باسل]

انا فعلا كلمت المندوب وطلبت e2 ام 155.كده أفضل .هل جنط 15 يفرق كتير فى ارتفاع العربية عن ال 16؟
. اصل انا من قاطنى العجمى والمنطقة كلها مطبات. وايه رأي حضرتك فى العربية بوجه عام؟
ولك منى جزيل الشكر

[Hany Saad]

انا فعلا كلمت المندوب وطلبت e2 ام 155.كده أفضل .هل جنط 15 يفرق كتير فى ارتفاع العربية عن ال 16؟
. اصل انا من قاطنى العجمى والمنطقة كلها مطبات. وايه رأي حضرتك فى العربية بوجه عام؟
ولك منى جزيل الشكر

الف مبروك مقدماً
جنط ال 16 هيدي ثبات اعلى سيكا على السرعات العالية + بالنسبة ان حضرتك من قاطنى العجمى يبقى الجنط ال 15 أميز ليك
رأى الشخصى ان العربية فوق الممتازة: ثبات، عفشة ممتازة للمطبات و ناعمة بطريقة لا توصف، عربية أسرة بأمتياز، و عالية جداً عن الأرض، بالنسبة لى سحب ممتاز و استهلاك مثالى للبنزين و توكيل ممتاز
موتور و فتيس و تكييف يابانى من نيسان
العربية ثابتة نفسها جداً من 2010
تحياتى

[باسل]

1000 شكر لزوق حضرتك
وجزاك الله خيرا

[ENG.MaRk]

معلش هو حضرتك إزاي بتشغل التكييف و العربية من أسبوعين بس !!!
لحقت تعملها تليين امتي ؟!

[a7med_3omara]

طمنا عملت اية

ألف شكر على اهتمامك - للأسف كل مره أروح التوكيل وأرجع من غير ما المشكلة تتحل - هروحلهم الشهر الجاي أغسطس في الصيانة وربنا يكرم