Tweet
معظم الصنايعيه اللى اتعاملت معاهم فى الميجان
بحس انهم داخلين الشغلانه عافيه
هى العربيه دى كلها الغاز للدرجه دى ولا ايه ؟
يعنى مثال بسيط من فتره العربيه كانت بتبطل منى كل شويه سواء وانا ماشى او وانا واقف
روحت عند يجى 3 صنايعيه ومحدش فيهم عرف العيب من ايه
والجهاز مش مسجل اي شئ
وكأن العربيه عليها عفريت مثلآ !
لدرجه ان روحت عند واحد رشلى شويه ميه جمب الماتور
قولتله ده ليه بقى ؟ قالى الحساسات بتسخن ؟
قولتله وهى لما تسخن تبطل ؟ ما شاء الله كلامه مقنع الحقيقه
والمفروض كل واحد راكب ميجان يمشى بأزازه ميه فى العربيه
وعلى رائى اللى قال : اديها ميه تديك طراوه
المهم الحمد لله ربنا وفقنى وعرفت اوصل للسبب وهى ان فيشة حساس الكرنك مش راكبه فى الحساس كويس لأن القفل بتاعها مكسور
والحساس نفسه شكله كان وحش من التراب والزيت ونضفته ومن ساعتها العربيه اتضبطت وبقت 100 %
تانى مشكله خبط خفيف فى الفتيس عند النقل وكمان رجرجه فى العربيه عند الوقوف
وكلمت الميكانيكى وقالى شوف البوجيهات طب بص على الكويلات !
افادكم الله
وفى الاخر ربنا وفقنى وعرفت السبب وهى ان قاعدة الفتيس كانت بايظه وعايزه تتغير وغيرتها والحياه بقى لونها بمبى
تالت مشكله النقلات عندى كانت بتهييس
بمعنى اجيب الفتيس على ال p الاقى العلامه على الشاشه اختفت تمامآ والار بى ام مهيس وصوت زن جامد جاى من البوابه
وكذلك ال N نفس الموضوع
روحت اعرف ايه السبب وخير الله اما اجعله خير ده من ايه يا عم
قالى ده سويتش النقلات هو اللى بيهيس وعايز يتغير
اشتريه من عند بتوع الاستيراد وهات اركبهولك يا باشا
وبعدها بيومين لاقيت النقلات بقت مهيسه اكتر واكتر
المهم كنت فاتح الكابوت وبصيت على السويتش اللى تحت البطاريه ده الاسود
قولت يمكن عايز يتنضف نضفته كده من فوق
ولاقيت فيه مسمارين ماسكينه
جبت مفتاح نجمه وهويت المسمارين شويه
بحرك فى السويتش اكتشفت ان فيه رجلاش يمين وشمال
المهم روحت محركه اقصى اليمين ورابط المسمارين
وفتحت كونتاك قولت اجرب الغيارات
لاقيته مهيس على الاخر خالص
فكيت المسمارين وحركت السويتش فى المنتصف وربطت المسمارين
افتح كونتاك
والمفاجأه ان النقلات كلها اتضبطت ومن ساعتها الحياه بقى لونها بمبى ومافيش اي مشكله
حبيت اشارككم تجاربى للأفاده
وشكرآ
بحس انهم داخلين الشغلانه عافيه
هى العربيه دى كلها الغاز للدرجه دى ولا ايه ؟
يعنى مثال بسيط من فتره العربيه كانت بتبطل منى كل شويه سواء وانا ماشى او وانا واقف
روحت عند يجى 3 صنايعيه ومحدش فيهم عرف العيب من ايه
والجهاز مش مسجل اي شئ
وكأن العربيه عليها عفريت مثلآ !
لدرجه ان روحت عند واحد رشلى شويه ميه جمب الماتور
قولتله ده ليه بقى ؟ قالى الحساسات بتسخن ؟
قولتله وهى لما تسخن تبطل ؟ ما شاء الله كلامه مقنع الحقيقه
والمفروض كل واحد راكب ميجان يمشى بأزازه ميه فى العربيه
وعلى رائى اللى قال : اديها ميه تديك طراوه
المهم الحمد لله ربنا وفقنى وعرفت اوصل للسبب وهى ان فيشة حساس الكرنك مش راكبه فى الحساس كويس لأن القفل بتاعها مكسور
والحساس نفسه شكله كان وحش من التراب والزيت ونضفته ومن ساعتها العربيه اتضبطت وبقت 100 %
تانى مشكله خبط خفيف فى الفتيس عند النقل وكمان رجرجه فى العربيه عند الوقوف
وكلمت الميكانيكى وقالى شوف البوجيهات طب بص على الكويلات !
افادكم الله
وفى الاخر ربنا وفقنى وعرفت السبب وهى ان قاعدة الفتيس كانت بايظه وعايزه تتغير وغيرتها والحياه بقى لونها بمبى
تالت مشكله النقلات عندى كانت بتهييس
بمعنى اجيب الفتيس على ال p الاقى العلامه على الشاشه اختفت تمامآ والار بى ام مهيس وصوت زن جامد جاى من البوابه
وكذلك ال N نفس الموضوع
روحت اعرف ايه السبب وخير الله اما اجعله خير ده من ايه يا عم
قالى ده سويتش النقلات هو اللى بيهيس وعايز يتغير
اشتريه من عند بتوع الاستيراد وهات اركبهولك يا باشا
وبعدها بيومين لاقيت النقلات بقت مهيسه اكتر واكتر
المهم كنت فاتح الكابوت وبصيت على السويتش اللى تحت البطاريه ده الاسود
قولت يمكن عايز يتنضف نضفته كده من فوق
ولاقيت فيه مسمارين ماسكينه
جبت مفتاح نجمه وهويت المسمارين شويه
بحرك فى السويتش اكتشفت ان فيه رجلاش يمين وشمال
المهم روحت محركه اقصى اليمين ورابط المسمارين
وفتحت كونتاك قولت اجرب الغيارات
لاقيته مهيس على الاخر خالص
فكيت المسمارين وحركت السويتش فى المنتصف وربطت المسمارين
افتح كونتاك
والمفاجأه ان النقلات كلها اتضبطت ومن ساعتها الحياه بقى لونها بمبى ومافيش اي مشكله
حبيت اشارككم تجاربى للأفاده
وشكرآ
Comment