نتشه و رجه فى فلونس facelift 2014

[hossam adel]

عندى مصيبه و مش لاقيلها حل
عندى فى طلعه العربيه عند بالضبط سرعه 40-43 بلاقى العربيه بتنتش و بترجرج كده .فرحت التوكيل قالولى يافاندم كل الرينو كده. طبعا الكلام ده كان بيتقالى فى الموديل القديم واللى بعتها بسببه.فاقولتلو يا فندم ازاى الكلام ده المفروض الفتيس و الموتور ده عالج مشاكل الموديل اللى فات.المهم طلعت جربتها تانى معاه فظهرت المشكله و اعترف.وقالى هنعمل ريستارات للاعطال و كلو هايبقى تمام.و استلمت العربيه و مشيت من الزهق لان كان بقالى 6 ساعات فى التوكيل .و المشكله مازالت و زادت عن الاول. ومش هارف اعمل ايه

[ENG.MaRk]

الله الموفق يا باشا و إن شاء الله تلاقي الحل سهل

[Adnfalcon]

مفيش حاجه اسمها دا الطبيعي !! دول بيستعبطوا أكيب
العربيه فيها حاجه لأن دا مش طبيعي خالص

[M.Elwan]

ازاى عربية فيها فتيس cvt تنتش وتجرجرج !!!!!!

[Hany Saad]

مبدئياً الكلام ده مش طبيعى و مش موجود فى الفيس ليفت و اعتقد على حسب علمى مش موجود عند اى حد من الأعضاء هنا
العربية سواقتها زى العربية الكهربا و مفهاش اى نتشة او رجه على اى سرعة
روح التوكيل تانى و اسأل عن مدير مركز الخدمة و ووريله المشكلة و متمشيش غير لما المشكلة تتحل
خليه يجرب معاك عربية تانية ووريله انها مشكلة فردية فى عربيتك فقط

هل التنتيش عامل زى تنتيش الكهربا و لا تنتيش بنزين و لا تنتيش من الفتيس؟

هات الغيارات المانيوال و جرب و شوف ايه الأخبار و لو استمرت النتشة شوف بتحصل عند انه غيار و هل فى بدايته و لا لأ

المعلومات دى هتساعد ان احنا نحصر المشكلة علشان نسهل حلها

ان شاء الله المشكلة تتحل قريباً

تحياتى

[hossam adel]

[QUOTE=Hany Saad;3875625959]مبدئياً الكلام ده مش طبيعى و مش موجود فى الفيس ليفت و اعتقد على حسب علمى مش موجود عند اى حد من الأعضاء هنا
العربية سواقتها زى العربية الكهربا و مفهاش اى نتشة او رجه على اى سرعة
روح التوكيل تانى و اسأل عن مدير مركز الخدمة و ووريله المشكلة و متمشيش غير لما المشكلة تتحل
خليه يجرب معاك عربية تانية ووريله انها مشكلة فردية فى عربيتك فقط

هل التنتيش عامل زى تنتيش الكهربا و لا تنتيش بنزين و لا تنتيش من الفتيس؟

هات الغيارات المانيوال و جرب و شوف ايه الأخبار و لو استمرت النتشة شوف بتحصل عند انه غيار و هل فى بدايته و لا لأ

المعلومات دى هتساعد ان احنا نحصر المشكلة علشان نسهل حلها

ده بيحصل عندى نفس التوقيت اللى فى الموديل القديم تقريبا بين الاول و التانى و لما باجى اهدى السرعه و بسيب رجلى من على البنزين و الفرامل بلاقى العربيه بترجرج

[Hany Saad]

الموديل القديم كان فيه torque converter هو اللى بيعمل النتشة دى لما بيعشق
ال CVT مفهوش الكلام ده خالص و العربية ناعمة جداً
حضرتك حاسس الرجة او النتشة جاية من الفتيس؟
طيب جرب تمور العربية و تشوف هل اى نتشة بتحصل؟

مهم قوى حصر الرجة فى انه منطقة علشان نوصل للعلاج

تحياتى

[MinaMonir]

عندى مصيبه و مش لاقيلها حل
عندى فى طلعه العربيه عند بالضبط سرعه 40-43 بلاقى العربيه بتنتش و بترجرج كده .فرحت التوكيل قالولى يافاندم كل الرينو كده. طبعا الكلام ده كان بيتقالى فى الموديل القديم واللى بعتها بسببه.فاقولتلو يا فندم ازاى الكلام ده المفروض الفتيس و الموتور ده عالج مشاكل الموديل اللى فات.المهم طلعت جربتها تانى معاه فظهرت المشكله و اعترف.وقالى هنعمل ريستارات للاعطال و كلو هايبقى تمام.و استلمت العربيه و مشيت من الزهق لان كان بقالى 6 ساعات فى التوكيل .و المشكله مازالت و زادت عن الاول. ومش هارف اعمل ايه

الحمد لله ربنا كرمني و جبت فيس لفت كسر زيرو ( e3 عاملة 19000 كيلو) من اسبوع وانا مقتنع جدا بالعربية بعد ما قرأت كل مواضيعكم عنها و فعلا حبيت العربية جدا
بس
المصيبة
نفس المشكلة عندي بنفس التفاصيل علي قد فهمي من استاذ حسام و امبارح كنت في توكيل سموحة و بلغتهم بالعيب ( احساس برجرجة في الموتور اول ما تشيل رجلك من البنزين عند سرعة من 35 الي 40 بالظبط زي العربية المانيوال لما ترفع رجلك من الدبرياج و البنزين وتسيبها كدا فتهدي قوي) فتحس برجرجة
و عندي مشكلة تانية متحلتش و هي ان الار بي ام بعد اي مشوار بالعربية بيثبت علي واحد او اعلي شوية و بعدين ينزل لمستواه الطبيعي و يعلي تاني و يستمر كدا لحد ما تطفي العربية و تشغلها تاني.
وريت المشكلتين للمهندس في التوكيل و استلمت العربية بعد سبع ساعات( من 9 صباحا الي 4 عصرا) و قالي كله تمام.
قولتله هنجرب العربية مع بعض عشان عايز اعرف ايه اللي اتعمل قالي جرب انت و لو في مشكلة قولنا و مرجعتش لان كنت فعلا اتخنقت ان بعد 7 ساعات انتظار و الاقي نفس العيبين زي ما هما
مع زيادة الاحساس بالرجرجة عند التهدئة من سرعة 40
نفسي اعرف دي مشكلة ايه عشان بجد ابتديت اتخنق من العربية.
و شكرا مقدما لوحوش نايل موتورز

[yasser100]

ما فيش لا رجه و لا ناتشه فى الفيس ليفت , التوكيل بيستهبل , ممكن يكون سوفت وير

[ahmed mahgoub]

انا كمان عندي موضوع الرجة الخفيفة بس لما بيكون الار بي ام على 1000 لي 1150
وبردو لكا برجع من مشوار الار بي ام بيلعب من 750 لي 1000 او 1150
بس لسة ماظهرتش عندي موضوع النتشة والرجة اللي على 40 كم في الساعة. ( يمكن يكون عشان انا لسة مكملتش ال 3000 كم)

اللي انا حاسه انه عيب في دايرة الانجيكشن بس من ايه بالظبط مش عارف!!

[hossam adel]

قالولى ممكن يكون البنزين .فضيت التنك و حطيت منظف و مازالت مستمره
مفيش حد عنده اى واسطه فى اى توكيل يهتم بالموضوع ده شويه

[yasser100]

اعتقد علشان البنزين 92 , نفس المشكله اللى ظهرت فى الاسترا و كان حلها بنزين 95 , جرب حط 95 و شوف

[mrashadnt]

أنا أعتقد ان المشكلة مش بنزين خالص لاني بحط بنزين 92 وماعنديش الرجة دي خالص ... رأيي ان اللي يحصل معاه المشكلة دي يمسك في رقبة التوكيل لحد لما المشكلة تتحل

[hossam adel]

أنا أعتقد ان المشكلة مش بنزين خالص لاني بحط بنزين 92 وماعنديش الرجة دي خالص ... رأيي ان اللي يحصل معاه المشكلة دي يمسك في رقبة التوكيل لحد لما المشكلة تتحل

ان شاء الله فى اقرب وقت و هبلغكوا باللى حصل

[aymenhanafy82]

موضوع الرجرجة ده حصل معايا في الاول وروحتلهم معملوش حاجة وبعديها بفترة راح لوحده